#قليل_الأدب
الحـــــلقـهه الثــــ13الثه عــشــر:

سالم: به صقد 

رنيت ع حلا ونا في سياره ..

انا: ها عسل شنجوو :*
حلا: الحمدالله تمام وانت؟؟؟
انا: لوز اللوز ..
حلا: بابا دور السياره و لعند توا مفش اخبار :(
انا: ان شاءالله يلقوها انتي بس متزعليش روحك :(
حلا: اوووف به وين قاعد؟؟ :/
انا: امم توا ماشي عندي موضوع وبعدها بنفتح المحل
حلا: به .. رد بالك من روحك ^^
انا: ورد بالك من روحي :*
حلا: حاضر
انا: قاعده فلحوش؟؟
حلا: نوتي في روحي :p
انا: ليش؟ 
حلا" اها جين عيت عمي عشان موضوع السياره :(
انا: وعليش توتي في روحك ؟؟  :3
حلا: اممم عادي يعني انا ديمه مهتمه بروحي؟؟؟ :/
انا: أحمد بيجي؟؟؟ :)
حلا: أنس بطل خلاص عاد :(
انا: به ديري اللي يريحك :)
حلا: أنس؟؟؟ :(
انا: هيا بنصكر.. :) 
حلا: به اوك :)

صكرت منها وغمتلي.. ومعرفتش ليش .. عدي تشو سالم ..

سالم: جبت فلوسك؟؟
انا: مزال انشوف قبل
سالم: به هيا

ركب في سياره..

سالم: زعلان ياعيوني؟؟؟
انا: ؟؟؟
سالم: أنس بجوو موضوع انت راا يعني رفيقك ويبي مصلحتك
انا: هنه 5 الاف يعني حصلت فجعتهن واستحقرت روحي وكرهتها ع فاضي
ياريتني حتي بعت سيارتي هذي راج بتلي

سالم: بيعها واشريلها وحده وعطيها لها هديه

انا: لو كان سيارتي تجيب سعر سيارتها كنت راجيتك.؟؟؟
سالم: والله انت معاك مبلغ اعتقد تقدر تشريلها وحده وفووت موضوع الحوش
انا: (بحتت فيه ورديت انسوق وقعد يوور ونافايته )

وصلنا للحوش ولقينا صاحبه فيه؟؟؟

هوا: اهلا وسهلا
سالم: ءؤؤؤ بكوري حبيبي
بو بكر: اهلا اسلومه شنجوو
سالم: تمام والله... انس :*
بوبكر: اهلا .. شن الاخبار؟ ^^
انا: الحمدالله تمام :)
بوبكر : تفضل تفضل خش

برمت في الحوش كان دايرين وحمام ومطبخ ووسط حوش كبير بس يبي
برمه بسيطه زواق وشيشمات وجو هكي ... 

سالم: هاا؟؟
انا: لا تم اوك 
بوبكر: يبي صيانه بسيطه ... :/
انا: ساهل .. ان شاءالله تم
سالم: خلاص انقولو مبروك؟؟ :*
انا: بارك فيك
بوبكر: را المنطقه هذي كويسه ومتشيلش هم شئ :*
انا: منور بوبكر

قعدت قريب ربع ساعه وردينا نا وسالم حطيته في شقته وجيت بنعدي

سالم: انزل؟؟؟
انا: بنروح
سالم: في ضيف غالي عليك :*
انا: من؟؟
سالم: انزل تو تشوفه
انا: يارا قول من ؟؟؟
سالم: هههههه واحد غالي عليك
انا: مروح نا
سالم: متبش تنزل؟؟
انا:..
سالم: عموما سأل عليك كم مره 
انا: تي من؟
سالم: انزل ماخاسر شئ :*
انا: به

نزل طبعا راقيلي منه ركبنا للشقه .. وفتحت سهر:

انا:؟؟؟
سالم: نوسه تعالي يانوسه جا ضيف عزيز وغالي :*
انا:؟؟؟؟

وطلعت نسرين .... :o :o

انا:؟؟؟؟؟؟؟؟؟؟؟؟؟؟؟
نسرين: (طبست راسها) :3
سهر: ...؟
سالم: نوسه طبعا ردت بروحها عجبها الجوو ^^
انا: كيف؟؟ :/
سالم: خش خش تو نحكيلك

انصدمت قمعزت ونبحت فيها..

انا: مش حطيتك بيديا فحوش هلك؟؟؟ شن لي جابك؟
نسرين: (تبكي)
سالم: اميتاب باتشان الممثل الهندي يبحث عن بطله لفلمه القادم
انا: ؟؟؟

سالم: سهر وتيتي كيف ماوصيتك؟؟؟
سهر: اهاا تعا وشوفهن
سالم: هدرز معاها قتلك ضيف مهم ناا ..

صبا من يالانا..

نسرين: (تبكي)انا كلمتك وقتلك نبيك ضروري انت معطيتنيش وجه
انا: وكان نا مرديتش اتردي هنا؟؟ :3
نسرين: صايرات مشاكل ع حوش وبنت عمتي تبي تبيعه وقالت فضنه
وخواتي منقدرش نقعد عند ولا وحده فيهن وين نعدي؟؟؟
انا: كيف انتي اصلا هلك طلقوك؟؟؟ :3
نسرين: قتلهم ان سهر صاحبتي عندها حوش وتشتغل وكويسه وهنا واثقات فيا
وطلقني بس قاللي انهن بيزورني :'(

انا: انا تقريبا اللي عليا درته بنروح سلام :)

نزلت لحقت عليا..

نسرين: انس؟؟؟
انا: خشي خلاص ...

نزلت وزادت غمة علياا سبحان الله بس بعد تبي تصكر تصكر :3

عديت للمحل وفتحته كنسته وغيرت الدبش اللي ع مليكانه
ودرتلهن استايلات وحركات وطرحات :3

وقمعزت وفتحت الاب بناخذ بضاعه وبنتفق مع واحد في تركيا
ان يدزلي موديلات معينه اخترت كم حاجه من نت
وزبائن يخشو ويطلعو والحمدالله وضع المحل خير من قبل بواجد

~
~
~
~
عمر: بس حرام الظلم ,,,
مسعوده: انا مقلتش شئ قلت يمكن؟؟؟ 
عمر: شن غايته مثلا هوا مستحق ...؟؟
مسعوده: معتقدش ان مستحق بس تعرف عليها فجأءه وحبها فجأه
عمر: بلكي حبها بجد
مسعوده: به انا مش متأكده بس هوا ارتبك بكل وقتها

عمر: حرام الظلم متشيلش ع كتوفك 
مسعوده: انا شن قلت توا لا اله الا الله 
عمر: وسعي بالك
مسعوده: عمر مادرهليش كبدي اللي فيا مكفيني 
عمر: ءءء به اوك اوك توا
مسعوده: براحتك بااي :)

~
~
~
~

هدي رنت عليا :

هدي: معقوله لك يومين لاترن لا تسأل علي مراتك؟؟ :(
انا: مشغول
هدي:انس انت تحبني؟ ♥ ???
انا: نحبك :3
هدي: به كنك معايا؟ :*
انا: انتي اللي كنك معايا .. كل همك الفرح وفايتيني :(
هدي: عشان نحبك ونموت فيك نبي يصكر علينا باب بلحلال
انا: عارفتيني ان نحبك؟
هدي: عارفتك اسمع توا ريما بنت عمتي واختي المتزوجه ماشيات للمول
انا: به؟؟
هدي: اممم بعد اذن بيبي نبي انعدي بناخذ كم حاجه؟؟
انا: من بيشيلكم؟
هدي: علي راجل اختي ؟؟
انا: به عدي
هدي:وفي طلب اخر ممكن؟؟
انا: انعم؟
هدي: هدهوده بتشوف حبيبها ممكن؟
انا:؟؟؟
هدي: بما انك مش مدورني ومعش طلبت تشوفني ولا ترايف عليا انا مرايفه عليك وبنشوفك غادي وبلمره نختارو كم حاجه مع بعضنا ؟؟ ممكن؟؟؟

انا: باهي خلاص انتي توصلي ديري برمه ورني عليا مول شنو؟؟
هدي: مول بنغازي اللي يالا جامع البدريه؟؟
انا: اوك باهي انتي اوصلي ونا نجيك
هدي: انحبك؟
انا: نحبك ..خطرهاا مفش مبروك؟؟
هدي: مبروكين بس عليش؟
انا: كنت عند الراجل اللي بنشرو منه الحوش وتم 
هدي: لللوووووولللي 
انا: وذني يانعنجد اصلك
هدي: هههههه من فرحتي :*
انا: فريتي الطبله
هدي: اسفه كنك رايح نكد ؟؟؟ :/
انا: لا جو تمام 
هدي: حسيت الروح ردت فيا مش مصدقه واخيرا
انا: بش تعرفي بس :p
هدي: عارفتك ياحووبي :*
انا: خلاص عدي وتي روحك وبعد توصلي غادي رني عليا 
هدي: علي قولتك تم يامعلم ههههههه 
انا: هههه مهزبه هيا باي :p
هدي: بااي

صكرت منها .. واذكرت ان لولو زعلانه مني رنيت عليها مرتين مردتش 
دزيتلها رساله"ردي ياشينه يامشفشفه ياحوله"

دزتلي رساله" نوتي غير زايد عليك"

ضحكت وليا وين ماعاد ضحكت رنيت عليها ردت:

انا:؟؟؟؟
حلا:؟؟؟
انا:...
حلا: الووو
انا: ناعليا زعلانه؟؟ :3
حلا: اها
انا: من المغولي اللي مزعلك؟؟ 
حلا: معش تغلط في حبيبي لو سمحت؟؟؟
انا: لالا بنغلط غبي هوا اللي يزعل في وحده زيك
حلا: لو تزيد حرف اخر ع حبيبي نصكر في وجك
انا: اوك ياواعر انت :*
حلا: اهاا
انا: كنك مارديتي ؟؟
حلا: كنت لوطه مع البنات
انا: احمد جا؟؟
حلا: اها جا^^
انا: سلمتي عليه؟
حلا: اها وقمعزنا وهدرزنا :p
انا: به منوره واجد هيا باي
حلا: انبصر معاك
انا:؟؟؟
حلا: اصلا بابا مش قاعد كيف بيجي؟؟؟
انا: من جا؟؟
حلا: اممم بنت عمي اميمه ومرت عمي ومرت خوهم وقاعده عندنا خالتي
انا: هضا كله عشان السياره؟؟ كان بطاح كيف ههههه
حلا: اهاا .. مش في سعر فلفجعه حد ذاتها .. وجعتني روحي سياره كيف هذي
بسهوله خذوها مني واللي يقولي مراقبينك واللي يقولي حد يعرفك وعارفك وين درسي
فيها لان لو حصل لمفاتيح بساهل يقعد في صعوبه ان يدورها وانت عارف الباركي
فيه فوق من 50 سياره؟؟؟

انا: ءءء اكيده,,, يعني اكيده مراقبك .. انا وصيتلك اصحابي كم واحد معرفه :3

حلا: نجك ليا انت .. اصلا انت الي مخفف عليا 
انا: الله يرحم ايام يااقاليل الادب :*
حلا: هههههههههه 
انا: تضحكي به تو نوريك :3
حلا: اصبر شويه خليك ع خط؟؟؟

انا: الوووووووو
حلا:....
انا: الوووووووووو
حلا: ...
انا: انتي هييي
حلا: مش قتلك اصبر؟؟
انا: لالا منصبرش نا
حلا: وين قاعد؟؟
انا: من للي كانت تحكي معاك؟؟
حلا: عليك اللي عازك اوذانك ههههه
انا: متعلمه النوتي ههههههه
حلا: سلم اللي متعرفه عليه هههههه
انا: هههه منوو بس؟
حلا: خويله نجوي قالتي بنعدو للمول عشان يغيرلي جوي بيتشيلنا
انا واميمه ومرت ولد عمي انغيرو جوو

انا: موووول .... :o :o :o
حلا: امم عارفه ان مفرؤض انقولك بس توا كيف قالتلي
انا: لالا متعديش :3
حلا: حرام عليك نفسيتي تعبانه بنطلع ندوهور شويه
انا: اممم به اطلعي مول شنو؟؟
حلا: لالالا رد بالك اتجيني بنت عمي معايا 
انا: تي منبش انجيك غير قولي مول شنو؟؟
حلا: الحياه مول
انا: اوك لالا عدي عدي تغيري جوو (اووووف) 
حلا: اهاا حتي نا قلتها 
انا: نجيك؟؟ :*
حلا: توا شن قلنا؟؟
انا: اهاا خايفه عشان بنت عمك معاك ومرت ولدهم متيبهاش توصل لاحمد؟؟؟ :)
حلا: اهاا انت هك حد تفكيرك؟؟؟ :/
انا:هضا الواضح؟؟ :)
حلا: به بنصكر باي
انا: بااي

صكرت منها وتعقدت منها ومن طريقة دوتها المستفزه .. معقوله مزالت تبيه؟؟؟
مش عارف ...

سعد: ههههه كنك تحكي بروحك؟؟؟
انا: ءؤؤؤؤ سعد خش ياطير؟؟؟
سعد: رايفت يابرؤؤؤ
انا: نا اكثر تي وينك وين ايامك؟؟
سعد: قاعد انت اللي مختفي لاتنشد لاشئ
انا: حسستني سنين مش شايفين بعضنا
سعد: قبل كم شهر كنه زي التوائم وين ماالنت وين ماانا
انا: الله الله
سعد: واللي صارلك صارلك قعد سالم اعزز مني 
انا: عيب ياطيري عارف روحك حبيبي
سعد: به شن الامور ماشاءالله المحل ماشيات اموره
انا: الحمدالله .. بس توا نبي واحد مضمون نشتغل معاه
سعد: كيف؟؟
انا: انت عارف نا ناخذ من هنا من رجاله يجيبو فلبضاعه في ليبيا
سعد: وبه؟؟
انا: واحد صاحب قالي جيب من تركيا احسنلك 
سعد: انا بنشتغل معا صلاح عرفته؟؟
انا: صلاح خو انور؟؟
سعد: هوا عنده محل ملابس لاكن شباب والاغلب بدل عرسان بنعدي نا
وبنختارله من غادي

انا: خلاص معناها تمام 
سعد: قصدك بنشتغل معاك ياشلتوت هههههه
انا: صقع عليك يامدود .. بس وريني قبل ماتجيب ذوقك سرافه 
ههههههههههههههه

سعد: حتي صلاح قالها ليا ههههههههههههه
انا: الحمدالله مش نا بس
سعد: به شن اخر الاخبار؟
انا: حددنا الفرح في نص 10
سعد: ءؤؤؤؤ مبارك ياخونا برفاء والبنون
انا: تسلم العقبالك ياطير
سعد: كنه جوك مش تمام؟؟
انا: لالا تمام التمام
سعد: عيب يارفيق؟
انا: والله وجيج ياسعوده
سعد: خطرها حصلت سكن؟؟ ولا بتأجر؟
انا: حصلت 
سعد: ؟؟؟ ومن وين؟
انا: عندي مبلغ زدت عليه حوش اصغير وفي منطقه بعيده
سعد: أنس؟؟؟
انا: هااا 
سعد: من وين لفلوس؟؟؟
انا: الشايب وسع علينا شويه
سعد: باهي تمام ربي يطول في عمره
انا: منور
سعد: الاسبوع الجاي ماشي تركيا
انا: خلاص معناها نوريك توا؟ شن تجيبلي؟
سعد: به ويني من لاب

كسدت نا وسعد قريب ساعه وهدرزنا ع شغل وع الجامعه وكان عارف
ان جوي مش تمام بس مبيتش انقوله

سعد: خلاص تم موضوعك
انا: المدام ترن شكلها وصلت خلاص نا طالع اقعد انت
سعد: مطولش؟؟؟
انا: تي شن وراك اقعد واسكت نص ساعه وجايك

طلع من المحل ركبت في سياره عاودتلها:

انا: وصلتي؟؟
هدي: اهاا ودرت برمه تعال منها بنشوفك ومنها بناخذ رايك في حاجه وين قاعد انت؟
انا: توا قدام المحل توا جايك
هدي: جيب معاك فلوس
انا:ز#$@ به _

رديت نزلت للمحل

سعد: هههههه كيف صار روحت؟
انا: حناطه تلعب عندك.. بناخذ فلوس .. 
سعد: به تمام
انا: سعد تصيبر حاجه رن عليا
سعد:...
انا: هييييي
سعد: شنو؟

برمت ولقيت بنت خاشه ...

انا: ءوووي؟؟؟
سعد: خلاص خلاص انت عدي توا
انا: لالا بنقعد مصارش^^
سعد: عدي خلاص ياراجل

البنت: السلام عليكم
سعد: وعليكم السلام تفضلي
انا:... 
البنت: وين صاحب المحل؟؟
انا: تفضلي؟
البنت: امس اختي خذت منك بطلون هضا
انا: اوك 
البنت: نبي انرده؟؟؟ نقدر؟؟؟
انا: لالا معلش انبدل في نفس اليوم بس رد لا وتوا حتي
تبديل لا لان ثاني يوم

سعد: لالا عادي ترا انشوفه
انا:؟؟؟؟
سعد: مفش شئ قاعد بالاستيكر متاعه 
انا: (بحتت فيه وفنصت) انا منردش؟؟
سعد: شوري نا كنك انت؟
انا: مش شوري
سعد: عدي للموعدك المدام تراجي
انا: كيف؟؟؟
البنت: معليش
سعد: معليش بس كنه نحكو هوا بكم؟؟
انا: 35 
سعد: تفضلي
البنت: شكراا معلش 
انا:؟؟؟؟ انا طالع

طلعت وخلته مع البنت..

سعد: مرتبطه؟؟
البنت لالا عليش؟
سعد: ناخذ رقمك عادي؟
البنت: به

~
~
~
~
وصل للمول ونزلت.. لقيتها مع البومه ريما واختها..

انا: اهلا
اختها(هناء): اهلا وينك معش شفناك
انا: (في عقلي دلاله مقطعه بعضها ع اساس) اهلا اهلا كيف حالك
هناء: الحمدالله كويسه ماشاءالله رايح كابر ومتغير

انا: (مسمطك) والله به تمام شن جو راجل ولاعيال؟؟
هناء: الحمدالله بخير هيا ريما خليهم برواحهم

ريما بحتت فيا من فوق لعند لوطه 
بحتت فيها وحطيت ايدي ع لحيتي ورفعت حاجبي 
(نظام اللي عادي ومصرش شئ ومنحسش فيك)

ريما: اهلا يااا ؟؟؟
هدي:أنس؟؟
انا: دايره روحك ناسيه اسمي ولا خلطو عليك؟ يااا بشري ^^
ريما: احترم نفسك؟
هدي: ريما لو سمحتي؟؟؟
ريما: اوك ياهدي منوره واجد

وعدت هيا وهناء

انا: كنها المتخلفه هذي؟؟؟
هدي: متعدلش عليها
انا: انتي اللي وصلتيني لهكي؟
هدي: كيف؟
انا: شئ 
هدي: شفت ورغانات في محل هضا يهبلن وطاولات 3 في بعضهن
رخاص؟؟؟

انا: هضا عليش جايبتيني؟
هدي: لالا بنشوفك وبلمره نشرو

برمت نا وياها وخذيتلها كم حاجه ع حسابي طبعا وركبنا فوق
خذيتلها سندوتشاوت قمعزنا انا مجتنيش نيه ناكل :#

هدي: انوسي عيب خود للاختي وريما 
انا: مش ملزوم نا اختك براجلها وبنت عمتك خللي لسانها ينفعها
هدي: بس نا عارفه انك كريم؟؟
انا: انا انس مش كريم
هدي: انوسي 
انا: وين ماوجك وين مانقق
هدي: عيب جايات عشان خاطرك
انا: شن يبن؟؟؟

شريتلهن حتي هنه ومش راضي مش علشان حاجه بس خساره في وجوهن
طبعا اختها زمان كانت معانا زمان في الجامعه وهيا اصغر من هدي 
متبش هدي تصاحبني عشان ع قولتها شلتوت واصغير وتبي اختها تصاحب
واحد اكبر مني عشان واتي ويخطبها ... وتبللي عليا وتقوللها اني نصبي مع 
بنات(صاح كنت نصبي مع بنات) بس والله نحبها وكبيدتي وتعزز عليا 
الخلاصه.. منحبش امها بككككل هناء هذي

~
~
طول وقتي مع هدي نفكر في حلا ونبحت في نقالي نقول بلكي ترن
ولا عبرتني.. لا رنت ولا عبرت

~
~
~
~

اميمه: لولو كنه راقيلك؟؟
حلا: كني شئ جو سمح
نجوي: شفتي الشناطي هذنه؟؟
حلا: معندش نيه نشري
ابتسام: انضني ناخذ وحده
نجوي: حلوات بكل موضه راا
اميمه: حتي نا عجبتني
ابتسام: لولو شن رايك؟
حلا: حلوه خوديها

ادهورن .. 
حلا: هيا؟؟
نجوي: مسمطك جاين نغيرولك في جوك وتقولي هيا
ابتسام: خلينه جو سمح
اميمه: عازمتكن ع حسابي 
نجوي: لالا عاد
اميمه: قدامي كلكن ولا كلمه هيا لولو

ركبن فوق وقمعزن..

(جاهن احمد طبعا متفق مع مرت خوه ابتسام واميمه اخته )

حلا: نحنا متفقناش هكي
نجوي: اسكتي كنك؟؟؟
اميمه: انا اسفه بس احمد يبيك

وجاهن احمد..

حلا: هيا خويله بنروح
احمد: حلا كنك؟؟
حلا: بنروح؟
احمد: انا نبيك؟؟
اميمه: ابتسام ونجوي هيا 
ابتسام: هيا هي

وقمعز هوا وياها..

احمد: ولدي جبته من فرنسا
حلا: به اختصر؟؟
احمد: قاعد عند ندي اختي وامي قالتلي تو انا نربيه
حلا:؟؟؟
احمد: حلا انا نبيك ونحبك 
حلا: ونا خلاص معش نبيك
احمد: حلا استهدي بالله وخلينا انتفاهمو
حلا: وبه؟؟؟

قعد يهدرز معاها ويشرحله ..

انا روحت من مول البدريه خطرت عليا ... قلت خليني انديرها لها مفاجأه ومراايف عليها :*

ونعديلها في الحياه مول .. ونشوفها من بعيد.. ..

~
~
~
~

سالم: ها بكووري وينك؟؟؟
بوبكر: ياهلا شن صار معاه الافندي؟؟
سالم: لا خلاص هوا بيشري
بوبكر: قصدك تم؟؟؟
سالم: تم ياعسل
بوبكر: هههههه واخيراا
سالم: قتلك حمار هوا وينضحك عليه به لاوراق وشهود؟؟
بوبكر: انت دير روحك بتساعده .. 
سالم: متاع من هوا لحوش؟
بوبكر: متاع جديده ههههههههه
سالم: كيف صار؟؟؟
بوبكر: العزوز واخذته شن صار في بضاعة رجب؟؟
سالم: ماشي موضوعها معايا وبعة منها .. 
بوبكر: اهم حاجه خليه يصقدنا را نا ماشي مصر الشهر الجاي؟؟
سالم: حتي نا بنعفس مصر .. شطبو عليا واجد هنا
بوبكر: عارفك واطي ههههههه
سالم: خلينا ناخذو 30000 متاعات هضا ونطيرو بيهن وقتي
وخليه لاه الحوش ههههه

بوبكر: خليه يقعد فيه كم شهر وتوا يطلعوه ويمدلهم الاوراق الفالح
سالم: خلاص بوبك رنا وراه وراه لعند مايشري 
بوبكر: تم يامعلم عارفك اصلي
سالم: طالعلك هيا اتشاو
بوبكر: تشاو

~
~
~
~

وصلت للسيدي حسين ودرست قدام المول ونزلت ...

...........يتبع