حيلي على حيلچ لو شفت التعب صابچ.♡

----------------------------------------------

الدكتور:انتو اهل المريضه ملاك؟!

جاوبنه اي اهلها

الدكتور: البنيه جانت محبوسه بمكان مابي اوكسجين ولا يجي هواء فـ مختنقه لان الاوكسجين مواصل لرأتها

سند:دكتور شلون يعني مفهمت هيه جانت بغرفتها ودكو الباب عليها متفتح من دخلنه شفناها مغمى عليها

دكتور:هذا الصار واذا تريدون تبلغون لان خاف عن قصد ؟

يوسف:لا دكتور منبلغ مستحيل احد يأذيها

همه يحجون واني مصدومه معقوله صدك احد يريدها تموت بس منو وليش

قاطع تفكيري سند وهوه يسأل الدكتور

سند: دكتور شوكت نكدر نطلعها؟!

الدكتور: خليها لباجر احسن طلعوها وهسه اذا تريدون دخلو يمها اطمنو عليها

سند:خوش

راح الدكتور وضلينه اني وسند ويوسف ومصطفى

سند: يوسف مصطفى انتو رجعو للبيت وارتاحو واني وريتال نضل يم ملاك

يوسف: ريتال هم خل ترجع ترتاح

ريتال: لا ماعوف اختي اني وسند نبقى

مصطفى:يوسف خل نروح و بعدين هم نجي يلا خويه

سمع كلامه بدون مايرد وراحو

سند: ريتال دخلي انتي لـ ملاك واني راح اجيب اكل واجي

ريتال:اوك

راح سند يجيب اكل واني دخلت لملاك

ريتال: سووده عليه اختي حبيبتي وجهج ذبلان لو بيدي احميج من الدنيا كلها

ملاك بكلمات متقطعه:هه ي.يروحي

مرت ربع ساعه وجان يندك الباب كمت فتحته وطلع سند
دخل وهوه بيده علاكتين وحده اكل والثانيه عصاير وحلوياات خلاهم ع صفحه واجه كعد كبال ملاك

ريتال: ليش كل هذا سند

سند بضحك:مو شفتكم هيكل عضمي فـ كلت اجيبلكم بلكت تسمنون وتصيرون مثلي اخبل

ريتال:هههه حلو الثقه

سند:هاي مو ثقه هاي الحقيقه

ريتال: اي صح صح

سند:حمدالله ع السلامه خيتي ملك الموت

ملاك:الله ي.يسلمك وم.ملك الموت؟!

سند: ملك الموت يصير هم حلو وهم يخوف مثلج

ملاك:و.وين ال.الربط

سند:عوفي الربط وكعدي حتى اسويلج لفه وعصير يلا مو زين تضلين مماكله شي

ملاك:ماريد.ماريد.شي مجوعانه

سند:خيتي ميصير لازم تاكلين حتى لو شوي وخيتي ريتال هم تعاي اكلي

سووه لفه وعصير لملاك وانطاها بيدها وريتال سوت النفسها اكل وكعدو يـاكلون

ملاك:ريتو حبابه سوي لفه لـ سند مماكل شي

سند:لااا خيتي شكرا ماريد والله

ملاك:اممم ييع باع شكد ضعيف هيكل عضمي

سند:اي تنمري بعد

ملاك:هذا اسمه انتقاد لان التنمر هوه اذا احجي على خلقتك الي الله خلقها مو على السمن او الضعف الهوه بيدك تكدر تسمن وتكدر تضعف فهمت ابني؟!!

سند:ابنج؟!

ملاك:اشااااقه خويه لتزعل

ريتال بحزن: سند راح اروح اجيب ماي النه

سند:ريتال اروح اني ؟!

ريتال: لا لا اني اريد لان هم اختنكت شوي

سند:تمام براحتج

طلعت ريتتال.

انتبهت ملاك السند وشهكت قووي

ملاك: ياااااا سند شبيها ايدك

سند: شبيجججج فززتيني مابيها شي

ملاك:شنو مابيها شي باع الجرح والدم هاي من شوكت هيج وليش محد عالجها الك ليش محد انتبهلككك

سند: شكو مكبره الموضوع مابيها شي

ملاك:شنو متأذيكككك شلون نسيتها ومحسيت بالوجعع

سند برد سريع بدون تفكير: جنت خايف عليج

ملاك: صيحح االدكتووور خل يضمدهاااا دكتوووور دكتووور

دخل ع صوت ملاك ممرضه وكالت

ممرضه:الدكتوور مموجود حاليا ب شنو اساعدج

سند: ردنه الدكتور يضمدلي ايدي

ممرضه:تمام اني اضمدها الك

ملاك
اتفاجئت بـ ايده مجروحه وخفت كلش ف صحت الدكتور حتى يضدمها بس دخل ع صوتي ممرضه
اني رديت بجاوب صدمني حتى اني ماعرف ليش هيج حجيت بس يمكن غرت كولش

ملاك:هااا لا باعي جيبي معقم وهل سوالف اني اسويها اله

ممرضه:حبيبتي هذا شغلي اني لازم اسوي

سند بضحك: يي شغلها هذا

ملاك:لا مو هوه يستحرم انو وحده غريبه تلزم ايده فـ جيبي اني اسويله

انتبهت الممرضه لسند الي يحرك راسه بمعنى اي
ممرضه:تمام براحتج

جابت المعقم ولاصق وبديت اعقم ايده وهوه يتأذه وصافن بوجهي كملت وخليتله لاصق وهوه صافن بوجهي فجأ اتقربلي وصار راسه على ركبتي وايده تحاوط خصري بس انتبه لنفسه وبتعد بسرعه
انفتحت الباب وجانت ريتال جابت ماي النه هم. وكعدت كبالي

ريتال بحزن : ليش محد من اعمامنه اجو؟!

سند:ماعرف بس اكيد هسه يجي عمو ناصر

كمل جملته وجان يندك باب الغرفه كام سند وفتحه وجان يطلع عمو ناصر و يوسف

سند:عمي قبل ثانيه جنه بطاريك شبسرعه اجيت

ابو يوسف: اجيت اطمن على الملاكين الهنا ريتال وملاك

ريتال :حبيبي عمو تعبت نفسك والله

ابو يوسف: لا بابه انتو بنات اخويه قطعه من روحي

ريتال:فدوه اروحلك

ملاك:هلا عمو هلا يوسف

يوسف وابو: هلا

انتبه ابو يوسف لريتال الوجها تعبان واصفر وكال

ابو يوسف: يوسف اخذ ريتال وروح خلي يفحصوها لان وجها اصفرر

ريتال: عمو مابييه شي والله ملاك المريضه مو اني

يوسف: صح كلام ابوي انتي وجهج اصفر امشي وياي اخلي الدكتوره تسويلج تحاليل

محجيت شي اكتفت بالصمت نزلنه اني و يوسف حجه وياهم ف اجه دكتور وصاحني حتى يفحصني دخلنه للغرفه ويوسف وياي بـ كل حركه الدكتور يأذيني بيها يوسف يخزره

طلع الدكتور وبقه يوسف وياي بالغرفه

ريتال:تعبتك وياي

يوسف: تـعبـج راحه الي

ريتال:مقصرت شكرا

يوسف:لتنسين اني ابن عمج وغصب عليه اضل وياكم

ريتال:فدوه لقلبك

قاطع كلامنه دخول الدكتور وهوه يكول

الدكتور:عندج فقر دم حاد كلش راح اشكلج مغذي واكتبلج مقويات وفيتامين و زوجج يروح يجيبها من الصيدليه البصف المستشفى

ريتال:دكتوووور مو زوجيييي هذا ابن عمييي

يوسف: تمام شكرا دكتور

طلع الدكتور يجيب المغذي

التفت يوسف عليه وكال

يوسف بغضب: هذا ؟! عندي اسم ترا وبعدين واذا كال زوجج راح ينقص منج شي؟!

ريتال :اسفه مو قصدي

يوسف:لا تعتذرين انسي

يوسف
رجع الدكتور حتى يشكل المغذي الها واني اباوعله شلون يلزم ايدها كولش تعصبت لان هاي بنت عمي وعرضي ممنوع احد يتقربلها
المهم كمل المغذي واني بالكوه لازم اعصابي
اتقدم الدكتور بتجاهي ونطاني الوصفه مال فيتامين

انتضرته يطلع حتى اروح اجيب من الصيدليه

طلع واني وريتال ضلينه بالغرفه ريتال كاعده تنتضر المغذي. يخلص حتى تروح ل اختها

كعدت يمها وكلت

يوسف بخوف: جاي تتاذين؟!

ريتال بعدم فهم:مفهمت

يوسف بخوف: هاي الابره مال مغذي تأذيج؟!

ريتال بحزن :ههه لحضه هاي ولا شي بالنسبه لوفـاة اغلا الناس لقلبي

يوسف بحزن:الله يرحمهم

كملت كلامها
ريتال:هاي ولا شي بالنسبه لنضرة الحقد الاشوفها بعيونكم هاي ولا شي بالنسبه للحزن الاشوفه بعيون اختي شجاي تسألني بعد الصار كله؟!

يوسف:ماعرف ليش هيج يعاملوكم بس اني وسند ومصطفى محاقدين عليج ولا على ملاك بالعكس انتو خواتنه

ريتال:فدوه شكرا

بين بعيونه الحزن ونضرات غامضه صفن بوجهي دقايق و فجأ اتقرب مني لزم ايدي البيها المغذي وخلاها على قلبه الحسيت بي يدك سريع قرب وجهه مني وحجه بهمس

يوسف:غلطت مره ماريد اغلط مرتين

انصدمت من كلامه ومفهمت منه ومن تصرفه شي

قاطعنه صوت موبايل يوسف وهوه يدك لزم الموبايل وقره الاسم انصدم وكام بسرعه طلع برا الغرفه ورد جان يحجي بصوت عالي كلش ومبين الحماس والاهتمام بصوته

يوسف: حبيبتي يعمري شلونج ...
مشتاقلججج كلش...
فدوه اروحلج قلبي انتي احبج يعمري ...
وين انتي وويامن...
هااا احبج يروحي بس اشوفج اشبعج هدايه...
فدوه الايدج لتروحين لا لا لااا...
لتسدين المكالمه عليج الله ...

هذا جان كلامه وانسدت المكالمه رجع يمي وهوه ضايج كولش

يوسف:راح اروح للصيدليه ماتاخر

كال الجمله هاي وطلع حتى منتضر ارد

عند ملاك

ملاك:حبيبي عمو روح ليش متعب نفسك

ابو يوسف:لا بنيتي ابقى يمكم شنو بدون اب ولا ام ابقيكم قابل

سند:عمي اني ويوسف موجودين انته روح رتاح

ابو يوسف:رايح بس ديرو بالكم ع البنات

سند: هذني خواتي بعيوني اخليهم

طلع ابو يوسف و راح سند ويا يوصله لسيارته

سند:عمي ليش ابويه و باقي اعمامي ماجو وياك يطمنون ع بنات اخوهم

ابو يوسف:ماعرف شحجيلك يا سند بس اعمامك وابوك ما يعترفون بـ اكبر واحد تريد يعترفون بـ بنات اخوهم

سند: ماعرف شحجي يلا الله كريم

ابو يوسف:مع السلامه باجر الصبح اجيكم نطلع البنات من المستشفى

سند:ماشي عمي الله وياك

راح ابو يوسف ورجع سند يم ملاك شاف الدكتور يمها

الدكتور: ها ملاكنه الحلوه شلون صرتي

ملاك: الحمدالله

الدكتور : تمام انتبهي لنفسج بعد وباجر تكدرين تطلعين

ملاك:شكرا دكتور تعبتك وياي

سند: شكرا دكتور

الدكتور: هذا واجبي بس بعد دير بالك عليها

سند: طبعا هاي اختي اخليها بعيوني

طلع الدكتور

سند بغضب: ليش مكتيلي الدكتور اجه شلون تقبلين وحدج ويا والباب مسدود

ملاك : ترا انته جنت رايح توصل عمو وهوه اجه قابل اطرده وبعدين الباب مجرد مطبوك مو مقفول

سند بغضب:جان تكدرين تتصلين عليه لو تكتبيلي رساله

ملاك: يي ادزلك رساله ويه طير الزاجل؟! هوه اني ماعندي موبايل منين اتصل عليك بله

سند: اسف اسف مادري

ملاك: لا تعتذر

قاطع كلامهم الباب وهوه ينفتح جان يوسف وريتال

ملاك:ها يوسف شنو طلع ليش وجها اصفر شبيها هااااا

يوسف:مابيها شي بس فقر دم وخلالها مغذي و هم انطاها مقويات

ريتال: شلون صرتي يعمري

ملاك:زينه مابيه شي يروحي

سند:ولو قاطعتكم اسف بس سؤال مهم يعني يحدد مصيرنه

جاوبو كلهم ب شنو

سند:اني ويوسف وين راح انام؟!

يوسف بضحك:هم صدك مفكرت بهل موضوع

ريتال:وين صدوك

سند: اني اكول انتي وملاك ضلو بالغرفه واني ويوسف ننزل بسيارة يوسف انام

يوسف:واذا اجه دكتور حتى يفحص ملاك؟!
لو يكتبلها ادويه ولازم اتجيبها

سند: صح شلون ????

يوسف: سند انته ابقى ويه ملاك واني وريتال ننام بالسياره هيج احسن

ملاك بخجل:هاااا لا شنو السالفه انته ويوسف نامو بالغرفه واني وريتال بالسياره

سند بضحك:ملاك لا تعبين عقلج الصغير بالتفكير تسوين فضل الصراحه ليش اني المريض لو انتي وبعدين تريدون انخليكم تنامون بالسياره كل عقلكم؟!

ريتال: نفس ما كال يوسف اني ويا بالسياره وانتو بالغرفه وهيه بس ليله وحده تهون

رن موبايل يوسف مرتين وهوه يتجاهله لحد ما انتبه سند وكال

سند: يوسف هاي ليان ؟؟؟

ملاك:منو ليان؟

يوسف:............

انتهى البارتتتتتت ❤️‍🩹
بنات التريد تتواصل وياي على قصه تريد اكتبها هذا يوزري o.za.h