مـن اجيـبك ع الـسلف تسوه السلف كلـه
والمـفارك عيونك بالـسلف شلـه
اريـد اصـفن بوجـهك صـفنة الميـتين
~~~~~~~~~~~~~~~~~~~~~~~~~~~~
نزل راسه وحـجه وهوه واضح عليه القهر

الدكتور: البنيه يرادلها عنايه اكثر الحرك مجان قوي تقريباً 60 % لو اكثر جان ماتت بس الحمدالله لحكتو عليها مراح تطلع خلوها ثلاث ايام لحد منشوف تتحسن او لا

انتبهت ليوسف يرجف عيونه حمر وكل شوي يفرك بيهم حجه بصوت مخنوك

يوسف: ماشي ماشي

اني ارتاحيت شوي كعدت وسند كعد يمي

انتبه مهند ليوسف اليرجف ووضعه مو طبيعيي

مهند: يوسف امشي نروح للبيت ارتاح شوي

هز راسه لا رجع مهند يحاول ياخذه غصب بس يوسف رافض انتبت لـ ايد يوسف اشرت المهند على ايد يوسف وكلت

سند: مهند اخذه خل يعالجون الحرك الي بـ ايده وركبته

يوسف رافض ومهند يسحب بي قوي لحد ماستسلم وراح ربع ساعه ورجعلنه

سند: مهند روح ارجع للبيت ويه مصطفى وشوف عمي شلون صار

هز راسه اي وراح اما يوسف ضل يروح ويرجع كل شوي لازم واحد من الدكاتره حتى يشوفها  وهمه رافضين يدخلو لان بعدهم يعالجوها

يوسف : سند اي شي يصير خابرني ودير بالك ع ملاك

حجه جملته وراح صاح عليه سند -وين رايح- اشر على باكيت الجكاير  يدخن برا وره ربع ساعه هم رجع وجهه تعبان كل شوي ماسح وجهه ب ايده

دقايق وهم طلع الدكتور

الدكتور: البنيه صار بـ جسمها اثار حروك راح اكتبلكم علاجات جيبوهن الها بس مو هسه من تطلعوها للبيت

هزينه راسنه اي
لزم ايد الدكتور يرجف ومتوتر وهوه يباوع للغرفه البـيها ريتال

يوسف:دكتور شلونها طمني زينه بس كول

الدكتور: اي زينه بس يرادلها عنايه يمنه لحد منشوف تتحسن لو لا

هز راسه اي يوسف راح جاب اكل وحلويات ومشويات ومدري شنو خلا يمنه ووصـه سند عليه وعلى ريتال وراح مدري وين

سند: وين تروح يوسف؟

التفت ابتسم وراح بدون ميجاوب

سند
خفت على يوسف هواي ماعرف شسوي ابتعدت شوي واتصلت على مهند

سند: مهند يوسف ماعرف وين راح

مهند: چا انته مو يمه شلون تعوفه

سند: انجب مهند تعرف بي من يعاند محد يكدرله

مهند:چا هسه شلون؟

سند:شمدرينييي يا خويه

سديت الاتصال ويه مهند ورجعت يم ملاك طلع الدكتور وكال تكدرون تدخلون. دخلنه لو صارت مصيبه ملاك كبل بدت تبچي وتحضن بـ اختها النايمه خزرتها واشرتلها كعدي كعدت وصارت تبجي بصوت ناصي. وريـتال صافنه عليها همست بصوت ناصي وهيه تبجي كوه

ريتال:ويـن يـوسـف

ابتسم وكال
سند: مادري جان هنا من كلوله زينه راح

غمضت عيونها بتعب كام يمها سند قرب كرسي يمها وكال وهوه منزل راسه

سند: حـاولـتي تـنـتحرين؟!

ريتال
انصدمت من كلامه اني كلش تعبانه وجسمي احسه بعده محروك ودموعي تنزل صفنت شوي وهزيت راسي لا استغفر وكام كعد يم ملاك رغم الألم والوجع الحسيت بي بس يوسف جان ابالي اتمنيت اشوفه خايف وسـاله ليش هيج سويت وحضنتني واني انتحر غمضت عيوني بتعب ومحسيت بشي بعد

سند
صار تقريباً بـ 12 باليل ضل بالي على يوسف اتصلت عليه اربع مرات ميرد رحت اتصلت على مصطفى جان مو بالبيت رحت اتصلت على مهند جاوبني

سند:ها مهند
مهند:ها الچلب
سند: انجب مو وكتك لتخليني اسمط جدك
مهند:ههههه خوش چا شتريد
سند:يوسف بالبيت؟
مهند:لا ممموجود چا شني ماجه يمك
سند: لا خيي ماجه
مهند: لعد خاف بالبستان مال عمي ناصر
سند: لا ماعتقد قابل شيسوي
مهند:هههه خويه هذا *** كلشي يسوي تلكا جايب نسوان ويردح وياهم
سند:ههه لا يمعود هذا يحب ريتال وربي
مهند:چا وينه لعد
سند: مادري ولي

سديت الاتصال بوجهه ورجعت للغرفه ريتال جانت كاعده وملاك مكابلتها وتبچي

عـند مهنـد
كاعد يم عمي ابو يوسف احجي ويا واطمنه حالته تعبانه ابتسم وسألني على ريتال جاوبته انو زينه غمض بنعاس ونام كمت من عنده رحت للمطبخ جوعان دخلت وشفت وفاء بنت عمي ابتسمت ورحت للثلاجه تطلع ببسي  وكيك وكلاصين وماعونين

طلعت من يمي لزمتها من ايدها سحبتها كبالي خافت وضلت تباوع بوجهي وتخربط بالحجي

وفاء:شتريد عوفنيي

ابتسمت وكتلها
مهند: جوعان

خزرتني وكالت
وفاء:مو خدامه عندك

لزمتها ايدها ضغطت عليها حيل خزرتها
-مـا اعـيـد كـلامي -
جرت ايدها مني رجعت للثلاجه طلعت
تمن ومرك حمتهم وصبتهم الي خزرتني ورادت تطلع صحت عليها التفت وهيه صافنه
-انتي ومنـو جاي تحتفلون بالصار الريتال -

فتحت عيونها بصدمه باوعت بوجهي صارت تتنفس بصوت عالي ابتسمت ونزلت راسي للاكل كملت كلامي

-هدفج ملاك...ريتال شعليها؟!

بلعت ريك بخوف ابتسمت خفيف متكدر تضم الخوف واضح عليها كلش

وفاء: مجاي احتفل بس مجرد جوعانه ولتضل تبسمر مالي دخل اني

االاكل بحلكي واشرت على الببسي وكلت

مهند: منو يمج بالغرفه المن هذا الثاني

وفاء: الـ طيبه يمي بالغرفه

ضحكت مستهزء

-اهااااااا اهنـا الحجي-
نزلت راسها بالكاع اباوع عليها وجهه بريء مو مال هيج سوالف ليش دتدمرين نفسج بـ هل سوالف اكلت وجان اختنك كحيت قوي باوعتلي وركضت جابـت ماي قربته من وجهيي ضربته قوي وخزرتها

مهند:مااثق بيج اطلعي ماريد اشوف وجهج
راحت ركض بدون متاخذ شي

عند ملاك

ملاك
من شفت ريتال تحترك احس قلبي وكف ضليت الطم على وجهي واخرمش وجهي بس من شفت يوسف حضنها عرفت انو ريتال عشـيقة يوسف ريتال عشـيقه اليوسفي راح يكون امانها وسندها بعد ميحتاج اخاف عليها

كعدت كبال ريتال الوجها تعبان ضليت ابجي ماسيطر على دموعي خفت اخسرها
ريتال:هه شبيج يروحي اني زينه لا تبچين

لزمت ايدي وضلت تطمن بيه اقتربت الها وحضنتها صاحت بـ ألم ابتعدت عنها بسرعه واني عيوني خايفه ابتسمت

ريتال: مابيه شي
نزلت راسها وكالت وهيه دموعها تنزل
ريتال:چنت اوعد نفسي اهتم الج وادريج بس مادري ليش اني الوكعت وانتي الداريتيني

اقتربت منها مسحت دموعها وبستها بخدها

ريتال:سند شكرا تعبتك وياي

ضحك وكال

سند:لا خويه استغليت الوضع حتى اضل قريب ع ملاك

انصدمنه اني وريتال وحده تباوع بوجه الثانيه ضحكت ريتال وكالت
ريتال: شنو قصدك ولك

اشـر على قلبه ضحك وكال

سند: وكعنه بحبها

فتحت عيوني مصدومه وهوه وريتال يضحكون خجلت كلش صرت حمره مدنكه والعب بـ اصبايعي

ريتال:لعد يوسف وين؟

انتبهت النفسي هواي جاي اسأل على يوسف حبيته كلش من شفت خوفه عليه وعيونه الجانت كبال عيوني رغم الوجع الجنت احس بي بس نضراته الي والحب والخوف الي بعيونه نساني الوجعع

ابتسم وكال

سند:وربي ماعرف جاي ادك عليه مايرد

رحت اتصل عليه وانه هم كلش خايف على اخوي وصديقب  دكيت هم ماكو رد بالمره الثانيه رد اخيرا

سند:هااا خويه يوسف وينك
ماكو صوت بس صوت هوسه وواحد يذب حسرات وره دقيقه سمعت صوت

-اسف اخي انه صاحب الجهاز

راد يحجي وانه قاطعت كلامه بصدمه هذا مو صوت يوسف خفت كلش ضليت اصيح

سند: انتتته منو منو وين اخويه وين صاحب الجهاز لك وينه وين لكيت هذا الجهاذ احجي لكك

ذب حسره وصوته حزين كال
-انته شتصير منه بلا زحمه

استغفرت بصوت عالي متوتر كلش ماعرف احجي بدون ماانقهر واصيح حاولت اهدء نفسي وحجيت بصوت ناصي مرتبك

-انه اخو انه سنده

ذب حسـره اقوه وأفأف

صاحب التلفون اتخربط وودينا للمستشفى وتلفونه فتحته بـ بصمة اصبعه وشفت اول رقم رقمك مكتوب عليه -عزيز روحي- لهذا اتصلت عليك خويه اخوك حالته تعبانه كلش

فتحت عيوني مصدوم من كلامه صيحت بصوت عالي واني اسب نفسي لان عفته يروح وحده

خرببب طاااح حضك سند شلون تعوفه امدانيي غبي

-اخي تكدر تجي هسه انه ويا وبعد زلم طيبه اخذنا للمستشفى

جاوبته وانـي متوتـر امسح بوجهي الصب عرك انتبهت لـ ريتال خايفه وتصيح شبي يوووسف شبي وملاك يمها تطمنها

سند: خويه يا مستشفى هاا نطيني اسمها وتلكاني يمـك

-اسم المستشفى ………

انصدمت ماعرف هاي المستشفى اول مره اسمع بيها

سند:خويه شني السالفه هاي يا منطقه نطيني بالضبط

-هاي شبيك اخوي صدك تحجي چا هاي مستشفى معروفه بكـربلاء شلون متعرفها

انصدمت كلش حجيت بصوت عالـي

سند: كربلاااء؟!

-اي شني شبيك

سند: انه مو من كربلاء احنه من بغداد دزلي الموقع وانه جايك

-خويه الولد مــتخربط بالزياره

سند: خوش خوش جاي

سديت المكالمه بسرعه اتصلت على مصطفى حتى يجي يم البنات ماكدر اعوفهم وحدهن بالمستشفى

نص ساعه واجه عفته ورحت لكربلاء خلصت الطريق كله بس اسوق وصلت للموقع اتصلت ع رقم يوسف فتحه الزلمه وصفلي الطريق التقيت بي اخذني عند يوسف وكفت طلع الدكتور سألته عن يوسف

الدكتور:………

يـبتـع

حـسـابي الانستا o.za.h

🥺❤️احبكم كلشهواي بس عندي متحانات ماكدر انشر هواي