#قليل_الأدب
الحلقهه الثــــامنهه

خشيت غيرت دبشي وكسدت ع صوني..

وفي العشيه:
رنا رنت ع حلا ...

رنا: الو لوولوو
حلا: هلاا
رنا: شنجووك؟
حلا: تمام؟
رنا:لولو .. كنك ماترتبطي بعد احمد :*
حلا: مش في راسي الموضوع
رنا: بلعكس بعد تلقي ولد ناس ومؤدب وشاريك عادي ارتبطي
حلا: بنركز ع جامعه الفتره هاذي ومش في راسي الموضوع :)
رنا: اهاا صاح احسنلك به شن امور هلك :3
حلا: كويسين :)
رنا: بكره جايه ولا لا؟
حلا: جايه :/
رنا: خلاص انتلاقو لولو كان عندك رصيد دزيلي ؟؟
حلا: كالعاده .. متبطلش بكل

رنا: عشان خاطري والله ماعندي :)
حلا: باه هيا بنسكر
رنا: به اتشاو

~
~
~
~
رنا رنت ع سالم بعد وصلها الرصيد من حلا:

رنا: اسلومه شنجوو؟
سالم: الحمدالله وحشتيني؟؟

رنا: حتي انت
سالم: شن صار في حلا؟ :*
رنا: اممم دويتلها ومبتش :/
سالم: ونا مش قتلك اقنعيها؟؟
رنا: مبتش فشاكه ورافعه خشمها شن يبي فيها صاحبك
سالم: عاجبته
رنا: يصاحب ساره احلي منها وحناطه :*
سالم: ضروري ما حلا
رنا: وعليش مصرين هكي؟؟ :o
سالم: لالا شئ بس البنت عاجبته ونا واعدته انك انتي تصرفي وقتله
صاحبتها تحبني ومتحبش اتزعلني قتله خللي الموضوع شوري ونام نحبش
انبان عيل قدام اصحابي

رنا: انا اسفه بس توا كلمتها ومبتش؟؟؟
سالم: لالا عادي توا مش فاضي نا
رنا: سلومه فكنا من السماطه عاد
سالم: لا عادي بس قتلك مشغول
رنا: عشان خاطري؟
سالم: رنا ضروري مانصكر تشاو

وصكر في وجهها,, وهيا طبعا انصدمت ورنت كم مره مردش. :o

~
~
~
~

انا في المحل ومكسد والبنات اللي يخشن يشرن يتمحقنن
ويمسكن الحاجه ويقيسنها ويبرمن بيها المحل وبعدها يردنها
ويطلعن ... ونا ماد وجي وخلاص

روحت قصاد المغرب دزلي سعد رساله تعال نقرو فلماده

خشيت للحوش غيرت دبشي وخذيت شيتات(مذكرات) وطلعت وبنعديله
رن عليا سالم :

سالم: انوسي وينك؟؟
انا: قاعد في طريق
سالم: تعال للشقه خوذ فلوسك وكسد عندي
انا: بنعدي للسعد بنقرا تتعال انت عنده؟؟
سالم: لالا فتوني مش فاضي متبش اتجي؟؟
انا: بلكي ناخذ منك للفلوس
سالم: به تعال ع شقه...
انا: تم ياطير

غيرت طريقي وعديت شور سالم نزلت ...

سالم: خش ياطوير
انا: تسلم

خشيت ولقيت نسرين مقمعزه ..

سالم: قاعدات في دار تو نخش انجيبهن
انا: به

انا: نسرين شنجو :3
نسرين: زفت :/
انا: والله ماني عارف مانقولك :(
نسرين: أنس طلعني من هنا ؟؟ :'(
انا: في موضوع في راسي يبي اسبوعين هك انكمله ونطلعك وعد
نسرين: منقدرش نقعد فلمكان المقرف هضا
انا: تحملي هالكم يوم بعدها وعد انطلعك
نسرين: به كنك اليوم مجيتش بكل؟؟
انا: جامعه وعشيه محل
نسرين: ربي يعاونك

سالم: تفضل ياطير
انا: منور ..

صبيت من جنب نسرين :

انا: خللي البنت تروح
سالم: وكان قالت علينا انعدو في 60 داهيه
انا: تو نتفقو معاها
سالم: مشكلتك الاصناف هذنه انت متعرفهنش
نا: خللي البنت تروح
سالم: انت جيبلنا سياره ونا بنسيبها الشقه وماعندي وين بنطي ربيها
خليها توه لعند مانصرف فلفلوس وسلكو مواضيعنا

انا: به شوفلنا سياره اخري مفش الا هذي؟؟؟
سالم: سرقة سيارات البنات سااهله .. وسياره سمحه والبنت هبله دايره
روحها رافعه خشمها وغبيه شكلها

انا: شن صار دويت مع البنت؟؟؟
سالم: موضوع حلا منتهي انت خليه شوري بس
انا: خلاص انتلاقو
سالم: بكره مفش محاضرات عندنا؟؟
انا: لالا بلكي نقرؤ بكره
سالم: هههههه انس بيقرا ؟؟ :v
انا: والله وعدنا المدام :3
سالم: به ربي هنيك
انا: بنعدي توصي ع شئ؟
سالم: سلامتك ياطير

برمت ع نسرين..

انا: دويتله وقالي اسبوع اسبوعين ويردك وكان سألوك هلك قولي انك كنتي
عند هل راجلك في مصر

نسرين: به اقعد انا خايفه منه هضاا
انا: سالم ميجبركش ع اجه انتي متبيهاش هوا صح سريبه واجد بس
غصب مش حديري حاجه غصبن عنك.. ممكنن يحاول يقنعك وانتي شطارتك
تحملي وخلاص الله غالب

نسرين: به انت مر عليا كل يوم هنا
انا: تونشوف ع حسب الفضوه
نسرين: انت متزوج؟؟؟
انا: لالا ليش؟؟
نسرين: سمعتك تقول المدام؟؟
انا: انا خاطب
نسرين: به ربي يكمل عليك
انا: تسلمي انا مواعد صاحبي بنعديله بنقرا عنده تو نحاول انشوفك بكره
نسرين: موفق ان شاءالله
انا: تشااو

عديت السعد:

سعد: واخيرا شرفت
انا: وجيج يارا
سعد: شنو نوعه الوجيج؟؟
انا: (بحتت فيه ) محل وجامعه ضغوطات
سعد: ان شاءالله تقعد هكي بس
انا: شنو قصدك؟؟
سعد: افتح علقاعده هذي ومدلي المذكره االي جنبك
انا: بسم الله

~
~
~

رنا ترن ع سالم وميردش عليها
عاودتله كم مره:

سالم: انعم؟؟
رنا: معقوله كم ليا نرن؟؟ :(
سالم: مش قتلك مشغول  -_-
رنا: متحكيش معايا هكي؟؟ :(
سالم: كيف تبيني نحكي معاك؟؟
رنا: حبيبي؟؟ <3
سالم: ها؟
رنا: واااو هضا كله عشان حلاا؟؟ :o
سالم: مش في حلا او غيرهاا انا متهمنش البنت وصاحبتك وتنحرق
اللي وجعتني اني بنبان عيل قدام اصحابي بس خلاص انسي الموضوع

رنا: سلومه نا نبيك متحكيش معايا هكي؟؟
سالم: به
رنا: شنو به؟؟
سالم: شئ؟؟
رنا: افففف بهت و نحكيلها اخري؟؟؟
سالم: لالا خلاص فوتي الموضوع متحكيلهش
رنا: لالا بنحكيلها
سالم: لالا اصلا شكلك معندكش كلمه ع صاحباتك ومنبش نحرجك
كيف ماحرجتيني قدام اصحابي

رنا: به معناها خلاص بطل زعل
سالم: عادي
رنا: طريقة دوتك نرفز فيا
سالم: والله ناه ك ندوي عاجبك باهي مش عاجبك صكري انتي اللي
رنيتي؟؟

رنا: سالم معقوله هكي؟؟
سالم: كنك؟
رنا: قتلك تو نحكي معاها
سالم: ونا قتلك خلاص متحكش معاهاا
رنا: انت مدخلك شنا بنحكي معاها وتو نقنعها
سالم: معتقدش انك تقدري.. خلاص خلاص فوتي
رنا: لالا نقدر وتو تشووف بروحك
سالم: رنا خلاص
رنا: بيني وبين صحبتي وبين انس انت اطلع منها
سالم: متأكده؟؟
رنا: اها
سالم: وتقنعيها؟
رنا: ونقنعها وبكره رقمها يقعد عند انس وبرضاها
سالم: هكي حبيبتي ونور اعيوني وتخافي علياا وع رجولتي
رنا: انحبكك <3
سالم: انمووت فيك <3

صكر منها وطاير من الفرحه... وهيا صكرت منه وطااايره من الفرحه...

بس كل حد وغايته؟؟؟

سهر: سالم الجماعه وصلو؟
سالم: هيا طالع .. نسرين وين؟؟
سهر: فلمطبخ .. انا جاهزه :*
سالم: ناعليا منك انتي :*

طلع سالم واستقبل 2 رجاله.. عياد و جمال

عياد كان كبير فلعمر فلاربعينات وجمال فلعشرينات تقريبا :3

سالم: سهر تعالي
عياد: شنو السماحه هذي كلها
سالم: شويه فيك
سهر: تسلم ههههه
سالم: سهر ديرؤ جوكم الدار ع ايدك الايمين
عياد: منور

سالم: تعالي نبيك شويه ؟؟
سهر: نعم؟؟
سالم: انتي اللي حطي السعر من توا .. وعليها
سهر: حاضر امرك..
سالم: متخليش يراجي عدي

...

جمال : ءؤؤؤؤ قصدك نا ب نقعد مكسد؟؟
سالم: هههههه مفش بضاعه
جمال: كان تشتغل ع مزبووط
سالم: للاا وين.. هكي شويه شويه انت عارف ان مش مهنتي
جمال: بس يخشش فلوس
سالم: من ناحية يخشش يخشش
جمال: وشقتك اجار وحوك سمح
سالم: منبش صاحب العماره يشك وبعدين نا مؤقته الشقه
جمال: صبلنا خلينا انتكيفوو
سالم: نوع قوي هضاا
جمال: وسكي وسكي منحبش لبصاره ياطيري,,,

وسمعو صوت طاسه طاحت من نسرين فلمطبخ...

جمال: من جواا؟؟
سالم: وحده حماره انظر شن طيحت
جمال: منو؟؟
سالم: وحده اصغيره وعبيطه
جمال: ءؤؤؤ اهو طلعت في بضاعه
سالم: لالا فوتها هذي
جمال:500 جنيه وقتي توا تاخذهن
سالم: كيف صار

جمال: السيارات عاده قديمه ولبلاد غارقه بسيارات لسلاح اكثر مكسب

سالم: به دبرلي معاك شغل
جمال: اصرفلنا في اصغيره اللي جوه وشغلك و500 واتيات

سالم: ههههه واطي عارفني معندش روح
جمال: عارفك حتي الربع يلعب عندك
سالم: تو نشوف متحركش
جمال: مطولش علينا بس وقوللها الجماعه كويسين وميخوفوش

سالم خش ع نسرين..

سالم: شن طيحتي؟؟؟
نسرين: طاسة زلقت من يدي؟؟
سالم: رزق بوك تكسري؟؟؟
نسرين: اسفه والله ماقصدي؟؟
سالم: نوسه
نسرين: ها
سالم: دااء قولي نعم؟؟؟
نسرين: نعم؟؟
سالم: في واحد بره اصغير في العمر وسمح وراقي وحنون

نسرين: الله يربحك ياسالم خليني في حالي؟؟
سالم: خلينا ندو فقش وباوراق مكشوفه.... انا من وين خذيتك؟؟؟
نسرين: (تبكي) ونا حكيتلك شن صارلي
سالم: به انتي متزوجه صححح
نسرين: والله كتت متزوجه
سالم: خلاص معناها عادي .. مش انس واعدك انك يردك؟؟
نسرين: به؟؟
سالم: انتي متزوجه يعني انفعي روحك وانفعيني حق اوكالك اقل حاجه
وانتي مش خاسره شئ وتو تردي لهلك اصلا نا بنسيبها الشقه را

نسرين: (تبكي)
سالم: تي بلعكس افرحي وهيجي الحياه سمحه وفلوس جنك لاعندك
وانتي متزوجه من قبل حلال .. وتعرفي كل حاجه ع موضوع هضاا
حتي مايعرفو شئ كيف بيعرفو اصلا :*

نسرين: (تبكي) انس قالك متقربهاش
سالم: ههههه انوس طيب مع البنات كلهن را وخاطب وفرحه قريب وخش ع سرقه
عشان البنت اللي يحبهاا يعني اطمني مش حيبحت فيك

نسرين: (تبكي)

سالم: تو بعد تروحي منفضه لحوشكم وممعاك حتي قرش وبتنقبري فلحوش
ومتلقش واحد ياخذك عشان انتي مطلقه وعارفه مجتمعنا .. توت حسي بتقص
العاطفه الرومنسيه عندك وتقولي ياريتني جربت

نسرين:...
سالم: وتاخذي فلوس وطلعيلك هلسبوعين مبلغ سمح ولك مني هديه اخري
وقتلك انتي كنتي مجوزه ومش حتخسري شئ؟؟

نسرين:......
سالم: |إعجابك بأنس فوتيه ع جنب ومستحيل ياخذك انتي نسيتي من وين جبناك؟؟
وبعدين هوا اصلا خاطب انقولك ضحي بسمعته عشان اللي يحبها بيضحي عشانك
انتي؟؟؟؟؟

اصلا مش حاطك في باله ولو هوا مهتم وينشد عليك عشان هوا اللي شافك قبلي؟؟
ويحس بتأنيب الضمير .. نسرين.. غير هيا وفكينا من نكد وهيجي وغيري جو في بنات واجد
كيفك وانتي لهلك وعد حتردي ومكنش حاجه صارت تروحي بفلوس .. انا مش حنغصبك
انتي فكري؟؟؟؟؟

وكان ع أنس مش حنقوله

نسرين: (تبكي) نا ع حال روحي
سالم: باين من اعيونك ان عاجبك
نسرين: ...
سالم: هيا تعالي .. ومتخافيش عشان خاطري؟؟؟
نسرين...
سالم: تعالي..
وطلع بيها للصاله ودموعها ع خدها...

سالم: تعال هي
جمال: بضاعه بضاعه ياريس
سالم: هذي اسمها نوسه رد بالك منها عاد؟؟؟
جمال: ولا يهمك نجيها لبيبي ياربي بس شكله وطني؟؟
سالم: متسألش واجد خوذ اللي تبيه واطلع

جمال: تعالي
سالم: بتخلوني بروحي نا؟؟
جمال: ههههه شورك تونس انت؟؟؟
سالم: الله الله عليك ايام ايامات تونس
جمال: اوك تنلاقو وخششها للدار..

جمال: كنك تبكي؟؟ اول واحد نا؟؟؟
نسرين:...
جمال: متخافيش مني طيب نا
نسرين:...

وصار اللي صار مع نسرين..

~
~
~
~

حلا ومسعوده ع تليفون الارضي...

حلا: ههههههه طح سعدك =D
مسعوده: والله زي مانحكيلك
حلا: عليك اللي ماتحشم واخذه ايده وتبرم ع وجهها
مسعوده: شن بندير قالي بنشوفك؟؟؟
حلا: هههههه به وبعدها؟؟ =D
مسعوده: هدرزنا طولنا وخذانه الوقت لعند ماصاحبه جا وقاله هياا
حلا: به؟؟؟
مسعوده: كاان فرحااان عارفه بعد حطيت ايده ع وجي ايدي يرعشن
حلا: اوو ماي قاااد هههههههههه =D :3
مسعوده: ههههه بطلي انتحشم :p
حلا: وبه؟؟
مسعوده: خلاص معش بنحكي؟؟؟ :3
حلا: لالا احكي .. النبي احكي
مسعوده: انتي تهزي عليا
حلا: هههههه لالا بس مستغربتك
مسعوده: لووولووو
حلا: نعم...
مسعوده: يهبل الحب يالوولوو
حلا: ءؤؤؤ نووو ههههه
مسعوده: قلبي قعد يدق دق دق دق كيف الساعه
حلا: الله الله الله سهفتيني
مسعوده: هوا اصلا عموري يهبل طوييييل
حلا: هههههه أحمد ولد عمي اقصير
مسعوده: لالالا هضا طوييييييييييييل واعيونه كبار وخشمه
سمح شعره خفيف ولحيته سوده

حلا: بيبي يهبل
مسعوده: اه يالولو شن نحكيلك ولا شن نحكيلك
حلا: وبعدها عدا مع صاحبه؟؟
مسعوده: خطرها انكملك ... صارت حاجه اضحك
حلا: شنوو؟؟
مسعوده: بعد صاحبه جا وبيقوله هيا هوا ميندريش ان صاحبه
قريب منه قعد يقولي انحبك ونبيك ونام نحرجه قدام صاحبه

ومقدرتش انقاطعه خفت نحرجه ههههه
حلا: هههههههههههه اه ياربي ياربي

مسعوده: هههههههه قعد يضحك صاحبه ونا انحرجت
حلا: مقلتهاش لاه؟؟
مسعوده: بعد روحت رن عليا قلتها لاه منبش اندس عليه شئ
منبش يقول هذي ادس عغليا عشان عمي وهك ساد خوه البارد
خالد اتصدقي امبدله الجاكات؟؟؟

حلا: وااو نووتي هض كنه هك هوا؟؟
مسعوده: والله وجعني جاي بجاكه يحسابها متاعه انا نعرفها متاعه
يجي بيها للمستشفي قالي خالد قالي هذي متاعك
انا مبتش انفتن

حلا: حرام عليه
مسعوده: ايواه روح عاد وبعدها عديت للبنات وسألت عليك قاللي روحتي
حلا: اها روحت مليت وانتي طولتي
مسعوده: به؟؟؟
حلا: اليوم جا حكا معايا ؟؟
مسعوده: من؟؟
حلا: الشاب اللي ههههه يقول قليل الادب؟؟
مسعوده: اها اها اهااا؟؟؟
حلا: جا وقال لساره عدي بنحكي معاها؟؟
مسعوده: وبه؟؟؟
حلا: قالي نبيك وعاجبتيني
مسعوده: شن قتيله ؟؟
حلا: لالا طبعاا
مسعوده: انحس فيه عاجبك؟؟
حلا: هوا دمه خفيف و استايل وسمح .. بس خايفه
مسعوده: وقليل الادب
حلا: هههههههه
مسعوده: كنك خايفه؟
حلا: انسيتي انه طالب عند بابا؟؟
مسعوده: اهاا صح صدقتي
حلا: مش عارف بس حسيته مصر عليا
مسعوده: انتي سمحه واستايل وشباب واجد يبوك
حلا: خايفه مزالت صدمة احمد فاجعتني
مسعوده: بس انتي معمركش ارتبطي ديمه خايفه ولو احمد بعلاقه راك
عرفتيه من الاول وعرفك لاكن انتم تقليدي

حلا: اهاا انا فكرت وقلت انعيش في باريس ما باريس
مسعوده: هههههه واخري متجينش قلتيلي تذكري؟
حلا: ههههههه كان سكتت خيرلي
مسعوده: بس انتي جربي .. مش عارف
حلا: خليها بجوو .. بنصكر توا بندير مسك
مسعوده: به خلاص انتلاقو بكره
حلا: تعالي بدري انهدرزو بتفصيل
مسعوده: تم ياروحي اتشاو
حلا: تشاو
~
~
~
~

كملت قرايه وروحت ... وخشيت تعشيت وادوشت وكلمت هدي
هدرزت معاها وشفطنا ع بعضنا ع ساعه 2 في ليل رقدت ..

في صبح طبعا الثلاثاء معندش جامعه.. عديت كسدت فلمحل ..

رنا وساره تلاقن قبل مسعوده وحلا:

ساره: خزيه عليك
رنا: والله حاولت زعل مني؟؟
ساره: ملهومش في طيب ههههههه
رنا: اسكتي جن ..

سلمن ع بعضهن...
ساره : مسعوده: نبي انعدو لكافيتيريا تعالي معايا
مسعوده: هيا لولو معنا؟؟؟
رنا: خليها بنحكي معاها..
مسعوده :به

عدن هنا الاثنين..

رنا: انس عاجبتيه وبينكلب عليك
حلا: منفكرش فيه نا
رنا: والله يبيك وميت فيك اسلومه قريب سيبني امس ع سباكم
حلا: وانتي شن دخلك؟
رنا: حلوشه هوا طرف وبنات واجد يبانه حتي ساره طايحه
فيه بس نا قلتلها يبي لولو

حلا: مش شوري
رنا: والله يبيك جربي وخودي واحد يحبك خيرلك شفتي ولد عمك شن طلع

المهم حكت معاها قريب ساعه وماحوتك كيف اقتنعت

حلا: به بس اصدقاء ولقاءات في جامعه لاا
رنا: حاضر ونجك لياا

~
~
~
~

رن عليا سالم..
سالم: وين ياطيري مبروك
انا: كنك؟
سالم: الفريسه وقعت في الفخ ههههههه
انا: وافقت؟؟؟
سالم: تي عيب اسلومه ناد ارتلك صداقه ماصداقه واطروح انت شوف جوك
انا: به
سالم: رقمها في رساله اثقل وبيضلي وجي
انا: باهي يصير خير ...

عدا باقي اليوم عادي وفليل روحت ودرت جوي وقبل مانرقد رنيت ع هدي
وصكرت منها بدري وع الساعه11 رنيت ع حلا:

طبعا حركات حنه مبتش اترد...

دزيتلها رساله شوي ردت

انا: ياهلا
حلا: هلا
انا: واخيرااا
حلا: شنو؟
انا: سلامتك ... شنجوو
حلا: الحمدالله
انا: اممم
حلا:...

(في خاطري عليك ماط بس بجد اول مره يرتبط الساني قدام بنت)

انا: اسمك سمح؟؟؟
حلا: عارفته سمح

(في خاطري انعنجد وجك بكل)

انا: امممم
حلا:...
انا: كم مواليدك وين السكن خوتك كم واحد هدرزي؟؟؟
حلا: وضرؤري؟؟
انا: تقريبا ؟؟
حلا: م 92 ووحيده
انا: اممم بطولت عمرك؟؟؟
حلا: ان شاءالله
انا: اعتقد الناس يقولو شكرا,,, تسلم,,, كلك ذوق... بس عارفته وو ان شاءالله
غريبات؟؟؟
حلا: انا هك
انا: به ربي يحفظك ياهك
حلا: ...
انا: لبستك سمحه امس
حلا: ديمه دبشي سمح مش امس بس
انا: عليك مزاط
حلا: ووواات؟؟؟
انا: لا سلامتك
حلا: اهاا
انا: به بكره عندك جامعه؟؟
حلا: عندي
انا: ممكن انشوفك؟؟
حلا: اكيده لا
انا: صار قليل الادب
حلا: مضحكش
انا: عليك تزليط
حلا: ههههه
انا: بعد ازلطت ضحكتي؟؟
حلا: يعني
انا: الساعه كم ترقدي؟؟؟
حلا: بمزاجي
انا: ناعليا نا
حلا: والله صاح؟؟؟
انا: ههههههههههههههه
حلا: ...
انا: بس تبي الحق؟؟؟
حلا: شنو
انا: اول مره في حياتي منعرفش كيف نحكي مع بنت؟؟؟
حلا:مش أي بنت؟؟؟
انا: ربي يحفظك
حلا: ان شاءالله ويطول في عمري
انا: ههههههههههههه
حلا: تفرج في فيلم كوميدي؟؟؟ :/
انا: لا اكشن بسلامتو ههههه :v
حلا: حناطه العتيب
انا: العتيب ههههههههه :v

طبعا ديمه اول مكالمه مزااط بس سلك الوضع وقعدت تضحك وتهدرز
وشويه شويه انطلقت... من الساعه 11 لل3 في ليل ونحنا هدرزه

انا: الساعه 3؟؟؟
حلا: معقوله؟؟؟
انا: اها شوفيها؟؟
حلا: واو الوقت مسرع ماعداا
انا: جوي سمح عسل نا
حلا: لا من قالها؟؟؟
انا: عيب عيب
حلا: لا ماعيب
انا: به وشن قصت اللي مره شفته معاك في جامعه اللي بيحكي معاك
حلا: خطيبي الاول وولد عمي
انا: وعليش سيبتيه؟؟
حلا: ...حكتلي...

(البنت فشاكه ومغروره,,, بس عفويه حتي تصرفاتها متفكرش بعد اديرهن
حتي بعد دوتلي ع ولد عمها القهره في صوتها نوعيتها بعد تصيرلها حاجه
تعبر عليها ومتحبش ادس في قلبهاا).

انا: اهاا
حلا: وتوا بيردلي
انا: صدمه ربي يعينك
حلا: نا انسيت بس هوا مبش ينسي
انا: جابوه العيل
حلا: اعتقد جابوه
انا: بعد خبطت فيك كنتي مخطوبه؟؟
حلا: اها تقريبا
انا: امممم
حلا:؟؟؟؟

(وكانت هذي بدايتي مع حلا بدايه ان مخططلهاا وكنت نحساب روحي بعد
انتعرف عليها بنتريح وبناخذ سيارتها وناخذ مبلغ ونجوزو نا وهدي ونكمل حياتي
مع حب حياتي.....بس ؟؟؟؟ بس شنوو ؟؟؟؟).

كملت هدرزه معاها لعند الصبح دوتها دلوعه بس عسل هدرونا
وضحكنا ورقدت...
.......

<<<<< مر اسبوع>>>>>

.......

عديت للجامعه بدري عشان سعد وبنقرو ...

لقيت سالم:

انا: شنجو؟
سالم: وحشتني؟؟
انا: انت اكثر كيف حال نسرين وكنها اول امس مبتش تطلعلي
سالم: فوتها معش تفكر فيها
انا: سالم متفعدش غصبتها ع حاجه انت متبيهاش؟؟؟
سالم: لالا هيا بايرادتها؟؟
انا: قصدك؟؟
سالم: صاحبي وشاورتها وقالت باهي
انا: سالم؟؟
سالم: تعال اتليوم وسألها البنت بتشتغل اقل حاجه لعند ماترد لهلها
انا: لانقانك فرخ
سالم: كنه رقالك
انا: امنتك؟؟؟
سالم: البنت تبي هكي؟؟؟
انا: منور منووور
سالم: سعد جا اسكت
سعد: شبااب شنجوو
سالم: تمام
سعد: كنه انس؟؟
نا: بنروح نا
سالم: يارا ريحنا
سعد: كنكم؟
سالم: يدلع
سعد: انس تريح الاكتحنات بعد 3 اسابيع راا؟؟؟
سالم: ماقريت فيها كلمه
انا: ماعندش جو بكل
سعد: بشويه خلونا انكملو حتي جزء؟؟؟
سالم: هيا ابدااا

كنت نبي انشوف حلا بس مبتش خايفه من باتها ومن الطلبه اللي
يعرفو باتها راقالي منها ورقالي اكثر من سالم ع موضوع نسرين

ورقيلي من الصبح ع موضوع خويا والشقه تخلطت عليا ولفلوس حاطهن في
دولاب تحت دبشي ...خايف حد يفطنلهن ...
هدي من جهه ... حلا من جهه ... سالم من جهه ...نسرين من جهه

روحت ومطولتش معاهم فتحت المحل وقعدت فيه بروحي وصكرته ونا جوه
قعدت لعند الليل ... وحلا ترن وهدي ترن وامي ترن وباتي يرن
وسالم وسعد يرنو ونا مرديتش ع حد ...

روحت عقاب الليل للحوش وبتنخش للدار...

لقيت ابراهيم منكث دبشي ...
انا:؟؟؟؟

صكر الدار..
ابراهيم: من وينلك لفلوس؟؟؟

>>>>يتبع