يـاريت الدنيه حلـِۈه مثل حنيتك
...................................................

سند بخوف :ملاك شبيج ملاك ملاك

ركض عليها وخلاها بحضنه وهيه تتنفس بصعوبه و تضرب على صدرها وتكح بقوه اشرتله بـ ايدها على باب الغرفه

افتهم قصدها وركض حتى يصيح الدكتور

سند: دكتور دكتووور

ممرضه: اتفضل؟! الدكاتره بـ الاداره حاليا عدهم اجتماع مهم

سند بتعب:المريضه ملاك ساءة حالتها وصارت تتنفس بصعوبه ماعرف ليش فجأه هيج صارر

ممرضه:ياغرفه وديني خل اساعدها

ركض سند ويه الممرضه للغرفه البيها ملاك

سند
حاولت الممرضه تساعد ملاك بس ماعرفت السبب ركضت لتلفوني حتى ابلغ يوسف وريتال

عند يوسف وريتال

ريتال:يوسف سولفلي عن طفولتك صار عندي فضول؟!

يوسف: طفولتي جانت عاديه يعني العب ادرس اهلي يحبوني خواتي يحبوني يعني عاديه

ريتال:يا حلو ...منو شجعك تكمل دراستك وتصير محامي

يوسف بحزن:كلهم بس انو اصير محامي هذا مو حلمي لان حلمي دكتور وانما محامي هدف خليته بحياتي علمود شخص معين

ريتال بـ استغراب:لهدرجه مهم عندك هذا الشخص لدرجة اتخليت عن حلمك علموده

يوسف:مهم عندي هاي كلمه بسيطه نكدر نكول جزء من روحي

ريتال:منو هذا الشخص

قاطع كلامهم صوت التلفون وهوه يرن

يوسف:هلا مصطفى

مصطفى:ها يويو شصار وياكم شلونهم البنات وسند

يوسف:بخير صفصف وانتو اهلي واعمامي والباقين

مصطفى بضحك: كلهم بخير بس هههه دير بالك امك وام سند عصبيات كلش وميتحاجن بس تجون راح يموتن البنات هههه

يوسف:هههه يمعووود وين الجديد دائما هذا وضعهم

مصطفى :ههه صح ديلا باي خل انام

يوسف:الله وياك صفصف باي

ريتال: يوسف لاحضت انو صداقتك ب مصطفى وسند قويه

يوسف:صح مصطفى احبه كلش بس سند اكثر لان اعتبره اعز منن روحي سند هذا حرفيا سندي واخويه دائما وياي من اول ولادتنه ههه اذكر جنه من واحد يتعارك الثاني يفزعله

ريتال:فدوووه الله يديمكم

يوسف: فدوه لوجهج عزيزتي

ريتال : شكرا شكرا

يوسف: يلا راح انام نعست ولو ماعرف شلون راح انام بهل سياره

ريتال :ههه تصبح ع خير

رن تلفون يوسف

يوسف:لك هلا خويه سنودي

سند بخوف: خوويه تعالو بسرعه ملاك حالتها تعبت كلش صارت تتنفس بصعوبه

يوسف بخوف:ماشي ماشي جايين

سديت الموبايل وصحت على ريتال حتى تنزل

ركضنه بـ اتجاه باب المستشفى وصعدنه للغرفه

انتبهو ريتال ويوسف بخوف لـ ملاك الي جانت
تتنفس بصعوبه

ريتال بخوف:وينننننننه وينننننه

يوسف و سند:شنو؟

ريتال بخوف: جهاز الاستنشاق وين ويننن

يوسف و سند بعدم فهم:شنو هذا؟

ركضت ريتال لجنطتها وطلعت منها بخاخ (جهاز الاستنشاق) ركضت بي ب اتجاه ملاك وخلتها تتنفس بي
هدأت حالت ملاك ورجعت بخير

الممرضه:عدها حساسية؟

ريتال:بيها ربو من الطفوله لهسه تجيها حالة الربو اذا الهواء بارد لو من ريحت الدخان لو من بعض الادويه لو الانفعالات القويه و توتر
واعراضه تنفس بصعوبه وألم بالصدر والسعال

اتقرب سند من ملاك وشربها ماي

ملاك بتعب:روحي ارتاحي ريتال مابيه شي عمري

ريتال:لا ابقى يمج احسن

ملاك: روحي والله بعد مابيه شي والله

ريتال: تمام

التفت ريتال ليوسف هز راسه بمعنى اي

طلعت ريتال ويوسف ونزلو ع السياره. بدون مايحجون ولا كلمه كل واحد نام من التعب

اليوم الثاني
10:00
يوسف

كعدت من النوم واني جسمي متكسر بسبب نومت السياره طلعت من السياره عدلت نفسي اتأفأفت شوي من التعب..انتبهت لريتاال النايمه بطريقة تضحك ماتكدر تمد رجلها رجعت كعدت بالسياره وصفنت ب ريتال النايمه مثل الطفل وشعرها طالع من الشال ومتناثر على وجها ضليت صافن ومبتسم ماحسيت بنفسي..انتبهت لنفسي اتقربت منها وضميت شعرها بالشال خليت ايدي ع وجها ومسحت بلطف

يوسف: ريتو رورو ام الرور يمعوده هيييو خاب ريتال كومي كعدييييي يمعوووده

ريتال بتأفأف: وليي من وجهيييي

يوسف :لج ادبسزز اني مو طفل حتى تكليلي ولي يلا كومي خل نتسمم ريوك شي

ريتال:ما عوفني تعبانه جسمي متكسر

يوسف بضحك: براحتج للمعلومه ترا اكو حشره ع ايدج بس اني مردت اكلج لان خاف تصيحين وتشهرينه بس بما انو مراح تكومين ف خلي الحشره عليج

ريتال بضحك: ترا ماتمشي عليه هاي سوالف المسلسلات

يوسف:اها ماششي

ريتال:ع كل حال راح اكوم لان اني هم جوعانه

ريتال

عرفت بي يكذب لان هاي السوالف شايفتها بالمسلسلات هواي فـ متمشي عليه خطيه عباله يكدر يضحك عليه .كمت اعدل بنفسي
وجان احس بشي ع ايدي حطيت ايدي عليه حتى اعرف شنو باوعت عليه وجان تطلع حشررره
قلبي وكف حرفيا فزيت وكمت اصيح

ريتال:يمه ييع هاي شنو مامااااااااا مامااااا

يوسف بضحك:اني ماكذب ابد هههه ماصدكتيني مو

ريتال بخوف:يوووسف اسكت اسكت وينهااا وين راحت

يوسف بضحك:خاف دخلت بحلكج

ريتال: يييع يمه لا مستحيل

يوسف :المهم ممكن ماتطفرين لان سيارتي اريدها

ريتال بغضب: تمام

طلعنه من السياره ورحنه الاقرب مطعم طلبنه منه كاهي وكيمر وچاي اخذناهم ورحنه لـ ملاك و سند.

عند سند وملاك

ملاك
كعدت من النوم والصراحه جانت احلا نومه نمت واني حاسه بـ امان الي فقدته من اتوفو اهلي حسيت انو اذا صارلي شي اكو الـ يحميني ههه شعور غريب بالنسبة الي بس لا انسه..اني مجرد يتيمه وسند يعطف عليها

عدلت كعدتي حتى اصحصح انتبهت لـسند النايم بالكاع بدون مخده او شي انقهرت عليه كلش
اختنكت شوي وبديت اكح مديت ايدي حتى اخذ ماي اتفاجئئت بـ سند وهوه يكوم مفزوع (خايف) وبعيونه النعاس ويمد ايده ع الماي قبلي وانطانيا

سند بخوف:هاج هاج ملاك بيج شييي

ملاك:ياااا لا اتعب نفسك ارجع نام

سمع كلامي ورجع راد ينام صحت عليه واشرت ع السرير كمت اني وكعدت ع الكرسي وغصبته ينام بمكاني سمع كلامي وشمر نفسه ع السرير بنعاس

فتح عيونه بـنعاس وباوع عليه

سند:ملاك؟ممكن طلب ولو خجلان منج؟

ملاك: غالي والطلب رخيص

سند:خجلان كلش منج و ولو انتي مريضه هم

ملاك: كول سند صدوك كذب انته هواي وكفت وياي كلشي تطلبه قليل

سند:عادي تفركين ايدي؟! موتتني كلش

ملاك بخجل:تدلل

اتقربت منه وكعدت على حافة السرير مديت ايدي على كتفه وبديت اضغط وانزل لحد كف ايده وافركله ايده

سند
ايدي موتتني وضهري هم بسبب نومة الكاع ضليت مترردد اكول لملاك لو لا تفركها الي بس كلت ماكول ع ضهري لان ميصير عيب فـ خجلت كلش وطلبت منها تسويلي تدليك لـ ايدي (تفركلي ايدي)
هيه هم اتقربت مني وخلت ايدها الناعمه
على كتفي وبدت تضغط وتفرك

نعومة ايدها ريحتني
حجيت واني ماحس بروحي

سند :مداحس بالألم

ملاك:يي الحمدالله

صفن بوجهي واني اسويله ايده ضل يباوع بوجهي بنضرات لطيفه قاطعت صفنته بيه وكلت

ملاك: سند شوكت نطلع من المستشفى

سند:العصر ان شاء الله

ملاك:ان شاء الله

رجع صفن بوجهي فجأ وكال

سند:ملاك تدرين شنو الحلو بيج

ملاك:شنو؟

سند: كلشي

ملاك:شكرا انته الاحلا

فجأه كام يعدل بكعدته واني جنت قريبه منه وايدي جانت ع ايده جسمه صار قريب من جسمي ووجهي قريب من وجهه صفن بعيوني وشوي شوي قرب وجهه مني اتنفس بوجهي قوي شهيق وزفير انتبه لنفسه ورجع نفسه بقوه لوره انضرب راسه بالحايط لزم راسه بـ ألم وكال

سند: اسف اسف

ملاك بخوف:سند شصااار لراسك

اتقربت منه بسرعه وخليت ايدي ع راسه وضليت افركله ع مكان الضربه. انتبهت لسند نام من التعب

سمعت صوت الباب يندك كمت فتحته

ريتال:صباح الخيرررر عمررري

ملاك :صباح الورد حبيبتي

يوسف:صباح الخير عزيزتي وووبعدين وينننن اخويه؟!

ملاك بضحك:نايم

يوسف:نوم العوافي سنود

كعدنه بهدوء بالكاع وطلعنه الكاهي والچاي واكلنه

رن تلفون سند وكامت ملاك حتى تكعده صاح عليها يوسف وكال

يوسف:لا تكعدي جيبي تلفونه

سحب التلفون من ايدي وطلع برا الغرفه
جان المتصل ام سند

ام سند:الو هااا وينك يمه

يوسف:هلا عمه اني مو سند اني يوسف

ام سند: ها يويو لعد سنودي وين

يوسف:سند نايم

ام سند: لعد شوكت ترجعون

يوسف:العصر ان شاء الله

ام سند :خوش يمه بس لا تتاخرون يلا باي

يوسف:الله وياج عمه

سد التلفون ورجع للغرفه كعد بالكاع كمل اكل

يوسف:ملاك بعد عندج فحوصات سويهن حتى نروح بعد للبيت

ملاك:يي اعرف

كمل كلامه
يوسف:وريتال ذكريني نجيب الج علاجات مـال فقر دم

ريتال:تمام

يوسف:ملاك كومي كعدي سند خل ياكل

سمعت كلامه وهزيت راسي بمعنى اي
كمت ورحتله

ملاك:سند كوم سنددد سندد

سند:يوسف عوفني انطمر راح ادفركك

صاح يوسف وهوه يضحك

يوسف بضحك:اني شعلييييه لان فقير تحجي عليه

ملاك:سند كوم فضهاا

سند: فتهمتتت كمت كمت

يوسف بضحك:ها حيوان واني من جنت اكعدك تدفرني بس ملاك تكوم بسرعه

سند:طبعا انته صوتك خشن وتكومني عبالك صار هجوم واما ملاك صوتها ناعم وتكومني بلطف ورقه

يوسف:هااا تدللل بعد اسوي صوتي ناعم واكعدك

سند بضحك:تسوي فضل

قاطع كلامهم صوت ريتال وهيه تحمحم

ريتال:ءحم ءحم ملاكي خجلت

ملاك بخجل:لاا قابل شكالو هوه كل البنات صوتهم ناعم

سند بخبث:لا مو الكل هاي مو ريتال صوتها خشن ههههه

ريتال بغضب:عادي وانته صوتك ناعم

يوسف: دنجب غير صوتها يرد الروح

ريتال بخجل:هه شكرا

سند بضحك:ديلا عيني وين الاكل

خلو كدامه الاكل وكعد ياكل

يوسف:امك اتصلت عليك

سند: ليش مرديت عليها مو متفقين ماكو فرق بيناتنه وتعرف اقبل كلشي تسوي بتلفوني

يوسف:رديت وتكول شوكت نرجع كلتلها العصر

سند:ها خوش

ريتال
كملنه كلشي بقه شوي فحوصات لملاك وعلاجات للفقر دم الي

يوسف :سند اذا نزلت جيب وياك علاجات لريتال مال فقر دم

سند: ماشي خويه

يوسف راح يجيب سيارته من الكراج
وسند نزل يجيب علاجات لملاك والي
واني وملاك كعدنه نرتب نفسنه علمود نرجع للبيت

5:12

صعدنه بالسياره حتى نرجع للبيت

رجعنه للبيت دخلنه اول مافتحنه الباب شفنه وفاء ومرام

وفاء:ايي متونسات قابل مثل حضي بالبيت

ريتال:ليش انتي تتونسين بالمستشفى؟!

وفاء بحقد:خوش خطه صح مستشفى بس بيها يوسف وسند متونسات بنص الولد

يوسف:وفاء احترمي نفسج وسكتي مو جايه تحسدينه وبعدين اني اخوج. وسند من زمان ويا وتعرفين احنه ماعدنه شي ويا البنات ف اسكتي

مرام:حمدالله ع سلامتج ملوكه

ملوكه:الله يسلمج يعمري

صدمنه صوت رجولي ممزوج بـحقد وسم وهوه يدخن جكاره اتقرب من عدنه وجان يككول

......:ها سند و يوسف الملطلطين(الوكيين)

انتهى البارت
اتمنى يعجبكم لا تنسون التصويت وتعليق يجنن مثلكم

ها منو تتوقعون هذا الكال على سندنه ويوسفنه ملطلطين