#قليل_الأدب
الحلــــقهه الســـ16دسه عشر:

اتفقت مع صاحب دولاب المطبخ وكنت جاي انا وياهم بيركبوه
لقيت رجاله فلحوش .؟؟؟؟

انا: تي كييييف صااااااار؟؟؟
الراجل: كيف صار؟؟
انا: تفضل يخونا؟؟ :/
الراجل: كيف تفضل ؟؟؟ انت اللي تفضل؟؟ :/
انا: هضاا حوشي ؟؟؟ -_-
الراجل: حوشك كيف حوشك؟؟ 
انا: انا شاريه من فتره ودافع فيه مبلغ ال30الف وعندي اوراق يثبتن 
الراجل: 30 هههههه به -_-
انا:؟؟؟؟؟؟؟
الراجل: من باع لك؟
انا: واحد اسمه بوبكر ال@#$
الراجل: بوبكر مفش حد اسمه بوبكر والحوش هضا ملك لعزوز كبيره اسمها سليمه -_-
انا:؟؟؟ ياراجل كيف يعني 
الراجل: ؟؟
انا: هضا حوشي ونا كملته وحطيت فيه حاجتي 
الراجل: بيناتنا المحاكم ومعندكش مشكله في شئ :)
~
~

عدينا شور محرر عقود وتناقشنا وطلع لحوش باسم العزوز والعقد والاوراق
اللي معايا مزورات رنيت .. عرفت وقتها ان سالم لعب عليا هوا واالي معاه
كانو الرجاله يحكو معايا ونا في عالم واحد اخر كنت حاط يديه ع راسي
طلعت من يالاهم وهما هرجتهم واجد ركبت في سياره قفلت فوني
وقعدت وولعتها وعديت مش فاطن الروحي وين ماشي كانت الساعه 10 منصدم
ومش عارف شئ كانت غمتلي ودموعي نزلن وزدت السرعه 
لقيت روحي في مشرق درست ونزلت في نص الطريق ..

~
~
~
~

حلا&مسعوده ع الارضي...

حلا: (تبكي) :'(
مسعوده: خلاص فوتيه شفتي لكم فوق الشهر لاكلمك ولا دورك -_-

حلا: تقول ماصدق ياربي :'(
مسعوده: خلاص خلاص أنس خلاص -_-
حلا: (تبكي) :'(
مسعوده: وانتي معش رنيتي؟؟؟
حلا: اخر مره بعد قتله ع نتيجته من بابا بعد رد عليا بستكراد معش رنيت :'(
مسعوده: خلاص انسيه :(
حلا: شن صار فيك مع عمر؟؟؟ شن قررتي؟؟ 
مسعوده: نبيه ونحبه وتأكدت اني منقدرش انعيش بلاه بنحكي مع هلي
حلا: تبيني نقعد معاك؟ :/ :'(
مسعوده: به تعاليلي بكره
حلا: به.. 
مسعوده: كنك
حلا: توا رنت عليا ساره.. نحسابها انس كل مايرن نقالي قلبي يدق ونقول بلكي هوا ويطلع مش هوا 

مسعوده: اقفلي نقالك حتي اسبوع هك وشيلي من راسك وتوا جاي رمضان 
نطلعو ونخشو ومحلات ولمات تو تنسيه والله تنسي :*

حلا: (تبكي) :'(
مسعوده: وانا مش حنسيبك ونقعد جنبك وبكره تعاليلي :(
حلا: وبعد بكره تو نديرلكن لمه عندي فلحوش انتي ورنا وساره :(

مسعوده: خلاص تمام اتفقنا :*
حلا: بكره فلعشيه تو نجيك ونحاولو نحكو مع امك 
مسعوده: به توا ارقدي تصبحي ع خير
حلا: وانتي من اهل الخير :(

صكرت منها وعاودت ع ساره..

حلا: الووو
ساره: اهلا لولو شنجوك؟
حلا: الحمدالله وانتي؟
ساره: الحمدالله مرايفه عليكن واجد :*
حلا: اهاا اكيده يعني حترايفن عليا :ح
ساره: متبطلش حركاتك بكل -_-
حلا: ههههه شنجو هلك؟
ساره: الحمدالله تمام وهلك؟
حلا: تمام قاعدين
ساره: شنجو أنس؟ 
حلا: خلاص انيس :(
ساره: كنه؟
حلا: مفش نصيب وخلاص
ساره: اممممم
حلا:؟؟؟؟
ساره: فرح خالي الاسبوع الجاي وو

حلا: اوك عادي مش بيناتنا عندي فستان لابسته مره وحده طويل هوا
تو نعطيه لك معش نبيه 

ساره:نجك ليا والله انخمم وتوا الفساتين غاليات وانتي عارفه
حلا: اهاا لالا اصلا انا معش نبيه مش خساره فيك
ساره: متقوليش قدام رنا ومسعوده؟؟
حلا: حاضر 
ساره: لو ندفعلك فيه حتي 50 يكون احسن؟؟
حلا: بطلي سماطه خوديه و50 خليه تحتك عارفتيني مش مستحقه
ساره: به مسعوده شايفته عليك؟
حلا: اممم معتقدش لبسته في فرح قريب ماما وبعدها قعد معلق فدولاب

ساره: اصلا بنعزمكن ع عرسه خالي ونبيكن تجن الاربعاء الجايه
حلا: انا اصلا بنديرلكن لمه بعد بكره انتي ودودو ورنا جيبيلي كرت عشان مننساش
ونعرف القاعه ومنها نعطيك الفستان :*

ساره: والله عسل رغم انك تفصعي الرقبه احيانا 
حلا: انا نفصع الرقبه؟؟؟ انتن احمدن ربكن ان انا مصاحبتكن -_-
ساره: ههههه شفتي شفتي :p
حلا: تبي تجي بعد بكره؟
ساره: اكيييييد,, شن صار فسيارتك؟؟ خلاص
حلا: خلاص عدت .. 
ساره: تاخد سوك
حلا: يالله 
ساره: لولو منكملش رصيدك تصبحي ع خير انتلاقو بعد بكره
حلا: خلاص اوك قود نايت

~
~
~
~
فكرت في كل حاجه درتها حسيت بتأنيب الضمير وسخت يديا ع فاضي معرفتش شن انقول لهلي بعد يسألوني؟؟ شن بنقول لهدي لترجا فيا؟؟؟
وحلا؟؟؟ حلا اللي ضحكت عليها وقهرتها وحرقت قلبها بسيارتها وبسيبتي لها
وربي؟؟ كان متت كيف بنقابل وجه ربي .. الحوش راح احلامي راحن 
كل مالها حياتي تعقد كل مالها حياتي تخرب ظروف دمرتني خلتني انتنازل
علي مبادئي.. وفوق هضا كله رفيقي؟؟؟ رفيقي اللي طعني فظهري 
رفيقي اللي جرني علحرام .. وباعني .. ضيعت روحي بروحي
قريب ال4 الفجر روحت ولقيت باتي يراجي فيا دو ادوا دوا وهزب
وامي تهزب وانت مش محسب ع حد وانت مش داير اهميه لحد وانت قليل
الادب وانت مش متربي وانت مش كيف خوتك وانا مرديتش بولااا كلمه
ونقالي مقفل وابراهيم ورايا يسأل فيا ونا منندريش عليه شن يخرط

مغيرتش دبشي ولا تعشيت رقدت من غير حتي من تغطي حولت المخده
من تحت راسي وحطيتها ع وجي رقدت...

نضت الساعه 3الظهر .. راسي ثقيل ..

لقيت امي راقده قدام التلفزيون ونور في دارها خشت للمطبخ حطيت البكرج
ع نار وحطيتله 3 كوشيك قهوه وكاشيك سكر طيبتها صبيتها فكباية مق كبيييره وطلعت قدام الحوش شربتها ولعت سبسي فجرت لاخر ومش فاطن لشئ تلاقيت مع حسام
ويهدرزلي ع محل وع بضاعه وانا مش معاه 

~
~
~
~
حلا شالتها امها عند مسعوده 

مسعوده: كنها امك مانزلت.؟
حلا: بتعدي لخويله جوجو وافقت ع عريس بيعدن لسوق من توا
مسعوده: ماشاءالله :*
حلا: (بصوت واطي) امك وين؟؟ :/
مسعوده: جواا :3

حلا: اهلا :)
عبير: اهلا بحلا كيف الحال ^^

حلا: كيف حالكم؟
عبير: الحمدالله كيف حال ماما وبابا؟
حلا: الحمدالله تمام ماما تسلم عليك :*
عبير: كنها ماجت معاك يابتي؟
حلا: توتي ع عرس خالتي وتسلم عليك واجد
عبير: ماشاءالله هذي اصغر وحده صاح؟
حلا: اهاا جوجو اصغر وحده 
عبير: ربي يهنيها لعيت من لخذاها؟
حلا: لعيت ال@#$%
عبير: ماشاءالله عرب بلاد واكيده خالتك تستاهل
حلا: تسلمي العقبه لدودو
عبير: العقبالك انتي وياها عاد كبرتن خلاص ^^
حلا: اممم 
مسعوده: لولو تعالي لداري
حلا: عن اذنك يابله ^^
عبير: تفضلي^^

وخشت حلا للدار ومسعوده صكرتها..
حلا: ماحكيتلهاش شئ ولا لمحتيلها؟؟ :o
مسعوده: ابدااا :/
حلا: ولا لمحه؟؟ :o
مسعوده: ابداااا :/
حلا: ولا سيره صغيره؟؟ :o
مسعوده: ابداااا :/
حلا: كلميها وامرنا لله :3
مسعوده: خلينا نتفقو قبل 
حلا: ها؟
مسعوده: انتي اللي احكيلها وقوليلها اني موافق هوانا نطلع من دار
ونخليكن برواحكن :(

حلا: ابدااااا :/
مسعوده: حرام عليك هههه :v
حلا: اققعدي معايا -_-
مسعوده: انا نبيك تقولي لماما ان انا نبيه وانا حنتحشم نحكي هك قدامها
سامطه مهما يكون

حلا: او ماااي قاااد توترت من توا انا
مسعوده: ماما مش حتقبل الموضوع وضروري مايعرفو ان نا نبيه
حلا: كلميها وامري لله
مسعوده: به

طلعت لامهاا

مسعوده: ماماا
عبير: في المطبخ
مسعوده: اممم
عبير: درتلكن عصير طبيعي جوافه 
مسعوده: امممم 
عبير: وشكلاطه تو نحطلكن نوعين عدي يالا البنت عليش مخلتيها بروحها
مسعوده: تو نا نوتي الصفره حلا تبيك عديلها :3
عبير: شن في؟؟
مسعوده: امم عدي تو تعرفي
عبير: ربك يستر منك انتي
مسعوده: (عضت فمها) 
عبير: تو نشوف شن تبي حطي في صفرة الضيوف باهي
مسعوده: باهي
طلعت امها وخشت للدار مسعوده ولقت حلا مقمعزه ع سرير

عبير: شن مخططات عاد مع بعضكن؟
حلا: ههههه كل خير
عبير: مانضني خير هههههههه
حلا: اممم والله يااباه عبير انتي عارف ان مسعوده في حد في بالها
عبير: كنه يبي يتقدم؟
حلا: ولد ناس ومحترم ويبيها بلحلال
عبير: به خليهم يتفضلو انتعرفو عليهم وانشوفو
حلا: بس في حاجه
عبير: قلت ان في حاجه... به واللي هيا؟
حلا: عمر أعمي 
عبير: كيف يعني؟
حلا: هوا بصيص يعني يشوف في كل حاجه بيضه قدامه
عبير: والله ربي يشفيه بس ان ياخذ بنتي لالا معلش
حلا: البنت تبيه وهو يبيها وو
عبير: انتي ترضيها في روحك تاخذي واحد هكي؟
حلا: والله ياابله
عبير: قوليلي ترضيها
حلا: نحنا حكيتلها من بدايه انا ورنا وساره بس هيا مقتنعه
عبير: شن ناقصها بنتي عشان اطيح هطيحه السوده هذي
حلا:؟؟؟
عبير: قوليلها تنسي الموضوع وتو ندير روحي ماسمعتش شئ
حلا: بس ياابله
عبير: خلاص ياحلا متخلينش نزعل منك سلم بنتي :)

خشت مسعوده بصفره..
بحتت في حلا ودموعها حلا قريب ينزلن مسعوده بحتت في امها
صبت عبير وطلعت من يالاهن

حطت الصفره ع طاوله..

مسعدوه: شن صار؟
حلا: قالت صكري الموضوع او تزعل مني

مسعوده قعدت تبكي وحلا تسكت فيها 

~
~
~
~

خشيت ع مغرب من قدام الحوش خشيت للدار وولعت النقال
وبدن الرسائل يجني مكالمات فائته من هدي وباتي وابراهيم وسعد وغير من امس

عاودت ع هدي:
هدي: واخيييييييييييييييييييراا
انا: اه 
هدي: حبيبي وينك معقوله هكي؟
انا: فدنيا الشينه قاعد
هدي: كنك يابيبي شن فيك؟
انا: قهر اللي مات تريح
هدي: بعيد السؤؤ ع قلبي نا
انا: تحبيني؟
هدي: نموت فيك انت نبضي ياروحي
انا: اه
هدي: اممم مقتليش شن صار في دولاب المطبخ؟؟ امي وخواتي هناء وهنيه بيشوفنه صورته ليا صاح؟؟

انا:؟؟؟
هدي: لاق مع الزواق زي ماقتلك؟؟؟ ريما بنت عمتي قالتلي تقدري اديري
شاشه بلازما حلوه اصغيره في المطبخ ههههه قلتلها بلكي لاقدام عاادي
انا:؟؟؟
هدي: عارف ياأنس شريت 4 مكينات مطبخ وشريت عرم اماعين وفي حاجات خذيتهن سرقه ههههه من حوشنا وامي ماتعلمش لقيتهن مصكرات هههههه

انا؟.....
هدي: عماتي منقهرات مني عشان بنطلع في حوش بناتهن كلهن في شقق طالعات ونا الوحيده اللي في حوش ماما قالتلي كنهو يالا مكان فاضي ديرؤ محلات 

انا:؟؟؟
هدي: الوووووو اونسي خش فتغطيه 

انا: معاك
هدي: كنك؟
انا: الحوش
هدي:؟؟؟
انا: خلاص معش فيه لا حوش ولا مطبخ ولا مسكن
هدي: انس؟؟
انا: الرجاله اللي باعو ليا ضحكو عليا وزورولي لاوراق 
انا: خلاص ضحكو عليا 
هدي: كيف ؟؟؟
انا: طلعن الاوراق مزورات 
هدي: انس بطل تشفيط را مش وقتك
انا: والله نحكيلك جديات الحوش ياخذ سوك
هدي: كيف ياخذ سوي كيف تي باهي وينهم اللي شريت منهم
انا: هربو وملهمش اثر 
هدي: (تبكي)
انا:؟؟؟
هدي: ملييييت خلاص انا معش نقدر انتحمل رااا كرهتني فلحياه
انا: (تنهدت) شنو الي فيدي انديره
انا: الوو 
بحتت في نقال لقيتها مصكره في وجي غمت عليا ضاق النفس
وقوت النهيده ..

~
~
~
~
ريما: تي كنك ؟؟؟
هدي: (تبكي)
ريما: انس فيه حاجه؟؟؟؟
هدي: مفش حوش مفش عرس مش عارف ليش انا مش كيف البنات حتي
فرحتي خساره فيا انا مليت ياريما مليييييييت
ريما: مش خذا حوش وبدا فيه؟
هدي: قال مزورات ما مزورات (تبكي)
ريما: فوتيه والله تفوتيه
هدي: كان لاقيه غيره انفوته
ريما: عندي خال صحبتي ايدور كبير شويه مواليد75 توافقي؟؟
هدي: (مسحت دموعها) واتي؟
ريما: بشقته وموظف وشكله كويس هيا جباته ليا بس نا حسيته كبير
هدي: وانس؟؟؟
ريما: انس لو يحبك را داير حل من زمااان شوفي الشباب اغلبهم فاتحين حواشين
وهوا ماد وجه صدقيني وافقي وفوتيه ومع هضا كله وصبرك ومعاناتك مش
مريح روحه ويكلم شفتي انا اول ماعديتله في المحل بحت فيا وعطاني الرقم
بكل سهوله

هدي: (تبكي)
ريما: را والله كويس وصحبتي تشكر فيه وقالتلي كريم وطيب وانتي مش اصغيره
يعني مناسب لك

هدي:؟؟؟
ريما: افسخي خطبتك منه وتو نكلم توا توا توا صحبتي ونشوفلك جوك
هدي: به كلميها قبل
ريما: بس اسكتي ومعش اترعشي روحك
هدي: قهر قهر
~
~
~
~
رن عليا سعد؟؟
انا: الو
سعد: تي وينك ياجحش؟
انا: قاعد
سعد: كنه صوتك
انا: مكني شي
سعد: ركبت الدولاب؟
انا: مصارش شئ
سعد: تي كيف صار؟
انا:؟؟
سعد: متبش تحكي؟ به قولي وين قاعد تو نجيك ؟؟
انا: فلحوش
سعد: خلاص مسافة الطريق
انا: اوك
سعد: اوك

~
~
~
~

حلا روحت بيها امها وروحت متنكده ع صحبتها ؟؟

وفي سياره:

زهره: كيف حالها عبير؟
حلا: كويسه
زهره: كنك متعقده؟
حلا: سيبت دودو تعبانه
زهره: عليش؟
حلا: (كشخت)ع فكره ابله عبير نوتي
زهره: هههههههههه 
حلا: نحكي جد .. شرت حاجه جوجو؟
زهره: خذت ورغان عرايس سمح وراقي 
حلا: بس؟
زهره: وبرمنا ع محلات الفيلوات 
حلا: بتأجر ولا بتشري؟
زهره: مزالت ماقررت بكره تو نعدولهم من صبح
حلا: جايتني صحباتي فلعشيه رنا وساره ودودو
زهره: كم لك ماشفتي جدك وجدتك؟؟
حلا: يامامي تو نشوفهم .. بعد بكره تو نعدي انتغذا
زهره: تو نوصيهن يديرلك موالح 
حلا: اها نبي كم نوع ونفكر ندير مكرونه بتقليه؟؟
زهره: خلاص وصيهن فلمطبخ تو يديرلك
حلا: امممم و3 انواع موالح ونبي حلويات نبيها عزومه سمحه
زهره: تو بكره في صبح قبل مانعدي لهلي نشوف شن ناقص ونقوللهن يديرن
ونجيبلهن انتي متحطش في بالك
حلا: ميغسي بكو^^
زهره: الله يربحك خليك فالانجيلزي فكيني منه الفرنساوي
حلا: هههههه
زهره: باهي مقلتيلش كنها نوتي عبير؟؟؟؟
حلا: قصقاصه مامي ههههه
زهره: احكي يابنت؟
حلا: متقدم واحد لدودو
زهره: به ماشاءالله
حلا: مبتش توافق 
زهره: وسبب
حلا: اعمي هوا
زهره: معاها حق الوليه كيف بتهني ع بنتها
حلا: اولا.. مش هوا اللي قرر ان يقعد اعمي وثانيا.. عيب منك ومنها لانكن متعلمات انتي محاميه وهيا دكتوره وهضا حد تفكيركن؟؟؟ ثالثا.. البنت تبيه وموافقه وراضيه

زهره: يابنتي هذي حياه زوجيه يعني مسؤوليه يعني اعيال وهضا عمي يعني كل
حاجه في راسها

حلا: به مثلا مثلا لو بكره خذت واحد اخر ويشوف وبعد اجوزو دار حادث وقعد معش يشوف هااا؟؟؟

زهره: مش كيف؟
حلا: البنت تبيه ومقتنعه بيه
زهره: توا تبيه بعد كم سنه من معناه ومن كبر المسؤوليه تكرها وتندم

حلا: وااااااوو بجد بجد ناس عمرها ماتقدم
زهره: صدقت انا لو واحد يجيك اعمي والله مانوافق
حلا: ياسلام حياتي انا اللي نقرر 
زهره: ؟؟؟؟ مش ملاحظه انك الفتره الاخيره قعدتي متنازله ع كم حاجه؟؟؟
حلا: كيف؟
زهره: قبل ولد عين لفلان وسياره الفلانيه وشهداده مش عارف شنو وتوااا؟؟؟
حتي لاحظتك يومتها بعد تحكي مع جوجو وع خطيبها قعدتي تقولي اهم حاجه
اخلاقه واهم شئ متمسك بيك ويبيك وووو؟؟؟

حلا: ءءءء عادي يعني مش عارف
زهره: انتي قبل مش هكي؟
حلا: كبرت وعقلت يكمن؟؟
زهره: انزلي انزلي .. زعمنا باتك قاعد
حلا: مش عارف مكلمتاش
~
~
~
~
مسعوده راقده ع سرير وتبكي .. ورن نقالها بحتت فيه لقاته
عمر:؟؟؟؟

ردت ...
عمر: راايفت نا؟؟؟
مسعوده: حتي نا
عمر: كيف حالك؟
مسعوده: (مسحت دموعها) الحمدالله وانت؟
عمر: الحمدالله تمام .. اممم شن صار؟؟؟
مسعوده:....

......................... يتبع