انـه الفرته الدنيا فرة ابهامات
بچف شايب عمه ويذكر ايامه
-----------------------

وكعد يمي و باوعلي بتفحص بكل جسمي ووجهي نضرات غريب ماعرف معناها

تغيرت نضراته لغضب ولزم ايدي قوي وكال

ابو سند:باعي لج موضوع وفاة ابوج لتفتحي بعد لا انتي ولا اختج واذا عرفت حاجيه الموضوع الاحد اعتبري اختج مسويلها الشي البالج

ريتال بخوف:بـس كلي انته شنو من بشر لك احنه بنات اخوك افهم حرام عليك

ابو سند بستهزاء:لا انتي ولا ابوج تهموني فهمتي وهوه لو ما ميت جان اني الكاتله

ريتال بخوف:شنو هل حقد العامي قلوبكم شنو السر الضامي علينه مخليكم هيج حاقدين الله واكبر انته اخو من لحمه ودمه شصارلك

كاضم بستهزاء:الصمي لج لتدوخيني ومثل مكتلج ينفتح الموضوع اسوي شي ميعجبكم هه ويمكن يوصل لتحرش الله يعلم

من كال الجمله الاخير عقل مضل براسي انهاريت صرت ابجي و كمت اريد اضربه صح هوه عمي بس كلامه حرام ومكروه يعني شنو هل حقد الشايله ع ابويه وليش هيج يحقد ع اخو وشنو من نفس التخلي يتدنه لبنات اخو

كام وهوه متعصب رفع ايده عليه وصار يضربني بجنون صرت اصرخ بصوت عالي جان يتقربلي وخله ايده ع حلكي وكال

ابو سند :لج حذرتج ترا والله واقسم بالله ماخليكم عايشين لا انتي ولا اختج فـ بس تحجين الموضوع الاحد تشوفين شي ميعجبج وحتى الاختج متحجين الها فهمتي لجج

ريتال ببچي:فهمت بس خليها ب علمك راح تندم حرام بيك اسم عمو متستاهل

كملت كلامي وجان يدكون الباب قوي ويصرخون صوت مرام و ملاك

مرام:عمو عوفها لا تضربها شبيك شسوت عموو

ملاك:لك عمووو عوفها عوفها راح تموتها

سمع الكلام وجان يعوفني و كال

ابو سند :مثل ماكتلج بس اسمع حاجيه شي تشوفين شي ميعجبج ب اختج

كال جملته وطلع ودخلن البنات وشافوني

ملاك:سوده عليه هاي شصايرلج شسوالج ليش ضربج

ريتال ب صوت ضعيف :ماكو شي حبيبتي

مرام:ريتال شنو ماكو شي شوفي صار اثر ع وجهج خرب شبيهم اعمامنه متخبلين

ريتال :ماعرف شبيهم الله يعلم يلا عوفوني مابيه شي

كملت جملتي وكمت للمرايه شفت اكو اثار هواي زرقه مال ضرب بوجهي التفت لـ مرام وكتلها

ريتال:ماكدر انزل هيج عندج شي اخفي بي الاثار؟!

مرام :تعاي لغرفتي اخليلج فونديشن لو خافي عيوب

رحت وياها وعفت ملاك الصافنه عليه مفهمت شنو الصار وليش ضربني مكدرت اكولها خفت عليها لان عمي كاضم كلشي يطلع منه ماستغرب ابويه جان يبعدنه عنهم لان يعرفهم
مو خوش ناس

خلتلي خافي العيوب و رحت رجعت ع الغرفه شفت ملاك نفس كعدتها

ريتال:شبيج؟!

ملاك: كوليلي ليش ضربج هيج ها؟!

ريتال بتوتر:انتي تعرفيهم مو خوش اعمام شكو تسألين

ملاك:هم صح المهم يلا راح انزل عمو كاضم صاحني ماعرف شيريد

كملت كلامها واني متت خوف صرت صفره وتوترت كلش صفنت عليها ماعرف شرد

ريتال بتوتر: لا تنزلين

ملاك: ها؟! ليش

ريتال: اقصد نزلي واني هم جايه وياج

ملاك:لا ضلي انتي لايشوفج ويتخبل علينه

ريتال:لا شحده يضربج وانزل وياج معليج انتي

سكتت و نزلنه سوه شافني عمو كاضم و ابتسم بتسامه خبيثه

ابو سند: ريتال ولي من وجهي روحي للمطبخ

ريتال بغضب:اني وملاك نروح

ابو سند :ماشي يلا روحو من وجهي

ارتاح قلبي من عاف ملاك لان جنت خايفه كلش يسويلها شي كلت حتى لو يذبحني ماعوفها وحدها يمه

رحنه للـ مطبخ و شوي شتغلنه فـ باوعت ع ملاك شكلها تعبان وبس تغفه نعسانه
طبعا اليوم زوجات اعماميي نايمات
وبناتهن بالغرف

ريتال:ملاك عمري روحي صعدي نامي

ملاك :لا وانتي شلون اعوفج وحدج تشتغلين

ريتال:عادي اكدر اشتغل وحدي روحي نامي لخاطري

ملاك:اوك حبيبتي

ريتال بتوتر :باعي قفلي الباب مال غرفه هم

ملاك: وانتي؟!

ريتال:اني اريد اضل هنا لو يمكن اكعد بحديقة البيت

ملاك:تمام احبججج يا احلا اخت باي

همست بصوت ناصي ويه نفسي

ريتال:احبج و راح احميج من الكل حتى لو اموت اني

صعدت نامت واني ضليت اشتغل وحدي لحد ما دخل يوسف للمطبخ اول بدايه استغرب ووراها ابتسملي

يوسف: شعندج اهنا ليش منايمه؟!

ريتال:داشتغل ومنعسانه

يوسف:ها تمام ولو راح اتعبج بس جوعان

ريتال: عادي شتريد اسويلك؟!

يوسف: اي شي تعرفي وسهل

كمل جملته وجان يكعد ع ميز الطعام ونضراته بتجاهي

ريتال:اسويلك بيضه؟!

حجيت ومرد عليه
رجعت عدت كلامي مره ثانيه وهم مرد
صافن عليه
كتله
ريتال:ها وين صفنت؟!

انتبه ع نفسه وكال

يوسف: ها لا شسمه ماكو شي يي سويلي

رحت اسويله وهوه كاعد كبالي فتحت الطباخ و خليت طاوه بيها دهن رجعت جبت بيضتين طكيتهن و ردت اخليهن بالدهن بس خفت رجعت لوره من الدهن

انتبهلي يوسف وكام خله ايده ع ايدي وقرب وجهه لوجهيي. ضهري صار ع جسمه قرب ايدي ع الطاوه وخله البيضه بالدهن ورا ماكملت ابتعد عني وكال

يوسف:هههه حقج تخافين الدهن يغدر ويخون مثل الناس بحياتنه

كمل كلامه وكال
يوسف:يلا سوي جاي لو هم تخافين؟!

ريتال بتوتر:ها لا لا ماخاف

ابتسملي ورجع كعد بمكانه

سويت الجاي وخليت البيض كدامه وردت اطلع من الغرفه جان يلزم ايدي وكال

يوسف: وين رايحه تعاي سوي لنفسج و كعدي كبالي باع وجهج جنج مومياء كلشي متاكلين

ريتال: مجوعانه

يوسف: اني شكتلج ؟! يلا سمعي كلام

ريتال:تمام
كمت سويت لنفسي كيمر و جاي وكعدت كباله اكلنه بهدوء وقاطع هدوئنه صوت مرت عماد وهيه تصيح

مرت عماد:لجججج شعندج كاعده اهنا لا وفوكاها كاعده كبال يوسف وماخذج الواهس

يوسف: نصي صوتج.

رجعت هم صيحت تكلي ولي منا

رجع كلها نصي صوتج وهم مهتمت لكلامه جان يكوم وشمر ماعونه بالكاع كسره
وكلها بنفاذ صبر

يوسف : سكتتلج لان مرت عمي كافي وسدي الموضوع لااحرك البيت ع راسكم

سمعت كلامه وجان تعوفنه وتصعد
باوعلي وانتبه انو خايفه كلش منه فـ
كلي

يوسف: صعدي لغرفتج

سمعت كلامه وصعدت حاولت افتح باب غرفتي جان مقفول رجعت افتح الباب هم مقفول دكيته ملاك مافتحت كعدت بصف الغرفه وخليت ايدي ع وجهي بدون مانتبه لنفسي جان انام

----------------
فتحت عيوني واني بغرفه تجنن كبيره جنت مستغربه لان مو غرفتي هاي واني جنت كدام باب غرفتي المهم مديت رجلي حتى انزل من السرير جان ادوس ع شي صلب نزلت عيوني حتى اشوف ع شنو دست جان يطلع

ع بطن يوسف دست

ريتال:يااا اسفه والله اسفه ماعرف شجابني هنا اسفه وصدوك ليش نايم بصف السرير بالارض؟!

يوسف: خرب بيومج كسرتيني واني شلتج وخليتج بغرفتي لان صعدت وشفتج نايمه بالباب مال غرفتج ليش؟!

ريتال:ملاك جانت نايمه جوه واني كتلها تقفل الغرفه لان ردت اضل بالمطبخ بس انته اجيت فـ كتلي صعدي

يوسف:وليش مكتيلي

ريتال: لان جنت عصبي خفت منك

يوسف: ماشي

ريتال:هسه شلون اطلع اخاف يشوفوني و يموتوني هاي المره لان ماشاء الله بس احجي وياك يضربوني

يوسف:اني اطلعج بس انتضري شوي اشوف اختج فتحت الباب

طلع من الغرفه واني كمت اباوع بغرفته شكد حلوه ومرتبه الشي الحلو بهذا البيت كل واحد اله غرفه بس الى متى يضلون بـبيت واحد المفروض كل واحد ويسوي بيت وحده بس ناس طماعه

كمت باوعت ع المرايه لان خفت الاثر تبين بس الحمدالله ممبينه مراح خافي العيوب

انتضرته يرجع بس اتاخر هواي عليه

يوسف
من صيحت عليها حتى تصعد لان انقهرت شافتني هيج عصبي وره دقايق صعدت لغرفتي جان اشوفها نايمه بالباب مال غرفتها استغربت بس ضجت انو يشوفها واحد من ولد اعمامي فـ حاولت افتح باب غرفتها جان مقفول
كلت خل اوديها بغرفتي شلتها بوضعية الطفل وخليتها ع سريري قربت وجهي من وجهه الطفولي وطبعت بوسه خفيفه ع شفتها ابتعدت بسرعه وفرشت النفسي فراش بصف السرير يعني بس تمد رجلها تدوس ع جسمي نمت وجان افز ع وجع ببطني طلع هيه داست ع بطني ضحكت ع خوفها مني

والمهم رحت ادك الباب ع اختها.
دكيت الباب مره ماكو مرتين ماكو رد ضربت الباب قوي هم ماكو رد استغربت يعني معقوله هيج مترد ضربت الباب وصحت ب اسمها ماكو اتجمع اعمامي وزوجاتهم وبناتهم وسند ومصطفى ومهند ع صوتي.

ناصر:شكو شبيك ابني

يوسف: يابه ملاك نايمه جوا و صارلي هواي ادك متفتح خاف صارلها شي

سمع كلامي سند وجان يكول

سند بخوف:خل نكسر الباب شبيكم فاهين؟!

كاضم:ها شنو تكسر الباب ابني انتضر

ضلينه نحاول نفتح الباب ماكو فايده

ريتال
من اتاخر يوسف ضل بالي انو نساني واتورطت وحدي بس بعد دقايق سمعته يصيح ب اسم اختي انهبطت كلش و طلعت بدون ميدرون شافتني مرام و حاولت تساعدني انو ميشوفوني. وكفت يمهم وكلت

ريتال بخوف :شكو شبيها ملاااك

جاوبني عمي ناصر انو متفتح الباب وخاف صارلها شي ومن هل حجي

اتدخلت وفاء كل عاده وخربطت بالحجي

وفاء:خاف جايبه ولد ومتريد تفتح كلشي يصير

جاوبها سند بعصبيه وكال

سند:لتخربطين بالكلام. احسلج مستحيل تسويها واذا عدتي هذا الكلام ع ريتال لو ملاك اكسر راسج

حاولو يفتحون الباب اكثر من مره لحد ما سند اتعصب كلش و ضرب الباب بـ ايده قوي مره ومرتين منفتحت ايده نزفت دم ركض عليه يوسف وصيح

يوسف: شبيكك خويه صدك تحجي. اخذو منا

لزمه ابو وناصر
بس سند جان يدفعهم وماقبل كال معليكم

رجع ضرب الباب بجسمه وجان ينفتح دخلنه كلنه من الخوف نتدافع لحد .........

خصل البارت😭🌸💃💃