روايةة قلب مستعمل
كتاباتي. سوما سنفوره

حلـقه 32والاخــــــ✍ـــــره

منير خدي مفتاح سيارته وطلع براا

اني شفت في الباب مصدومه

غرييبه مقاليش سلام او اي شي حتا كان مش فاضي ميديرش هكي تي فوتي فوتي

شوي وجتني سالي وييتا

اني: اوووو نورتو ووالله
سالي: منير قاللنا تعالو عندك راه
اني: مش عارفه حتا هوا طلع وقرفع،الباب مكلمنيش
سالي: مشاغل الراجل فوتي مهم شجووك
اني: تماام

»»»»»

منير: خايف نضلمهاا معااي ياا محمود خااايفف
محمود :قوللها لكن مش تواا
منير: خايف تقولي لا طلقني
محمود: لا مش لهدرجه يا اخ انت مترفضلهاش طلب وخليها حتا بعد شهر
منير: لا ضروري في اسرع وقت عشان انا منزيدش نتعلق بيها
محمود: مرات ترضي رااه قصدي مش كل شي الاطفال هواا
منير: علي من تكدب هي من اول ليله تفكر في اسامي الصغار ميار تعشققق الصغااار مووووت تحبهمم موووت قريب تحبهم اكتر مني
محمود :واللهي كان تحبك تضحي بيهم الصغار وانت الشي هدا بأمر ربك شن،بتدير
منير: واللهي حاايير المشكله الدكتور قالي كنا متخلبطين مع تحاليل راجل  تاني وهكي فـ كله من الحادت هذاااا مش كان عرفت من زمان عرفت شن ندييررر
محمود: توا عيش حياتك وانسي هالموضوع من بالك الصغار مش كل شي راه وعيش مرتك حياه سعيده وقوللها وقت تكون واتق فيها
منير "تنهد"انشالله خير هي سلااام"طلع"
محمود :تي توا هالدكتور ما قاله غير توااا مختتتش مختتتش اصلا ميعلمش بيه متزوج هوا اااه ربي معاه

طلع منير وهوا مخنوووووق

خدي سيارته وطلع للبحر وبدا يفكررر ويفكرر لمين ما مل وطلع لحوشه وكانت الساعه 12 في الليل

اني: منير خيرك؟ !
منير: شي فوتيني

خش للسرير تغطا ورقد

اني خشيت للحمام حشاكم

بذيت نبكي خيره هذااا شن مدايرتله واللهي وجعتني رويحتي حسااسه انا راه

»»»»»»»

منير »

نكدب عليكم مرقدتتش قعد نفكرررر نفكررر

جبت نتيجه انه خلاص حتمشي حياتي تمام بعد تلات شهور نقوللها
بس حياير تلومني وحاير انها بعدين تقولي طلقني ونتعلق بيهاا 💔

لكن خديت قراار انه بنخبي عليها لمين ما نقوي ونرتب كلامي

وفاتو شهرين

اني نازله لوطا عند امال وخالتي غاليه

شوي وطقطق الحوش طلعت امال طبعا لابسه توته كويسه ومحترمه 😹😹وانا كيفها مكيجه وهكي

امال: تفضلوو تفضلوو
اني "شفت فيها من هدوماا 😦"نفضليي خالتتي...عمتي عمتتتي ضيوف جاييننا

خالتي غاليه استقبلتهم
وخشت معاهم للصاله

اني: حيي بلكي خطااابه 😹😹
امال: اييه بلكي شن شن انا مرتبه هككي
اني: سمحههه طررف 😹😹عدي البسي فلينيا وسروال تو ننادي سالي نا
حطيت القهوه ع النار ووتيت الصفره ونقصت ع القهوه وجري لي شقه سالي

اني: تعااالي يا بت امال جوها خطابه
سالي :هي هي جييت ارفعي معاك ويتااا
اني: تم تم

نزلت بي ويتا وشفت لي امال لابسه

اني: مسرع اللطف
امال:لعيون حبيبي 😹😹اصلا امي جتني قتلي البسي وطلعي القهوه واخيرا بنتزوج 💃💃💃💃💃💃💃🙌🙌
اني: مسرع حبيتيه 😹😹😱
امال: هييي القهوه بتفووج يلا خشي تف تف تفسدي في اللحضات السمحه 😒
اني: المهم زوزت قبلك 😌😌😌

اني خشيت ببي ويتا وقعمزت
المرا: هدي بنيتك
اني: لا لا بنت اختي
بنت: اها امالا اختك عندك
غاليه: اختها كنتي
المرا: اهااا يعني كناتك خوات
غاليه: ايي
المرا: وينها العروسه بنشوفوها
اني: شويا وتجيي
البنت: انتي مرات منير
اني: اييه 😌😌
البنت: اها والعريس هوا صاحب منير
اني: اها بالجود
البنت: اي

شوي وخشت امال فرقت القهوه وقعمزت جنبي
وخشت سولا برضوو

»»»»»»»»
اني: ههههههه باهي لي مستورين ولابسين كويس احني
غاليه: اييه،والله 😹
سالي: بس البنوته مهضوومه
اني: ااي "اتصل بيا منير"

منير: هاااا تعالي ارقي وقت
اني: بههي هي"سكرت "منير قالي تعالي ما تبو شي
غاليه: سلامتك يا بنتي

»»»»»»

اني نفتش في الدولاب متع منير لقيت ضرف مكتوب عليه تقرير

استغربت منه شن هوا هذااا؟ ! فتحته وبديت نقراا ومصدوووومه ورفعت راسي لقيت منير ساكت مش قادر يتكلم؟ !

منير »
لا يا ميااار لا الا الظرررف كنت ناوي نقوله لكي غير انتي سبقتي الاحداات

اني »
رميت الملف ع الارض

:انت بوعيك والا تستهبللل؟ ! الكلام هذااا حقاااا؟ !
منير: ايي اييي
اني: لييييش مقتلللللللللليييشششش خيررررررككك للليييش عالاقل استقبلت الموضوع بتفكير شوي؟ !وزياده من امتا من بعد ما تزوجنا باياام؟ !عليش عيشتني في اوهاام ليش ليييش خليتني نتوهم شن بنسمي كان جي ولد وشن بنسمي كان جت بنت خيررك ليش مقتليييش ليش عيشتي في اوهااام طلقني انا منبيش نعيش مع واحد ميجيبش في صغار
منير: وحبناا؟ !
اني: حب شني بلا صغااررر اااه احكي حب شني؟ !حبنا عداا مع الريح عداا تبخرر عداا وطاااار انا رحت نكرههك طااار فمهمتتتتت

منير »»

ناض مخلوع وتعود من الشيطان وناض للبلكوني وانزعج من نفس الحلم يلي يتكرر ديما يلي يخلي فيه يتردد يقوللها

تنهد ورجع لي السرير وبدا يتأمل فيها كيف راقده كيف متكمشه في بعضها من الصقع

اني »»»

كل ما يحلم منير ننوض لانه نومي صار خفيف
منير مضايق من اول ما تزوجنا بس ميبيش يبين هكي 💔مفروض يحكيلي خيره انا مستغربه فيه خيره محكاش

نفس القصه رجعت رقدت وهوا برضووو

»»»»

نضت الصبح نرجععع وحالتي حاااله قريب متت وبطني تلوي تلوي وخلااااص خلاص حاااله

طلعت من الحمام شفت منير كيف تعابير وجهه بدو يتغيرو للغضب

اني بفرح: مرات بيجي بيبي في الطريق 😻

منير "شافلي بغل وغضب وشدني من شعري وطيحني للارض "تدبري تحليل منزلي من اي مكان وقوليلي ولو طلعتي حامل يا ويللللك 😡😡

طلع وخلاني محتاره من رده فعله خيره علاااش

عديت لسالي وطلع عندها تحليل
درته وطلعت .....😍😍

»»»»»ه

منير ركب السياره وحرق العجل

اني يا كلللبه تخونييني انيي يا حماره اني غررر من هواااا بس من هوااااا نبي نفهممم من هواا متوقعتك هكي يا ميااار متوقعتك هكييي ضروري تعرفي ونقوللك ضروري بس لو طلعتي حامل لنقتلك قتل
يخونوني كل الناس غيررك يا ميااار يخونوني كل الناس الا انتي مستحيللل نصدددققق اوووف

»»»»»
رسلت لي منير رساله

طلعت مش حامل الترجيع من اعصاب المعده يا اخ يا محترم 😒

جي منير للحوش

منير :ميار

اني مرديتش

منير: ميميممميييي تعالي نوريك حاجه تو تفهمي
اني"صبيت" تي راعي مشاعري يا اخ شن هداااا شن تسحابني جاريه عندك تضربني؟ !! وانا ليك قريب شهرين مش ع بعضكك وتفش في غلك عليااا خيرك ااه شن دتلك
منير "شدني من يدي وكرني لدار النوم "

خدي كرسي ورقي عليه وطلع ملف

وحطه وراه

منير: ميار بنحكي متقاطعينيش ...في الحب ضروري فيه تضحيات بلا تضحيات مفيش حب ...يعني ضروري تنقصي حاجه منك عشان تستمري في الحب وتعيشي مع من تحبي ....وطبعا هالكلام برايك صح؟ !
اني: اها صح الحب تضحيات
منير :تمام انا نقدرش نحكي تو نعطيك الملف تقريه تفهمي كل شي
اني: تماام

عطاهلي وقريت وفهمت

شفت فيه والدمعه في عيني

:عليش مخبرتنيش من زمان عليش عيشتني في اوهاام؟ !
منير: نفس الكلام يلي يجيني في الاحلام والله احترت كان خبرتك بتسود عيشتك وكان مخبرتكش قصه تانيه ....انتي الامر بيدك لو بتكملي عمرك معايا بدون اطفال ميه ميه وكان تبي تطلقي مفشش مشكله
اني "بأبتسامهه من بين دموعي "وانت شن تبي
منير: تقعدي معايا
اني: وانت عندك شكك؟ !قصدي راجي مش زمان قبلت تتزوجني وانا معاقه لا نحكي لا نتحرك.تقدر نفوتني وتاخد اي بنت مش معاقه تقدر بس انت صبرت ووقفت معايااا ..انا حنردهلك تواا ...منير انا مستحيل نتخلا عندك ربي قال "المال والبنون زينه الحياه الدنيا"يعني هنا زينه مش فرض انا معنديش مشكله واصلا انت الزينه كلها في حياتي منير قصدك كنت عندك شك انه بنتخلا عليك ...كيف ما قلت الحب بلا تضحيات ميسماش حب ....عادي متقولش لي حد وكان انكشفت القصه مفيش مشكله ونقولك حاجه بيني وبينك 😹😹انا نخاف من الم الولاده 😹😹😹وجت منك يا جامع
منير: مهبووله 😹😹😹نجك ليا عسولتي 😻😻😻
اني: وليا نجك 😻

:»»»»»»»»»»»»»

اني: اووووو يعني بنحصلوو عررس
امال :مش توااا 😯😏بعديين
اني: مبرووووك يا هووبي 😹😻
امال: ميباركش فيكك 😹🙌
اني: مختشه
غاليه: هيا زودو للماعين يا بنات بلا هدرزه فاضيه
اني: حاضرر حاضر عمتووو 😻😹
باهي شن اسمه يا كلبه
امال: ساااااااامممي 😻😻😻
اني: يهبللل اسمهه وعنده حوش 😹
امال: ايه حوش وسياره وشغل
اني: بهي بهي

😹😹😹

بعد اسبوعين

منير :هييي نقولك يا دبه شن بتتخصصي
اني: امممم مش عارفه
منير: شن رايك تقري طب وانا نعاود معاك
اني: هعهههههه كيف تجي هدي
منير: يعني نقرو جميع طب
اني: امممممم مش عارفه
منير: مش تشتغلي وتفوتي وقت
اني: اي خلاص مالا انصير دكتوره
منير: وانا نقرا معاك
اني: اممممم لا لا فوت
منير: ميصيرش هكي اصلا فيه مفااجأهه
اني: شنننيي هيااا
منير: احتمااال نساافرو لي المانيا نقرو غادي
اني: االم م مم الم. ما نيا 😧😧😧😯😯😯😯😮😮😮😮😮
منير "سكر عيونه وهز راسه "نعم الم انيا 😹
اني: شكلك مركب الموضوع كله انت
منير: اي 😮😹
اني: علي حساب مني
منير :الدوله
اني: كييييفف 😮😮
منير :صوحااااببي القدعاان 😂
اني :واااو مالا بنجهز الحكاائئب 😹😹🙌
منير: هيااا لنسرعععع 😂

»»»»»»»»»»

بعد اسبوعين

اني:خالتو سعاااد بنستاااحححشششكككك 😭😭😭
امال: تي يا كلبه من قدك ماشيه لي المانياا 😭😭👊
اني: قولي لي ساامي يرفعكك 😻😹😹
سالي: خزيي مكانكم بيكون فاضي
اني: هييااا تأخرناااا
غاليه: ربي يحفضكم من كل شر يااارررب ❤❤❤❤

سافرنا لالمانيا قرينا طب وحصلنا جو احلا خمس سنين تمر في حياتي جو ضحك وجو هبال كل شي
خلينا نعطوكم شوي مواقف

في اول ايامنا كان تلج

طلعنا انا ومنير

اني: مونيرررهم
منير: نعموووشهم 🐸
اني: خاطري نذير رجل تلج
منير: هي هي تعالي
اني: تف عليه هالتلج الخامر خيره هكي ☹
منير :ههههههه حي شوفي البنت لي طالعه ومش لابسه صووف ووو صقعع
اني: تو نوريك فيها راجي
"عديت حداها "
اني: كتن نخت
البنت :😮
اني :تف تف تف احترمي نفسك شن طالعه وبطنك باينه يا صايعه يا مايعه تف تف تف احترمي نفسك غر احترمي هالصقع تف عليك صايعه قصدي عادي تطلعو هكي
منير: يا مهبوله اسكتي 😹😹
اني: خليني نهيج شوي احلا شي متفهمش فياا

البنت عدت

اني "عليت صوتي"يا صايعه يا عرياااانه 😹

منير: ههههههههه قويه 😹😹

»»»»

وقرينا واشتغلنا في المستشفيات وجو وهكي
وتخرجنا واليوم بنروحو

ودارو عرس لي امال وجابت وليد يهبللل وسالي جابت بنوته وتوا جايبه وليد 😻😻
النوته اسمها جيلان والوليد جواد ❤😍

وطبعا ما حضرناش لا عرس امال لا جيابها لا جياب سالي من خمس سنين مقيمين في المانيا مجيناش بكل لي ليبيا ابدااا

وتوا بنرقدو وغدوا بنروحو بشهاداتناا

اني: هابيبي 🐸
منير: هممممم
اني: شن بنتخصصوو
منير: مش عارف
اني :خاطري في اطفال
منير: سكرنا عليها السيره والا اطفال لاا
اني :بس ربي حرمني منهم ومن تربيتهم عالاقل نشوف صغار الناس 💔
منير"تنهد"باهي
اني: نجك ليااا وانت معايا رااه
منير: اوف باهي يا دبه ارقذييي
اني: مجانيش نووم
منير: تف كللبه
اني: بنستاحش المانياا
منير: شلللبددش 😍😍😍
اني: تو نوريك انا كيف بنقولها

عديت فتحت البلكوني وعيطت بأعلي صوووت

شللللببددددش منييررررررر
منيررر شلللبدددش

منير جي معايا وبدا يعيط 😹😹مهبله راه احني 😌😌😌
اني: دكاااتتتررره. مهبووولللييين
منير: نحبهااااا يا نااااااااااس
اني: انحبببهههههه ياااا نااااااس
منير: احني مختشييينن يا اجاااااننب 👻
اني: خلاص خش 😹
منير: راجي شوي "بصوت عالي "اااااام فرررري فرررري فرررري شلللبددددددش امممممم فررررري جوووتتتتيم
اني: "فلقتها ضحك "نهارك حشمتنااا قلبتها انقلش ع فرنسي ع الماني 😹😹😹😹😹
منير: انهبلت فيك يا بنت ☹😮
اني: خش خش سلم ولدي 😌
منير: انا زوزك يا كبه 😒😌

طبعا مجانيش نوم من كتر الفرح.
واخيرا بنروح

واللهي تقولي لما تسافري خيرر ما تقعدي في ليبيا والله انا نبكي لما ندكر ليبيا بجد استاحشتهاا
قصدي غربه منعرفوش حد بكل نين تحس بي طقشه في راسك نحس انه اللغه العربيه انقرضت 😹😹
اهم شي اللمه سمحه ❤💛
مهما كان السفر سمح لكن اللمه سمممحه لمه ناس وهدرزه تعرفو لما تسافرو كأنكم منعزلين ع العالم لي كنتو عايشيناا 💔
قللليلللل تلقي حدا يحكي عربي

»»»»»»»»»»

رقدت ساعه بس مجانيش نوم  ونضت ع ساعه 6 نوضت منير ودرت قهوه ووتيت الشناطي ولبست عبايتي ومنير بدل وخدينا تاكسي

وعدينا درنا اجرائات السفر وهكي وتوا ركبنا في الطياره

منير"استنشق نفس عميق واتكي ع الكرسي وغمض عيونه "
وانا برضوو
وحط يده ع يدي

منير: قبل سبعه سنين او اكتر المهم تلاقينا وكنتي انتي اخت مرت خويا في البدايه كرهتك الصراحه ...امي وصتني عليك ....كنت نحب صفاء ....قصدي حب مراهقه ...انعميت بحبهاا ...اتزوجت وخلتني نبكي كيف العيل ....شويا واتطلقت بحكم انه راجلها شاف رسايلي معاها .....شويا ورجعتلي وانا مقدرتش ننساها ....بعدين حبيتها اكتر لما اتطلقت وحبيييتتتتتتتتتها اكتر وفرررححت .لما جاني خبر طلاقها .....زدت حبيتها ....بعدين بديت ننجدب ليك اكتر واكتر .....خالك استغلني ...انا نصدق بسرعه ....وخلاني نخدم معاه في تدمير حياتك ....وحيات بوك .... لولا حبي لي صفاء راه مصارش هكي ...كاين #كاين قلبي مستعمل 💔 لولا قلبي المستعمل راه مدرتش هكي ....راه بوك عايش تواا ....لولا حبي ل صفاء ومهرها الغالي لي طلباته راه ماشتركتش مع خالك في الجريمه .....راهو بوك عايش ....ما علينا توا ......المهم انخطبت منك بالغصب .... وعسي ان تكرهو شي وهوا خير لكم...... وكاين عاميني حب صفاء ..... وانجدبت ليك وفجأه كرهت صفاء ويلي خلف صفاء .....كرهت كل شي كل شي فيها  💔وحبيتك انتي ...لما عرفتي  ردت فعلك عحبتني .....قصدي المهم وبعدين انشليتي ومخليتكش بكلللل كنت عندي امل تتشافي وداومت ع صلاه الجامع وندعي ليك وكل يوم ندعي وميخيبش ضني  صبرت عليك والحمد لله صرتي تمام  واتزوجنا 💔جاني الخبر الشين

اني :اسسسسس ولا حرف في الموضوع هذاا
منير: تمام بعدين خطرتلي فكره ....نبصر مش انا هوااا صاحبي معاد وساعدني محمد ولد خالتك برضوو ووصلنا هني وعشنا احلا سنين وحياتنا حلوه تهبلل ❤وتخرجنا دكاتره ❤😌😌اووو يا مرت الدكتور يا بختك 😂
اني: اس اس هيا توا دوري ......كنت مهبوله شوي.نحب في سالي هلللباااا لما اتزوجت خوك حسيت بغيره خيره خداها ليش خلتني بروحي نبكي ..... بابي ومامي قالولي بيسافرو ....طلعت مامي مصابه بالخبيت ...وكان اول لقاء لينا.....اعجبت بيك وبتصرفاتك ....حسيتك مهبول كيفي ....شويا ومامي ماتت ....فقدت طعمت الحياه ....وبدات لما بابي ازوج سعاد ....قديش كرهتها وطلعت تعطي فيه دواء بفقد الداكره المهم يخليه يتصرف تصرفات اطفال ....ملقيتش حل الا انت تساعدني ...مخطر في بالي كان انت 💛....لما تتصل بيا نفررح وكنت نراجي في اتصال منك ....كنت نراجي في سعاد تدير اي تصرف ....انت خنتني وشاركت في الجريمه ....جد مقدرتش نكرهك لما عرفت ....لما جيت خطبتني فرحت هلباااااا ووقفت معايا لما صابني الشلل 😹لكن تعرف جو سمح بكلل 😹🌚
منير: ااااخخخخخخ تتتتتش ☹😪😪😪😪
اني: حيوان رقدد

»»»

سالي: تي كيييففففف كيفف
محمود: نفسها الطياره لي كانو فيها ميار ومنير
سالي: يعني مـــــ 💔ــــاتو 😞😭
محمود: اي 😞
غاليه: وليدي يا ناس وليدي

ناس وخيم وزحمممه

نضت مخلوعه من صوت المضيفه تحكي

شفت المهبول منير نايض 😹
اني: تف كلب خيرك مسمعتنيش بكري 😌😒
منير: حديتك ممل للافس ☹
اني: انت هاياواان 😒
منير: تف تف تف ارقدي
اني: تي وصلناا
منير: اها نعرف 😌😌
اني "شفت عيل يبكي 💔":حبيييبييي
الولد: ماماااا
اني: وينها ماما
الولد: ماما هربت علياااا
منير: تعال حبيبي ندوروها
الولد: نبيها اناا 😭😭
اني: شن اسمك انت
الولد: مهمض
اني "انفلقت ضحك "ههههعهههه مهمض منوو 😹
منير: اسكتي عيب 😒
اني: باه محمد منو
محمد:مهمضض 😭
اني: انت ولد منو
محمد: ولد ماما 😭
اني :وين بابا
محمد: منعلممش
اني :تعالا مامك شن لابسه 💔
منير: خليكي معاه انا نكمل اجراءات
اني: تم

»»»»»
نزلنا من الطياره
اني: مامك عيونها زرق كيفك 😍
محمد: اها ايهه
اني: باهي حييي هني صاحبتي تعالا معايا
اني: جوجووو 😍"حضنتهاا "
جلنار: هلاا 😞
اني :خيرك
جلنار: ولدي 💔
اني: هداا؟ ! 😮
جلنار: اهاا ايييه😍😍😍😍😍"حضناته "
اني: اتزوجتي 😍
جلنار: لا ☹هذا ولد محمد
اني: كيف محمد وبوه محمد 😮
جلنار: تعالي نقعمزو
اني: تم»قعمزنا »

جلنار: محمد اتزوج سندس
اني: تحكي جدد 😍😍😍
جلنار: اهاا وهذا ولده ويقولي ماما
اني: ووين سندس؟ !
جلنار: ماتت بحادت 💔
اني: تحكيي جدد؟ !"عيوني بدو يدمعو "ليش محد قالليييي
جلنار: معرفناش كيف نوصلو فيك 💔
اني: ربي يرحمها من امتا
جلنار: من سنوات تقريبا 3 سنوات
اني: ومقالوليش محمد اتزوج 💔
جلنار: ع السكيتي لا عرس لا شي
اني: باهي وين كنتي مسافره؟ !
جلنار: نعالجو في مامي
اني: وتوا شفت؟ !
جلنار: لا ماه انبترو "تقطعو"رجليها ودرنالها كرسي متحرك
اني: وينها توااا الحمد لله علي سلامتها
جلنار: الله يسلمك في الحمام حشاك
اني: اهاا كيف حال البنات
جلنار: كويساات
اني: خيرك مش ع بعضك
جلنار: قاعده نحب في محمد
اني: 😮😮
جلنار: وصاحب محمد متقدملي
اني: جلنار؟ !كبري عقلك واتزوجيه؟ !لامتا بتقعدي هكي؟ ؟؟؟عادي تو نتسيه
جلنار: بس لما اتزوج سندس قريب قتلتها
اني: عادي هذا النصيب وافقي
جلنار: اها حتا انا قلت هكي زابطه لي يركب معانا في الحافله مره مره
اني: اها معاد
جلنار: ايييه هوا

»»»»»»»»»»
اني: لقيت امه
منير: تمام هيا نطلعو يراجو فينا راه
اني :تحكي جدددد.

وعارفين بكاء وجوو طـبعآ جآيين سالي ومحمود بس
تعنقتها وبكيت وجو

شوي وروحنا ووصلنا الفتحه لقينا خيم وسيارات وزحمه خفت
اني :شن فيه؟؟
منير :خيره زحمه ؟؟
سالي:اايييي

خشيناا ولقينا ناس وزحمه وسيارات الدنيا خاشه في بعض

سلمت علي سعاد وغاليه وووووو "دوه فاضيه 😔😒😂
مهم

استقبلوني بي زغاريط وجو

ودربكوو وطلعو مداريين عزيمه عشاناا .هههههههه

بهي بعدين توا وقت العشاء وتعشينا

وكملنا حوسا وجينا نهدرز
طبعا انا توا في المطبخ وجيت بنطلع تخش
عزيزه "خالت منير"وين يا بنتي محملتيش بلكي فيك شي حاجه رآه الراجل ما يبي غير الصغار
اني "شفتها باستحقار"انتي راجلي ؟انتي عزوزتي ؟انتي امي ؟انتي اختي ؟
عزيزه :لا
اني :خلو الخلق لي خالقه يا ناس كفايه يا حبيبتي لما نكون انا وراجلي راضيين وعزوزتي راضيه انتو مليكمش دخل
عزيزه :بس انا خالته
اني :تخلخلت عضامك انتي شن دخلك انتي لي بتربيهم ؟؟انتي لي بتحطيهم في بطنك.  ؟لا والا سكري فمك اسكتي عيب عليك
عزيزه :يا بنتي ننصح فيك ديري حل من تزال منير يبي صغار اني عندي جارتي تعرف تدير حلول وعندها خلطات
اني :سألتيه ؟؟؟ وتانيا مانبي خلطاتك الخامره هذووو انتي وجارتك جاوبي سألتيه
عزيزه :مفيش راجل مبحبش لصغار
غاليه "جت"عزيزه كفايه خلي الخلق لي خالقه

عزيزه :تني الغالطه لي ننصح فيها
"طلعت"
غاليه :احسن ما درتي تستاهل
اني :ربي يحفظك لياااا خالتوو

»»»»»»»

بعد اسبوعين

اني نلعب مع جواادوو
اني :كبدت فيه فرخك
سالي :خودوه ربوه انتو جد متنافشين فيها اني ومحمود قصدي توا هوا ولد اختك يعني محرم ليك ومنير بررضوو ...تكسدي عليه وتحصلي جو معاه وانا ربي تو يرزقني

"متوقعتكش اقرب الناس ليا تشفق عليااا انا راضيه بحكمه ربي يا خي خلوني في حالي "
اني "نضت "......😡😡

#يتبعع

توا مزال المقطع الاخير ونكملوها 🙌🙌تفاعلكم واسفه ع التاخير ❤❤🙃