هيا هيا التفاعلو😤😤

#‏قليل_الأدب‬
الحلقهه الرابـــعهه:

حلا: به اقل حاجه ريحته قبل متشحور معايا ومشحورني معاه
زهره: انفكر انعدي معاك :/
حلا: ياماما اول مره انسوق سياره؟؟؟؟ 
زهره: خايفه عليك؟؟؟
حلا: بنعدي بروحي خلوني ع راحتي

خدت شنطتها وطلعة

وتلاقت مع البنات في الباركي

رنا: تهبل السياره ياحلا :o
ساره: لانقانك يالولو اديري بينه جوله :*
مسعوده: كنك ياحووبي؟؟؟ :(

حلا قعدت تبكي واضبطت مسعوده...

مسعوده: لولو احكي شن في :( 
ساره: يابنات انتن في الباركي راا الشباب يبحتو فيكن :/
حلا: (تبكي) :'(
رنا: خلاص تعالن انعدو للحمام ..
ساره: خلاص ياحلا فكيها يامسعوده

فكنهن من بعضهن وعدن للحمام وحكتلهن:

رنا: مش ولد عمك؟؟؟ 
مسعوده: 60 داهيه تشيله :'(
ساره: (بحتت في رنا)
رنا: (ضحكت)
حلا: (تبكي) متوقعتش يصير معايا هك بكل
مسعوده: خلاص يالولو والله مايستاهل هضا كله :(
رنا: به مرنش عليك؟؟ 
حلا: فوني مقفل من امس ومنندريش 
ساره: نصيب راا ومش كل حاجه نبوها ناخذوها ايواه :/
مسعوده: خلاص يا حلا :'(
رنا: بنات نا عندي موعد :*
مسعوده: به عدي
رنا: سارا تعالي معايا ...
ساره: لولو تو ربع ساعه ونجوك
حلا: خلاص عدن معايا دودو

عدن ساره ورنا للموعد رنا

مسعوده: رديت عليه امس :(
حلا: من؟؟
مسعوده: الشاب الاعمي؟؟؟
حلا: (مسحت دموعها) به؟؟؟
مسعوده: مش عارف بس حسيت ان خوه البارد لان واحد قليل الادب اللي رد عليا
حلا: توقيعها بما ان ماشي وعازقه ويدير في مواعيد .. ميبش يدير حاجه نفس هك
مسعوده: رعشني الواطي وقالي شن لابسه
حلا: خزيه البيئه هض مش عارف كيف هلهم يربو فيهم
مسعوده: عارفه والله نفكر فيه عمر..
حلا: متخشيش روحك في وجيج انتي واجعك بس
مسعوده: بس معقوله يستغله لدرجه هذي؟؟
حلا: معش اتردي عليه وخلاص
مسعوده: امس حتي نا قفلت فوني 
حلا: طلعيلي مناديل من الشنطه
مسعوده: حاضر
~
~
~
~

انا نضت ادوشت ولبست طلعت وعديت شور الجامعه
تلاقيت مع سعد وسالم ...

سالم: سعد عدي جبلنا قهوه 
سعد: به

عدا سعد..

سالم: شن صار معاك امس؟؟
انا: انفجعت لقيت باتي واعي
سالم: لا ياراجل؟
انا: عارف باتي وافلامه
سالم: اليوم فلعشيه انعدو انيعوهن وتو تشوف لفلوس اللي يمطرن عليك

انا: والله امس طولت مارقدت

سالم: في البدايه هك وبعدها ترن عليا تقولي هيا اسلومه

انا: ههههههه لالا يارا

سالم: انت قتلي تبي سلف را نا افلوس اللي توا عندي 16 الف بس
انا: به خلاص فوت الموضوع
سالم: كيف صار؟؟؟
انا: بنبيع الشقه لفرج خويا وخليه يكملها هوا كرهتها السقه من مشاكل
سالم: معش تبي تشتغل معايا؟؟
انا: انكمل معاك ونبدا من جديد وناخذ وحده بعيده ورخيصه انكمل الشقه 
ونفوتك بكل

سالم: واطي ياماان
انا: طالعلك ياقرعتي

جا سعد وهدرزنا وكلمت هدي وجتني في جامعه وهدرزت معاها وتنق ع فرح
وتبي فيلو مش عارف شنو ورغان مش عارف شنو ومطبخ برتقالي ما برتقالي
وجيج ماهو وجيج ونا نهز في راسي وخلاص... ^^ 

~
~
~
~

جت العشيه وطلعت مع سالم طبعا سرقة السياره طلعت ب300 جنيه بس
الراجل عارف ان اطروف مسروقات .. مقدرنش انتناقشو معاه والسعر اللي حطه
رضينا بيه

وسالم حصل تفتوفه ..

مسعوده عدت للعياده عشان مراجعتهاا 
شافت عمر مقمعز فلانتظار وماسك العصا متاعه ومقمعز جنبه عيل اصغير
طبعا كان في غرفة انتظار الرجاله لذلك مقدرتش تحكي معاه..

خشت عاينت وهيا طالع شافاته مصبي ع طريق...
عدتله..

مسعوده: السلام عليكم...
عمر: وعليكم السلام؟؟؟
مسعوده: اذكرتني؟؟
عمر: اممم رهف؟؟
مسعوده: عمر ممكن نحكي معاك دقيقه
عمر: معندش وقت وخويا اصغير نقدروش نطولو بره
مسعوده: (بحتت في خوه) شن اسمك انت؟؟
بشير: بشير
مسعوده: كم عمرك؟؟
بشير: 9 
مسعوده: ربي يحفظك
عمر: تسلمي
مسعوده: امس رن عليا خوك وع اساس انك انت وكان مش محترم 
عمر: ؟؟؟؟
مسعوده: هضا اللي صار
عمر: قصدك مش انتي البنت اللي نا كلمتها؟؟؟
مسعوده: امتي؟؟
عمر: اول امس؟؟
مسعوده: لالا 
عمر: كم بدايته الرقم
مسعوده: 423 اعتقد بيانا
عمر: انا رقمي بدايته500 
مسعوده: بابا قريب يجي بشير رد بالك من خوك
بشير: حاضر
عمر: (فرح) رهف
مسعوده: نعم؟؟
عمر: هاكي فوني وشوفي اسمك؟؟
مسعوده: مش رقمي هضااا؟؟؟ بس مسجل باسمي
عمر: والله خالد هضا متعبني ومكرهني فلحياه 
مسعوده: بصراحه ربي يعينك 
عمر: عارف اني كثرت عليك بس ...
مسعوده: اوك تو نعاود انسجله بس نبي نسجله بشير
عمر: به تمام هههه

~
~
~
~

حلا فسخت خطبتها من احمد وطموحها الباريسيه تحطمت :v

~
~
~

عمر رن ع رهف قصدي مسعوده:

مسعوده: الووو
عمر: اهلا ان شاءالله غير انتي المره هذي؟؟؟
مسعوده: بما انك قتلي هك معناها انت هههه
عمر: لالا هضا صوتك صااح
مسعوده: هههههه
عمر: اسف واجد 
مسعوده: مع احترامي لك من اللقطه اللي دارها
عمر: اسف
مسعوده: ولا يهمك
عمر: اممممم
مسعوده: (تحشمت)...
عمر: الو
مسعوده: معاك
عمر: متسكتيش
مسعوده: اهممم
عمر: ماساد انا منحقش وتبيني اخري مانسمعش واجد
مسعوده: ههههه غير تسلم
عمر: انتي شن اديري فلعياده؟؟
مسعوده: نظري ضعيف قبل كنت دايره نظارات.. وتوا عدسات طبيه
عمر: اهاا وراثه ولا تلفيزيون؟؟
مسعوده: ههههه تقدر تقول وراثه وانت؟؟
عمر: انا عندي ميه فعيوني بيديرولي عمليه ؟؟؟
مسعوده: كيف؟؟؟
عمر: انا بصيص؟؟؟
مسعوده: تشوف؟؟؟
عمر: حاليه لا بس عندي عمليه لو نديرها نقعد نشوف حاجه بسيطه
مسعوده: وميقواش النظر متاعك؟؟
عمر: لالا لان انا من الولاده 
مسعوده: انت شفتني؟؟؟
عمر: خاطري انشوووفك انتمني يجيني نظري انحقك بعدها يختفي
مسعوده: ههههه نوصفلك شكلي ؟؟
عمر: هيا
مسعوده: طويله ورقيقه .. مش بيضه ومش سمره اعيوني اصغار
ويا نظارات ياعدسات طبيه خشمي عادي وفمي عادي
عمر: خهههه ربي يحفظك وخلاص معرفتش شئ
مسعوده: ههههههههه
عمر: مرتبطه انتي؟؟؟مخطوبه
مسعوده: لالا
عمر: به تمام حتي نا مش مرتبط
مسعوده: عمر خلينا نقعدو اصدقاء افضل انا بصدق يعني
عمر: اصدقاء اصدقاء ولا يهمك

~
~
~
~

مرن (شهرين) .... 

انا خشيت بلرسمي في لبايز سالم والشقه بعتها لخويا وسلك
حقها لامي...
انا وهدي جونا سمح وتخطط للشقه وزايطه وبدت توتي في حاجتها
انا وحلا معش تلاقينا في جامعه ومعش جت في بالي بكل ونسيه موضوعها
مسعوده مزالت مع عمر وعلاقتهم تطورات ويتلاقو فلعياده ويهدرزو
حلا مركزه ع قرايتها ورافعه خشمها ومدرها كبد رنا وساره
سعد شاك فيا ويزرر فيا ونا ننكر وداير روحي طيب
~
~
~
~

وجا اليوم اللي لا نا ولا غيري ولا انتم كنه متوقعينه... :o

كنه مقمعزين في قاعه نا وسالم وسعد وواحد اخري صاحب 
نهدرزو وجونا رز بلخلطه

حلا كملت محاضرتها وروحت ع طول ورحت بمسعوده
ورنا وساره قعدن فجامعه وبصدددفه...
خشن النفس القاعه اللي نا وجماعه قاعدين فيها
انا مش مذكرهن بكل لان هضك اليوم كان راقيلي ولهيت بحلا
وفطت للبنت مسعوده عشان قعد تور معاهاا..

رنا: الطرف هضا وين شايفته ؟؟
ساره: وين؟؟؟
رنا: اللي لابس رصاصي 
ساره: فكيني شباب واجد منبش انبحت
رنا: هضا اللي مره خبط في خلا فلكافيتيريا اللي توسخ دبشها وقعدت تبكي
ساره: اللي طلع طالب عند باتها؟؟
رنا: هوا مقابلني هوا وصحابه اللي كانو معاه

قمعزن ع كراسي اللي مقابلتنا لانقانها اللي اسمها ساره محترمه
بس رنا ... قابلتنا وقعدت تعزق فعيونها مره عليا ومره ع سالم 
انا لا ذكرتها ولا حطيتها في بالي نهدرز ونشفط وجوي سمح

لاكن سالم شوره الحركات صبالها وقعد يبحت فيهاا وبعدها عدالها وخذا رقمها 
وبعدها قمعز معاهن فلقاعه ساره صبت من احداهم وطلعت من القاعه بكل

..
سالم: شنجوك وسمستر كم؟؟؟
رنا: تمام ... 3 
سالم: الامتحنات قربن تبي أي حاجه مايهمك شئ(داير روحه فندام)
رنا: شكرا شكلك تخرج؟؟؟
سالم: تخرج ان شااءالله ونفكر اني انحضر بكالوريس (لاا يااراقل)
رنا: (تجعون) به تمام .. صاحبك هضك؟؟
سالم: هضا نصي أنس؟؟ كنه؟؟
رنا: مره خبط في صاحبتي وعبالها دبشها خلطه ههههههه
سالم: انتي صاحبة بنت الدكتور؟؟؟
رنا: اهاا حلا اسمهاا
سالم: بس عليك الفشااكه كنها هياا فيش اتحس؟؟؟
رنا: هيا هك طبعها 
سالم: بس مبالغه ...هههههه والله ضحكنا ضحك هضك اليوم
رنا: هههه حتي نحنا ماسكتنا بكل
سالم: وجعروره اللي معاها موضوع
رنا: هههه
سالم: غريبه مش معاكن توا؟؟؟
رنا: روحت تفشك علينا بسيارتها ههههههه
سالم: اممم سيارتها؟؟ به ربي يباركلها فيها بس شكلك راقيلك منها؟
رنا: شايفه روحها علينا واجد مع ان صحبات من فتره نحنا سبب صحبتنا بيها
البنت اللي معاها هيا اللي عرفتنا عليهاا بس اتصغر فينا واجد
سالم: مش كل حاجه فلوس .
رنا: اكيد
سالم: اهم شئ يقعد الرزق من ربك واوكالك حلال ومطقش في حد
ولا حد يطق فيك ونيتك صافيه مع ناس؟؟؟ولاااا لا
رنا: ربي يكملك بعقلك اكيده هذي
سالم: شن نظامها مخطوبه ؟؟؟ مرتبطه؟؟؟
رنا: حلا كانت مخطوبه بس بعدها فسخت
سالم: وتوا منفضه؟؟؟
رنا: وكنك تسأل واجد؟؟؟
سالم: لالا بس واحد صاحبي يبيها عرفتي لالا نا اطمني اشكالها ميعجبنش
رنا: اهاا 
سالم: انا عاشق السيارات عارفه كل اسبوع انغير سيارتي من احلي لاحلي
رنا: ماشااءالله 
سالم: امم شنو نوعيتها صاحبتك سيارتها؟؟
رنا: قتلتنا بلانفنتي وبعدها الشهر اللي فات غيرتها بعاليه مش عارف شن اسمها
سالم: متعرفش موديل كم؟؟
رنا: ههههه انا منفهمش في سيارات كنك انت؟؟
سالم: انا معندش روح معاهن نفكر انخش في تجارتهن
رنا: بس هيا منزله صورها السياره ع فيس
سالم: عطيني رقمك؟؟
رنا: سجل عندك 091
سالم: تمام .. شن صار ؟؟
رنا: اوك سجلته
سالم: ايميلك ع فيس؟؟
رنا: انا فاتحه توا انت شن اسمك؟؟؟

خذا ايميلها ورن عليها باتها وطلعت وجاني فرحاان فرحااان
قمعز يالاياا ...

برمت عليه..وسيبت الجماعه يهدرزو

انا: كنك؟؟
سالم: (يربش في نقال ) اصبر...
انا: ربي يشفيك ورديت برمت ع شباب
سالم: وليمه مسخطه

شباب: كنك
انا: انجن رسمي

سالم: هههه واحد منزل صوره ع فيس اسمعو نا طالع 
سعد: وين؟؟؟
سالم: شغل أنس شويه نبيك
انا: بهت و نرد ياشباب

طلعت وراه وسالم فرحاان
نا: تي كنك
سالم: تعال ورايات و تفهم

عدينا لعند ماطلعنا من المبني ..
انا: تي كنك؟؟
سالم: بنت الدكتور
انا: من؟؟؟
سالم: مفتاح 
انا: مفهمتش شئ
سالم: طول عمرك حمار .. بنت الدكتور باتها واخذلها هندايا سنتافيا
انا: قصدك قليل الادب؟؟؟
سالم: هيا بذات جدت اصلها
انا: متقوليش تبي اتفكها منها
سالم: اسهل انواع في شغلي بعد تقعد سيارة بنت واخري فجامعه
انا: حراام خليها في حالها
سالم: تبي باتها مفتاح فلوس يافلوس ع اساس بتأثر فيه سياره
السياره سمحه وموديل 2009 وتسوا تسوا تسوا ونبيعوها كيف ماهيا
وتوا نحنا ف2012 يعني حتي اوراق السياره مش مهمات انبيعوها كامله

انا: سالم موضوع
سالم: أنوس نبيك تشغلي روحك
انا: ونا شن دخلني
سالم: انت اللي تعرف عليها وتاخذها منها
انا: ههههه عيني عينك
سالم: قالتلك البنت منفضه انت حاول انك تعرف عليها
انا: لالا مش شوري انت تعرف عليها؟؟
سالم: انت طرف ع قولتهن وانت تعرف اتعامل مع البنت ويحبنك بسرعه
كلا انا ميصيرش مني شئ
انا: اصلا البنت معصيه فووت الموضووع 
سالم: انقولك وليمه مصقمه وساااهله
انا: ؟؟؟؟
سالم: تعرف عليها وطيحها بجميع الوسائل .. وخليها توثق فيك واسرق منها
المفاتيح من غير ماتفطن ويوم اللي تسرقه تقعد عارفها وين درستها
وبعد تاخذ لمفاتيح عطيهن ليا ودير روحك ادور معاها وخايف عليها وقوللها خودي
سيارتي روحي بيها وديرلها دارمه والله ماتشكش فيك

انا: تعرف عليها انت
سالم: ياأنس انت طرف طيح معاك بسرعه وبعدين انت معمرهاش بنت عصت معاك
انا: عارفني خاطب؟؟؟
سالم: قاعده تنق فوق راس دين امك .. وبعدين ياما شفطت انت من وراها
انا: من يوم خطبتها مبحتش في غيرها
سالم: يارا فكني من طروح شباب ونعرفو بعضنا وبعدين البنت صاروخ يعني ماتخسر شئ
وبعدين تقعدلنا ساهله

انا: وين بنتلاقه معاها ؟؟؟
سالم: رقم صاحبتها عندي ... واكيده ديمه معاها ونا تو نزيد نديرلك جو
انا: خلاص بس راا شوري ؟؟؟
سالم: مايهمك شئ بس الربع لياا ؟؟؟
انا: ... تم تم 
سالم: توا انت كم عندك؟؟؟
انا: 6000 هذي حدها واول امس جبت بضاعه للمحل قعدن 6000
سالم: افطن را هلك يفطنولك
انا: انت وين تحط فيهن؟؟
سالم: عندي خزنه في داري 
انا: تو بلكي نعطيهن لك 
سالم: بجوك
انا: نبي نروح
سالم: اسمع تو ندير جوي مع صاحبتهاا ونلسنهاا ولو حلا عصت انخشش 
صاحبتها فلموضوع عيت حنه يقنعن في بعضهن ع عوج

انا: اسمها حلا هياا؟؟؟
سالم: شفت الدلع انت هههههههههه

انا: انت دير جوك ..
سالم: تم انتلاقو ياطيري
انا: اوك

طلعت من جامعه رنيت ع هدي وهدرزنااا 
وصلت ...

لقيت عمال فوق في شقه ويكملو فيها عرفته فرج خويا بدا فيهاا
خشيت ..

امي: هذي الجيه يافالح
انا: كنت في جامعه
امي: تغذيت؟؟؟
انا: فرج بدا في شقه؟؟؟
امي: بدا فيها ... وانت كيف قلت نبي اندبر؟؟؟
انا: ساهل اطلعو من راسي من ناحيه متبوش اتساعدو من ناحيه تسألو
امي: راك اتخش ع حرام يافرخ؟؟؟
انا: لالا جوي سمح انبزنس مع واحد صاحب 
امي: ودار النوم ودولاب المطبخ هديه مني
انا: كثرتي يامي عليش المصاريف هذنه كلهن
امي: اتشفط ياواطي... 
انا: والله انتم هلي وتعبو النفسيه
امي: اختك ياسمين تو تساعدك بثلاجه وفرج غساله وخوتك ابراهيم وحسام غاز
وباتك مصاريف العرس والقاعه انت غير جيب الشقه 
انا: ساهل نبي انعدي نرقد
امي: تبش اتغذا؟؟؟
انا: لالا عقبولي تو نوض انسخن

~
~
~
~
مرن يومين معديتش للجامعه لاهي بلمحل وبلبضاعه ونستف 
وداير جوي ...

رن عليا سالم..

سالم: تي وين ياجنتل؟؟؟
انا: فلمحل
سالم: تعال للجامعه
انا: شن في ؟؟
سالم: بنتلاقه مع رنا ورنا مع صحبتها نبيك تشوف حلا
انا: انت حكيت مع رنا
سالم: تي امرقيتها لهن صاحبتها ميحبنهش بكل 
انا: ههههه تي كيف صار؟؟؟
سالم: والله الزبده ان هيا متحبهاش انت دير جوك معاها وكان عصت
نحكي لرنا تحكي معاها
انا: تم يا طيري ربع ساعه
سالم: ربع ساعه وذنك توا تعال
انا: قاعد فلمحل
سالم: ع اساس ... توا قايله محد مدورك يارا بسرعه قبل ماتروح 
انا: خلا ص تو نصكر

~
~
~
~
صكرت المحل وعديت للجامعه وصلت بعد10دقايق

سالم: واخيرا شرفت
انا: وينهن؟؟؟
سالم : اصبر

رن ع رنا:

رنا: الو
سالم: وين ياعسل؟؟؟
رنا: امم انت قول وين تو نجيك
سالم: لالا خليك مع صحباتك
رنا: عليش؟؟
سالم: مش قتلك صاحبي طايح في صاحبتك؟؟؟
رنا: اسلومه فكني منها حصله وبارد هرا هذي
سالم: انتي متدخلش خلي هوا يشوفها ويحكي معاها 
رنا: انا طلعني منها؟؟
سالم: تم يالحب وينك؟؟؟
رنا: قاعدات فلمدرجات وين مافي الافته
سالم: اوك اوك جايك ياعسل

سالم: هيا ياريس

~
~
~
~
مسعوده: كنك ماعديتش؟؟؟
رنا: قال يبي يجيني هنا
حلا: مبردك من جدك مصاحبه شكل كيف هك؟؟
رنا: اسلومه ولد ناس ومحترم وبعدين صاحبه اللي خبطك مش هوا
ساره: وسعن بالكن كنكن؟؟؟
مسعوده: شكلهم شلتت
رنا: والله خير من الاعمي اللي تزازي بيه
مسعوده: رنا منسمحلكش
ساره: رنا خلاااص كنكن؟؟
رنا: اصص هوا جااا

خشيت و...

.....يتبع

وين التعليقااات :(
وين التقااات :(
معقوله هكي القصه مزالت في البدايه وياما جايكم من خير انشطو :(😉