قلب مستعمل
كتاباتي سوما سنفوره
حلـقه 28

اني معاش فهمتت واللهي لو طلع حلم حنسامح منير وسعاد واللهي واللهي هيا نوضي من الحلم معمريش ريت حلم طويل يلاااااااا

اووووو ياربي

شوي خشت غاليه وامال

شافتني امال واني شفتها لمحت فيها كاينه تبكي
وخالتي غاليه حتا هيا تبكي

شفت في منير لقيته دمعته نازله شافني مسحها طول

ووواو راجل يبكي

غاليه: ااااااه ينعليا بنتي
امال: ربي يشفيك حبيبتي
هذا قضاء ربي
غاليه: ربي كريم تو تصحي تو تبدي تمشي تو تتكلمي اصبري بس ربي مع الصابريين

اني
شفت فيها وابتسمت

»»»»»

اكتشفت انه توا صبح
بعد ما روحت غاليه وامال
شوي وجت جلنار وايات وحنين

بكيتتتت معاهن لين عيت بكيت بكل قوتي خلاص معاش بنحكي اني خلاص اخر كلمه قتها به؟ ؟بس لو نعلم راه حكيت لين عيتت لو نعلم مخليتش كلمه ما قتها لو نعلم مخليتش مكان ممشيتله لو نعلم ما خليت حد ما ااااااه يارررب
معاش حنحكي اكتر من هكي

دموعي جفو خلاص

روحنا للحوش
وحطونيي في كروسه طبعا

نزلوني من السياره شفت الحي متاعنا كيف كنت نمشيله برجليا كيف كنت ندهور فيه ااااه يارب

خشينا للحوش

حي وين حطو بابي

اني:

اووو نسيت انه اني منحكيش
💔💔💔😭😭

وين بابي بهي؟ ؟
شفت في منير وفهم،عليا طول
منير: في داره سكرت عليه اني

"شفته بمعني ارفعني ليه"

منير:به

اني "ااااااه يا اخر كلمه نطقتها يا اخر كلمه قالنها احبالي الصوتيه '"

شفت بابي مقعمز،ويراجي فيا

شافني ناض قعمز جنب رجليا الميتات

اني بديت نبكي وخلاص دموعي بيجفوو

تقدم بابي خطوات وباس يدي وقعمز في فراشه
ضم رجليه ليه وبدا يبكي كيف العيل

شفت لمنير بمعني طلعني

طلعني منير لداري

شفت لداري وادكرت لما سعاد اعترفتلي بكل شي

حطتني سعاد علي سريري وغطتني بنصوله

خدي منير كرسي وجبده ليه وشافني مع ابتسامه مكسوره

اني شفتله بمعني نطلب طلب

منير: شني

اني رفعت حواجبي وابتسمت

منير: نفهمك عالطاير نا ❤😍

اني اشرتله بمعني ورقه وبيرو

منير: باهي وينهم

اني اشرتله علي الدرج

شوي وفتحه ادكرت اني حاطه فيه حاجه سريه

بديت نصفق

منير التفتلي: شن تصفقي معندكش فم تحكي بـ"سكت "

نزلت مني دمعه حاااااااره وطبست راسي

سعاد 'طلعت"

منير جا جنبي

رفعلي راسي ومسح،دمعتي :حكيت مع الدكتور وقالي هالشي مؤقت قصدي فتره وتمشي ان شالله غير اصبري

اني هزيت براسي بمعني به

منير: معاش تبكي دمعتك غاليه هاك الورقه شن تبي تقوليلي

اني كتبتله: نبيك تنتقم من خالي

منير شاف فيا بخوف

اني كتبتله: كلم مرت خالي علي بنته ومرته برقم غريب والا دبر حلك

منير هز راسه بمعني به

اني كتبتله: معاش تهز راسك قول اي احكي استغل كل شي في الدنيا قبل لتفقده

منير :حاضر....خطك معرفتاش رااه 😹😹😹💔قصدي تقول خط دجاجه 😹💔

اني ضحكت 😹😹💔

«««

مرت خالي: قالو السيده ميار تبكشت
اروى: تستاهل هالزهاق
فاطمه: توا عرسي بيتأجل
مرت خالي: وعلاش ياحبي شن دخلنا فيهم

محمد جا لامه

مرت خالي :جي الصقر جي
محمد: يمااا نبيك تخطبيلي
مرت خالي: تؤمر يولدي من تبي
محمد :بنت نركب فيها في الحافله
مرت خالي: به امتا تبينا نخطبوهالك
محمد: اليوم
مرت خالي: به هيا نوضو جهزو ارواحكن وبوك كلمته
محمد: تي بوي طاير مسافر اولا وتانيا نبيك تشوفي البنت وتتعرفي علي العيله ....وتانيا هي تسكن،في ملجأ
مرت خالي: هي هي هي انت شن تسحابك روحك ولدي مناخدلاش غير بنت اوصول مش بنت اشبح من وين جايه؟ !
محمد: هيي حتا انتي"بعصبيه مفرطه"كاين بوك راميك في ملجأ ولما جاك باتي خطبك بوك رجعك
مرت خالي: باهي ضروري ما تدكروني انتو
سالت عليها
محمد: اي هيا جهزو
هاك رقم امها كلميها
مرت خالي: به شن،اسمها هيا وشن،اسم،امها

اتصلت

مرت خالي: السلام عليكم كيف حالك ابله ،برنيه صح؟ !
برنيه: وعليكم السلام والله اي برينه من معاي
مرت خالي: ا ني جايه بنخطب بنتك لولدي لو معندك مانع قلت نقوللكم
برنيه: تمام تفضلو امتا متبو
مرت خالي: اليوم راه

»»»»»

برنيه :جلنااار يا جلنار
جلنار: نعم يماا
برنيه: جهزي روحك عرب جاين بيخطبوك
جلنار: من هما
برنيه: مش عارفه هي كلمي البنات توا جايين هما

»جلنار: زعما هوا يا ايااتو
ايات: بلكي ههههههه
حنين: هي تعالي نجهزولك دبش
حلا: اني بنعدي لمامتي يحنه اقعدو فيها
ايات :انتي من لما تصالحتي مع امك وانتي شاديتيها معاش طلقتيها مبعدها هههههه
حلا: غيره ههههههه

»»»»»»

منير: هاكي كولي مكليتيش من امس

اني اشرت بمعني منبيش

منير: لا

جتني رساله خديت نقالي وبديت نقرا فيها

هلا ميوو شجوك،كيف ححالك توا يا حنه عمتك جلنار بطير فرح جااين بيخطبوها اهل محمد سواق حافلتكم نضني

اني لما قريتها فرحت

شوي تغيرو ملامح وجهي للبؤس  بعدين ادكرت انه محمد خو جلنار يعتبر 😳😳😳😳حي مسكينه جلنار يعني حب حياتها ضاع حبهم لبعض حب صافي صادق بس كيف سألو عليها وهك وووو

وتاني شي كيف قدرت مرت خالي تاخد وحذه من ملجأ
اااااه ما هيا الست كاينه في ملجأ
خلينا توا
كتبت لمنير القصه كلها ويدي عييت بكلل

»»»»»»

برنيه: جايين عرب بيخطبو بنتك
خالي :حي يا حي كيف بنديرو في الاسم
برنيه: منعلمش المهم نبيك تقعد مع الراجل برا
خالي: تمام يصير خير

»ه

مرت خالي: وين راجلك نراجي فيه لعرييس
برنيه: تو يطلعله شوي بش
مرت خالي: تمام

»»»

مرت خالي: كيف انتي وبنتك وراجلك في ملجأ
برنيه: نحنا فاتحين هالملجأ هكي حطينا فيه بنات معندهمش مكان يسكنو فيه ....قصه طويله منبيش نصدع راسك

جلنار خشت وزعت العصير

مرت خالي انبهرت بجمالها الصراحه حست انه تشبه لشخص

مرت خالي: الصلاتي عالنبي
جلنار: كيف حالك عميمه

:::::مو مهمين هديماا

محمد: هلا والله
خالي: يا اهلـ 😨😨
محمد: تي شن تدير هني يا باتي
خالي: انت يلي شن تدير هني
محمد: متقولش انت بو جو 😱
خالي: لااا لا خليني نستوعب انت منوو ولدي
محمد: خزي يا خاين
خالي :تي شن تخطب بدون لتقولي
محمد: تي شوف روحك قبل نخطب شنو وقت خطبه هوا وكان جت في هادي انت من زمان قايلي دير رايك في البنت يلي بتتزوجها والا نسيت وتاني شي هذا كلام نساوين وقعدنا في الطريق قريب ساعتين ومشاورناكش عساس انت مسافر يا هانم
توا انت طلعني من هالموضوع خلينا نخشو في الموضوع الاصلي "صبا فوق"شن تقرب لجلنار
»»»»»
مرت خالي: حي محمد يتصل اكيد قال هيا
برنيه: غر مزال الوقت
اروي: تهبلي يا مرت خوي
جلنار :هههههه،تشلمي

»»»»»
طلعت مرت خالي فرحانه لقت البنت سمحه
يلي تتمناها لولدها
شافت راجلها قدامها وجنبه محمد

مرت خالي: خيرك جاي؟ ؟مش عساس مسافر 😱
محمد: هواا راجلك يا حنه متزوج عليك والمشكله يلي جايه بتخطبيها ليا هدي اختي
مرت خالي: شن تقول انت! ؟؟؟؟؟؟؟؟؟
خالي: روحو للحوش نتفاهمو
مرت خالي بغضب: شن شن تقول انتتت
خالي بصوت عالي: سكري فمكك يا كلبه
"طبعا الوقت توا بعد العشاء"يعني ليل
»»»»»

جلنار: كأنه،صوت برا؟
ايات: مش وقته كملي وشن،صار
جلنار: شي اخته جوها سمح
حنين: شن اسمها،؟!
رسل: يا بنات الصوت تعلي راه
برنيه: تعالو نطلعوو

طلعو وكانت جلنار لابسه جاكه كحله وسروال مضغوط امريكي لونه هافت وويشاح يشبه لون السروال

شافت منظر بوها وخوها

خوها يلي متعلمش بيه خوها

مفهمتش شي
خيرهم متعاركين
يعرفو بعض

جلنار طلعت

جلنار:بوي من وين تعرفه هذا؟ ؟!
مرت خالي: اوووي بنتك هذي
واني نقول وين شايفتها تاريتها تشبهلك
جلنار: عم
اروي: بابي فهمني
جلنار: من هوا بابك
فاطمه :يلي قدامك

جلنار توسعو عيونها وبدت تشوف فيهم بصدمههه

جلنار: قصدكمم محمد خوووي؟ !
رد يا بابا رد
خالي: اي خوك
جلنار: اهاا "خشت للحوش "

قفلت علي روحها الحمام حشاكم

شافت في المرايا

دموعها مبوش ينزلو؟ !!
عليش! !!؟؟؟

جلنار: ليش دموعي منزلوش! ؟
خيرهم! ؟؟؟ حبيبي طلع خويا؟ !!!!
خويا؟ ! كيف اني نحبه؟ !
محمد نحبهههه
حي صوت بكاء؟ ؟! شن،صاير

»»»»»

خالي: يا مرا اهفتي ااي اي نفسها هديكا
مرت خالي: يا خاين يا
خالي :اسكتتي سكري فمك
مرت خالي: عالاقل احترم ولادنا الكبار يلي بصغارهم! ؟ حرام عليك يا شايب
اروي: بابي! !!؟؟؟؟ انت متزوج
مرت خالي: تدكر ان الحوش باسمي! !وانه الشركه باسمي! !؟؟ نص ممتلكاتك باسمي! ؟
خالي: يا مرا استهدي بالرحمان احني في شارع
برنيه: مختار! !
خالي لف للورا: برنيه خشي

"مرت خالي جت شحت برنيه وجبدتها قدام خالي "
هادي يلي بعتني علي شانها! ؟؟؟؟ هذي يا خاين! !؟
برنيه: اطلقيني. خشو داخل هني شااارع
مرت خالي :مختارررر 😡
"طلعت من الصور وعدت للشارع بتخش للسياره "

لحقتها برنيه وكلهم
تجي طانطه كبيره "سياره كبيره شاحنه "
ومرت خالي واقفه في نص الشارع

مرت خالي: واللهي يا خاين
برنيه: سس سي س ي ييااا سيااره
خالي: طاااانططططه
اروي: يمااااا
محمد: امممي
ايات: ياااا هووووووووووو

كلهم بدو يتعايطو

برنيه جرت للشارع دفت مرت خالي ومرت خالي تطيح برا الشارع الشاحنه كوربت وجت سياره دعست برنيه
ماااااااتتت 💔💔
خالي: برنيه وينننننككككك

مرت خالي :خاف عليها تو انت
محمد :ييهههههه
اروي: متت اني ياربي

صاحب الطاطنه نزل
:واللهي مكنت نشوف واللهي

وصاحب السياره هرب
رفعوها للمستشفي وما هي الا دقايق وطلع الدكتور متأتر
قاللهم: حالتها سئه جدا

عندها كسور وحاجات مش معروفه،توا بنزيدو نتأكدو

»»»»»»

جلنار: ياناس يا عالم شن،هذااا شن هالدم هذا

'مكانتش تعلم انه دم امها! !"

ايات: مفهمناش حتا احني شي

واقفات البنات برا ويتصلو ويدورو في تغطيه

جت،سياره فيها كراسي وخيم وحاله

جلنار: نعم اتفضلوو؟ !
الراجل: هني الملجاأ والا
جلنار: اي
الراجل: هي وخري بنشوفو شغلنا
جلنار: شغل،شني؟ !الوقت ليل  توا
الراجل: هني في عزي والا
ايات: من منهم مات 😱😱
الراجل: حني اتصل بينا مختار هك قاللنا

شوي وصلت سياره طلعو منها خالي وبناته وسياره تانيه طلعو منها مرت خالي ومحمد

جلنار: شن،صااااار
محمد: امك ماتت 💔💔💔💔💔
جلنار: شن تقول انت؟ ؟! مامي قعده عايشه؟ !
محمد: هذا قضاء ربي
جلنار: امتي ؟! وكيف وكيف ووو وو انطق

"ناضت جلنار من الحلم ولقت الدنيا صبح تعودت من الشيطان ولقت ايات قبالتها "

جلنار: ها شن صار فيهم
ايات: امك حصلت كسور في رجلها ويدها ورقبتها
جلنار: تحكي جد 😍😍
ايات: خيرك العفو
جلنار: حلمت بيها ماتت
ايات: لولا بوك لماتت
جلنار: اني بعد قتوهلي شن،صارلي
ايات :اغمي عليك
جلنار: وااااو لتوا قعدت راقده
ايات: ماه قلناهلك الليل متاخر وتوا الساعه 7
جلنار :نبي نمشيلهم! بس مش مدكره شي
ايات: لما طلعتي من الحمام قلتهلك سندس طول اغمي عليك

نرجعو للورا شوي

جلنار: ياناس يا عالم شن،هذااا شن هالدم هذا

'مكانتش تعلم انه دم امها! !"

حست بدوخه عدت علي سريرها وبدت تفكر سمعت صوت هرجه بس مقدرتش تطلع

قعدت تفكر لمين ما جتها سندس قتلها الخبر وسندس استغربت في رده فعل جلنار،قالتلها بنرقد

وطلع الكلام هذاكا كله حلم

«»»»»»»»»

اني

ااااه يا منير قديش نحبك

قاعد حداي معاها

سعاد: منير ياسرك عدي روح تعبت واجد امس في الليل
منير:تمام كان تبو حاجه كلموني
سلامات

»»»»»»»
منير: يمااا يما
غاليه: ها يا ولدي وين كنت امس
منير :عند ميار
غاليه: تبيها؟ !
منير: اييه
غاليه: عادي خودها اني معنديش مانع
منير: تحكي جد؟ ! عادي ولدك يتزوج معاقه ؟!
غاليه: متقولش هكي يا ولدي هذا قضاء ربي وانت قتلي فتره وتمر صح؟ !عشان انصدمت صح
منير"باس. راس امه "صحيتي يما مكنتش متوقع هالرد
امال جت تجري: كيف حال ميااار
منير:  كويسه شوي بدلي توا بنرفعك تقعدي حداها
امال: عندي امتحان 😳😳💔
منير: شني هوا
امال: انقلش
منير: هي بسرعه جهزي بنقريك فيه
امال: اول مره توافق تقريني علي قد ما اتجديتك
منير: هي بسرعه
امال :به

»»»»»»»»»
سعاد: ميار سامحيني 💔💔اسفه بجد

اني ابتسمتلها

سعاد: حي بيجو ناس راه تعالي نبدلك

اني شفتها وعقدت حواجبي
سعاد: قصدي مرات يجو ناس يستحمدولك علي سلامتك

اني: هزيت براسي بمعني به

سعاد: تمام هي

بعد الغدي

»»»»»

امال: واااااااو اول مره نفهم هكي الصراحه صدمتني
منير: هيااااا بسرعه بدلي
امال: بنتغداا
منير: تو نشريلك نص اي كلام بسرعه بدلي
امال:  به

منير طلع

امال: اووووو هذا ما يسمي بالحب 😂😂صايع 😹تي شن صايع راه خطيبته 😹💔
هي نبدل بلا جو 😹

»»»»»

غاليه: شن حال مرتك يا محمود
محمود: علي رحمه ربي قاعده
غاليه: اني وباتك قررنا نمشو للعمره
محمود: بفلوس مني! ؟
غاليه: فلوس الدولار
محمود :في الوقت هذا
غاليه: عشان ندعي لي سالي
محمود: ااااه اي
غاليه: متخافش راه تو تنوض ياما صار فيهم غيبوبه وحاله وناضوو
محمود: الله يستر
غاليه: ادعي بس يا وليدي
محمود: ياااااااااااررررب

''خدي مفتاح سيارته وركب السياره وصله مسج "

هلا محمود اكيد عرفتني ....ربي ينوض مرتك بخير وسلامه ❤❤

رمي النقال جنبه ونزلت دمعههه حاااااره

محمود: انتي وييين واني ويييين

وصل للمستشفي خش لغرفه سالي بعد ما لبسوه البالطو والاشياء

منير: سالي ...... كنتي تشهدري بيوسف لما ترقدي ..... في بدايه زواجنا ....لكن حمقت واجددد وشكيت فييك  ..... صح غرت بعض الشي لكن.  ...حتا اني كنت خاينك ...... كنت نكلم في بنت .....لكن لما وصلت لي يوسف يلي تشهدري بيه .....حكالي القصه كلها ......
قالي القصه كلها انك انتي تحكي في القرايا ....اسف علي الضربه يلي خلاتك توصلي هني!  اسففففف،سامحييننني

طلع برا سلح،البالطو والطاقيه قعمز قدام الغرفه حط يده علي راسه وطبس لوطا بدا يفكر في هذاكا اليوم

»»»»»»»

ايات :هيا جلناار وققت انزلي
جلنار: خايفه يا اياات
حنين: متخافيش مفيها،شي
"نزلو البنات "

..   "تفضلو
ايات: غرفه المريضه ......
......:تمام غرفه 19 علي يمينك
ايات: هيا بنات

وصلو،للغرفه خشن ما عدا ايات جدبها قلبها لمكان

شافت يمينها لقت راجل حاط يديه علي راسه

شافت،زين لقاته حبها القديم 💔💔💔

ايات: محمووود؟ !"تقربت اكتر "محمود!!

محمود «

كنت نفكر في هذاكا اليوم
لين سمعت خطوات كعب خطوات كأني نعرفهم؟

قمت راسي لقيت ايات؟ !! حي شن جابها؟ !

ايات ........

محمود .........

#يتبع

غوالي نبي تفاعلكم هاااا نبي تاقات وجو اوك
درتها،حلقه طويله عاااد ❤تفاعلكم