قلب مستعمل
كتابات سوما سنفوره

حلـقه 26

اني "جيت ببروده جلست علي السرير":اني يا حنه بنت اختك الله يرحمها
خالي: شششن تدييري هني! !؟
اني: هادو صحباتي يلي عرفتني عليهم ورحت نجي بروحي هني! وباااه عرفت اني شن ندير هني  وانت "ابتسمت "اووووو صح انت مالك هدا الملجأ

"نضت يالا الزيانه وشفت في المرايا وشفت في العطور "
:اووو عطر si وعطر شانيل
"بخيت من عطر شانيل"
:اممم فايح بكم هذا
اووو قصدي لمن هذا والا عاتي ناخده
خالي: ميار بلا صماته
اني: تصدق"التفت لجيهته"بنتك عيونها زرق طالعتلك تهبل طرف الصراحه مالا اسم مرتك سمح برنيه هههههههه
خالي: ميارررر اكيد "ناض من السرير"منير قالك صح
اني: تؤتؤ عرفت بروحي
خالي: تكدبي متاكد منير اني من لما جاني وقالي معاش نبي منك فلوس كنت متاكد حيقولك
اني: فلوووس؟ ؟؟
خالي باستهزاء:علما بأن يلي عابيه عليه بينقد بوك من الموت وبيوقف سعاد مش معاش تعطي بوك الدواء هوا نفسه مشارك في الجريمه يا عسل

اني »»»»»

عارفين كنت جايه لعند خالي وكلي تقه اللهم لا شماته عساس بنشد عليه موقف تاريته هوا يلي لعبها صح

كأني كنت،راقيه لسابع سماء وفجأه طحت منها بكل قوه
نسحاب روحي مشكلتي انحلت مع منير
تجي مشكله احرف منها
متقولوهاش منير طلع خاين كله تمتيل يوم المطعم اووو راجو ادكرتو لما الكلب قالي عاملي سعاد كويس ووووو ياربي عليك كدب

نحس في روحي بنت معندهاش حظ
اصلا عارفه انه خالي يتبري من اقرب الناس ليه لما ينكشف ويقول في يلي هناك
يااااربي

خالي: هااا وين مشيتي اووو عصافير الحب بيفترقوو اوووميقاد ام سوري
اني: ياربي عليك هم
المهم يا خالو يا عيون بنت اختك انت
اعتبر روحك انفضحت هههههههه بااااي

»»»»»خلينا نوضحولكم شوي

ادكرتو لما سعاد طلبت من ميار تستأجر سواق؟ ؟
وكلمت،منير وجي رفعهم
وشافها تكلم في واحد وعطاها دواء
هذا الشخص هوا خالي

فـ لما مشاله منير في الحوش خالي قدر يقنعه ويعطيه،فلوس مش يبدا معاهم

ف انتو تو فهمتو

»»»»»»

اني وصلت للبنات وانفجرت بكي

جلنار: خيرررك مياااااار
ايات: جيبي مياا يا رسل بسرعه
سندس:خيركك مياار
اني:ياربي ليش هكي حظي اني خلااااص عييت

"رن نقالي وطبعا الخاين منير"

منير: اني برا اطلعي
اني "مسحت دموعي"سلام بنات
ايات: تعالي فهميناا

اني:يوم تاني سلام

طلعت وخشيت للسياره وسكرت الباب بقووووه

منير: بشوي عالباب
اني ......ساكته
منير: غر احكي
اني انفجرت بكااا
منير: ميمي خيرك
اني: معاااش تقولي ميمي يا زهاق
منير: خيرك ميار
اني بعصبيه:اسكت معاش نبي نسمع صوتك فاهمم
منير ببرود:اوك

»»»
اني: وين مش طريق  حوشنا
منير بعصبيه: ولا كلمه اسكتي

»»»»
منير بغضب :انزلي
اني: هيي وين رافعني
منير: انزلللي
اني شفت للمكان بخوف
منير تنهد: متخافيش هذا الدار الخشبيه بس من الجيهه التانيه
اني :يعني قريب من حوشكم
منير: اي انزلي
اني "نزلت بجد خفت من عصبيته يبدو عروقه بارزات وعيونه حمر "

خشينا للدار

منير التفت: احكي شن فيك
اني: مفيش شي
منير بغضب:اقسم بالله كان ما تحكي الا نهارك
اني "خفت من عصبيته ":ااااااااه ليش ليش
"بديت نبكي "منير انت ليش بتقتل بابي اني نكرررررررررررهههههههههههككككككك فاهم نكرههك خيرك غاير عشان عندي اب؟ حتا انت عندك؟ ؟والا شنو يا فالح ااااه انشالله تموت يارب انشالله تموت نكررررهههككك نكررررهههههككككك بكل معني الكلمه نكرهك
منبيش نكمل عمري معاك بنفسخ الخطبه نكرههككك كنت نسحابك انت يلي بتنقدني من الورطه تاريتك قلبتها عليا دمرررتتتني كنت نسحاب روحي هم وانزاح لما لقيت الدوا جبته لك طول قلت هذا مصدر موتوق فيه
منير: كملتي كلامك
اني: مينفعش معاك الكلام اصلا
منير: اولا هالكلام صح اني شاركت،في جريمه الدواء
اني بهدوء:يعني الكلام صح

تعرفو كنت متوقعه 30%انه الكلام كدب

توا مش طحت من فوق السماء لا لا

كأنه دعستني شاحنه بكل بطئ شديد وكل كسره نحس فيها كل ضربه نحس فيها اتار العجل كل،شي كل شي
المم حاااد في قلبي
اني نحبه منكدبش عليكم
نحبه بس نكدب عليه لما نقول نكرهه
نحببه ليش ياااالله

منير: افهميني صح
اني بجنون،:شن تبيني نفهمممم اااه شن،هوا السبب الشنيع المقنع الي يخليك تكون سبب في موت بويا

اسمع وربي العزه ورب العزه،ورب العزه تلات مرات لو يموت بابي انت بتموت وراه بتنددددم

وتوا روح بيا يا زهاق
منير: تي غير اسمعيني في اسباب مقنعه
اني: بلا براده شن هنا الاسباب ترا
منير: هلبا

اني "فتحت الباب وطلعت وركبت في السياره "
منيرر لحقني

اني: اسكتتت وصلني واسكت
منير تنهد:به ....

حرق العجل ويجري بكل قوته انا ممنعتاش عشان خاطري نموت بجد

سبحان الله محكيناش شي في الطريق ودموعي مبوش يبطلو بكل

بكي بكي بكي بكي ععييتت

ومقدرش منير يحكي لانه،صوت شهقاتي مللي السياره وهوا لاهي في الجري والسرعه

وصلنا

نزلت جري قبل ليحكي كلمه

لقيت قدام خلقتي الزهاق سعاد وبابي مقعمز
اني: يا خاينه يا حيوانه يا ...الله غالب
يا كلللبه

"بديت نحكي بصوت عالي "الله،لا يسامحكككمممم الله،لا،يسامحكممم نكرهههككك
سعاد :خخيييرك
"منير جي"
سعاد:قصدك عرفت
منير تنهد: اي
سعاد: متفهميشي غلط يا بنتي ديما يفكر كيف يذير لي هاليوم
اني: قوليله يطلع من الحوش "دموعي سبقوني والعبره خدت صوتي معاش قدرت نحكي '
منير: مياااار وربي نحبكك صح كنت نحب بنت غيرك،بس انتي لما جيتي لحياتي غيرتيها ....حبيتك ...صح خنتك ....بس وربي نحبك وربي نحبك.
اني: يلي يحب ميديرش هكي يلي يحب ميشاركش في جريمه قتل شوف شوووف يلي قاعد توا جنبك "اشرت،ع بابي"ميعلمش توا شن نديرو شن،نقولو المفروض توا واقف معاي يطبطب عليا يحكي معاي شاد يدك ويضرب فيك يقتل فيك ....اهو كله منك توا يشوف فينا مش فاهم شي ومش معبرنا مفروض واقف مع بنته يلي في المستشفي ويجيب ويرفع فيا كله منكم خليتوني منسمعش في كلمه،يا،بنتي من لسانه وهوا،عايش خليتوني ننسي وجوده ننسي عندي اب حتا صلاته فايتها يوم راح جيت تدور فيه يا افندي اقتل القتيل وروح لجنازته
شن،دنبه شن دنبي كله عشان وسخ دنيا
كله،عشااان،وسخ،دنيه
قال ربي
المال،والبنون زينه للحياه مقالش شي مهم
شي ضروري تحصلوه مش تعيشو شي ضروري تقتلو او تهلكو الناس عشان فلوس
قصدي شن توا في سبب يخليك تدير هكي
شن،هوا بخاطري نسمعه
وانتي يا سي سوسو يا كلبه يا،ساقطه تدير في روحها بريئه يااخيتي  ااااااه اصلا ربي قال البهايم لتركبوها،مقالش ناقشوها
منير:ميار اسمعيني ....خالك عنده قدره عالاقناع مش عارف كيف خلاني نمشي معاه لانه عطاني راااه اسمعيني

اني
"جري خشيت لداري وقفلت عليه الباب"
نسمع في منير يقول وربي نحبها

واني نرد عليه بقلبي وحتا اني نحبك

قلبي ينبض باسمك لكن انت هلكت نفسك بنفسك

صح الانسان يغلط لكن مش هكي

سمعته يقول لسعاد حاولي تقنعيها وسعاد قالت باهي عليك واللهي جوو

طبعا توا مغرب

صليت ودعيت ربي يفرج همي

عديت فتحت الباب وكان الجو هاااااااااددددي

فكرت فكره

خشيت لداري عبيت شنطه صغيره ملابسي وشحني وسماعات والنت متاعي

خديت مفتاح سيارتي وطلعت من الدار

جري دخلت للسياره وجري للحوش وليد

خفت في البدايه بس معاش نقدر نقعد في هالحوش
خفت نمشي بروحي في السياره
بس فكرت وقلت لا ضروري نمشي
نتراجع في خطواتي

نشوف في سيارات وراي نخاف

بجد خفتتتتتت هلبااااا

شوي ووصلت

استقبلتني اشواق
اشواق:خيرك جايه بروحك في هاليالي
اني 'دموعي خانوني نزلو طول ":اااااااه
اشواق:خشي خشي
اني 'خشيت"جايه بنقعد حداكم يوم معاش نقدر نتحمل
اشواق:الحوش حوشك حبيبتي
هي احكي حبيبتي
اني تنهدت: منير طلع يساعد في سعاد مش تعطيه دواء
اشواق:من سعاد
اني: مرت بوي
اشواق:به منير خطيبك
اني: اي
اشواق:كملي

...........

اشواق:حبيبتي متعدليش باهي اكتشفتيه توا انتو توا عالبر بس نقولك حسيته شي ميستاهلش تزعلي عليه قصدي جربتي تسمعي منه؟ ؟
اني:لا
اشواق:مالا،يا حبيبتي بري اسمعي منه بلكي عنده شي انتي شن خاسره
اني: تو نشوووف بس معاش نقدر نتحمله
نبي نفل الخطبه ومش لاقيه من يوقف معاي
اشواق:شكله وليد جي تو نكملو كلام بعدين
اني: اسفه بنتعبكم معاي
اشواق: متقوليش هكي احني مصدقنا حصلنا مش يجينا
"ناضت"
ميار: لولي ليش تبتي
اني: ههههه ماهو علي سبت الناس يلي يخونو فينا
ميار: فوتيحم حديما الناس يستاهلوس دموعت
اني "شديت شديقاتها ":شلمها يالبي 😍
ميار: سمحه،دحكتك
اني: يخياااااه عسل شن جو مدرستك
ميار :انتي تعرفي تدربي
اني :اكيد
ميار: غدوه نبيت تدربي همادي
اني: وشن دارلك همادي
ميار: اني نحبه وهوا يعاتس في بنت تانيه
اني: تم ولا يهمك
ميار: تعالي ارسمي معااي
اني: هي جيبي ادواتك
ميار "نطت من سريرها"
اني: بسرعه
"وليد خش"انستينا ميور
اني: الله يأنسك
وليد:لو تبي تفسخي الخطبه عادي اني نوقف معاك
اني نطيت:حقاااا
وليد: الجار للجار
اني: بجد مندمدش لما جيت هني بس نفكر ونعطيك خبر
وليد: اوكك ميمي
ميار: باباااااا
وليد: بترقد حداك ميار اليوم
اني: هههههههه بناخد سريرك
ميار: عيينننت
اني: مالا مش حنمشي معاك الروضه غدوه
ميار :لا نبيك تردبيلي همادي
اني: خلاص مال نبي سريرك
اشواق:يا فرخه شن قتلك علي حمادي اني
وليد: تي خلي البنت في حالها ههههههه
اني: جو فرختكم،
وليد :هيي معاش تقولي فرختكم حتا انتي كنتي هكي راااه من يلي قالي زمان اضرب يزن
اني: اس اس هههههه
وليد:هي تصبحو علي خير
اني: جيبولي ماجد
اشواق: لا لا خليك مع ميار ياسر 😹😹
اني :تي نحب الصغار اني
اشواق: تمام مالا تو نجيبه ويهبلك وانتي حره
اني :ههههه تمام

طلعو
اني: وين الرسم يا لولي
ميار: شن لولي اني دلعي ميمي
اني: هههههه هي جيبيه
ميار :به

»»»

لعبت مع ماجد هلللبا

الله كان نحصل عيل نعيشه معاي
شوي ورقد
شفت نقالي لقيت مليونين الف تريون اتصال من منير وسعاد هذا وين حسسيت روحي مخلوقه يعدلو عليها

طبعا كاين سايلنت

وفتحت النت كسدت

نزلت في منصتي في الوات

وكانو متابعيني 300 لانه تابععت هلباا

قراري بيدي وسعادتي بيدي

منعلمش شن نختار
خايفه نختار طريق وفي نهايتها مشاكل

بجد مهموووومه منعرفش نعبررر

"خشت عليا بنت ليبيه كتبتلي"
اهلا
اسفه بنتدخل شوي بس منشورك ركبلي فضول
احكيلي واني نساعدك

رديت عليها

اهلين
"شفت صفحتها لقيتها بنت اجتماعيه وجوها سمح ومناشيرها كلها امل وسعاده ارتحت لها شوي"

اني: بنحكيلك من الاول باختصار

خالي خنب ورتت ماما وبابا راجل فقير فـ عشنا في فقر مامي ماتت بسرطان عافانا الله واختي توا في غيبوبه حامل ونزلقت في الحمام حشاك واني مخطوبه وخطيبي سلف اختي وبابا اتزوج ومرته،حامل ومرته تعطي فيه في دواء يخليه مريض ومش عارفه شنو فـ طلع خطيبي يساعد فيها

البنت: وتوا شن،ناويه تديري هههههه بعد وييننن فهمت
اني: هههههه الله غالب مش عارفه بس نححبه نموت فيه نعشقهههه نحححببههههه مس قادره نتحمل نحبه

البنت :اسمي منار عمري 21
اني :نحببه موت نحبه مش عارفه كيف قصدي .
مش عارفه كيف نوصفلك عشقي له

"شوي نسمع في صوت هرجه البراا"

#يتبعععع

تفاعلكممم ❤❤❤الحلقه الجايه نااااااااار 😍