😳😳جبتلكم حلقتين اليوم ❤

#قليل_الأدب
الحلقهه الخامـــــسهه

مسعوده: كنك ماعديتش؟؟؟
رنا: قال يبي يجيني هنا :/
حلا: مبردك من جدك مصاحبه شكل كيف هك؟؟ 
رنا: اسلومه ولد ناس ومحترم وبعدين صاحبه اللي خبطك مش هوا
ساره: وسعن بالكن كنكن؟؟؟ :/
مسعوده: شكلهم شلتت :/ 
رنا: والله خير من الاعمي اللي تزازي بيه 
مسعوده: رنا منسمحلكش :o
ساره: رنا خلاااص كنكن؟؟ 
رنا: اصص هوا جااا

خشيت ومعايا سالم صبيت عند باب المدرج وهنا الاربعه مقمعزات ع مدرجات
بحتت فيهاا .. طنشت عليا

خش سالم ونا قعدت مصبي :3

سالم: خش كنك ؟؟؟
انا: به

صبا سالم وجاته رنا وقعدو يهدرزو وسالم يبحت فيا ونا مستك
تقول اول مره في حياتي انشفط ع بنت ..

قربت منهن سالم مسك نقاله ودزلي رساله"(مزطتني)"

قربت منها :

انا: معليش بيرؤ يابنات :*
مسعوده: معندناش 
ساره: (ضحكت) :v
انا: حلا ؟؟؟ ممكن بيرو؟؟
حلا: اكيد لا ونزلت النظارات ع اعيونها..
انا: كيف صار وين الشمس؟؟
مسعوده: لو سمحت خطانه ان انحرشو فيك الامن 
انا: انتي بس بنعرف خاطري نعرف انتي شن دخلك؟؟؟ :3
حلا: (ماسكه فونها ودايره روحها مش مهتمه)\
انا: صيني هضا؟؟
حلا:...
مسعوده: خطانه انت كنك؟؟؟
انا: عارفه تدوي كلمه اخري ؟؟؟ وجك هضا ندكه لك في مقعد حمام
 :3

حلا: هيا بنات 
صبت وخذت مفاتيح السياره ولبست شنطتها وطلعت وراها ساره ومسعوده
انا بحتت في سالم ...
دزلي رساله "(وراها)"

قعدت نمشي وراهن وهيا فطنتلي:

ساره: طرف يالولو
حلا: عاجبك خودي رقمه؟
مسعوده: بارد هض
ساره: بلعكس فيه جو ناعلاااي 
حلا: يقعد في عيني واحد قليل الأدب ومش متربي 

قعدت نمشي وراهاا وهيا مره تلبس النظارات ومره تحولهن وفاطنتلي بس
دايره روحها مش فاطنه من الاخير تمززززززطت 

فتتها بكل وتلاقيت مع سعد وبعدها جانا سالم:
سالم: شن صار؟؟
انا: رقد لحمار
سالم: ياراا احكي
انا: شايفه روحها وفشاكه وتفشك بنظارات الماركه ودرهت كبدي
سعد: منو ؟؟؟شنو؟؟ كيف؟؟عليش؟؟؟ وامتي؟؟
سالم: مش شورك انت
سعد: أنس؟؟
انا: بنرد نفتح المحل اوك
سعد: اوك
سالم: منور يا#@%$
انا: بوجودك يا#$%

عديت شور المحل وراقيلي ...

منحبش بنت تنطش عليا ومنحبش نبان شلتت ونلحق فلبنات
انحب البنت اللي نعطيها نظره تسيح وترد عليا بابتسامه
ويبدا الجو دغري لاكن حلااا مزاااااطه

كملت تستيف بضاعه وخشتلي بنت وامهاا::

الام: السلام عليكم
انا: وعليكم السلام

رديت انستف والبنت تبرم فلمحل 

البنت: بكم هذي؟؟؟
انا: 30
البنت: فيه رقم 40؟؟

عديت انشوفلها وامها تقلب في سراويل اللي كيف امستفهن

البنت: انت ليبي؟؟؟
انا: ان شاءالله؟؟؟
البنت: ربي يحفظك
انا: تسلمي
ليا زمان معش صارللي طروح فلمحل,,,,,

الام: كنهن اقصيراات ؟؟
انا: الموديل توا كله هك؟؟؟
البنت: موضه ياماما
الام: اقطع موضتكم
انا: (ضحكت)
البنت: بحتت فيا وضحكت

بجو هك عطيتها الرقم ..

...
~
~
~
~

حلا روحت هيا ومسعوده حطتها في حوشها وبعدها روحت
ركبت لدارها تغير في دبشها لقت كم مكالمه من احمد ورساله:

"لولو جاينكم بعدين ياريت تنزلي ونتفاهم معاك"

حطت فونها في شحن وماردتش عليه..
انا مروحتش لحوش بكل خذيت سندوتشات ورديت للمحل
تبو الحق...؟؟؟ واجعتني الشقه اللي بانيها بجوي وبديت فيها
بجوي وكان خاطري انكملهاا انا ونعيش فيها مع حبيبتي
مش هاين عليا نروح للحوش ونحق العمال فيها عشان يسكن فيها فرج

جاني سالم:

انا: فوتني ؟؟؟
سالم: اسمع تبي تشتغل صح امشي ع صح ا تعوج ميصيرش منك
انا: تي البنت حاولت معاها انا...
سالم: دبر راسك السياره سمحه وسعرها سمح وجاتك ع طبق من فضه
انت توا عندك 6000 وبسياره هذي يقعدلك 16000 السياره تسواا ونبو نبيعوها
كاامله ... ومحد يشاركنا في حقها

انا: والله ياسالم وجيج
سالم: كمل شقتك وتريح من هالوجيج
انا: به ت و بكره انشوفهاا
سالم: الليله وتي روحك
انا: كيف صار؟؟؟
سالم: سيارة راجل اليوم ههههه
انا: ووين؟؟
سالم: في القوارشه واحد ميوعش بكل عنده مزرعه غادي
ودير في حفلات وطنطنه وجوو 
انا: الساعه كم؟؟
سالم: 3 تطلع من حوشكم 
انا: باهي تم
سالم: الراجل حالته كويسه وسياره تسوا 14000
انا: قصدك بتاخذها كامله؟؟؟؟؟
سالم: الحفله في رجاله والاغلب مش واعين وليله خميس 
يجيبو في واحد يغني 

انا: سالم انت قتلي طروف؟؟؟
سالم: لو بنبيعها طروف نبي انعدي لرجب ورجب بياخذ قرعته
وبيطلعلي فيها 2000 انسيب 14000 وناخذ 2000 ؟؟

انا: وكان صارت كبسه؟؟
سالم: يارا تريح جوو سمح وقرعتك الربع بس نبيك معايا
انا: خلاص تم
سالم: محل مرقد ههههه
انا: مش شوررك ... كيف بتفكها؟؟
سالم: تشوف في هضا؟؟؟
انا:.؟؟؟

بحتت في يد سالم ماسك مفتاح؟؟؟
انا: ناسخ عليه 
سالم: نعجبك اصللي نا
انا: وين حصلته؟؟
سالم: سر المهنه ياحوبي
~
~
~
~

في العشيه جت كوثر ومرعي عم حلا واميمه ع اساس بيفتحو موضوع احمد
بس حلا مبتش تنزلهم ...

امها: عيب عيت عمك لوطه انزلي وتو نقولولهم مفش نصيب
حلا: منبش ننزل 
امها: ياحلا عيب قدام باتك
حلا: مش شوري منيش نااااازله 
امها: لولو انزلي
حلا: ماما كلمه وحده لا يعني لا

نزلت امها ومتحشمه..

كوثر: وينها حلا؟؟
زهره: مريضه شويه واخده برد 
اميمه: لا باس عليها

المهم حكو في موضوعها هيا واحمد وباتها قال ان يحاول معاها
وروحو...

انا روحت للحوش خذيت طرف سياره وشلته وبعته جابلي 50 جنيه 
المهم نحكي مع صاحب المحل رن عليا رقم؟؟؟

انا: الو
البنت: ياهلا
انا: اهلا من؟؟
البنت: انا اللي انبدري في المحل
انا: اممم اصبري شويه

طلعت وركب في سياره وعاودتلهاا..
البنت: ايوا
انا: ياهلا
البنت: اهلين
انا: شنو اسمك؟
بشري: بشري
انا: يامرحبااا
بشري: وانت؟؟؟
انا: أنس
بشري: اسمك يهبل 
انا: ناعليا ناا
بشري: ههههه

هدرزت معاها وخشت هدي انتظار... صكرت منهاا...
انا: هدهودة قلبي
هدي: مع من انتظار؟؟
انا: سعد ساكنلي سكنه معفنه صداع سعد هضا
هدي: اها أنس خللي امك تجي وتحدد موعد الفرح؟؟
انا: هدي اصبري عليا خلاص قريب نكمل لفلوس وبناخذ شقه
في الكويفيا
هدي: بعييييييييده
انا: الله غالب حتي فتره معينه غادي الشقق رخاص
هدي: ولعند امتي؟؟؟
انا: عطيني شهرين اخري
هدي: ياأنس واجد؟؟؟
انا: هدي هدي خلاص مزطيني 
هدي: هيا هكي

صكرت في وجي 

...

وصلت للحوش ادوشت بميه مصصصصقعه 
طلعت راجيت لعند 3 في ليل وطلعت

انا: الو اسلومه وين؟؟
سالم: خليك في حوشكم جايك نا وخليل 
انا: خليل من؟؟
سالم: اوك

صكرت منه وزاعمه كبدي..
جاني هوا وخليل صاحبه ع اساس يحطنا ويعدي

وعدينا شور المزرعه .. زقبنا من فوق الشبك
عرم سيارات وجيبين واحد يفلعم
(يغني) ..ونشوف من روشن قريب 12 شاب وبنتين يرقصن 
معششين عليهن تقول ذبان ع كناسه .. طبعا وبشري ترن ون اونا فايتها

انا: بنات جوه :خ
سالم: هيا فكنا منهم 
انا: عليك جووو خلينا انخشوو انوسعو خاطرنا
سالم: صدقت البنت اللي سماتك (قاليل الادب) بللغه متاعتها :ر
انا: ههههه 
سالم: هيا مفش وقت؟؟؟
انا: اكيده في بنات اخري جوه في ديار زايطين
سالم: مش شورنا
انا: خليني انخش ناخذ بوسه ونطلع :p
سالم: تو ناخذو السياره ونبيعوها وتاخذ بوسات بعد تزوج حلال
انا: نكدد كلا انت :3
سالم: هياا

ونحنا بنركبو السياره الشرطه تجي....

انا: حي ع امك حي ودرت دين امي :o
سالم: انت اسكت بس :o 
انا: تي شنو نسكت شنو نسكت \؟؟؟
سالم: تي اسكت انعندين@#@$
خشت الشرطه قريب 3 سيارات .... ونحنا قاعدين في سياره
السياره اللي ركبناها كانت بعيييده من الحوش لان المزرعه كبيره
قلبي يدق ونفكر في هلي بعد يعرفو شن بيصير فيهم ونفكر في هدي
وباتها كان يعلم ونفكر ونفكر ونفكر
وخااايف

سالم: انزل 
انا: وين ؟؟؟

سالم: تو يفتشو السيارات انزل بس بسرعه هيا مفش وقت

نزلناا ولقينا عرم لوووح مطوح ومسخ ورابش اندكينا تحتهن
اعيوني خش فيهن التراب والحشرات يدهورن واخذات راحتهن ع جسمي
وناا خااايف 

انا: عارف تي اقسم بالله يمسكونه انسودلك عيشك
سالم: غم خرارتك دير خاربك صامت را تفضحنا
انا من خوفي قفلته اللنقال بكل

طلعو الرجاله وطلعو قريب 3 وحدات مركزتش واجد من الخوف ولوح اللي ع وجوهنا 
وفعلا فتشو حتي السيارات 
قلبي يدق من الخوف واول مره انحس برعب وان مستقبلي وسمعتي بيضيعن
تي كان يسعها باتي يتبره مني 

الشرطي: مافي شي
الاخر: خلاص برمتو ع مزرعه
راجل: برمنا عليها كلها مافي شئ

المهم قريب ساعه وهما يبرمو ونا ندعي وقريب ختمت القراءن 
وسالم جنبي وساااكت ومبرد

الضئ بدا يطلع ونحنا مازلنا في مكانه وخايفين ونفس ينقطع علياا
سالم طلع وقعد ينفض في دبشه
ونا طلعت ع ركبيه طبيت وقعدت انفض سالم رد ركب في سياره
وكسرلي قزاز وحده اخري سمحه وفك اخيوطها وعلقها ولعها لياا

سالم: هيج سيارتين :*
انا: انعبووك ياولد ال@#$! 
سالم: هههههههه :ر

انا: انت خود هذي وعطيني متاع لمفاتيح وين تبي اتحطهن؟؟؟
سالم: فك طارقاات هذي معاياا

سالم: خال امي عند حوش في قمينس
انا: قصدك بنعدو لعند قمينس؟؟؟
سالم: وين بتحطهن يافالح؟؟ قدام حوشكم؟؟
انا: هياا صقدنا الزح 
سالم: امشي وراياا عنده حاوييات غادي تو نحطوهن ونسكرهن 
انا: كيف بنردوو؟؟
سالم: تو نكلم خليل غير صقدني

ركبت السياره اللي مفاتحه ناسخهن سالم وهوا ركب الاخري
صقمت لمرايه ونبي انولع انشوف حاجه مش طبيعه بعيد اتحرك

سالم: ولع خلصني الز@#$
انا: اصبر بس 

نزلت في زي البتيه مصديه ويالاها قابيات فاضيات ومكاولات

سالم: ياراا هياا 
انا: اصبر
سالم: ز@#$@

حولت المكاوه لقيتها بنت تبكي.. زي اقطوسه واقصيره
انا: يامرحباا :3
البنت تبكي كانت اصغيره حاجة 18 سنه ولابسه جاكة رجاله
كبيره عليها بكل وشورت رجاله تاع بحر... :3 :3

سالم: شن في؟؟؟
انا: هيا صبي كيف فوتوك انتي قالك شرطه ليبيه :3
البنت: (تبكي وترعش)
انا: ديرن الفالطه بعدها تبكن
البنت: الراجل قالي خليك هن تو نرد عليك
انا: الراجل من؟؟؟
البنت: ( تبكي وترعش)

نزل سالم من السياره وجاني...

سالم: ءووووووو ماهذا بحق السماااء 
البنت: (تبكي) عارفتكم بتسرقو خوذو حاجتكم وعدو منبش نقول عليكم لحد
انا: من الراجل اللي قالك اقعدي؟؟
البنت: الشرطي 
انا: بيرد عليك المخلص في عمله
البنت: لو سمحتو خلوني في حالي
سالم: عليك سرايف وين هلك انتي؟؟؟
البنت: (تبكي)
انا: هيا فوتها
سالم: انفوتها عينك تعالي معانا اليوم رزق مش طبيعي 
البنت: (تبكي) الراجل قالي متحركش من هنا
سالم: ههههههه ع اساس بيرد بيقرا فيك فاتحه الشرطي 
يلعب 
هيا بس

انا: فوتها الزح
سالم: امبدري كان خاطرك تزقب معاهم في الحفله كيف صار؟؟
انا: نشفط نا منحكش جد هيا بس خليها مش شورنا
سالم: صبي اركبي معايا
البنت: تبكي

مدلها يده مدت ايدها وصباها 

سالم: بس هيا اللبسه
البنت: (تبكي) لبست أي حاجه جت قدامي

انا نبحت فيها وحسيت وراها قصه وجعتني انها اصغيره 
وخاشه في وجيج ...

"بعد حكمت ضميري نا ندير في ذنب وهيا دير في ذنب 
وذنها اكبر من ذنبي
وبعد انبرر ذنب متاعي ونقول مش لازم الواحد يزوج اصلا
عليش اندير في هضا كله,,,"

"بس ذنبهاا .... ذنبها كبير وغلطتها كبيره ضيعت روحهاا وضاعت
ومشت في طريق مستحيل تقدر ترد منه 
بس الطريق اللي مشيت منه نا نقدر نرد منه؟؟؟ ولا لا"

ركبت البنت مع سالم وحاطه الطربوش ع راسهااوتبكي

ونا ركبت في سياره عدينا شور قمينس وحطينا السياراه اللي فكينا اخيزطها
في الحاويه

انا: والاخري؟؟؟
سالم: لالا خليها الاخري هيا اركب معايا فيها منبش خليل يشوف البنت
انا: وشن تبي اديرلهاا 
سالم: مأجر شقه قاعد فيها الايام هذنه بنشيلها

بحتت في البنت ... لقيتها تبكي

انا: به هياا

ركبت نا لاقدام وبنت لاورا وقاللها ارقدي عشان محد يشوفهاا
مسحت ع وجي بلقوه كيف اللي نواعي في روحي

ولع السياره وعدينا ونحنا في طريق

يد البنت لمست يدي وهيا من لاورا 

بحتت في سالم ...
برمت عليها..

انا: تبي حاجه
البنت: (تبكي)متخلينش معاه
سالم: عجبك انس ياروح امك ههههههه
البنت: حرام عليكم
سالم: كيف حرام علينا انتي وحلال ع غيرنا؟؟؟
البنت: انت شكلك ولد ناس ؟؟
انا: وين تسكني؟؟؟
سالم: انطمري منسمعش صوتك وانت فوتها ريحنا
والهالي في حلا هذي 
انا: قرعتي كم من الليله السوده هذي؟؟
سالم: انييعو وساهل

انا: خطرها فوني مقفل 

ولعته ولقيت عرم مكالمات من باتي قلبي طاح رنيت عليه

باتي: وينك؟؟؟
انا: بايت عند سالم بكره عندنا امتحان جزئي
باتي: وكنك ماقلت ياكلب يامعفن
انا: والله لهينا فلقرايه والماده مش قارينها بكل 
باتي: تو تروح ونتفاهم معاك امتي مروح؟؟
انا: توا
باتي: توا الساعه 6 الصبح؟؟؟
انا: قصدي بعد انروح من امتحان من الجامعه تو نجي
باتي: مش راقد؟؟
انا: لالا رقدت ونضت انراجع
باتي: به موفق بس مفروض قلت 
انا: حقك عليا ياحويج :3
باتي: به ركز كويس وان شاءالله بنجااح
انا: تسلم... وسامحني هيا اتشاو
باتي: اوك

صكرت من باتي..
سالم: قصدك معايا في شقه؟؟
انا: مع الاسف

عدينا شور الشقه كانت ليله سوده ومعفنه ودبشي مسخ ووجي معفن
درس السياره:

سالم: خللي الطربوش ع راسك انتي بيش يحسابوك شاب كان شافك حد
وخششي شعرك فطربوش

البنت: به
كانت حفيانه ... وكرعيها معفنات وطفوله ع وجهها والخوف في اعيونها
نزلت نا واستغربت من العماره الفخمه اللي ماأجر فيها سالم

ركبنا للدور الرابع وخشينا
سالم: خشي انتي؟؟
انا خشيت والبنت في جرتي

سالم: الكاويش ينسلح هنا ياافندي 
انا: امي لاحقتني هنا :3

سالم: نعدي انجيب خبزه ونجي جيعان خفت اندرس عطريق
وناخذ يشوف حد البنت

البنت: (تبكي) قمعزت ع صالون
سالم: مسمحولك اتكسد عليها ياأنوس خود راحتك يالحب

انا: واطي كلا انت

طلع من الشقه وطلعت في جرته

انا: يارا عندها هل ؟؟؟
سالم: هل؟؟؟ هذي شكل وحده عندها هل؟؟؟
انا: تو تهرب منك
سالم: تي تهرب وحق ربي انتعبك
انا: تي باهي يامسخ
سالم: خليها تجاره سمحه هذي خليها بنتاجر فيها ههه
انا: بنسب حنا معفن 
سالم: هاك لمفاتيح صكر عليها الباب بعد تخش تسبح
وفي دبش في الدولاب 

انا: به

خشي للشقه ولقيتها مقمعزه وتبكي ..
صكرت الشقه بلمفاتيح
وقربت منها وقمعزت..

انا: شن متوقعه يصيرلك يعني عادي كيف الوضع غادي
البنت: (تبكي)
انا: شن اسمك؟؟
البنت: نسرين
انا: اسمك او اسم الشهره
البنت: والله اسمي
انا: حرام عليك ودرتي روحك مزلتي اصغيره انتي كم عمرك؟؟
نسرين:19 
انا: ليش ودرتي روحك ؟؟؟
نسرين: هوا ضحك علياا هوا والله مادخلني
انا: منو؟؟
نسرين: تبكي وخلاص

انا: بنخش ندو شنا خودي راحتك
نسرين: خليني نهرب؟؟
انا: مش شوري احكي مع هوا بعد يروح

خشيت للدار وخذيت دبش ومنشف من سالم ودوشت
وطلعت ..
انا طلعت من هنا وسالم دق الباب من هن طلعت من المفاتيح
وفتحتله..

جيب خبزه سااخنه ..
دار شاهي وطلع حاجات من الثلاجه
انا: كيف ياجحش مقلتناش انك مأجر؟؟
سالم: جت زر في زر ومجتش فرصه مليش اسبوع
مأجرها

جتنا البنت في الكوجينا

البنت: نبي انروح؟؟؟
سالم: انلالا ونا؟؟؟
انا: مسمطك متزيدهاش عليها؟؟
سالم: ههههه بس النبي مش سمحه
انا: ياريتني ما نزلت من السياره
سالم: كان ماهضا را الشرطي هيج بدالنا
انا: هيا صقدنا اعظامي يطقطقن من الجوع بناكل وبنرقد
سالم: تفهم في جو يالحب

انا بحتت فيها ..
انا: كنك ماتبش هكي عليش اتخششي في روحك في متاهات

انا: هلي ميتين
سالم: بلابلا بلا اطروح افلام مصريه وهيا اللي تصرف ع خوتها 
هههههههههه

انا: باهي؟؟
البنت: ماتو من ونا عمري 8باتي حادث وبعدها بسنتين امي لحق عليه
ربتني مرت عمي 

سالم: وتضرب فيها كيف سندريلا هههههههههه
انا: سمعنا ازززف
سالم: ع نياتك ياأنس
انا: انتي وحيده؟؟
نسرين: انا وعندي 2 اخرا متزوجات مرت عمي كويسه بس بعد نوصلو
لل16 تزوجنا تقول عشان مصاريفنا لان عمي ميت وهيا تطبخ فلافراح
خواتي اللي اكبر مني جاهن نصيبهن واجوزن وحده عطتها لواحد كبير
ومجوز والاخري عطتها الواحد راقد ريح للوطا وكل وحده لهت في مشاكلها
وحده مع عياله من المرا الاخري والاخري في فقرها وراجلها الي يشرب
ونا جاني واحد بعد وصلت لل19 سنه مصري قاللتلي وافقي وعادي شن
فيها وكان مصري وفي لبيات واجد ياخذن في مصريين كان سباك اجر شقه
وقعدنا فيها قعد يجري ع جنسيه مابوش يعطوها لاه يبي 
الجنسيه الليبيه
قعد معايا شهر وبعدها امس في الصبح جاني وقالي هيا قتله وين 
قالي وتي روحك بنشيلك 
وتيت روحي وطلعت معاه صكر الشقه وسلك حق الشقه واخذ شنطه
جابني للمزرعه عند الراجل صاحب المزرعه اللي امس وعطا فلوس
قريب حق 2000 وخلاني وطلع قعدت انظبحله كرني الراجل وعزقني
في دار وصكر عليا قعدت بروحي بعبايتي في دار..وخاايفه وحتي نقالي
مش معايا بعدها ع ساعه 10 نسمع في هرجه بره وضحك بنات 
خشتلي وحده عطتني قفطان وقالتلي هيا عشان مكيجك
كنت جيعانه ومن خوفي مقدرتش حتي ناكل

فهمت كل حاجه وعرفت ان راجلي باعني وقعدت نبكي ع حظي 
بس ربي كريم طلعوني الحفله وقعدو يسكرو ويحششو وبنات
واغنا ونا مستغربه ونبكي وخلاص دوا راجل مع الراجل اللي كرني من راجلي
وبعدها جاني وخششني للدار هوا بدا بيحولي الدبش وخشت الشرطه
وسبحان الله ,, 

وشرطي دسني وقالي اكرسي تو نرد عليك
وبعدها شفتكم

سالم: وفهمتي كل حاجه
انا: خلاص عدي اغسلي وجك

وطلعت..

سالم: كنك؟...؟؟ ماتقوليش صدقتها؟؟؟ ههههههه
انا: البنت تحكي جديات
سالم: ههههه طيب ياانوسي تعال كول كول قصه حتي الافلام مصريه ماألفوها
ههههههههههههه
انا: مش عارف ليش نا مصدقهاا؟؟
سالم: وليمه سمحه صاح فجعه بس طلعنا بسيارتين وبنت هههه 
انا: بس البنت لو تكذب متقولكش بنرد لمرت عمي
سالم: بتعدي للشرطي بلكي عارض عليها مبلغ
انا: متندريش انت
سالم: وبعدين لو هيا بنت ناس كانها مهربت بعد خلاها الشرطي عليش اتراجي
فيه؟؟

انا: والله ماني عارف الرعشه في اعظامي مانحساب روحي نروح
سالم: قوي قلبك ومزكها هعهههه تعاااالي يااا افطري شن اسمها
انا: منعرفش..

مبتش اتجي

انا فطرت وخشيت انعزقت ع صالون ونبي نرقد

وسالم عدا للبنت في دار :

البنت: الله يربحك الله يخليلك امك وخواتك
سالم: توا اتزعليني انتي؟؟؟ انا بنخليك في شقه وبنوكلك
ونشربك وبتحرميني من حاجه اصغيره متخافيش مني را عسل نا
نسرين: حرام عليك
سالم: يعني بعد تعدي لمرت عمك ؟؟؟ بتجوزك الواحد اخري؟؟
خليك ونا نعطيك مبلغ ونشتغلو مع بعضنا تعيشي معايا وتنظفيلي
وترتبيلي دبشي وديريلي غدايا ونا نعطيك مرتب ونرقد معاك بس

دقيت عليه في دار... فتحلي
سالم: كنك ياررا
انا: حرام عليك متغصبهش ع حاجه متبيهاش
سالم: نحنا اتفقنا وجونا سمح

يحتت فيها ..
انا: بجوك؟؟؟
نسرين: (تبكي) صكر الدار

استغربت صكر سالم في وجي الدار عديت رقدت ع صالون 
نوضني ع ساعه 2 القايله...

سالم: نوض وانت تشخر 
نا: الساعه كم ؟؟
سالم: 2 هيا بنعدو للجامعه
نا: فوتني منيش ماشي
سالم: تي هيا رنا وحلا قاعدات في جامعه بسرعه قبل ماتروح
نا: موضوع كلا انت
سالم: نطلعو من جامعه نبيعو سياره اللي معايا ..
نا: حصلت فيها بيعه؟؟؟
سالم: نوض وتي روحك
نا: البنت وين؟؟
سالم: راقده جوه هيا صقدني
نا: معنديش دبش؟؟؟
سالم: سروال وماليا مني نا جديدات راا 

خشيت الحمام ولبستومسحت الكاويش وطلعنا وصكر الشقه بلمفاتيح
وعدينا شور الجامعه..

وصنا في الباركي...
سالم: شفت السانتافيا اللي فيها دبدوب بودري
نا: كنها
سالم: سيارة لولو هههههه
نا: سمحه والله
سالم: وتحلي بعد تقعد في يدك انزل الكتاكيت قدام الكافيتيريا

عدينا وعدا سالم شور رنا ولقيت حلا تبكي وماسكها واحد من يدها
عديت نجري وو....

,,,يتبع 

نبي تعليقات يخصن الحلقه فكوني منها نايس ما نايس ولا لايك وتهربو :( :( تجرو نبي تعليقات ع روايه بيش انحس انكم منسجمين :* 
ونجكم ليا الكل :*😍