هلااا. حبايب ممكن تصويت+تعليق حلو مثلكم ويلا نبدي

بقلم الكاتبه /زهراء نعيم

يوسف :اسمها اماني وتصير بنت عم امجد

ساره

من كال هيج اني نصدمت ومكدرت احجي وجنيت كلت معقوله محد كله بسببها اني جنت بالمستشفى معقوله ميدري بعدين كتله

ساره بصدمه : منوووو

يوسف: اماني بنت عم امجد

ساره: صدك تحجي انته
وسديت الاتصال بوجها لان حسيته غدرني وراح يزوج البنت البسببها ردت اموت وهوه ميدري بيها تحب امجد ضليت اكول ياربي شسوي هسه يوسف ميدري هيه تقربتله علمود تاذيني يااربي وقطع تفكيري صوت امجد

امجد: ساره يبعد قلبي شبيج

ساره بحزن: امجد يوسف خويه راح يزوج

امجد: مبروك اله بس ليش حزينه بدل متفرحين اله

ساره: يزوج اماني

امجد بصدمه :شنووووو
ساره بحزن: يي هوه ميدري بيها بسببها صار بيه ضربة خفيه بالدماغ و ميدري هيه تحبك امجد حبيبي شسوي هسه هيه تريد تتقربله حتى تاذيني ونور صديقتي تحب يوسف هسه شصار بيها ياااربي
امجد: يبعد قلبي انسي ومن نرجع نحلها
ساره: اوك حبيبي
وصلنه لبيت جد امجد ونزلت وشفت البنات وكلهن اتقربن الي وكالن

ريام و سلمى :ساره شبيج حزينه

ساره: يوسف راح يزوج
سلمى بفرح: يزووووج نورر

ريام: يي الف الف مبروك بس انتي ليش حزينه ?

ساره والدموع تنزل: يوسف راح يزوج اماني

ريام :شنوووووو

سلمى : شنوووووووووو مستحيل لجج ونور شلون هسه ميته بچي بسبب يوسف

ريام: ساره هذا الزواج لازم ينلغي اماني متحب يوسف اتحب امجد و هيه تريد تتقرب ال ااهلج وتاذيهم ساره اهلج ميدرون. انتي دخلتي للمستشفى لان اماني دفعتج ابويه كللهم وكعتي من الدرج ونضرب راسج بالحايط

ساره :ماعرف يلا تعالو ندخل
🥺
دخلنه و اني بصفي امجد و سلمى بصفها سلطان وريام بصفها محمد. وتلكونه اعمام وعمات و بنات ولد عم امجد

بس اول مدخلة سمعوني حجي وحده تكول هاي الفصلية وثانيه تكول الفصلية تخبل وووو
وحده من عمات امجد سالت امجد وكالت

عمت امجد: هاي الفصلية

امجد :هاي مرتي مو فصلية

ريام :عمه هاي مرت اخويه

عمت امجد :اي خوش بس هاي الغريبه مني

امجد:هاي سلمى صديقة مرتي
عمت امجد: وشعدها هنا ماعدها بيت لو اهلها ذابيها وميسالون عليها والله تربيه

ساره: لا اهلها يسالون عليها و ومذابها بس مسافرين

عمت امجد بخبث :والله ماعرف شلون هيج يذبوها ويسافرون شلون اهل هاي

سلمى
من حجت هيج اني انقهرت وطلعت من البيت بسس مو بيت قصرر يخبل وجبيرر بس محد انتبه عليه و طلعت اجرت سياره ورجعت للبيت

ساره: من حجت هيج اني انقهرت لان هانت صديقتي كدامي واني اعرف سلمى حساسه كلش فجاوبت عمت امجد واني و ريام وسلطان ومحمد و امجد منتبهين على عمت امجد سلمى طالعه وراجعه لبيتها اني انداريت ع سلمى بس ملكيتها سالت امجد و محمد وريام وسلطان وكلهم ولا واحد يعرف و اتصلت بيها كم مكالمه مردت بالمكالمه الخامسه ردت

سلمى بحزن: ها حب

ساره بحزن: سلمى وينج وين رحتي

سلمى: ساره جيتي وياچ من الاول جانت خطأ

ساره: سلمى شلون ترجعين وحدج بالبيت ميصير تعاي رجعي
سلمى: ساره ميرحبون بيه يم بيت جد زوجج شلون افرض نفسي عليهم ها

ساره: سلمى. ترا شفتيها شلون حجت عليه وكالت فصلية شبيجج بعد وامجد يكول هيه دائما هيج حجيها مثل الحيه

سلمى: بس
ساره :ماكو بس يلا تعاي راح ادزلج واحد يجيبج حبااابه ريام تكلج حبابه رجعي
سلمى :اوك
ساره: يي هلاا بيج لحضه وايكون ابابج يلا حضري

ساره

سديت الاتصال وكلت ل امجد

ساره :امجد حبي تكدر تروح تجيبها

سلطان بلهفة:اني اروح

ساره: اوك

سلطان

دلتني ساره بيت سلمى و رحت لسيارتي وصعدت وصلت لبيتها ودكيت الباب و هيه فتحته بس جانت مجاهزه كلتلي

سلمى: اسفه بس بعديني ممحضره نفسي تكدر تدخل ترتاح ومن اكمل نروح حباب

سلطان :اي عادي
ودخلت للبيتها كعدت انتضرها
جهزت نفسها وكملت بس ملبست الشال
كلتلها
سلطان: وين حجابج
سلمى: اوووف ضروري البسه

سلطان: انتي راح تدخلين بيت شيوخ موش بيت عادي فه اكيد ضرروري

سلمى: اوك راح اجيبه

سلطان: خوش
جابته وخلته ع راسها وقبل مانطلع كتلها

سلطان : سلمى اعتذر عن كلام عمتي اكيد زعجج

سلمى : لا عادي مصار شي

صفنت بعيونها و كلت بنفسي
يا ربي موش بنيه ملاك. لك ليشش قلبي يعشقها قطع تفكيري صوتها وهيه تكول اسمي ياربي اسمي يخبل بشفتها تقربت منها و بدون ماحس حطيت شفتي ع شفتها وجريته حيل وهيه صافنه وتباع بعيوني مبين دايخه بعطري بعدت عنها وكلت الها

سلطان: اعتذر عن الشي السويته بس ماكدر لان اني احبج يبت قلبي

سلمى بخجل و غضب: تحبني؟!مصار كم يوم من عرفتني شبسرعه حبيتني؟ المهم عرفت بيتي وين وتجيب اهلك وتخطبني من يرجعون اهلي  مو تسوي هل سوالف  تمام؟!ويلا نروح

طلعنه اني وياها وركبت بسيارتي ووصلنه للبيت وشفناهم كلهم كاعدين ينتضرونه وركضن ساره وريام الها وحضننها
ونززل جدي وسلم علينه

وكف كبال ساره وكال

جد امجد: هلا ببنيتي
ساره: هلا بيك جدو

اجد امجد على سلمى

ابو فاضل: هاي منو الحليوه

سلمى: عمو اني سلمي صديقة ساره واجيت اهنا لان اهلي مسافرين وماعندي اعمام بس خوالي وبالخارج عايشين

ابو فاضل: اعتبري هذا بيتج بنيتي
ويلا صعدو لغرفكم

امجد: جدي غرفتي نضيفه ??

صعد محمد لغرفته

محمد بغضب : منو دخل لغرفتييي؟؟

ريام: جدو وين مفاتيح غرفتي

سلطان : يلا اني صاعد لغرفتي

ريام: سلمى تعاي انتي بغرفتي

امجد :يلا ساره امشي

وكل واحد صعد لغرفته

بغرفة امجد و ساره

امجد : ساره اتصلي بـ اخوج يوسف وكليله كلشي

ساره :اوك

اتصلت ب يوسف وحجيتله الصار وكلي اي خيتي همزين كلتيلي وطبعا كلتله

ساره:اذكر بالماضي زين حتى تعرف منو يحبك صدك

يوسف: منو مفهمت؟!

ساره:فكر بـ كلامي واختار الشخص الصح هل مره

استغرب من كلامي و ترخص مني وغلقه

وره ساعتين اتصل عليه وكلي

يوسف: ساره خل احجيلج الصراحه

ساره:كول يروح اختك

يوسف: اني جنت احب نور بس هيه متحبني فـ عفتها وقررت اخطب اماني

ساره:واذا كتلك نور تحبك وتموت عليك هم من زمان بس انته مملاحض ولا هيه مبينتلك لان متحب تبين الك حتى لا تكول عليها زاحفه

يوسف بصدمه:كولي والله فرحتييييني اموت عليج اختي والله احبجج راح اخطبها هسه والله

ساره:هاي شبيك شنو تخطبها انتضر يوم يومين عيب هسه يكولون فسخ ورجع خطب مشايف

يوسف: خل يكولون اني اعشك نور وهيه حلمي جانت ولهسه وتريدين انتضر

ساره: زين سؤال منين اتعرفت على اماني
 
يوسف:عرفتها عن طريق صديقي هوه صديق ابن خالتها وكلشي يعرف وحجالي عليها ب انو فقيره وماعدها تلفون وبنت شيوخ فـ كلت خلي اخطبها

ساره: طبعا يكول عليها فقيره غير معايش ويانه

يوسف: بس هسه كلشي تغير

وكلي يلا باي

وره ساعه اتصل مره ثانيه وكلي ساره فسخت خطبتي ب اماني و خليت امي تخطبلي نور واهلها وافقو وراح نزوج يوم الاحد واني جاوبته ييي كلووووش هلا هلا الف الف مبروك

نور

من سمعت ب يوسف خطب بچيت و نقهرت بس وره اربع ساعات اني جنت كاعده بغرفتي العب باللابتوب دخلت امي وكلتلي
امي: الف مبروك بنيتي
نور بستغراب : على شنو
ام نور : تحدد يوم زواجج
نور بصدمه وعصبيه: منننن منووو وشوكت
وليش ماخذتوو رائيي وانتو بكيفكم تتصرفون؟!

ام نور : يمه ولد ابن اصول. ويحبج و حالته الماديه كلش زينه ويوم زواجج الاحد و ابوج وافق عليه
نور: وشنو ابويه الراح يزوج لو اني غير ياخذ رأيي اول مازوج لو تصير مذابح من منو هاا؟!

ام نور :من يوسف اخو صديقتج ساره

نور :شنوووو هوه مو خاطب
ام نور: فسخ الخطوبه واجه خطبج
نور بفرحه: اووك مامه شوكت تبدون بالتحضيرات
ام نور بضحك :ها مو كلتي لو تصير مذابح مازوج لو هذا يختلف هااا لا يمكن بيج انفصام بالشخصيه هههه  من باجر نبدي نشتري الذهب

نور بخجل: اوك

بغرفة ساره

ساره
لاازم اكول للبنات على هذا الخبر رحت للبنات

ساره: بنات انفسخت خطوبه يووسف وخطب نور

سلمى : ييي الف مبروووك الهم

ريام: الف مبروك الهم احسن من ماياخذ الجكمه اماني

بس ليش يوسف مستعجل ع الخطوبه😹

سلمى :صدك شبي مستعجل هههه

ساره :اني ممقهوره بس ع اهلي كل شوي يخطبوله وحده ههههه

سلمى و ساره يضحكن

وشويه وطلعو اعمام وولد اعمام امجد و جد امجد للديوان وعمات امجد طلعن للسوق وقسم للدكتور

ضل بس خمس حراس و امجد و محمد و سلطان

ساره /
فجأااا سمعنه صوت رمي و دخلوو
طلعنه شفنه الحراس متاذين ميكدرون يكومون و عشيره الشاب الي صارت مشكله بينهم وبين عشيرت امجد وهددوهم اجوي هجمو على بيت جد امجد

امجد بغضب شديد : سلطان اخذ البنات لوحده من الغرف
ومحمد خابر على ولد اعمامنه خلي يجوون
رحنه ويه سلطان للغرفه وسدينه الباب بس شويه وسمعت صوت محمد وهوه يصيح لااا ...............

وانتهى البارت

اتمنى يعجبكم احبكممم ❤️❤️❤️❤️😍