لعريس في الصالة😂💖💖👍

عزيزتي الفتاة الليبية ادا رايتي عريس يوشوش في ودن عروسته
في الصالة وهما الزوز يوزعوا في الابتسامات والعروسة بالتحديد عششت في الضحكة ومعش بت تصكر فمها وهي تضحك وتفنص في الحاضرات ولسان حالها يقولوا مووووووووووتوا
عزيزتي نحب نقولك ميوجعكش خاطرك وردي بالك تفكيرك يمشي لبعيد وتحسابيه يقوللها في كلمة مليحة متع نحبك .. ونموت فيك والجو هداكا وانا نقولك شن يصير وكولي واشربي علي دوتي مضمونة👇𑰊1- لو العريس هامع حيقوللها ( وصي امك واخواتك يدسولنا من العشاء صنته واصله لبرا الصالة )
2- لو العريس بصباص حيقوللها ( وين اختي ايناس مهو جت معاي ) طبعا هو داير اخته ايناس سبلة ويبي يدور بعيونه في كل الصالة عاساس يدور في اخته
3- لو العريس قفاص حيقوللها ( هادي هي صالة 3000 دينار كان درتيه في جنان حوش بوك خير )
4- لو العريس خطير حيقوللها ( خيرا ايديك مصعقين شني متوترة ) ويمشيها بابتسامة ماكرة
5- لو العريس حشومي حيقوللها ( توا ارتحتي اهو خشيت للصالة وشافوني صاحباتك غر شنو خششني انا في وسط الانتايات )
6- لو العريس فهومي مش حيقول شئ حيقيم ايد العروسة ويبوسها او يبوس علي راسها اول ميخش بش يقيمها بيها قدام صاحباتها ويموتوا
وعلي فكرة احتمال كبير تكون العروسة مسمعتش ولا حاجة قالها العريس من دوشة الموسيقي لكن تضحك زعميتك قاللها حاجة مليحة
-وانتي من الاخير بكل ، متحرقيش دمك وقت تحضري عرس تسمسمي العشاء وروحي ع طووول ..😅😅😂

رنيـت بـالغلط والله 🐸

لا مـافيـش بـالغلـط انتـي بـديتـي حبيبتـي خـلاص ، شنـو تعشيتـي يـاعمـري 😂😂💔💔

🌚🌚💦💦