هـلي وين رحتو و ماخذيتوني؟!
هـلي انهد حيلي تعالو اخذوني!!
_________________________________

كاعده بين احضان امي و هيه تلعب بشعري واختي يمي تاكل واخويه الصغير يلعب كرة قدم بالشارع
الجو مشمس على بارد دنيا عصر وصوت الاطفال بالشارع يلعبون

اجه بابه من الشغل تعبان راحت ماما سوتله اكل صاحنه حتى ينطينه ملابس اشتراها النه رحنه ركضنه كالعاده اخذنه الملابس وبسناه ضحك وراح اكل وكعد يباوع اخبار رحت

اني يم اختي ملاك نسولف شسوينه بالمدرسه وشلون الولد ينعجبون بينه 
عمري17واختي ملاك عمرها 16 واخويه 10سنوات

و چنه حلوات ف هواي شباب ينعجبون بينه المهم مر ثلاث اشهر هيج روتين

الا ان صارت الكارثه القلبت حياتنه

بابه انطرد من الشغل صار يكعد بالبيت وتعبت نفسيته انقهر كلش صار يحس نفسه فاشل خلص وقته بالغرفه وامي جانت تتداين من بيت اخوها لو اختها لحد ما ابويه رجع يحجي ويه اخوانه و التجئ الهم وچان حلهم ببساطه

هوه الشرب خلو ابويه يشرب وصار يرجع للبيت متاخر

ومن امي تسأله يضربها تغير ابويه من الحنون والزين الى العصبي و الحاقد كلما يشوفنه يضربنه و يغلط علينه ب ابشع الغلط ويهين امي ضلت متحمله علمودنه

ابو ريتال بغضب:وينكمممم حيووواناتتت

ريتال:هَـا بابا

ابو ريتال:وجعا وين امج الكلبه

ريتال:نايمه

وكف كبالي و بكل غضب ضربني راشدي ودفعني قوي بالكاع انشخط راسي ببسمار جان طالع اتحملت الألم وكلت

ريتال بحزن:لَيــش هيج تسوي؟!

ابو ريتال: اسكتي لتدوخيني

ريتال بحزن:انتـه مجنت هيج انته مو ابويه ولا اعترف بيك انته مو ذاك الحنون اليخاف الله

ابو ريتال بغضب:لجج كلبه طالع لسانج ولي من وجهي راح اكسر راسج واخليج تنامين مستشفى

دفعني مَـرھٌ ثانيه وراح لغرفته امي جانت نايمه بيها اول مادخل جان يدفرها ويصيح عليها

ابو ريتال:كوميي كومي جايبج تنامين

ام ريتال بحزن:اتقي •اللّـہ̣̥ بينه ميصير هيج تكومني

ابو ريتال:دكومي لتخليني احرك البيت عليكم

اخو امي سافر هوه وعائلته الاربيل و اخت امي هم سافرت ويه عائلتها لسليمانيه امي مجانت تحجيلهم ع ابويه انو يشرب ويضربها لان مرادت تضوجهم

مرت الايام الدمرت نفسيتنه اكثر واكثر وبيوم امي و ابويه واخويه الصغير طلعو لبيت عمي

ام ريتال: ماما ديرو بالكم على نفسكم والباب لا تفتحو لاحد

ريتال بحزن:ماما خلي نجي وياكم حبااابه

ام ريتال بحزن:يايمه والله اتمنى بس غير ابوچ يكول منريد نطي فلوس علمود كروتهم واخوچ بالكوه قبل ناخذه

ريتال : يلا ماما عادي ترحون وترجعون بالسلامه

ملاك: مع السلامه ماما

ام ريتال:مثل ما وصيتكم وريتال ديري بالج على ملاك بنيتي

وهيه چاي تحجي صاح عليها ابويه بصوت غاضب

ابو ريتال: يلا شكد تلغين

باستنه وراحت وهيه خايفه علينه شلون تعوفنه وحدنه وهاي اول مره تسويها بس من تغير بابه صار عصبي وماما صارت غصب تسمع كلامه علمودنه

كعدنه اني واختي نسولف من الضوجه والخوف مرت اربع ساعات على طلعتهم

شويه واندكت الباب وچان نصيح منوو واحنه خايفات جاوبنه صوت نعرفه اتطمنه فتحنه الباب و دخلت جيرانه

جيرانه بـ بچي: ياقلبي عليچن يايمه

انصدمنه ومفهمنه الصار ضلينه صافنات عليها وهيه تباوع علينه وتبچي

جيرانه ب بچي: وين ترحن وانتن بنات بهل جمال اوووف يمه

صارت تبچي وتلطم باوعت عليها واني احس جسمي صار ثقيل فكرت بشغله واتمنيتها تطلع خطأ

ريتال:شنو شكو خاله؟؟؟

جيرانه: اريدچ تصيرين قويه و تهتمين الاختچ مالچن بهل دنيا غير بعض

من كلامها عرفت الشغله الفكرت بيها هيه الصح ثقل جسمي اكثر واكثر صرت امشي بالكوه سألتها و قلبي يفور حطيت ايدي على قلبي وكلت

ريتال بخوف: اهلي صارلهم شي؟

جيرانه: اوووف يا قلبي استقبلتي خبر وفاة عائلتج بـ هل عمر

بعد السمعته عرفت اهلي ماتو صرت الطم على وجهي وابچي واختي ملاك هم من شافتني هيج هم كامت تلطم وتبچي

ريتال :ابوس ايدچ فهميني شلون عرفتي و الخبر صدك لو تشاقين والله راح اموت

جيرانه: للاسف صدك وعمج هوه الخابرني شاف رقمي يم امچ مكتوب جيراني ام علي ف خابرني حتى تحضرن نفسچن راح يجي واحد
من اعمامج ياخذكم للمستشفى تشوفوهم وبعدين لبيت جدكم اهناك تصير الفاتحه

ريتال ببچي: لاااا ياااربي ياااربي ليش ماخذتنه وياهم ليشش

ملاك ب بچي: مااماا اريد مامااا اريدهااا

قاطعت بچينه ام علي وهيه تطلع فلوس وكالت

جيرانه بحزن:هذا مبلغ مالي 150دينار بسيط خلو يمكم و امكم چانت تكلي انو ضامه ذهب جوه الفراش طلعو و اخذو يمكم بس ديرو بالكم تنطو لعمامكم فهمتو ضمو يمكم خاف تحتاجو ماااشي؟

ريتال ب بچي: ماشي شكرا خاله

راحت هيه لغرفتنه و طلعت ملابسنه حضرتهن بجنط و خلتهن كبال الباب وحطت بيهن الفلوس و الذهب وعافتنه وطلعت وهيه

حزينه علينه رحنه اني واختي كعدنه وحضنه بعض وصرنه نذكر حنان امنه و حزنها علينه وشلون بابا جان يشتريلنه ملابس و العاب و يقرينه بس من انطرد من الشغل والتجئ لاخوانه اتدمر لو شلون اخويه جنه ندزه يشتريلنه لو يلعب ويانه و يدافعلنه كل هذا صار مجرد ذكريات تجرح حزينه كعدنه شويه ونفتحت الباب دخلو ثنين من عمامي

كاضم :يلا حضرتن؟

ريتال: اي عمو

محمد :خوش يلا شيلو الجنط و تعالو

ملاك: عمو احنه نشيلهم؟؟

محمد: لازم تريدين احنه نخدمچ ست ملاك

ملاك: لا عمو مو قصدي هيچ بس الجنط ثقيلات

كاضم: عادي شيلوهم وهيه كبال الباب السياره

اكتفينه بالصمت وراحنه شالنه الجنط ب كل ثقل و تعب

ريتال بهمس: اتـمنى يصيرون زلم ويشيلوها همه

ملاك بهمس: اي والله

صعدناهم بالسياره وصعدنه احنه هم

عمي كاضم يسوق و عمي محمد بصفه و اني وملاك وراهم

وصلنه لبيت جدي وچانت اول مره اشوفها بي لان بابه يعرف بيهم يكرهون امي ف لهذا ما يودينه

دخلنه وچان بيت كلش كبير بي حديقه واسعه وكراج سيارات ومدخل بي الصاله و مجموعه غرف و المطبخ و الحمامات تكرمون

دخلنه ولتقينه ب اعمامي الباقين وزوجاتهم يبچون سلمنه عليهم و كعدنه أكلنه شويه وسط نضرات الحقد والكره

كملنه واني واختي شلنه المواعين و مرت عمي كاضم دلتنه غرفتنه صعدنه بيها و جانت كلش صغيره بس حلوه وبيها حمام تكرمون خلينه اغراضنه بيها و نمنه

لحد ما كعدنه على صوت الباب رحت فتحته وجان اشوف بنت عمي وفاء

وفاء: كافي نوم ماما تريدچن تشتغلاً

ريتال: ياشغل حبيبتي؟ ترا تعبانات و اليوم فاتحة عائلتي

وفاء: واذا يلا تعاي نزلي قابل اني تريدين اشتغل ؟

ملاك: اي ديلا روحي

وفاء بغضب: شنو تطرديني

ملاك: لا اطرد خيالچ

سديت الباب بوجهه وكعدنه نحضر حتى ننزل رحت سبحت ولبست تراك اسود ويه حجاب اسود وملاك هم طلع جسمنه يجننن
تعطرنه ونزلنه صح حزينات بس منكدر ننسه هذا روتين.

عيونه مليانات دموع و البچي محبوس بقلبنه نزلنه وشافونه وكامو يطلمن اما زوجات عمي ف يبچن بس قليل خلصت الفاتحه و رحت للمطبخ نحضر اول مدخلنه كمشتنه ام رقيه من اذانه جرته قوي اني واختي

مرت ناصر: ولججج شلون تسدون الباب بوجهه بنتي ادبسززيات

ريتال: اخخخ اذاني وبعدين سدينه الباب حتى نحضر نفسنه

ملاك: هدينه انتي منو حتى تمدين ايدج علينه

مرت ناصر: ولججج طلع لسانجن

كالت جملتها ولزمت الواير الي يمها وضربتنه بي اني وملاك لحد ما وكفها صوت بنت

مرام بغضب : عمه شبيج عوفيهم

مرت ناصر:وانتي شعليج محامي مالتهن

مرام: اذا عرف عمو انو كسرتي كلمته يتعصب منج

مرت ناصر بخوف: هاا لا عفتهم بس اذا شفت وجهن اله اكسر راسهم

حچت جملتها وراحت اما اني وملاك ف عيونه بدأت تدمع و ركضنه حتى نصعد لغرفتنه

اني ركضت وورايه ملاك ركضنه بـ اسرع ما عندنه وچان انضرب بجسم عبالك حايط كسرني..رفعت عيني وباوعت چان يطلع شاب نزلت راسي بخجل وصعدت لغرفتي واختي ورايه

مرت الثلاث ايام كل ثانيه وكل دقيقه نسمع كلام جارح بحقنه وبحق امي مشفنه اعمامنه ولا ولدهم لان جانو بالفاتحه ومن يجوون يطردونه اني واختي لغرفتنه

2:31.الضهر

كاعده بحزن تباوع لاختها وترجع بالذكريات ل عائلتها وحياتهم الجانت سعيده قبل متتحول للجحيم هذا سمعو صوت اصراخ جوه خافو فـ قررو ينزلون ويشوفون منو وشنو الصار

شافن الاعمام يتعاركون سوه والزوجات واكفات يباوعن
نزلت اني واختي يمهم وجان يطلع الموضوع هوه

كاضم: خلي نزوجهم ونستر عليهن

محمد: اني هم اكول هيج صح ريتال اتقدم لها رجال جبير بالسن بس اكيد يعيشها اميره

ناصر: وانته من كل عقلك بعدهن صغار ومصار على وفاة اخونه هواي شدتحجي انته مخبل

محمد :ماشي يا ناصر يكبراً ويصير خير

راح كل واحد لغرفته و لحكته مرته

((((((بغرفة محمد 🌝))))))

مرت محمد: وليش خليتو بكيفه زوجوهن غصب عنه

محمد: وانتي من كل عقلج شنو نسيتي ابنه محامي اكيد يرفع علينه قضيه

ماريا: ترا عمو يحجي الحق بعدهم صغار ليش تريدون تدمروهن

مرت محمد:انجبي انتي نريد نسترهم ميصير

ماريا: قصدج تريدين تخلصين منهم حتى خاف واحد من ولدنه يشوفهن ويريد يزوجهم صح ؟

مرت محمد : ادبسزز امشي ولي من كدامي

ماريا: بابه اذا هيج تحجون عليهم ف يعني اني هم ممستوره لان اني ممزوجه

محمد: لا بابه ما زوج ملاك وريتال لحد ميكبرن

(((((((((بغرفة كاضم🤨))))))))))

مرت كاضم :اذا متزوجهم ابنك يشوفهن ويتخبل لحد ما ياخذ وحده منهم

كاضم :ومنو كلچ مافرح؟

مرت كاضم: لااا عيني ابني يزوج بنت خالته صبحيه

كاضم: ضحكتيني صارلها عشر سنوات بخلقته ولا رادها ولا حتى باوع بوجهه

مرت كاضم: شنووو قصدك صبحيه مو حلوه

كاضم: ههه لا حشاها يلا كومي سويلي اكل.

()()()()()()(بغرفة ناصر💔)()()()()()

ناصر : استغفرر الله واتوب اليه

مرت ناصر:وليش متزوجوها هااا

ناصر: اولا بعدهم صغار ثانيا اربعين اخويه ومرته وابنه بعده مطالع وهم ديري بالج تجرأين تحجين هذني بنات اخويه

مرت ناصر: واذا صغار متريد تسترهن

ناصر: الحنينه انتي تريدين تخلصين منهم حتى يتقدمون لوفاء بعد صح لو لا

مرت ناصر بغضب: اي طبعا البنيه عنست يمي وبسبب بنات اخوك مجاي يتقدمون الها

ناصر بغضب:احترمي نفسج اني ساكت بس لان بنتي كاعده اهنا والا جان مسحت الارض بيج وبعدين من عمرها16 تقدمولها هواي بس هيه المرادت تزوج واني مجبرتها فهمتي لو افهمج بطريقتي

مرت ناصر بخوف: لااا فهمت فهمت

وفاء بهمس ل امها: اني بطريقتي اخليها تتمنى تزوج

رقيه:بالنسبه الي ماهتم بس ترا البنات قاصرات حرام عليكم تزوجوهن ولو اذا ضلن وفاء تخبلهم

ناصر:لا حول ولا قوه الا بالله

((()(((((بغرفة عماد 🙂))))())

جان عماد مسافر علمود الشغل بس مرته وبنته وابنه بالبيت

مرام: والله يا يمه اذا رجع طبعج مثل الاول بعد انسي عندج بنيه

مرت عماد: ها بنتي شبيج همه يريدون يزوجوها واني وياهم بهل كلام

مرام: خلي نشوفج وبعدين ليش ينطوها لرجال جبير

مرت عماد: يمه عنده هواي فلوس وتعرفين اعمامج طماعين

بغرفة البنات ملاك و ريتال💔💔

بعد السمعته رجعنه بسرعه لغرفتنه كعدنه وصرنه نبجي وندعي الله يخلصنه منهم انفتحت الباب وجان تدخل بنت حلوه بنهاية الثلاثين الصراحه شايفتها هواي بس ماعرف منو هيه

مرت سليم بأبتسامه حنينه: هلا بنات

ملاك وريتال بخوف: هلا اتفضلي؟

مرت سليم: اكيد هسه انتو متعرفوني بس راح اجي نحجي شويه

ريتال :اذا بموضوع زواجي مازوج لا تعبين نفسج

مرت سليم :لا حبيبتي مو هذا الموضوع

كعدت على حافة السرير يمنه و بدأت تعرف عن نفسها

مرت سليم: اني زوجة عمكم سليم اكيد متعرفوني لان سليم مو هواي يحجي بيه وميقبل اطلع من الغرفه ماعرف ليش جنت اتمنى احصل بنات وهسه الله دزچن الي بنتين جمال ونزاكه

حجت جملتها والدموع تنزل من عيونها اتقربت من عدنه وحضنتنه

مـرت سنه على حزنه وبيووم اني وملاك نزلنه من الصبح كعدنه ويه مرام بالحديقه ضلينه نسولف لحد ما انفتحت الباب ودخلو ولد اعمامي الثلاثه

هيبه وجمال وامبين اخلاق

وكعت عيني على واحد معضل وحلو لابس تيشيرت ابيض وفوكا ستره سوده وبنطرون اسود وحذاء ابيض وريحة عطره دوختني
تخبلت وهوه صفن عليه

كامت مرام عدلت نفسها و راحت سلمت على الشباب واني ملاك واكفات بمكانه نخجل نروح نسلم

صاح عليه وعلى ملاك صوت خشن رجولي يخوف حرفياً يوسف

رجعت للبيت بعد تعب بالفاتحه وجان اسمع صوت بنت عمي عماد مرام تدافع على ريتال لان امي تأذيها اتعصبت كلش وانقهرت لان ايتام
ردت ادخل للمطبخ جان تركض بتجاهي ريتال بنت عمي تبچي باوعت عليها واني اتفحص كل جزء بيها بـ هل ثواني فقط

عيونها الحمر من الدموع لو وجهه الاصفر لان مماكله لو جسمها المرتب الضعيف. قهرر

انضربت بيه وصحتني من صفتني بيها رفعت عيونها بتجاهي خجلت وراحت صعدت واني صافن بيها بهل دقيقه الشفتها صرت احلم بيها تكون الي نسيت امي ونسيت اهلي رحت بسرعه لغرفتي صرت اراقبها من تنزل للمطبخ

وبيوم رجعنه للبيت اني وسند بعد طلعه ويه ولد اعمامنه وجان اشوفها ضلت واكفه خجلانه وجهه صار احمر
اختها بصفها صحت عليهن

يوسف ب ابتسامه : هلا بنات عمي الغاليات

ريتال وملاك : هلا هلا

همست لملاك وكلت

ريتال بصووت ناصي:هذا شسمه نسيت

جاوبني وهوه يضحك ضحكه رجوليه كفيله تدوخ مليون بنت وكال

يوسف: اسمي يوسف يا بنت العم

سند
اول مدخلت شفت بنيه تخبل اخذت قلبي من نضره وحده خربطت احوالي ترفه وبريئه عرفتها بنت عمي سلمت على اختها ورحت بتجاها اتقربت الها سلمت ردة السلام بخجل وخوف
امبين اول مره تحجي ويه شاب
سلمت عليه وراحت يم مرام ضليت صافن بيها وماشوف غيرها اسم على مسما فعلاً ملاك بريئ

يوسف
بعد ما دخلت ريتال واني افكر بيها وبضحكتها و بخجلها و بجمالها ضليت صافن بعالمي صرت افكر وابتسم. *شنو السالفه ياقلبي بس لمحتها وكم ساعه شفتها شبسرعه حبيتها؟!* قطع تفكيري صوت سند (سند يصير ابن كاضم عم البنات)

سند :وين صافن؟!

يوسف :بيها

سند بعدم فهم: ها؟!

يوسف: بـ خالتك صافن

سند بضحك: افا عليك ليش مكلتلي اخطبها الك

يوسف. :هههههه ديلا امشي نوكف بالباب ملل

سمعنه صراخ عمتي اني مهتميت لان هذا صار روتين حياتنه ف طلعنه انه وسند كبال الباب نسولف

رجعنه دخلنه بس ساعه

سند :خرب هاي بعدهم يتعاركون ترا ضجت اني

يوسف: يمعود شنو الجديد هنه كله وحده تسحل بالثانيه

سند بستغراب: لك لا شو اسم ملاك وريتال يمكن ديتعاركن ويا البنات

يوسف بنفاذ صبر: تعال ندخل نشوف

دخلنه وشفنه امي رافعه ايدها على ريتال ....

ريتال

دخلت جوه وجان اشوف كدامي مرت عمي عماد باوعت عليه بعصبيه وصرخت ب اعلى صوتها وكالت

مرت عماد بغضب :هااا ولج شجنتي تسوين ويه يوسف بررره هااا ادبسزز

ريتال بخوف: عمه شبيج ماكو شي والله وبعدين

قاطعت كلامي ومقبلت ابرر الها و صارت تصرخ وتكول

مرت عماد بصراخ:ممتربيه وبعدين يكولون ليش تريدون تزوجوها

كلامها خوفني صرت ابجي مو لان تهمتني بس لان منطتني مجال اجاوب

فضحتني كدام الكل بـ شي اصلا اني ممسويته

بعد مسمعو صوتها طلعو سريع حتى يعرفون شصار ضلو ساكتين لحد ما حجه عمي ابو يوسف

ناصر بغضب: بس لچ اسكتي

مرت عماد:دتشوفها انته جانت بره تحجي ويه يوسف ومتقربتله كلش

محمد : ريتال صدك هل حجي

ريتال بـ بچي: صح بس عمو؟

اتعصب من كلت صح اتقرب مني وضربني راشدي الصراحه حسسوني موزينه...

دخلو على صوتنه مرام وملاك وكفن يسمعون الكلام

صارو يصرخون ويغلطون كل اعمامي عليه ما عدا عمي ناصر جان وياي خطيه قاطع كلامهم
صوت ناعم ممزوج بالصراخ الهادئ

مرام بغضب:كاااافي كااافي واذا شفتوها واكفه ويه يوسف ترااا ابن عمها مو غريب وبعدين اني هم جنت واكفه ويا و حجيت ويا ووجنت واكفه ويه سند....هاا شو متحجون شو متكولون مومتربيه هاا احجو يلا لكم عيب عليكم والله هاي بنت اخوكم من لحمكم ودمكم هيج تأذوها واما اليتيم فـ لا تقهر بس ميفيد الكلام وياكم مراح تهتمون اصلا

مرت ناصر: انتي ويا من الطفوله عادي بس هذني الاثنين منعرف شلون امهن مربيتهن خاف يوكعون ابني ويزوج وحده منهن

ملاك بستهـزاء: ضحكتيني لا خلي ابنج الج مامهتمات اله

ريتال بغضب: كولي لان تكرهون امي هيج تحجون بس وااالله محد منكم يوصل الاخلاقنه

كل هذا النقاش و الاعمام ساكتين ميكدرون كدام زوجاتهم

مرت ناصر: لج وانتي شو طلع لسانج ست ريتال راح ارجع اربيج

مشت ب انتجاها رفعت ايدها رادت تضربها وسط صدمت الكل

مدت ايدها وقبل ماتضربها اتدخل

يوسف
تدخلت بسرعه بس انصدمت بــ ابن عمي مصطفى لزم ايد امي ونزلها

مصطفى:لتمدين ايدج عليها بعد ممنوع

مرت ناصر بغضب:مصطفى تدافعلهااااااا

مصطفى:اي جاي ادافعلها لان جاي تضلمون البنيه هيه واختها

اسستند على الباب وابن عمه سند بصفه رفع ايده ويضل يفر بيها معاجبه الوضع

يوسف :شنو هاي المهزله يمه متكعدين راحه انتي ترا فشلتينه كدام الكل

مرت ناصر :بس يمه

قاطع كلام امه ومخالها تكمل لان يعرف كلامها راح يجرح البنات

يوسف: يلا كل واحد لشغله يلا بويه خل نروح

سكتو وكل واحد راح لشغله. بس بقه مصطفى
وريتال وملاك

ريتال: شكرا لان حيمتني منها

مصطفى: لا تتشكريني مسويت شي

ريتال: بالعكس صرتلي سند بوكت انكساري

مصطفى:بكل وقت تحتاجوني اني خادم وهسه اترخص منكم اروح اكمل شغلي وهم خايف يشوفوكم واكفين يمي ويحقدون اكثر ههه

كملو كلام والبنات صعدو لغرفتهم

----
يوسف
من شفته دافع لـ ريتال تعصبت او بالاحرى غرت منه لان كبر بعيونها وخفت انو يكون حبها حقدت عليه هواي

يوسف:اكلك يابه

ابو يوسف :كول ابني؟!

يوسف: ترا بعدهن قاصرات حرام هاي جريمه واذا صارت اني ارفع قضيه على اعمامي

ابو يوسف : لا ماخليهم هذا حلم انو ازوج بنات اخوي للـ ميريدو

____

عند البنات

نزلنه بعد صراخ زوجات اعمامي علينه حتى نشتغل

رحنه بالمطبخ وصرنه نغسل مواعين وچان تدخل علينه وفاء و مرام

مرام: اساعدكم؟!

ريتال وملاك:لا

وفاء: شفتي شلون مصطفى دافع الهن

مرام :يي وشنو يعني؟!

وفاء :حط عينه ع وحده منهم

مرام:لا حبيبتي بس دافعلهم من شاف ضلمكم

وفاء: انتي خليج هيج متفتهمين شي لحد مايزوج وحده منهن

كملت جملتها وراحت

ريتال :مرام ترا ميحبنه معتبرنه خواته

مرام:يي اعرف عادي شعليه

ريتال: عيونج تلمع لازم تحبي ههههه؟!

مرام بخجل:ههه الصراحه اي بس هوه ميحبني يحب وحده ثانيه

ريتال:ياا حرامات

مرام:عادي

ملاك:بـ ما انو خلصنه الموعين تجون نصعد بالغرفه نسولف

مرام و ريتال:يي

صعدو للغرفه وضلو يسولفون

ريتال: مرام سؤال

مرام:جواب عمري

ريتال:ليش اعمامي كلهم عايشين بـيت واحد

مرام:هذا بيت جدنه فـ طلع ورث الاعمامي لهذا باقين بي لحد ميشوفون شيسوون بي

ريتال: اهااا علمود الورث

مرام:اكولكم بنات هوه الاعرفه انو عمو ابو ريتال ميشرب جان فـ شلون اتعلم ع الشرب؟!

ريتال
بعد هذا السؤال انصدمت انو متعرف اعمامنه همه العلمو ودمرو حياتنه سكتت شوي وبعدها بديت احاول احجي

ريتال بسـتهزاء: هه ليش متعرفين انو

بعدي ممكمله الجمله وجان تنفتح الباب بقوى

دخل عمي كاضم وصار يصيح

كاضم:مرام نزلي جوه وانتن كومن نضفن مجايبيكم نباوع على طولكم

مرام: اصبر عمو بس خل اسمع السالفه

صار يصرخ بعصبيه ممزوجه بخوف و يكلها نزلي سمعت كلامه ونزلت

كاضم بغضب :اذا فتحتو الموضوع مره ثانيه اسويلكم شي بعمركم مشايفي.

ملاك:يعني تعرفون انو انتو السبب بوفاة ابويه انتو العلمتو

ريتال: الله لا يسامحكم ان شاء الله تموتون

باوع ع ملاك وعيونه تجدح من الغضب جان يكلها نزلي جوه

نزلت وضليت اني وعمي بالغرفه كام وسد الباب

وكعد يمي و........................

خل اعرفكم عنهم

ابو يوسف عنده رقيه 16 و وفاء 17 ويوسف 22

ابو سند عنده بس سند وعمر سند 22 لان انولد هوه ويوسف نفس اليوم

ابو مصطفى عنده ماريا 19و مصطفى 21

ابو مرام عنده مرام18 ومهند 20

مهند راح تعرفو بالبارات الجايات

اما عم االبنات الاخير سليم فـ ماعنده اطفال

انـتـهـى البارت ❤️😭