كلشي بيه يريدني ابچي.

______-_-_________________________

مهند: ها سند و يوسف الملطلطين(الوكيين)

رد عليه سند بـ استهزاء وكال

يوسف: ترا مو الكل مثلك

مهند: ليش شايفني داتلوك لملاك وريتال مثلكم ؟!

سند: ليش المساعده تشوفها لواكه شكد متخلف لعد

مهند :على العموم بالعافيه عليكم لعبتوها صح

سند بغضب: ولي منا مهند لاموتك

يوسف بغضب:متعرف تحجي انته

انصدمن البنات من الصار ومفتهمو شنو يقصد ومهتمن اصلا لكلام مهند

دخل على اصواتهم كل الموجودين الاعمام وزوجاتهم وبناتهم

ام سند:يمه وليداتنه سنودي ويويو شفتي ام يوسف شلون ضلو نايمين برا بسبب الحيتين

ام يوسف : اي ولج اول مره هاي بس علمود هذني الحيتين ملاك وريتال

ريتال
مانطيت رد فعل لكلامهم واصلا ماهتميت لان شوي اتعودت عليهم وعلى سمهم

قاطع صفنتي كلام ام سند وهيه تكول لـملاك

ام سند بغضب:ملاك ابد مابيج خير كل شوي تتمرضين واختج وابناء عمج يبتلون..مابيج فائد محد يحتاجج وجودج وعدمه واحد انتي بس مرض و حزن

ريتال
انصدمت بكلامها ماعرفت شحجي بسرعه انداريت على ملاك الجانت واكفه وحابسه دموعها

ريتال بغضب:شكو تحجين ويه ملاك هيج ها وانتي منو حتى تقررين اذا جان وجودها مفيد او لا خليج بنفسج لا تحطين خشمج بحياتنه تمام

سند بغضب: كافي اسكتو ثنينكم وبعدين يمه شكو تحجين هيج على ملاك ترا خطيه.. ممنوع تحجين وياها هيج بعد مفهوم؟!

ام سند : انته مجرد تعطف عليها بس تعرف كلش زين هيه جاي تلعب عليك لا مريضه ولا شي بس رادت توكعك وتخليك تتزوجها

سند بغضب :كااافي انتي شدتحجين من شوكت انتي هيج حاقده ماتوقعتج هيج وين امي الحنونه والتحب الكل انتي مو امي الاعرفها شنو هل حقد كرهتيني بيج

واكف بالباب يسمع كلامهم اتقرب بغضب لـسند
وكف كباله عيونه تصب نار غضب وحقد تفل بوجه ابنه ورفع ايده وضربه راشدي

ابو سند:ملطلط تتعصب على امك علمود هذني المو شريفاتتت اني هيج ربيتكك

سند
انصدمت من السواه ابويه وانو يوصل يتفل بوجهي ويضربني راشدي هيج..عيوني صبت نار خزرت ابويه وكلت

سند بغضب: مو شريفات هيج تحجي على بنات اخوك الماشايف منهم بس الأدب والاخلاق الـ اول ما اجن ماشفنه منهم بس الخير والتعامل الحلو

ابو سند: انجب لك حيوان تعلمني بيهن عاار

سند بغضب: اي اضهر على حقيقتك كفو منك بالطفوله عذبتني وكرهتني بيك وهسه هم كرهني بيك خل اتبره منك واخلص

يوسف بغضب: شبيكك عمي ليش هيج تسوي ويا كل عقلك انتته

ام سند بخوف: يمممه هاي ليش هيج تضربه وتهينه.. ابني عمري ماما تأذيت ابننيييي وليدي

ابو سند: احسن خل يتربه

سند بغضب :انته تعلمني التربيه؟

انصدم الكل من جرائة سند كدام ابو

سند
التفتتت الملاك الجانت خايفه عليه كلش صارت عيوني بعيونها نزلت دموعنه ثنينه
اني مسحت دموعي بحركه سريعه وهيه نزلت راسها

ركضت طلعت بره البيت و يوسف ركض طلع وراي

ابو سند: ارتاحيتيي ملاك كله بسببج هذا الصار

تفل على ملاك وطلع

ابو يوسف: لا حول ولا قوه الا بالله الكل يروح منا يلا

الكل طلع بقيت اني و ملاك

رركضت ملاك وهيه تبچي للغرفه ركضت وراها واني خايفه عليها

نامت على السرير وهيه تبچي بقهر وحركة قلب

ملاك: وووينج ماما ليش ماخذتيني وياجج ليش ما متتت وخلصت من هل عذاب

ااتقربت منها وكعدت على حافة السرير خليت ايدي على شعرها وحركته بـ لطف

حجت ملاك وهيه تبچي
ملاك:اني مو مهمه مثل ما كالووو صح

رديت واني ابچي وكلت بصوت حنون
ريتال :مو صح اني احتاجج انتي كل حياتي واهلي انتي اعز من روحي

ملاك: ريتال اني بس امرااض صحيح كلامها اني وجودي وعدمه مو مهم

ريتال: ملوكه لو انتي بس امراض اني اصير بس علاجج ماريد شي من هاي الدنيا بس وجودج يمي

ملاك ببچي:شفتي الصاررر بسببي لسند شفتي عمو كاضم شلون هانه وضربه كدام الكل انكسرت كرامته بسببي

ريتال: لا مو بسببج ابو من الطفوله قاسي ومكروه وهوه مو بس علمودج هوه يدافع عن الحق والحق انتي

ملاك : تعبتي مني؟ بسبب الربو او تصرفاتي وياج

ريتال: ملوكه انتي روحي من هاي الدنيا ماكو واحد يتعب من روحه لو ماموجوده انتي جان حياتي كلش تلعب النفس وجودج غير كلشي بـ حياتي انتي نعمتي بـ هاي الدنيا وجودج نور لحياتي انتي نصي الثاني

ملاك : احبج وانتي امي الثانيه

ريتال: ملوكتي اني بـ كل خطوه تلكيني وياج مستحيل اتخله عنج ودائما راح احميج

اتقربت من اختها وحضنتها بقوه وهيه تردد جمله احبجج ريتال ماعرف شسوي بدونج

اندك باب غرفتنه
مسحت دموع ملاك وكمت افتح الباب
جان بالباب مرام دخلت للغرفه

مرام: بنات معليكم بـ هاي المهزله الصارت

ريتال:عادي تعودنه ههه

مرام: ملوكه حبيبتي لا تهتمين لكلام ام سند ترا هيه والله حبابه بس مادري شبيها هاي الفتره

ملاك:لا عمري ماهتم عادي

اقتربتت مرام وحضنت ملاك وركضت ريتال وحضنتهم

عند يوسف وسند

يوسف
ركضت وره سند لان خفت عليه كلش
سند مو مجرد ابن عمي هذا رووحي من الدنيا هذا اخويه الما ولدته امي ركضت ولزمت ايده قوي

يوسف: وين رايح سند؟!!!

سند بغضب:عوفني يوووسف عوفنييي

يوسف:سند شبيك خويه اتعوذ من الشيطان

سند بغضب: لك شفته شفته شسوه بيه لك اني ابنه هيج يهيني هيج يضربنيي كدام الكل..لك ماضل واحد ماشاف

يوسف: سامحه يمكن سوه هيج من شافك متعصب على امك

سند: لااا هوه اذا صدك يريد يربيني خل يعرف الحق اول..لك اكرهه من اول ما اجن البنات وهوه اسلوبه متغير صاير يكره الكل حتى انييي ابنننه جنت بالطفوله اكول هوه هيج قاسي لان اكيد اكيد جاي يربيني

يوسف: حبيبي خويه اهدأ والله ميسوه هل عصبيه

بچه بـ انهيار و حركة قلب ضرب على صدره قوي وكال

سند: لك تعبتت تعبت من هذا الاب من الطفوله يضربني ويهيني لك جنت اتمنى يهتملي يخاف عليه يدرسني يشجعني جنت اتمنى ابويه مثل باقي الاباء جنت من اشوف ابوك وتعامله الحلو وياك جنت انكسر اكثر اتمنيت ابوك هوه ابويه جنت ادعي الله يغير ابويه ويخلي غير اب صار هذا حلمي يوسف جنت اتمنى ابويه يحن شوي عليه ويعاملني حلو حتى لو الدقايق

سحب ايده من ايد يوسف وركض صعد لسيارته وساق سريع بيها

يوسف بخوف :سنددد سنددد

ركض على سيارته وحاول يلحكه بس سند جان سريع رجع للبيت وهوه تعبان والحزن واضح بعيونه ركضت عليه ام سند وسألته

ام سند بخوف: وين ابني وييين سند رجع وياك؟

يوسف بحزن وخوف: ماعرف مارجع وياي

ام سند: يمهه ابني ويننننه

حجه يوسف بتعب وحزن: راح اروح انطمر راسي موتني ربع ساعه وكعدوني ومن يجي سند هم كعدوني

ام سند: روح نام يمه يوسف

تسريع الاحداث

مر خمس ساعات على خروج سند
يوسف بالخمس ساعات نايم محد وصل للغرفه مالته الكل جانو ملتهين يتصلون على سند لحد ما ابو يوسف كال

ابو يوسف:اتصلو على اصدقاء سند خل نفهم وينه
ام يوسف بحزن:سند ماعنده اصدقاء بس يوسف ومصطفى ولد عمه

اسستغرب ابو يوسف وكال
ابو يوسف: ليش ماعنده؟

ردت ام سند بحزن
ام سند : هوه ميحب يصادق يكول مكتفي بيوسف ومصطفى

يوسف
راسي كلش يوجعني من خوفي على سند بس كلت اكيد رااح يفتر بالسياره ويرجع
رحت نمت خمس ساعات حرفيا نمت نوم كلش عميق من التعب محسيت بـ اي شي
كعدت وفتحت تلفوني حتى اشوف الساعه اتفاجئت بالوقت كمت بسرعه رحت سبحت و من كملت كتبت رساله لمصطفى انو وينه وشوكت يرجع وهوه رد عليه بالطريق جاي بس محبيت اكوله على سند لان خاف يضل باله
نزلت حتى اشوف سند رجع او لا بس انصدمت انو سند ماكو اتصلت عليه اكثر من مره ضليت اتصل بالخمسين اتصال بس ماكو زاد خوفي عليه كلش
رحت للمطبخ حتى ادخن جكاره

جان بالمطبخ ريتال و ملاك ورقيه و وفاء و مرام وماريا يسون چاي لـ اعمامهن

رقيه: اكولج وفاء ووين تتوقعين راح سند

وفاء: شمدريني اسألي هذا السؤال الاخونه يوسف هوه يعرف كلشي على سند

ردت مرام وهيه ضايجه

مرام :بنات ما ملاحضين مصطفى هم مو بالبيت بس محد سأل عليه

ريتال: لا مرام هوه قبل مايطلع كلي اذا سألوج عليه كليلهم طلع ويه اصدقائه

وفاء بحقد:اي من دون الكل كلج الج ... راح تاخذه منج مرام وانتي ساكته

مرام: خلي نكون واقعيين صح اني احب مصطفى بس من طرف واحد فـ هوه اذا حب ريتال حلال عليهم لان مستحيل اجبره اني

ريتال:لااا مرام والله لا حب ولا شي الكل هنا مثل اخواني...وهوه كلي لان بس اني شافني جنت طالعه من غرفتي وهوه هم ديطلع جان يكلي ويطلع

مرام: يمعوده عادي شعليييه

رقيه:انتو مهتمين بسوالف الولد هواي هههه

ملاك: هههههه بس بقه نعرف رقيه و وفاء منو يحبن

وفاء بحقد:لجج لا تدخلين ببينه فهمتي

ملاك:مو قصدي شي ترا شبيج عيني

رقيه بضحك:والله اني مو مثلكم ماحب احد واذا احب فـ اكيد غريب يكون

ريتال:هههه احسلج واني هم مثلج

رقيه بغمزه:واضح نفس كلام اخويه هههه

خجلت ريتال وضحك الكل قاطع كلامهم
دخول يوسف وهوه يصرخ

يوسف: اريد جداحه

رقيه: اخذ منو لازمك

يوسف: محد لازمني بس توقعت من خواتي الحلوات وفاء ورقيه يدورولي جداحه بس للاسف ماعندي خوات حنونات

رقيه: سوده عليه مضلوم انته

يوسف بضحك:هلاااا مرمر لو كاشي

مرام بضحك:ييع دلعييي خربببته وترا اقدم من حياتي هاي النكته

يوسف: ماشي عيني كاشي

صفن شوي على ريتال وبعدها كال

يوسف: هاي شنو ريتاااال شو كبرتي هواي

ريتال بغضب:ترا انته نمت خمس ساعات مو خمس سنين

يوسف بضحك:ها صح اسف

مرام:لعد مصطفى ليش مارجع

يوسف:اتصلت عليه قبل من جنت بغرفتي وكال هسه هوه بالطريق

ملاك بحزن:وسند وين؟! مالكيتو؟!

اذكر ابن عمه او بالاحرى اخو وحزن كلش حجه بخوف

يوسف: مادري اتصلت عليه بالخمسين مره وماكو رد

ملاك بحزن:هفف وين راح يعني

اترخص يوسف منهم وصعد لغرفته
وورا ربع ساعه صعدت ريتال وملاك ومرام حتى يسولفن بالغرفه

ريتال: مرام سؤال حبابه بس لا تضوجين

مرام: جواب؟حبيبتي ماضوج

ريتال: لاحضت انو تعامل اخوج ويه يوسف وسند محلو ليش؟

مرام: شوفي هوه ماكو سبب بس مجرد انو اخويه مهند ميحب غير نفسه فـ شوي متكبر بس هوه حباب ترا

سمعو اصواتت رعبتهم كلش صوت النسوان يصرخون ويبجون وصوت اعمامهم يصرخون

ركضن البنات حتى يشوفون شنو ديصير نزلت مرام ووراها ملاك ووراهم ريتال

يوسف
جنت كاعد بغرفتي و احاول اتصل بـ سند بس ماكو ررد ابد ......سمعت اصوات صراخ وبجي ركضت بسرعه حتى اشوف شنو ديصير طلعت كبالي ريتال وكفت من شافتني اتقربت عليها وكلت

يوسف: بهذا الصراخ اول ثنين خفت صايرلهم شي همه انتي وسند

ريتال بتوتر: لا مابيه شي وسند هم مابي شي ان شاء الله

زاد صوت الصراخ والبچي لهذا ركضو ريتال ويوسف حتى يفهمون شنو صار

يوسف
دخلت بسرعه وشفت منضر رعبني كلشش افكاري تجيبني وتوديني اتقربت بطيء واني ارجف ......

انتهى البارت 🦦❤️‍🔥لافيوو شوفكم بخير