اني احب بغداد وفجرها وفد واحد .

________________________________
بده يعرف على نفسه وهوه يباوعلي بنضرات غريبه وتخوف

انه اسمي احمد ابن خال مرام ومهند وعمري 28 وانتي منو اول مره اشوفج!!!

ابتسمت وكلت واني مستغربه

ريتال: السؤال الاهم شلون خلوك تدخل هنا وهمه عدهم بنات

ضحك بـ استهزاء وهوه يباوعلي صفح معاجبه كلامي

احمد: خوش سؤال هذا جوابه انو يثقون بيه وانه كد الثقه بس من شفتج يمكن اخرب ثقتهم علمودج لان تستاهلين هههه الصراحه

ابتسمتله بعدم راحه وردت اصعد بس وكف كدامي وهوه مبتسم

احمد:لحضه لحضه ماكلتي انتي منو؟!

نزلت راسي حتى ماباوع بوجهه اليخوف وحجيت

ريتاال: اني ريتال بنـت اخوهم الصغير عمري 17 سنه

احمد: ماجنت ادري عدهم هيج بنيه تشك شك

ريتاال:شكرا...من رخصتك اريد اصعد

احمد: مو بـ هاي السرعه خلينه متونسين بالسوالف

نضراته مو راحه تخوف يباوعلي من فوك لجوه اليكول ياخذلي اشعه. خفت منه ابتسمتله بخوف وحاولت اصعد صار كدامي وقرب مني

قاطعنه صوت يخوف كلش جان بـ باب البيت حجه بعصبيه كلش وهوه يخزرنه و ضاغط على سنانه

يوسف: شدتسوي هنا انته

احمد: شسوي غير جاي يم خالتي

يوسف:جاي يم خالتك ولي يمها شكو واكف هنا ؟!

احمد: احجي عدل وياي

يوسف بغضب: انه هذا حجي معاجبك اضرب راسك بالنعال مو بالحايط فهمت لو لا

احمد بغضب :صاير عصبي شبيك ترا مو اول مره اجي هنا

حجه هاي الجمله ماحس اله يوسف لازمه من قميصه بعصبيه ركضت ليوسف ولزمت ايده قوي حجيت بعصبيه

ريتال: يوسف عوفه احسلك

نتر ايدي قوي وحجه وهوه ضاغط على سنونه

يوسف: بـيك بخت ريتال اهنا جان دفنتك وحق الخلقك

احـمـد عدل قميصه وراح طلع

واني يوسف لزم ايدي قوي وجرني صعدني فوك وهوه ضايج الدرج سوا بايتين هلكد ماسريع اله شوي واني واكعه
حجيت بصوت ناصي

ريتال:عوف ايدي عووفها

يوسف :اسكتي احسلج

ضربت ايده قوي وبعدته حجيت واني معصبه

ريتال: شبيك ترا ممسوين شي جنه بس نحجي

يوسف بغضب: ماريدج تحجين ويه اي احد

ريتال بغضب: مو انته التتحكم بيه فهمت

يوسف: انجبي وبلا حجي زايد لاهفج براشدي فهمتيي

نار بعيونه وخازرني قوي يخوف كلش وانوبه كلي اهفج براشدي اهنا كلش كلش خفت بس حجيت بعصبيه من اذكرت اهله وتعاملهم وياي وانو هوه يسوي مشاكل بسببي. حجيت بغضب بدون خوف

ريتال:انته شنووو تحجي وياي هيج شايفني نايمه ويا ؟

من كلت هاي الجمله احس صار وحش ميوكف احد كدامه ضربني راشدي قوي احس خدودي صارت نارررر كلش طبع ايده صار بوجهي بسرعه نزلت دموعي وبديت اباوع عليه بحزن وارجف وهوه بـداخله كاب للستار من القهر والغيره نزل عرك على وجهه مسحه بيده الاثنين وغمض عيونه بـده يستغفر الله
باوعلي بحزن قرب مني وحجه بصوت حنين

يوسف:اسف اسف بس انتي العصبتيني

انقهرت كلش وعيوني تدمع رفعت اصبعي عود اهدده وكلت

ريتال بغضب:اذا ثاني مره مديت ايدك عليه اندمك فهمت

ابتسملي بقهر وراح بسرعه لغرفته ضرب الباب قوي احس انكسر من الضربه

واني هم رحت لغرفتي بسرعه باوعت بالمرايه جان طبع ايــده احمر على وجهي طلعت خافي عيوب بسرعه مرت عمي سليم جانت جايبته الي خليت منه على وجهي

كعدت شوي بالغرفه ماردت انزل لان مالي خلك مشاكل كعدت شوي لحد ما اندك باب غرفتي قوي كمت فتحت الباب جانت ماريا ومرام دخلو للغرفه

ماريا: ريتال كعدي ملاكككك بسرعه بسرعه

خفت من كلامها كلتلها بخوف
ريتال:شبيج شكو شصاير

مرام:ولييي خل اكعدها

دفعتني على كيف وراحت لملاك ضلت تكعدها

مرام:كوووومي ولججج كسوووله كومي

كعدت ملاك بتعب

ملاك:شكوو شكو

مرام:كومي حبابه

كعدت بسرعه راحت غسلت ورجعت

ملاك :كولي شكو فضيها

ضحكت وكالت وهيه خجلانه كلش

ماريا: باعو من جنت بالكليه اتعرفت على زميل فـ ضلينه ثلاث اشهر اصدقاء وراها اعترفلي يحبني واني هم اعترفتله لان هم احبه فـ المهممم صارلنه هواي سوه

ريتال بخوف:ولججج ديري بالج خاف يضحك عليج

كملت كلامها وهيه خجلانه

ماريا :لج اني هم عبالي هيج بس كلي انو راح يخطبني بعد يومين راح يجي يخطبنيييي وكلي كولي الابوج فـ كتله ابويه مسافر جان يكول عادي اتصلي عليه واني هم اتصلت على ابويه وكال هلا بيهم واذا الولد زين اني موافق وووولكمم ميته فرح بس بنـفس الوقت مقهوره كلش اريد ابچي

ريتال:ليش؟!

حجت وهيه مقهوره كلش وتطكطك بـ اصابيعها

ماريا: غير ابويه مسافر جنت اتمنى بابا موجود ويشاركني فرحتي

ريتال: ماعرف شحجي بس عمو اكيد لو موجود راح يفرحلج كلش بس لا تنسين عمو شغله يخلي يسافر
ابتسمت بقهر وسكتت

حاولنه نغير من نفسيتها ضحكنه وحجنه بصوت ناصي

ريتال وملاك ومرام:جـان صاحبـهااا وخذهاااا هلا هلا وچااان صاحبها وخذذاهاااا

ماريا بخجل:عابت حقيرات شنو هاي كولو بنت شيوخ شييي

ضحكو كلهم وهيج خلص يومي نفس الروتين و التعب وتعاي نضفي وغسلي

تـسريع الاحداث
خلص يومي بـ نفس الروتين والتعب وكلام زوجات عمي بـس لاحضت شي مهم انو ام سند من جاي تقسي ويانه بعيونها اكو ندم وحزن ماعرف ليش هيج حسيت بس هواي عكس ام يوسف الواضح الحقد والكره بعيونها

خلصو اليومين يوسف جان مشغول بالمكتب هواي قضايه طلاق ومدري شنو اجتـه فـ دائما يرجع باليل وسند يشتغل ويه ابو يوسف بـ محل

اجـه اليوم المنتضررر يوم الخطوبه

بـ2:00الضهر

كعدنه متاخرين نزلنه سوينه اكل للكل

مرام:هلاو بناتتت

ريتال وملاك:هلا بيج

مرام:لعد وين ماريا؟!

ريتال:عززاااا نايمممه

وحده صفنت بوجه الثانيه صـعدنه ركض لغرفته ماريا ضربنه الباب قوي ودخلنه هوه مجان مقفول

ريتال: ماااارياااا كومييي لازم نحضرججج ولجج اليوم خطوبتج

مرام:كووووومي لجججج

ملاك:كومييي يمعوده الولد راح يجييي

ماريا بـنعاس: يمعودات هيه مال خطوبه بـ هل وضع الزفتت اطلعووو اريد انام

بديت اتأفأف ضليت اضربها على ايدها حتى تكوم

ماريا:اهووو كمت كمت

كامت نزلت بسرعه اكلت وراحت حجت ويه امها

ماريا: سؤال هسه لازم البس شنو

ام مصطفى: هوه اني هم ماعرف خل نشوف مصطفى شيكول لان هوه راح ياخذ مكان ابوج

حاولت تخفي دموعها وقههرها حجت بصوت مهزوز
ماريا بقهر: تمام باي

صعدت لغرفتها وقفلت الباب وهيه مقهوره وتبچي

صعدت اني والبنات حتى نحجي وياها دكينه الباب ماقبلت تفتح صعد مصطفى هم وكف يدك الباب ويحجي بقهر

مصطفى:ماريا انتي مو طفله وتعرفين كلش زين ابويه مسافر علمود شغل وعلمودنه حتى نعيش عيشه حلوه

كامت شعرها مكفش وعيونها حمر من البچي فتحت الباب دخل مصطفى يمها

مصطفى:دخيلك ربي شني هاي سعلوه

ضحكت وهيه تمسح دموعها

كمل كلامه وهوه مقهور اكثر منها

مصطفى :مرام انـي صح مستحيل اخذ مكان
ابونه بس تعرفين شكد احبج واخاف عليج اسمحيلي هاي المره اخذ مكانه لان تعرفين ابويه كاضيها سفر وتعب وغربه بس علمودنه

حجت وهيه مقهوره

ماريا:لو ميت احسن حتى اذا كالو وين ابوج اكلهم ميت مو مسافر وميجي لعقد قران بنته الوحيده

مصطفى بحزن:ماريا شنو هل حجي تعرفين لو يكدر جان اكيد يجي

ابتمستله وكالت

ماريا: عمري اخويه احبك

ابتسملها وكمل كلامه

مصطفى: ديلا عدلي كفشتج وحضري نفسج لان ابراهيم كال انو راح يجون وهم عقد قران ترا لا تنسين

ماريا:يي اعرف

عافها وطلع وهوه مقهور اكثر منها

راحت سبحت وكملت دخلت مرام وملاك وريتال ورقيه يمها اجه يوسف وهوه لابس ملابس عاديه

ماريا:يوسسف ليش ممبدل؟

يوسف: اجيت اخذج للصالون اول وبعدين اني احضر

ماريا: اهااااا اوك

اخذها وراح للصالون هيه وامها

واما اني وملاك و رقيه ومرام كعدنه نمكيج ونبدل

التوتررررر مو طبيعي عدنه ضلينه ملتهيات نهتم بـ نفسنه و نرتب البيت ونعطره و بعد كم ساعه اجت ماريا مكياجها يجننن

سمعنه صوت الشباب يحجون طلعنه راسنه من الجامه شوي وشفنه سيارات هواي ونزلو منها شيوخ ويتوسطهم شاب كلهم سلمو على اعمامنه والشباب

ماريا:شووو خل اشوووفه

ريتال:يممه متصبررر بعد شووي راح تشوفي من تقدمين الهم الچاي

وره شوي

دخلت يمنه ام مصطفى صاحت على ماريا اخذتها قدمتلهم جاي وقرو الفاتحه ورجعت يمنه

ماريا:ولكممم لحكو شلع قلبي من مكانه شنو معقوله هذا العسل راح يصير زوجي يمه امووووع

ريتال:هههه مااريااا ثكلي شوووي ولج شهرتينه

ماريا: ولج يا ثكل متت خوف وتوتر لج يكولون الشيخ راح يجي حتى يعقدلي بس خايفه كلش وهسه لازم البس خااايفه متوتررره يمه

اجت امها وكعدت تعدلها وتخليلها ياس وماي وبين ايديها القران

حضرت نفسها وكملت حجيت اني بصوت عالي لان وفاء كالت كليلهم كملت

ريتال:كملت تكدرون تبدون بالعقد

حجه ابراهيم بعدم فهم

ابراهيم: وينن اخوها مصطفى؟!!

انتبهو الكل انو ماكو مصطفى ضلو يدورو ويوسف هم يدور وياهم

مصطفى ماكو اختفه ماريا خافت كلش وتوترت كعدنه اني والبنات نهدأها واحنه نفسنه خايفات

الشباب يتصلون بـ مصطفى بس مايرد

حجت ام يوسف بحقد

ام يوسف:كله

قاطعتها ريتال بغضب
ريتال:ها راح تكولين كله مني ومن ملاك صح
ماعرف احنه شـدخلنه بالموضوع بس هذا تفكيرج وحقدج بعد

ام يوسف :انتن حسدتنها

ريتال بغضب:والله بطرانه احنه شكو

ام يوسف:انجبي امشي صعدي انتي واختج لغرفتكم ممنوع تجون لعقد ماريا

ماريا بغضب:عمه معليج انتي اني اريدهننن عوفيهم وبعد ممنوع تحجون وياهن المعاجبه وجود البنات خل يروح

حجت وهيه دمها فاير وخايفه عقد قرانها يخرب دموعها نزلت من القهر

ماريا: ويننن مصطفى بس فهموني وين راح يعني لا مصطفى ولا بابا مااااريد هل خطوبه الفاشششله

اني وملاك نمسح دموعها ونعدل مكياجها حتى لايخرب انقهرنه كلشش سمعنه صوت الزلم يضحكون بصوت عالي مدري شكو

انصدمنه منعرف شبيهم يضحكون فجأ انفتحت الباب اتفاجئنه بـ احلا واجمل مفاجئه ابو ماريا ومصطفى (عمي عماد)

ماريا جانت منزله راسها وبس امها شافته ضلت تصيح بفرحه وتهلهل

ماريا
صعبه انخطب وبابا ماموجود والله جان يقهر كلش ويحرك القلب التفكيرر بـ عدم وجود ابويه بالعقد حتى نفسي لعبت من الخطوبه والزاد الطين بله وقهرني اكثر من مصطفى اختفه اهنا كلش انقهرت وضليت ابجي بس سوده عليه ريتال وملاك ملتهيات يمسحن دموعي ويعدلن مكياجي انفتحت الباب فجأ اني جنت منزله راسي ومقهوره ماعرف خطوبتي راح تكمل لو لا سمعت صوت امي تضحك وتهلهل رفعت راسي شفت احلا واجمل مفاجئه بحياتي شفت روحي من الدنيا بابه ضليت ممستوعبه بالبدايه شلون وسنتين جان مسافر و مشايفته شلون هسه فجأ رجع

ركضـت عليه وحضنته واني ابچي من الفرحه ضليت ابوسه وابوسس راسه ونزلت على ايده بستها واني فرحانه وهوه حاضني ويبچي ابتعد عني ومسح دموعي

ابو مصطفى(عماد):باباتي كل عقلج ماجي بالعقد مالج شلون اكدر غير هاي فرحتيي

ماريا:فدوه اروحلك بابه حبيبي شتاقيتلك يعمري

حضني وباسني

ابو مصطفى :يلا باباتي خل نكمل العقد وبعدين نحجي

طلع بابا من الغرفه وكعد يم العريس حجه الشيخ.........وووصار عقد القراننن صرت مرته شرعاً

ضلو يهلهلون واني رحت حتى ابدل

لبسي ومكياجي

لبس ريتال 👇

لبس ملاك

لبس مرام

الحفله بس للنسوان يعني الزلم بعد ماعقدولي راحوو بس ابراهيم بقى شوي لبسنه الحلقات

ابراهيم: اخ الله شني اني مزوج انجلينا جولي

ماريا:ها يعني تحب انجلينا؟!

ابراهيمم: لااااا لا عمي شني انجلينا انتي حلالي يا انجلينا يا بطيخ

ماريا: عمرري

سولفنه وكعد شوي و راح

طلعنه بالصاله وبدينه نعلك اغاني ونركص

رريتال وملاك ومرام علكوها بس يركصن ويهلهلن
جنت اركص ومندمجه فجأ صاحتني وفاء من بعيد

وفاء :ريتال تعاي بسرعه

استغربت منها اول مره بحياتها متحجي وياي بحقد

ريتال: هاا ؟

وفاء :باعي صعدي لغرفتي جيبي المكياج كله حبابه

ريتال: زين وفستاني؟! عيب

وفاء: لجج ماكو احد كلهم طلعو روحي بسرعه

سمعت كلامهها وطلعت بسررعه صعدت فوك دخلت بغرفتها وطلعت مكياجها ردت اطلع تفاجئت بصوت الشباب كدام الباب ضليت خايفه ماعرف شسوي وكفت وره الباب واني فستاني ضيق وقصير رحت على كنتور وفاء حتى استر نفسي بـ اي شي بس طلع كنتورها مقفول

ضربت ايدي قوي بالميز من القهر والخوف سمع صوت الضربه الشباب اقتربو من الباب بس الله ستر اجه ابو يوسف وصااحهم

الـه يوسف على حضي اجا اتصال وكف كبال باب الغرفه وحجه

يوسف:الو هلااا يعمري فدوه اروحلج

شلونج ابوووس هل صوت ههههه لياني

ماشي ماشي باي

سد الموبايل ابتعد شوي طلعت اني بسرعه جان يرجع يصير كبالي وهوه عيونه بالموبايل هبطنيي من الخوف ردت اصيح

ضليت جامده بـمكاني كلت بلكت منتبهلي رجعت خطوات وره بطيء رفع راسه وباوعلي

ضل صافن عيونه تشرح كلشي حب و غيره

عكد حواجبه وخزرني

يوسف:شنو هذا فستانج مو عيب هيج تطلعين؟!!!!

ابتسمتله وكلت

ريتال: بضبط عيب ابتعد من وجهييي

قرب مني اكثر لزم ايدي قوي لواها وره ضهري وقربني منه وهوه خازرني

يوسف:ليش هيج طالعه ترتاحين من يشوفوج الشباب بـ هل لبس

انصدمت من كلامه دفعته قوي

ريتال:وفاء دزتني حتى اجيب مكياجها وكلتلي كلكم طلعتو

يوسف بغضب:خررب بيج وفاء ماشي ماشي

ريتال:شبيك ترا هيه هم ماتدري عبالها طلعتو

قرب وجهه مني وحجه بتهديد

يوسف بغضب:انتي لتضلين طفله وكبري عقلج لاموتج فهمتي وبعدين شكو تصيحين كدام الشيوخ انو كملت

ريتال: شمدرينيييي وفاء كالتلي اني شعليه شبيك انته

يوسف: خرب بيومج شكد غبيه ومتفتهمين انتي لج صوتج بعد ماريد اسمعه فهمتي ممنوع تحجين كدام احد غيري فهمتي

ريتال:والله يوسف سالفتك تخوف!!وهسه ممكن تعوفني خل اولي لـيشوفنه احد

انتبه لنفسه ابتعد عنها بسرعه سمعو صوت الشباب لزم ايدها قوي و دخلهاا بغرفته الجانت بصف غرفة اخته وفاء

دخلها بغرفته وسد الباب

سند:هااا يوسف نطلع؟

يوسف :ماشي خويه انتو نزلو واني جاي وراكم

عافو ونزلو دخل لغرفته وصاح على ريتال حتى تروح

ريتال: غمضضض عيونك لا تباوع ترا عيييب

يوسف بضحك: چا مو صارلي ساعه اباوع عليج قبل مايجون الشباب ماحجيتي؟!

ريتال: نسيتتتتت وبعدين شنو هذا لبسك شسمه طالع شويون شوووي حلو

اقترب مني لزم شعري وبـده يمشططه بـ ايده

يوسف: غازليني بعد عمري ماشايف غزل غازليني بعد

ضحكت على كلامه وحجت

ريتال:هذا مو غزل بس مجرد مجامله

ضحك عليه ولزم خصري

يوسف: انه اليرجع طفل من يشوف عيونج

خجلت كلش دفعته قوي وركضت حتى انزل للغرفه بسرعه دخلت وسديت الباب الحمدالله كلها جانت تركص محد انتبهلييي عفت المكياج بالكاع وبديت اركص وياهم

ملاك

جنت اركص وعطشت كلش بس المشكله فستاني قصير لكيت عبايه بالكاع لبستها وطلعت رحت للمطبخ طلعت ماي وشوي اكل وبديت اكل

صوت خطوات وراي خوفتني كمت بسرعه حتى اطلع واني بالكوه لازمه العبايه لان كلش طويله وبس تنزل من رراسي

سند: السلام عليكم حجيه

ملاك:وعليكم السلام

سند بضحك:حجيه اعتذر منج كلش

دا اريد احجي وجان تنزل العبايه من راسي ووكعت حرفيا. جريت نفس كوه وصحت بصوت ناصي

ملاك:لا تباوع لا تباوعععع

حجه وهوه يضحك

سند:ماشي بس خل اكلج شي مهم كلش

حجيت واني احاول اغطي روحي بالعبايه

سند:هاي الصدفه من ادخل واشوفج امبين اشار حتى اخطبج هههه

ملاك: هاااا ءشسمه اني اروووح باااي

رحت اطلع جان ينضرب كتفي بـ جسمه تكسرت عبالك حايط مو جسم

سند: بس مو بنيه ضيم عجبتيني هواي

طلعت بسرعه ورحت للصاله ركض واني ميته خجل وقلق.

كملنه الحلفهه كلهم صعدو لغرفهم
واني هم صعدت بدلت ملابس بيت مستوره وملاك هم وحتى ماريا بس بقت مرام جوه

مرام
كعدت الملم مكياجي بسرعه يمكن دقيقه مطولت خليتهم بعلاكه وصعدت لغرفتي داريد افتح الباب جان تنشك العلاكه وكل المكياج اتطشر ضليت مقهوره مالي خلك المه واني ميته تعب بس اريد ارتاح صعد مصطفى وهوه لازم تفاحـه بيده وياكلها صفن عليه جنت ببـ فستان الحفله
من الخجل ميعرف شيسوي
مصطفى:تريدين تفاحه؟!

باوعت عليه بنضره حاده

اتغيرت نضراته لحب و حزن

مصطفى: بعدج ضايجه مني لان رفضتج؟!

مرام:لا عادي اول وتالي ازوج ابن خالي ع شنو اضوج بعد

بس كلت هيج قرب مني بسرعه لزمني قوي من وجهي وحجه

مصطفى:انـتي الي وبـس مرمرتي قلبي

وخرت ايده من وجهي وحجيت ببرود

مرام:انـي لليعرف قيمتي

لزم خصري بـ ايديناته وحجه بهمس

مصطفى: انه اعرف قيمتج كلش وانتي كلج الي محد يكدر يفرقنه حتى لو كان انتي

كمل كلامه
مصطفى: دخلي للغرفه لـيشوفج احد وانه راح اجمع مكياجج

ابـتسم وكعد يجمع مكياجي بعلاكته وخلا جوه الغرفه وراح نزل

تسريع الاحداث
مر ثلاث ايام واحنه على نفس الروتين حجي محلو من زوجات اعمامي خباثه وحقد من وفاء.
صعدنه بغرفة ماريا نصفك ونغني علكناها : حـبها واخذهااا وماجذب طب مفتخررر بولايته كايدها بجفوفه الذهب رجااال كد احجايته

رقيه بس تهلهل موتتنه ضحك فرحانين كلش بـ خطوبة ماريا

دخلو فجأ ورانه مصطفى و يوسف و سند

مصطفى: ماريا افتهمي كلامي زين ...........................

________<انتهى البارت>_______