تفااااااعلو بليييييز 😢

#قليل_الأدب
الحلــــقهه العــ10ــــاشره

عديت شور المزرعه ... ونزلت

سالم: تعال ياطيري.. :*
انا: السلام عليكم
رجب: انستنا
سالم: جمال هضا انس رفيقي
جمال: مرحباا
انا: مرحبا
سالم: وهضا خالد
انا: مرحباا
خالد: انست ياطيري
سالم: أنوس رفيقي وفاهم الجو
رجب: من الاخير واحد اصلي ومفش منه
انا: تسلم يارجوبه مانك عادي
جمال: اهلا بيك بيناتنا ههههه :v
انا: تسلم منور
رجب: طبعاا عندي سلاح من نوعيه سمحه وسويسري كله ومجموعه كويسه
تسوي المجموعه حاجة 30000 الف تمام
خالد: تمام
رجب: نبيعهن لكم وانتم شوفو جوكم
سالم: فكره والله
جمال: والله ياطيري انا ناخذ منك 3 بس
انا: رجوبه منفهمش فيهن ومنبش انخش في وجيجهن
رجب: المكسب سمح انت شوف طرف تشريه مني 400 هوا اغلي
بس لان البضاعه مهلوته اصلا.. وانت تبيعهن باغلي
سالم: فكره والله
رجب: لبلاد غرقت بسيارات وكل من هب ودب خش ع تجاره ونزل سوقهن
تصور يومتها سياره سمحه تسوي راا فكيناها طروف جابت 900 جنيه بس

خالد: ههههه تعبتها اكثر منهاا :v
سالم: حتي نا معش يساعدني
جمال: ولبلاد خاربه خاربه لاحكومه لا يحزنون عيش المعيشي =D
رجب: من غير جمال؟؟
سالم: ونا ناخذ منك 2 كان انباعن بسعر سمح نزيد منك :*
رجب: معندكش مشكله... خالد؟؟
خالد: ناخذ منك واحد وانشوف جوي فيه
رجب: وانس؟؟
انا: لالا انا لا نفهم فيهن ولا عندي فيهن :3
رجب: بجوك ياطير ..
انا: تسلم نا مروح شباب توصو ع شئ :3
رجب: سلامتك
خالد: خلينه انشوفوك
جمال: حتي نا ب نروح اسمحولي
رجب: منورين
جمال: بكره نكلمك ونتفقوو
رجب: في أي وقت
سالم: انس استني نبيك

طلع ورايا يجري ..

انا: ايون؟؟
سالم: عندك افلوس كنك ماتفقت مع راجل؟؟
انا: فكني منه اللبزز هضاا وبعدين لفلوس خايف عليهن ومنبش نخسرهن
وبناخذ بيهن شقه

سالم: يعني تحط 1000 يردلك ب3000 تكرههاا
انا: وكان حطيته ومصارش شئ؟؟؟ انا من حوستك كلها 25000 منبش نخسرهن
سالم: حصلت شقه؟؟؟ وبعدين بيجبلك ع اساس را الشقق من 50 وفوق
انا: بسيارة البنت يقعدن 30000 .. تو ناخذ حوش اصغير في لكويفيا حيشنهم رخاص
خالد: له له له له له
سالم: من وين طلعت انت؟؟؟ :3
خالد: كنت وراكم سيارة منو اللي تبو تفكوها نساعدكم :*
سالم: لالا وليمة أنس هههههه :v :v
خالد: سمعتكم تقولو بنت؟؟؟
انا: خللي في حالك اخلوده هيا اتشاو :)

ركبت في سياره..
خالد: كنه هكي هضاا رافع خشمه سراق كيفه كيفنا :v
سالم: لالا انس جوه سمح :*

خالد: اول مره انشوفه
سالم: خاش جديد ملش فتره :3
خالد: سيارة من لي بيفكها؟؟
سالم: سيارة حوبه ههههههههه :v
خالد: معقوله ياراجل؟؟؟
سالم: اوك ياضمير هههههه :3
خالد: يستهلنها تلقاهن يجرن في جرته عشان شكله :p
سالم: دحناساات:3
خالد: محترمات غير ع وجوهنا قدام واحد سمح عازقات كرامتهن
وعازقات رواحهن :3

سالم: ههههه قالك
خالد: خلينه انشوفوك ياريس
سالم: تعالي في شقه كسد
خالد: جمال قال عندك بضاعه اررركح ياليد
سالم: ههههه تعال ومايهمك شئ انساعدوك :*
خالد: واطي من يومك ياسلومه
سالم: طالعلك يا @#$@
خالد: هههه تفووو
سالم: ع وجك لمحشن

~
~
~
~

مسعوده: ياماما ياماما منبش
امها: تبي تقعدي بلا زواج؟؟؟
مسعوده: مش وقته وامتحنات الفاينل الاسبوع الجاي
امها: وشن دخل العريس فلامتحنات
مسعوده: مامااا
امها: غمامه... كلمه وحده جاين بكره يعني جاين بكره
مسعوده: بتغصبوني قصدكم؟؟ :/
امها: لا منغصبك.. بس بلكي بعد اديري مقابله اتريحيله
مسعوده: لا نتريحله لا يتريحلي :3
امها: انتي يابنت
مسعوده: هاااا :(
امها: ميكونش غاويه حد؟؟
مسعوده:...
امها: احكي يامنجوهه
مسعوده: حاجه هك
امها: نهاري اسود من باتك
مسعوده: كنك كبرتي الموضوع
امها: من ولد عيت من؟؟؟
مسعوده:...
امها: تكلمي فيه؟؟ احكي يا بارده احكي
مسعوده: ماما نبي نقراا :/
امها: لا والله مانك قاريتيها لعند ماتحكيلي

وكرت منها مذكرتها... :3

مسعوده: ماما عطيني المذكره بنقراا
امها: احكيلي را نطلع وانقولها لباتك
مسعوده: ديري اللي ريحك
امها: مش خايفه؟؟
مسعوده: عارفتك مش حتقوليها
امها: احكي من ؟؟؟
مسعوده: واحد
امها: به؟؟؟
مسعوده: اسمه عمر
امها: به؟؟
مسعوده: فيه اعجاب بيناتنا
امها: منفهمش اعجاب ما اعجاب حركات فروخ وقلة ادب ميمشنش عندي
فاهمه يبيك يدق الباب

مسعوده: نشحت قدري وانقوله تعال اخطب؟؟؟
امها: وكنه مايفهم بروحه 7 البرمبه
مسعوده: ماما نبي نقراا
امها: يابنتي ياحبيبتي اسمعيني
مسعوده:؟؟؟؟؟؟؟؟؟؟؟؟؟؟؟
امها: انتي في سن مراهقه وحب واعجاب وجو هضا كله ينتسي يعني مثللا
واحد حبيتيه؟؟؟ ويقعد مش مناسب لك اووو حالته الماديه متضعضعه
يعني لو اجوزتو مع سنين الحب ينتهي وتندمي واااااجد

قريبي عبدالرحمان كويس وشاريك و واعد باتك ان يريحك ويسفرك ويدهورك
ويخليك تكملي قرايا ... بس هضاا

مسعوده: توا انتي شن تعرفي ع عمر عشان تحكي هك
امها: به احكيلي عليه هااا
مسعوده:؟؟
امها: احكي نسمع فيك.. معاك في جامعه
مسعوده: اممم لالا
امها:؟؟ ها
مسعوده: تعرفت عليه في مستشفي العيون
امها: ياسلااام
مسعوده: هااء شفتي عليش منبش نحكيلك؟؟؟
امها: سكتت .. احكي هي؟؟؟ سمعيني؟؟؟
مسعوده: عطاني رقمه وكلمته ولنا فتره طويله مع بعضنا
امها: ولد عيت من؟؟؟

مسعوده: السنه اللي فاتت درتي ياليبيا انقلاب كامل ع موضوع القبليه
وماتو شباب عرم وهضا كله مزالو في ناس متمسكين بجو هضاا ترقو ياليبين
رانا في 2012 ؟؟؟؟

امها: فكيني من الفلسفه وقولي ولد عيت من؟؟
مسعوده: لعيت#@$
امها: اححح عليك حاله وخلاص
مسعوده: اهم حاجه نا مقتنعه
امها: شن شهادته ؟؟؟ ولا طالب؟؟؟
مسعوده: اممم قاري في مكان خاص
امها: كيف مكان خاص؟؟
مسعوده: امممم
امها: احكي
مسعوده: يعني

رانياا: مامااا ماااماا
امها: هااا
رانيا: ماما ميدو ولدي يعيط شكلها بطنه توجع فيه :(
امها: اطبخيله قميله :/
رانيا: حي عليا ياماما خايفه معقوله عمره يوم نعطيه قميله :/
امها: ياربي يااربي تبن اتجنني انتن تو نجي نشوفه وانتي تو نكملو بعدين
ارتزعي اقري

مسعوده: حااضر

طلعت امها من دار وصكرتها رنت ع حلا وحكتلها اللي صار..

حلا: بس انتي ضرؤري ماتحكي معاها
مسعوده: خايفتها ترفض
حلا: بس هوا هك من ربي يعني
مسعوده: ماما انتي عارفتيها يالولو
حلاا: معتقجش,, لان امك متعلمه ومثقفه
مسعوده: الا فلموضوع هض هيا اصلا مش متقبلتني ناخذ
واحد عادي او فقير يا واحد رتش يابلاش

حلا: عمر معنداش شئ؟؟؟
مسعوده: لالا مرتب ضمان .. ويساعد في هله في صرف
هما واجدين ومرتب الضمان شويه

حلا: حتي شقه معنداش؟؟؟
مسعوده: لالا هوا قالي كل حاجه عليه وقالي ان حالتهم ع قدهم وان
بلا شقه وقالي منبش نضحك عليك

حلا: به ولعند امتي؟؟؟
مسعوده: مش عارف اللي نعرفها اني مستحيل انسيبه عمر شاف من دنيا
واجد والله نفسيته كانت 0 بعد نا تعرفت عليه قعد يضحك
ويبصر وديمه يقولي انتي احلي حاجه بحياتي

حلا: حب ولا شفقه؟؟؟
مسعوده: انا فلبدايه كانت شفقه بس كل يوم ننعجب بيه اكثر شخصيته
دودته تصرفاته وطموحه

حلا: مش عارف شن انقولك
مسعوده: حلا انا مستحيل انخيب امل عمر فيا وانا منخذش واحد غيره
حلا: ديري اللي يقوله لك عقلك ولو انتي متأكده انك تريحي معاه خلاص
مسعوده: بس ماما؟؟
حلا: انتي قوليلها ان هوا بصيص وقوليلها انك مقتنعه
مسعوده: خايفه .. بس نا ح نقعد عليه ومنخذش غيره لعند ما يقتنعو
حلا: امممم زعلتيني عليك .. شن صار في رانيا ووبيبي؟؟
مسعوده: يهبل طشششه لحمه حره وخلاص طلعت من المستشفي علينا وماما
تعاني كلعاده

حلا: ءؤؤؤؤؤ حبيبي يالوحي شن سموه؟؟؟
مسعوده: أحمد علي شايبهاا
حلا: صوري ب فون متاعك
مسعوده : صورته تو ندزهن لك ...شن صار في قليل الادب ؟؟؟
حلا: طيوب وعسول ويغيرلي في جوي انا اول مره انتعلق بحد هكي
مسعوده: بس حلا رد بالك منه
حلا: حتي نا مرات نخاف ومرات نقول لروحي انا اصلا ديمه خايفه
مسعوده: افطنيله را يقعد متاع بنات
حلا: بس طحت فيه ياأنتي شن اندير؟؟
مسعوده: اؤؤؤلالالا حلا تكبد ؟؟؟ <3
حلا: مكبدش
مسعوده: به ها؟
حلا: يعني انرايف عليه ؟؟؟ نفرح بعد نسمع صوته ؟؟؟ نقعد انراجي فيه بعد يرن
وبعد يرن نقالي قلبي يقفز فجأه امس قالي انحبك فرحت مش عارف

مسعوده: وراسك يالولو الا تكبيد برسمي ههههه
حلا: حي عليا؟؟؟ :(
مسعوده: طيحك قاليل الادب هههههههه :3 :* <3
حلا: تتوقعي شن ايدير توا هوا؟؟؟ :p
مسعوده: رني عليه؟؟؟
حلا: اممم توا؟؟؟
مسعوده: اهاا رني عليه
حلا: لالالالا فكيني امس رنيت عليه هزبني :(
مسعوده: داء يشيله من هوا لين يهزبك
حلا: كان شكله متعارك مع هله بس رن عليا بعدها
مسعوده: حي ع ام التنازلات حي؟؟؟؟
حلا: كم مره قتله مش تقولي كلام ام ما ام؟؟؟
مسعوده: خليني من الكلام وقوليلي من امتي تردي تحكي مع حد مهزبك؟؟؟
حلا: انا بروحي استغربت مع ان قلت معش بنرد عليه بس اول مارن رديت دغري ^^

مسعوده: لولو رد بالك من روحك ياحبيبتي عارفتيني مانتحمل فيك شئ؟؟؟
حلا: عارفتك ياحوبي بكره تعالي بدري
مسعوده: بكره ماعندنا شئ؟؟ الاستاذ كمل وقال خلاص؟؟

حلا: عارفه خلينه انهدرزو ومش داعي من رنا وساره
مسعوده: احم احم انهدرزو او بتشوفي أنس؟؟؟
حلا: لالالالا ساد اليوم وقلبي يدق بسرعه من الخوف بنحكي معاك انتي
مسعوده: خلااص تم بكره تو نجيك
حلا: تو انا انتكي عليك؟؟؟
مسعوده: به

صكرت من مسعوده وكسدت ع تلفزيون

~
~
~

انا عدا يومي عادي وفي العشيه فتحت المحل وكسدت فيه جاني سالم:

سالم: تي وين يانصي؟؟
انا: يامرحباا
سالم: شنجوو؟؟
انا: تماام
سالم: شن جو لبرنسيسه؟؟؟
انا: قاعده ... اه يادنياا
سالم: كنك؟؟
انا: كتلخبط وجوي شييين
سالم: عركه مع مدامتك؟؟
انا: لا والله جونا لوز اللوز كنت نحكي معاهاا وبكره امي ماشيه بتحدد موعد الفرح
سالم: مبرووك يانصي
انا: تسلم.. العقبه عندك
سالم: لالا انا مزاااال
انا: شن صار في شقه؟؟
سالم: دويت توا مع صاحبها قتله قتله نبيها
انا: مش قلت بنطلع منها؟؟؟
سالم: لالا عجبتني شقه متركنه ومنطقه هاديه وهلها اوبهاا محد يشك فيها
انا: ونسرين
سالم: نسرين اصغيره وعليها طلبيه وو
انا: سالم البنت ترد عند هلها
سالم: ياأنس
انا: يالبنت ترد عند هلها ياصحبتنا تنتهي وكل حد في حاله
سالم: بتمعيل توا انت عشان بنت رخيصه و@#$!
انا: بنت رخيصه بنت مش عاارف من؟؟؟ مش شوري انا اللي لقيتها
ونا اللي نتحمل مسؤليتها البنت ترد عند هلها

سالم: مش حنخسرك يارفيقي ع سبه وحده متسوش خلاص خودها وردها
بس كان وصل فيها راجل عمتي؟؟؟

انا: وشن عرفها انك ولد خو مراته؟؟؟
سالم:؟؟؟ مش عارف
انا: طبيعي الراجل خاش في وجيج كله عار يعني معقوله بيعرف ع حد من عائلته
وخصوصا انك شور هل مراته

سالم: الراجل هضا نذل وانت متعرفاش
انا: البنت متحكيش انا عارفها
سالم: انا متهمنيش خليها ترد خلاص
انا: اليوم تو نشيلها لهلها
سالم: لالا بكره في صبح
انا: وليش؟؟؟
سالم: بكره في صبح خلاص
انا: به بكره
سالم: عارف عليش جايك؟؟
انا: خير ياطير؟؟
سالم: حصلتلك حوش فلكويفيا اصغير دارين وحمام وكوجينا بس
انا: به تمام بكم؟؟
سالم: 30 الف صاحب الحوش صاحبي ونا اللي قتله يساعدك
انا: منور بس ضروري مانشوفه
سالم: حقاتك ياطير لا واخري جايك فلبدايه والله سمح را
انا: تو نشوفه والله اصلي ياسلومه
سالم: بش تعرف بس اني انعزك :3
انا: اجعني مانفقدك :3

~
~

هدرز عندي سالم شويه بعدها طلع ونا كسدت طشه فلمحل صكرت عديت
شور سعد قريت معاه ...

وفي ليل ع 11 ونص خشيت للحوش تعشيت ودوشت وخشت للدار وبنرقد
لقيت ابراهيم مقمعز ع سريره؟؟؟

انا: ؟؟؟؟
ابراهيم:؟؟؟
لا نا حكيت معاه ولا هوا حكا معايا رقدت لطيت المخده ع وجي

~
~
~
~
سالم خش ياجمووله خش..

جمال: نبي قررعتي
سالم: سههر سهههر
سهر: نعم؟؟؟
سالم: وين نوسه؟
سهر: نايمه
سالم: نوضيهاا
سهر: حاضر

خشت سهر ..

سهر: نسرين نووضي نسرين
نسرين: هااا
سهر: في واحد جاي مع سالم يبيك؟؟

نطت من ع سرير,,

نسرين:أنس؟؟؟
سهر: لأأأ
نسرين: افففف كرهت روحي نا
سهر: اطلعي قاعد بره
نسرين: به

غسلت وجهها وطلعت

سالم: سهر سهههر انتي يازفته

سهر: نعم؟؟؟

كرها سالم بروحها...

سالم: كم مره قايلك المصيبه هذي حطيلها حاجه ع وجهها ولبسيها
مصقم؟؟
سهر: هيا مابترضي
سالم: لالا بترضي ياروح امك كريها وصقميلها شعرها ولبسيها حاجه من عندك
سهر: حاااضر امري لربي
سالم: تعرفي انتي ربك اصلا
سهر: لاا اصلا ع اساس انت بتعرفوو
سالم: كم ماتصكري فمك نخربلك وجك
سهر: ماشي سكتنا
خذت نسرين ولبست وقعدت تبكي وخشلها جمال
جمال: قمر14
نسرين: انت شن تبي مني؟؟؟
جمال: وحشتيني يافرخه وخاشه مجازي
نسرين: وانت مش خاش لمجازي
جمال: توا انتي عليش منكده ع روحك را انا منحرمكش من شئ
نسرين: (تبكي)
جمال: (حط ايديه ع رقبتها) عيييب القمر يبكي
وقرب منها وووو...

~
~
~
~

انا خليت نقالي ع عام قلت كان رنت حلا ولا هدي نفطن بيه ورن:

انفجعت ع الساعه 12:::

رقم غريب..
انا: الوو؟؟
ناجيه: (تبكي) الووو
انا: من حضرتك؟؟؟
ناجيه: انت ممدوح؟؟؟
انا: لا والله غالطه حضرتك
ناجيه: (تبكي) اختي اليوم في صبح كلمتني من الرقم هضا
انا: لالا هضا رقمي غالطه ياابله
ناجيه: به هيا السلام عليكم
انا: وعليكم السلام وصكرت...

حرت في موضوعها وماعرفتهاش منو وشكلها وحده غالطه جديات
انا نفكر ورنت هدي خليتها تكمل الرنه وعاودتلها...

انا: ياهلا
هدي: غلاياا اتحبني؟؟؟
انا: انموووووووووت فيك
هدي: امتي نجوزو ياهمي؟؟
انا: بكره امي جايتكم هيا وياسمين يحددو موعد الفرح
هدي: واخيررااا ياعمري انت ناعليا بتقعد راجلي
انا: ناعليا بنصبح فيك كل يووم؟؟؟
هدي: ناعليا تقولي صباح الخير ووجك في وجي
انا: ناعليا اتبوسيني ع صبح
هدي: ناعليا تقرصني من خدودي وتقولي هاتي الفطور
انا: انتي تعدي ديري الفطور ونا نمسكك من لاورا
هدي: انت الصياعه ماجستير عاد
انا: ههههه ودكتوراه اخري
هدي: عادي مراتك وحلالك انت غير طلع الفرح بس
انا: يطلع وراسك يطلع وحصلت حوش
هدي: ناعليا نا منك انت هههههه
توقعت حلا اتخش انتظار بس مرنتش .....
هدرزت مع هدي لل1 ونص صكرت ورنيت ع لولو ...

رنيت مره مردتش بعدها عودت ردت..

انا: لولو الشينه؟؟؟
حلا: أنس قاليل الادب
انا: تي وينك لا رنيتي ولا شئ زعلان نا
حلا: انا معش بنرن عليك بكل
انا: له له له وعليش؟؟
حلا: انسيت امس بعد هزبتني ؟؟
انا: مزلتي مذكره؟
حلا: مش مطره نسمع كلامك وانت متعصب بعد تقعد رايق كلمني
انا: امس والله كان رقيلي
حلا: ونا شن ذنبي
انا: محلاه الصوت .. (بصوت حلا ونا شن ذنبي) ههههه
حلا: هههههه معش اتقلدني
انا: صار معش بترني عليا؟؟
حلا: اها
انا: تحكي من جدك؟
حلا: اها
انا: عارفه بكره اترني وتواعيني زي البنت الشاطره
حلا: انلا
انا: مكاره
حلا: اهاا
انا: اخر مره معش انهزب هههههه
حلا: انلا.. انت امتي ماتفضي رن
انا: عليك اعناد كيف باتك ههههههه
حلا: متغلطش في بابا؟
انا: ونا شن قلت .. اسرقيلنا الامتحان ههههه
حلا: والله؟؟؟ مش قتلي شاطر؟؟
انا: اليوم نا وصاحبي قرينه فيها مادة باتك
حلا: به موفق
انا" اجمعين: انتي شن صار فيك
حلا: انا نقرا انت غير فكر ع روحك
انا: ناعليا نا خايفه عليا؟؟؟
حلا: اهاا
انا: نحلم نا؟؟؟
حلا: ههههه
انا: بكره ماشيه للجامعه؟
حلا: اهاا
انا: نحنا كملنا ع امتحنات بس
حلا: حتي نا بس نبي نشوف البنات
انا: انسوفك؟؟؟
حلا: انلأ
انا: في الاقتصاد زي اليوم
حلا: انلأ اليوم وخفت
انا: ناعليا تهبلي اليوم
حلا : عارفه روحي
انا: ههههه تحشمي ع وجك معش اتقوليها
حلا: انلأ ههههه
وهدرزت معاها لعند 4 فصل رصيدي بس مابتش انحسسها قلتلها نعست
صكرت منها ورقدت...

في الصبح بدري من الساعه 10 نضت وعدي تشور شقة سالم
سالم يسهر دقيت دقيت دقيت..

فتحلي...
سالم: (كان راقد) قلعت الباب خش
انا: البنت واتيه
سالم: مقلتلهاش شئ تو نخش انوضها اسمع وصيها ان متحش شئ
انا: انت تو تشككها فلموضوع
سالم: تو نعدي نوضهاا

خش عليها سالم في دار وكانت راقده..

سالم: انتي ياخراا انتي
نسرين: (انجعت من نومها ) هااا
سالم: داء نوضي حبيب القلب بره
نسرين: أنس ؟؟
سالم: أنس بشحمه ولحمه اطلعي
نسرين: نخش لحمام بس نغسل وجي

خشت للحمام وطلعتلي...
نسرين: صباح الخير ياانس
انا: صباح النور البسي وهيا
نسرين: وين؟؟
انا: متبش اتروحي؟
نسرين: (فرحت) هيا هي دقيقه بس

خشت تجري ونوضت سهرر

سهر: شوفي من عند الصبح
نسرين: سهوره بنرووح ياسوسو بنرووح بيرو حبيا انس
سهر: نيالك هههه
نسرين: نوضي نودعك
سهر: هاتي بوسه
نسرين: حنرايف عليك
سهر: وع قولتكم وشن تبي في وجي هههههه
نسرين: هههههه ليبيه كلا انتي
سهر: يالله استعجليلك
نسرين هيا هي

لبست عبايه ولفت وشاحها وطلعتلي
سهر تبكي
نسرين(دموعها نزلن)

نسرين: خلاص عااد
سهر: تعودت عليكي
اضبطن بعضهن وكتبت سهر رقمها في ورقه لنسرين..

نسرين:حاولي انك تطلعي من هنا را مش حياه
سهر: بيصير خير انتبهي ع حالك
نسرين: حتي انتي وتو نرن ونطمن عليك

طلعتلي وراها سهر تبكي

سالم: مربوحه
نسرين: (بحتت في من فوق لعند لوطه)
سالم: توكلي
انا: هيا ... توصي ع شئ ياسلومه؟؟
سالم: سلامتك ياطير بنرد نرقد

طلعت وبحتت في سهر ونا اعيونها دموع انا مسكتها من يدها
وكريتها وطبقت الباب..

انا: معش اتبحتي لورا وتوا انردك لهلك وانسي كل حاجه صارت معاك
وابدي حياه جديده

نسرين: (تبكي)

اضبطتني
انا انفجعت..

انا: خلاص وسعي بالك ورا حد يشوفنا فلعماره يفهمنا غلط
نسرين: اسفه سامحني
انا: ولا يهمك هيا انزلي

ركبنا في سياره وقعدت توصفلي في طريق ونخشو لشارعهم ونلقو
خيمة عزا ..

.......يتبع

نبي تفاعل انشطو وديرؤؤ تاقات خاطري الحلقه توصل لل200 تصويت😂😂😂😂😂