تفااااااعلوواااا 😍😍

#قليل_الادب
الحلقهه الثـــــانيهه:

حلا تبكي.. :'(
حلا: الو بابي :'(
مفتاح: كنك ياحلا ان شاءالله خير يابنتي :/
حلا: واحد قليل الادب خبط فيا وكانت في يدي خلطه انطبت ع دبشي كله
مفتاح: وسعي بالك ساهله 
حلا: هيا نبي انروح
مفتاح: لالا منقدرش نطلع بنعطي محاضره تواا :/
حلا: بليييز بابي بلييييز حرام عليك منظري كارثه :'(
مفتاح: به تعاليلي واحظري معايا المحاضره وقمعزي لاقدام واول مانكمل نطلعو
حلا: لالا يابابا :'(
مفتاح: غير تعالي ساعه وبنطلعهم نا 
عدت شور باتها وحاطه قدامها مسعوده وراها رنا وساره اللي 

يسهوكن وخلاص

عشان محد يشوفها هههههه :v :v

خشششنها للقاعه وقمعزت وعدن هنا 3 المحاضرتهن

مفتاح: من اللي خبط فيك 
حلا: واحد قليل الادب منعرفاش وهزبني اخري :(
مفتاح: بعد تشوفيه وريه ليا تو نوريه 
خشيت للقاعه نا وشباب ووقمعزناا وسالم وسعد باردين
يعاودو في نفس اللقطه ويضحكوو :3

طبعا قعدنا لورا في اخر القاعه نحنا الثلاثه

بدا الدكتور في المحاضره ويخريط ونا نبحت في فوني ونفكر في في هدي
وفي امي وفلوسها وهم الدنياا :3

سالم فاتح فيس ويشفط :/
وسعد داير روحه مركزز :p

انا كان واضح اني ساارح وطبعا الدكتور هضا بااايخ نظام أي واحد يسرح
او ينتبهله مش فاهم يسأله :3 

الدكتور: انت ياطالب 
انا:...
سعد: (بصوت واطي)حي ع امك يافصخه ينادي عليك هضاا
انا: من؟؟؟ بحتت في الدكتور... نعم يادكتور
الدكتور: مش معانا؟؟؟
انا: لالا معااااكم 
الدكتور: شن كنت انقووول؟؟؟
انا: اناا نحكوو عل اممم
الدكتور: كمااان
انا: شنوو
الدكتور : تعال؟؟
سعد: كنك مستك

بحتت في سعد وصبيت وعدي تشور الدكتور وماسك في يده الخطاط

حلا: باااابا بااا اهوا يابابا ..بعدها فطنت لروحهاا .. سكتت 
انا: نبحت فيها ومنصدم :o
الطلبه : هههههه :v :v :v
الدكتور: شن فيه :/

اول مره نعرف ان الدكتور مفتاح عنده بنت ومعنا في كليه مع اني
تقريبا شايفها من قبل .. بس منحسابش انها بنته ..

الدكتور: لو سمحتو التزمو الصمت 
(طبعا هوا يحكي بلانجليزي بس نا انترجملكم) 😉

سكتو الطلبه وبحت في حلا وبحت فيا وطلع الدكتور ونا وحلا في جرته

وطلبه كلهم ساكتين
وحلا متخزرطه عشان دبشهاا المسخ :3
صكر الدكتور باب القاعه ع طلبه ونحنا قدام القاعه

حلا: هوا يابابا اللي كب عليا الخلطه وهزبني اخري :'(
انا: اسف يادكتور مش قصدي :/
حلا: لالا قلل ادبه

(انا ضحكت من جدي ع كلمة قلل ادبه اللي قالتها بلغه العربيه )

دكتور(مفتاح): بس مهما يكون كنت تنتبه اكثر؟؟
انا: اسف مش قصدي واعتذرت منها الابله
حلا: (حطت يدها في وسطها)مش ابله ناا فاهم؟؟
مفتاح: حلا خلاص .. خش انت ياطالب خلاص 

خشيت وكلهم يبحتو فياا ..

سعد: ههههههههههه :v
سالم: طلعت قاليل الادب بنت الدكتور مفتاح :p
سعد: بس غريبه اول مره نعرف ان عنده بنت
سالم: ياعليك الفشااكه تاريتها بنته ههههههه
انا: تقدرو تسكتو
سعد: هههه والله حاله :v
انا: فاتتكم بعد قالتي يقلل ادبه بلغه العربيه :v
سالم: هههه انعنجد وجهها بكل باتها انجليزي وهيا لغه عربيه :v
سعد: دايرين رواحهم مش ليبيبن :p :v

~
~
~

مفتاح: معقوله ياحلا هضا تصرف ؟؟
حلا: عليش؟؟
مفتاح:معقوله تعيطي قدام الطلبه؟؟؟ :/
حلا: اسفه بس نرفززني شوووف منظري انت؟؟؟ :(
مفتاح: مهما يكون من قلت الادب انك تحكي هكي وبعدين انتي عارفتيني  ان انا منحبش يعرفو الطلبه انك بنتي؟؟
حلا: اسفه خلاص بس والله ماقصدي :(
مفتاح: انتي عارفه شباب الجامعه وانا حقاني ولانزيد ولانقص معاهم خايف حد يمكر فيا و تصيرلك حاجه؟؟
حلا: سوووري :(
مفتاح: عدي قمعزي في أي مكان علي ماكملت 
حلا: وين بنعدي بنمظري ؟؟؟
مفتاح: خشي معايا للقاعه توا والله ياحلا سريبك سريب

خش باتها وهيا في جرته بحتت فياا وكرمشة اعيونها كيف القطاطيس
وطنشت وخشت :v :p

سعد: وحق ربي مطرشقه :p :v
سالم يسهوك وخلاص :v

بس عارفين شن السمحه في الموضووع؟؟؟
ان مصارش من سؤال الدكتور لياا لان اووريدي مش حنعرف :v

كملت المحاضره وطلعنا وهيا مقمعزه في الكرسي اللي قدام باتها بززبط
وحاطه كراع ع كراع وتسمع في اغاني بسماعات

التمو الطلبه ع دكتور ويسألو فيه نحنا طبعا مش شورنا الجو هضا طلعنا دغري 
سالم: شن نظامكم اليوم؟؟؟
سعد: شوفو جوكم؟؟
انا: انا توا ع حوش بنررررقد
سالم: شكلك متعارك مع المدام؟؟؟
انا: واله مسكره من كل تركينه
سعد: امي ترن علياا 

رد ع امه

سالم: وسع بالك الدنيا نهايتها موت
نا:مش عارف كيف
سعد: امي تبيني نروح بيها نا ماشي
سالم: ياعليك اخلاص وولاء للامك 
انا: هههههه ياريته غير محصلين منهن فايده
سعد: وجوهكم ماشي نا

عدا سعد ونا روحت لقيت امي معقبتلي غذا تغذيت ورقدت
~
~
~
~
حلا روحت مع باتها وراقيلها بلكل ومتنرفزه ع للقطه اللي درته لها
خشت حلا وحطتلها الشغاله إذا غيرت دبششها وتغذت وركبت 
لدارها .. 
~
~
~
~
~
نضت قصاد العصر وراسي بيطربق ولقيت رساله من هدي
(حبيبي نا سامحتك واجد بس انت بعد نا انزعلك نتسامحش فيا)

ناعليا منها رنيت عليها

انا: تي ها يالغلااا
هدي:واخيرااا
انا: معش اتزعليني ...
هدي:حاضر .. به شن صار؟؟
نا: في شنو؟؟
هدي: في موضوع الشقه؟؟؟؟
انا: أنأجرو ؟؟؟
هدي: بابا ميعطيش اجار .. ضرؤري ما شقه :(
نا: هدي والله ماعندي؟؟
هدي: انت حالتكم الماديه متوسطه واخرا احسن منه نحنا وامك مدرسه
قديمه وباتك مقاول ,,, يعني معقوله ميساعدوكش؟؟؟
انا: امي عطتني فلوس وبديت نبيني فوقهم بس مسدنش 30 الف يالله دارن صبه 
كلا الباقي من وين واخرا تقولي ردلي فلوسي

هدي: به ولعند امتي؟؟؟
انا: اصبري
هدي: أنس لو مصرفتش خلينا نفضوها يعني 6 سنوات علاقه وبتخليني6 سنوات خطبه؟؟؟ رام عليك معلقني

انا:شن اللي في يدي نا؟؟؟
هدي:اصرف دبر اسلف.. انا مش شوري نا تحملتك وااااجد ومع هضا كله
استهتارك الزايد وكل مره تخون فيا ونا انسامح فيكونقول بكره يعقل

انا: هدي معش اتجبدي مواضيع قديمه ونا قتلك ان من بعد خطبتك والله ماتعرفت ع بنت
هدي: انس اصرررف ياتصرف ياكل حد يعدي في حاله 

انا: شنو اندير؟؟؟
هدي: منفهمش اصرف دبر فلوس وكملها الشقه

تناقشنا ن اوياها وكانت مصره ع قرارها يانبدر يا انتفارقو
صكرت منها وراقيلي طلعت:

انا: انتم مسوديلي حياتي انتم مش كيف الناس
امي: تي كنك انت؟؟؟
انا: انتي وبخلك وباتي وبخله ماتقول ربي عاطيكم مستخسرين حتي في ولدكم
امي:معش اتعللي حسك علياا 
انا: انا تعبت نا كل يوم مشاكل ن اوياها بسببكم انتم السبب تي والله
هدي تزوج ولا تسيبني انسودلكم معيشتك وخللي ذهبك وجمعياتك ينفعنك

امي: ياقليل التربيه يامهزززب ردللي فلوسي بعدها افتح فمك وادوي ردللي فلوسي
فاااهم فلوسي 30 الف ولا مليم اتنقص منهن ياكلب يللي ماينفع فيك الخير

انا: فلوسك تو نعزقهن لك ع وجك وشقه معش نبيها احرقوها اللي فوقكم

طلعت وامي تهزب وتعارك طبقت الباب وركبت لسياره 
~
~
~
~
مسعوده مع حلا ع نقال:

مسعوده: وتوا بابا يبي يشيلني الو الوو لولو الوو الو الو لولو
حلا:تي هاا
مسعوده:معقوله مخلتيني نحكي بروحي ؟؟
حلا: اندير في مونيكير احكي درت المايك
مسعوده: لولو بابا قال هياا بنسكر
حلا: وطمنيني شن يصير معاك ؟؟
مسعوده: تو نكلمك
حلا: مرات نقعد مزلت عند عيت عمي ..
مسعوده:خلاص معناها بكره في جامعه تو تحكيلي ونحكيلك
حلا: خلاص رد بالك ع روحك
مسعوده: حتي انتي يالولو اتشاااو
كملت حلا المونيكير ولابسه لبسه سمحه وحطت عطر ولفت وشاحها
ولبست كعب ونزلت عشان بيعدو لعيت عمها هل احمد خطيبها...

~
~
~
~
مسعوده كانت تبي اتعدي للعياده عشان اعيونها عندها ضعف نظر
وحاطه عدسات طبيه ...

وصلها باتها لعند باب العياده..

باتها مساعد: اول ماتكملي رني عليا انا ماشي بنجيب حاجات لامك
مسعوده: باهي هيا اوك

ونزلت ووصبت قدام باب العياده ولقت شاب مقمعز ع دروج الباب
ولابس نظارات شمسيه:

مسعوده: لو سمحت ؟؟؟
الشاب:...
مسعوده: لو سمحت؟؟؟
الشاب:....
مسعوده: انت هيييي؟؟؟
الشاب: انتي تحكيلي؟؟
مسعوده: ومن في غيري .. حول حول من طريقي معندش وقت
الشاب: أسف أسف

الشاب صبا بصعوبه وقعد يمسك فلباب ... طلع اعمي..
مسعوده: انا اللي اسفه سامحني..
الشاب: (ابتسم) ولا يهمك ولا يهمك
مسعوده: والله سامحني بجد والله مكنتش نعرف 
الشاب: انا الي اسف خلاص حصل خير
مسعوده: بس معليش ياأخ انت مقمعز غلط؟؟
الشاب: خويا حطني هنا وقالي بيدور سياره من ع طريق تشيلنا
ولاه ربع ساعه وماجش تعبت من التصباي 
مسعوده: في كرسي اهوا يالا العياده ؟؟
الشاب: خايف خويا يدورني؟؟
مسعوده: لالا هوا قدام العياده اهوا مقابلني؟؟
الشاب: اممم
مسعوده: امشي وراياا.. قصدي انا تو نخبطلك بشنطه ع عصا متاعك
الشاب: به

قعد يمشي وهيا ادل فيه لعند ما وصل قمعز وشكرها

مسعوده: لا شكر ع واجب بس خوك وين؟؟
الشاب: قالي بياخد سياره من ع طريق؟؟
مسعوده: الطريق السريع قدامي شن لابس؟؟
الشاب: ههههههه مسألتش؟؟
مسعوده: ءووءوو اسفه مره اخري 
الشاب: به ولا يهمك عادي 
مسعوده: نام نخش للعياده فرصه سعيده
الشاب: بيك اسعد ياا؟؟؟
مسعوده:... مش لازم؟؟؟
الشاب: اسف ؟؟
مسعوده: عادي هيا اتشاو

خشت للعياده ولقت طابور قدامها قمعزت ع كرسي وقعدت تراجي
وقابلها شاب ومع بنت ممرضه مقمعزين مع بعضهم ويهدرزو

البنت مكيجه مكياج افراح... وماسكه بالطو التمريض في يدهاا
وشاب قريب منها واجد ويهدرز معاها ويضحك ..
كان منضرهم ملفت للنظر ..
~
~
~
~
تلاقيت مع سالم وراقيلي 
سالم: والله ياطيري مافي حاجه تستاهل
انا: مسكره من كل تركينه ..
سالم: واشتغل؟؟
انا: المحل مسكت ومافيش حتي فلوس عشان نجيب بضاعه
كل مانقول تو ربكيوسعها تزيد اضيق
سالم:انت تبي تزوج؟؟
انا: انا في حال وانت في حال
سالم: جاوبني؟؟
انا: تي شن رايك يعني؟؟؟
سالم: وتبي افلوس؟؟
انا: معبط جدت ام اصلك
سالم: اشتغل معانا واسكت
انا: بنشتغل في سرقة السيارات؟؟؟
سالم: والله انت اللي تبي افلوس وتبي تزوج متوقع ان فاعل خير
بيدق باب حوشكم وبيعطيك 40000 عشان تكمل الشقه؟؟

انا: مش لدرجة سرقه؟؟
سالم: توا انت لا تحلل لا تحرم 
انا: برضو ارزاق ناس وبعدين معنديش نيه ننحبس بكل 
سالم: تي ومن قالك تنحبس؟؟؟ نسرقو السياره كامله ونبيعوها طروف وكل طرف
في مكان 
انا: ع اساس فيها مكسب يعني سياره ب6000 وديرؤها اطروف مكسبها 2000
سالم:وخير من بلاش و2000 ع 2000 ع 2000 يديرن راي
انا: فوتني ياراجل
سالم: والله فكر 
انا: ع اساس ال2000 بروحي ما بنتقاسموهن وبعدين وين بنحطو السياره اللي بتنسرق
سالم: ههههههههه مانحسابك حمار ياصاحبي تي نا نشتغل مع ناس محترفه
الراجل اللي نشتغل معاه عنده مزااارع من ورا الشغل هضا وكل مره نخزنو في مزرعه
ونفكوها وكل واحد ياخذ طرف وصاحب فكرة السياره ياخذ نصيب الاسد

انا: والله ماني عارف
سالم: تي اسمع مني ورد لامك فلوسها وكمل بني بروحك واول متكمل بني الشقه 
وتصمد المحل متاعك فوت الشغل واشتغل بضمير

انا: تو نفكر ونرد عليك
سالم: نصيحه مني متخلش حد يجمل عليك ومتخافش 
انا: تي باهي ومن وين السيارات ؟؟؟
سالم: نفكو فيهن طبعا لاكن بتخطيط مسبق والراجل لي نا نخدم عنده جاب
عده من بلجيكا خاصه بفتح السيارات واعلق لخيوط وشك فرينوو وحصل مبلغ سمح
انا: وكان صارت كبسه؟؟؟
سالم: مش شونا نعفسو وننكرو لان السيارات ينباعن اطروف محد يعرفك ومش
ضروري تذكر حوشكم او ولد عيت من؟؟
انا: سااهل 
~
~
~
~
لبرنسيسه حلا وصلت عند عيت عمها.. وأحمد كان قاعد طبعاا نزلت هيا وهلها
وسلمو ع بعضهم وقمعزو وقعدو يهدرزو..

وأميمه وندي خوات أحمد قاعدات في المطبخ:
اميمه: ربك يستر وما تعرف
ندي: ومن وين تبي تعرف ؟؟؟
اميمه: عمي ميسألش عليه في باريس؟؟؟
ندي: باتها وامها فرحانين بأحمد وعمي مش مصدق وهيا تبي باريس
وبتفشك وخلاص مش حيعرفو شئ

خشت مرت خوهن ابتسام..
ايتسام: هياا وبطلن دوه
اميمه: باهي وتينا كل حاجه
ندي: انا بنعرف كنها حاشره انفهاا بين بابا وماما وباتها وامهاا 
ومتجيش اتساعدناا؟؟؟
اميمه: ههههه حلا بجلالة قدرها اتخش اتساعدك؟؟؟
ابتسام: هههههه مش شورها المطبخ ياناري ع احمد اللي بيكملها شرموله
ندي: مزطتني ماني عارفه واللي قاهرتني ماما عاجبتها؟؟
اميمه: بكل كان ما وافقو انظر شن صار فيها
ابتسام: تبن الحق ياصبياتي؟؟؟
اميمه وندي: شنوو
ابتسام: حلا طيبه راا 

ندي: من وين جتها الطيابه وهيا طول الوقت تفشك وناسيه ان عندها ضعف اللي عندهم؟
اميمه: هيا هبله ومزالت متعرفش تصرف
ندي: انا قاهرتني ومش متقبلتها بكككل وخاطري نطلع نحرقلها فيلم التفشيك
ونقوللها ع فالطة احمد
ابتسام: رد بالك والله عمتي تزعل منك
اميمه: الله يربحك ياندي مشي اليوم ع خير
ابتسام: اسمت واطلعي ياندي مدي القهوه
اميمه: والحلويات واتيات لحقي يابتسام المناديل
~
~
~
~
قعدت قريب لساعه وهيا ترجي في دورها وخشت قعدت 10 دقايق وطلعت
عاينت مسعوده وطلعت ولقت الشاب اللي مع الممرضه مزال مقمعز ويهدرز
وسمعتهم وهيا مخطمه:
الممرضه: خلاص حرام عليك عدي لخوك اعمي تلاقاه يفرفش ههههه
الشاب: حد يسب السماحه ويعدي ؟؟ مستحيل اتصير؟؟

برمت مسعوده:
مسعوده: انت قصدك اللي خوك بره واعمي وكاذب عليه وقتله ندور سياره؟؟
الممرضه: ؟؟؟؟
الشاب: وانتي شن دخلك؟؟؟
مسعوده: قاعد مواعيد غراميه وخوك بره يخطمو من جنبه ناس عازقه
ع باب وانت ماد وجك هنا؟؟
الشاب: وانتي مال اهلك؟؟
مسعوده: هيا هكي؟؟؟ تو نوريك شن اندير؟؟

طلعت من العياده وعدت للشاب الاعمي:

مسعوده: خوك قاعد في موعد ومسيبك
الاعمي(عمر): شنوو

جاه خوه يجري..
خالد: هيا ياعمر؟؟

الاعمي (عمر): معقوله هكي ياراجل
مسعوده: خاف ربي والله يحشم فيك
خالد: توكلي ع الله انتي شكلك وحده فالته انتي لو هلك مربينك متحكش
مع شباب في نص الشارع

عمر: خالد مش هكي؟؟؟
مسعوده: والله ... تي صقع عليك بنت ناس غصبن عن وجك
خالد: تو ناخذ سياره ونجيك اقعد هنا

عدا خالد شور الطريق.. ومسعوده رن عليها باتها وقاللها قريب نوصل
مسعوده: فرصه سعيده
عمر: بيك اسعد ... اسمعي
مسعوده: نعم؟؟
عمر: ممكن رقمك بعد اذنك يعني
مسعوده والله امممم(كانت متبش تعطيه بس وجعها وخافت ع مشاعره) به
عمر: هاكي سجليه..يا؟؟
مسعوده: رهف وتو نسجله لك رهف تمام ؟؟

كتبت رقمها مع جيت خالد وشافها وهيا تكتب فيه في فون عمر..
عدت وردت خشت للعياده وخذا خالد عمره وشاله للسياره 
وركبو وعدوو للحوش..
~
~
~
~
روحت حلا ع مغرب وروح بيه اباتها وهما في سياره:

زهره : خوك مستعجل؟؟
مفتاح: حلا ابدي وتي روحك
حلا: بنعدي لتركيا ناخد حاجتي من غادي ونبي انعدي لباريس
مفتاح: تركيا باهي باريس لالا سريب ومصاريف
حلا: كم مره قلتلكم منحبش كلمة مصاريف؟؟؟ وحيده نا احمدو ربكم
اللي مش عر منا وبعدين ربي عاطيك؟؟؟
مفتاح: يالولو تبي حاجه من باريس شوفي ع الانترنت واللي تعجبك اندزلك
عليهاا بس انك تمشي لعند غادي لالا ونا اصلا معنديش وقت

زهره: ومشيت تركيا تو نعدو ن اوياك وخالك 
حلا: مش خالي الاخر قاعد غادي؟؟؟
زهره: خالك قاعد يعالج في بنته في فرنسا وبيروح خطرها قتله يسأل ع احمد
مفتاح: وعليش؟؟؟
زهره: الشاب لاه 10 سنين غادي ضروري مانعرفو عليه كل حاجه
حلا: ههههه تو يضحو عليكم في فرنسا وتسألو 
زهره: انا بنتي مش مفرطه فيهاا
مفتاح: هضا ولد خويا
زهره: خوك ماقلنا شئ.. بس البنت تبي تزوج يعني خلاص ضروري مانسألو
حلا: هههه ومن بيسأل خالي الجيران مثلا ؟؟؟
زهره: اسكتي وبلا خفة دم عطيته اسم المعهد اللي يشتغل فيه احمد
مفتاح: تصرفي من ورايا؟؟
زهره: كنك درت قصه بنطمن ع مستقبل البنت نا؟؟؟
مفتاح: حلا وصلت سيارتك 
حلا: بكره انعدي بيها للجامعه؟؟؟
مفتاح: لالا يومين هك بس بكره بعد نروح بيك من الجامعه
نبيك تشوفيهاا 
حلا: نجك ليا بابي حبيبي
~
~
~
~
وصلو عمر وخالد:
عمر: والله رقيلي منك كله من امي شيل خالد شيل خالد 
خالد: والحق عليا يعني؟؟
عمر: مسيبني في طريق ناس وماشي دير في ميعاد؟؟
خالد: وممنوع يعني المواعيد؟؟؟
عمر: قريب ساع هونا نراجي؟؟
خالد: ساعتين وانت الصدق؟
عمر: شنوو
خالد: لالا مقلتش شئ
عمر: تعال نبيك في حاجه في المربوعه
خالد: انعم؟؟
عمر: (متحشم) نبيك اترنلي ع بنت؟؟
خالد: صاروووخ البنت
عمر: صااح.. صوتها سمح بس شكلها الله اعلم
خالد: عمر انت متشعفش؟؟؟
عمر: تريحتلها حسيتها بنت ناس
خالد: مش أي بنت تعطف عليك معناها تبيك ؟؟؟
عمر: به خليني انجرب؟؟؟
خالد: ءءءء البنت مرات مش تمام؟؟
عمر: لالا كويسه نا حسيت هك
خالد: اصبر تو نجيك 

طلع خالد للصقيفه ورن ع بنت يعرفها من نيم باز

نونه: هلا بيبي وينك مغطس
خالد: اسمعي نبي منك خدمه ياعنوني؟؟
نونه: اعنون النونه انت؟؟
خالد: نبيك تكلمي خوياا اعمي هوا؟؟
نونه: كيف؟؟

(حكالها انها تاخد دور مسعوده عشان هوا خالد يكلم مسعوده وبيضحك ع عمر
ويبي نونه تكلمه ع اساس مسعوده)

نونه: هذي بس؟؟؟
خالد: بس زي ماحكيتلك ؟؟
نونه: خلاص مايهمك شئ اهم شئ يكلمني برصيده وكل يومين يدزلي
خالد: عارفك ديرش حاجه بلاش..

صكر منها وخش للعمر:
خالد: هات نقالك شن قالتلك سجلت روحها؟؟
عمر: رهف قالت رهف
خالد: اممم رهف رهف رهف اهوا لقيته 
(خذا الرقم وسجله في نقاله ومسح رقمها من فون عمر وسجل نونه ع انها رهف
ودزلها رساله من فوه وقالله نونه قولي ان اسمك رهف)

طلع ورن ع مسعوده بس ماردتش دزلها رساله ع انه هوا عمر بس
برضو مردتش..

اما عم حلا مرعي وولده احمد واميمه وندي وولده عبدالسلام ومراته ابتسام وام احمد
كلهم مقمعزين:

اميمه: كارثه كان يعرف عمي مفتاح؟؟؟
ام احمد(كوثر): ومن وين يبو يعرفو انتن سكتن ع موضوع
مرعي: منبش علاقتي تخرب بخويا والبنت وحيدته ؟؟؟
كوثر: انا عاجبتني حلا 
احمد: حتي نا بصراحه البنت خاشه خاطري
مرعي: انا خايف ان مفتاح يعرف حاجه؟؟؟
ندي: ومثلا من وين بيعرفو وهما في بنغازي؟؟ 
مرعي: والله اقل حاجه يقعد عندهم خبر ان احمد...

..........يتبع