تأملتها لحضات فـ وقعت بحبها اعوام
بـقلمي
...........................

دخل سليم على اصواتهم وهوه دمه فاير حجه بصوت عالي وعصبي

سليم:شكو شبيجن بس تصيحن همجيات فضحتنه

ام يوسف: شوف مرتك تريد ناخذ هذني ويانه حاجيها

سليم: صدك هل حجي؟!

مرت سليم بغضب: اي صدك اريدهن يجن

سليم ببرود: ماشي مثل ماتردين يجن ويانه

انصدم الكل من كلامه وستغربو هدوئه وبرووده

كمل سليم كلامه

سليم:ريتال ملاك حضرو نفسكم باجر تجون ويانه بالطلعه العائليه بس بشرط

مرت سليم بخوف:ششنو الشرط؟!

ابتسم الها وقترب منها وهوه يحجي

سليم: تبوسيني

انصدمت مرته منه وخجلت كلش

مرت سليم: حبيبي شنو هل حجيي عيب

ضحك وكمل كلامه

سليم:اشاقه الشرط هوه انتي تديرين بالج عليهم اني مالي دخل

فرحت كلش بشرطه البسيط وكالت اي اي اني ادير بالي عليهم ريتال وملاك اخليهم بعيوني

ضاجت كلش ام يوسف وكالت

ام يوسف بغضب: انتي هيج تعامليهم بس لان ماعندج اطفاال لو عندج اطفال متباوعين بوجهن حتى

انقهرت كلش من الكلام خصوصاً صارلها سنوات هواي تتمنى طفل وماكو بچت من الكلام اليجرح هيه مقصره بـ سالفة الاطفال راحت بسرعه صعدت لغرفتها

اتعصب سليم من الكلام وعيونه صبت نار حجه بنفاذ صبر وهوه يضغط على سنونه بقوه

سليم:ليش متكولين مرتي تخاف الله بهاي البنات اليتيمات وانتي عكسها

حجه هاي الجمله وراح وره مرته يواسيها

كعدت بالغرفه وهيه تبچي وتدعي الله يرزقها طفل دخل يمها ووكف وراها وهوه دموعه تنزل راد يحجي بس وكفه صوت البنات بالباب

ريتال بخوف: عمو لا تعصب عليك الله بس ضل بالي على عمه نكدر نحجي وياها ؟!

ملاك بخوف: تسمحلنه ندخل؟!

هز بـ راسه بمعنى اي وهوه دموعه تنزل

دخلت ريتال حضنت مرت عمها و هيه تحجي بحنيه ولطف

ريتال: مو شرط الله سبحانه مارزقج يعني تفقدين الامل بالعكس هذا اختبار الكم لا تفقدين الامل خلي ايمانج قوي واكيد يرزقج طفل حلو مثلج

كملت كلامها بحنيه وهيه تبچي

انتي مثل المنقذه الله دزج النه بوسط هذا الدمار البينه انتي صرتي امنه ماعرف شلون افهمج بس انتي صرتي الأمان النه وحنان امنه الفقدنا لكينا بيج جنه نعتبر نفسنه ايتام بس من عرفناج صار عدنه ام تجنن احبج

اتقربت منها ومسحت دموعها وحضنتها اما

ملاك اتقربت من عمها الجان واكف ودموعه تنزل خلت ايدها بـ لطف على عيونه مسحت دموعه وكالت

ملاك: صح انخاف منك لان عصبي بس انحسك مثل بابه بحنان بابه رغم مشفته منك بس احساس انو انته ابويه الثاني مايتركني

نزل راسه بحزن وكال وهوه مقهور
سليم: انه ميهمني الاطفال ومو بسببج مجاي نرزق طفل هذا بسببي انه....بسبب طمعي الله جاي يعاقبني او بالاحرى يدليني على الطريق الصحيح

كمل كلامه وهوه مقهور
من شفت بنات اخويه وشفت الحب بعيونهم النه اهنا عرفت لازم انطيهم كل الحنان والحب العندي ولازم احافظ عليهن واعوف الطمع

فرحت مرت سليم بكلامه راحت حضنته و فتحت ايدها للبنات اتقربو منها وحضنو

9:00 صباحاً

ااصوات هوسه بالبيت وضحك بالمطبخ
اني و ملاك جنه نايمات اندك باب غرفتنه بقوه
صحت واني تعبانه وبـعيوني نعاس

ريتال:منوووو

محد رد رجعت صحت بصوت اعلى بـملل منووووو

هم ماكو رد رجعت نمت واني ميته نعاس رجع الباب اندك كمت بعصبيه واني دمي فاير وميته نعاس فتحته وصحت بصوت عالي

منوووووووووو استغفر الله لزككه

ابتسم بوجهي وضحك جاوبني بصوت رجولي بي حنيه وغزل

يوسف: العيون الحلوه تعبانه من النعاس واني زعجتها صح؟!

ابتسمت لا ارادياً و سندت نفسي على الباب كتفت ايديه وحجيت بصوت واثق

ريتال: العيون المحلوه فرحانه لان زعتجتني صح؟!

ابتسم وكال

يوسف :انه عيوني محلوه؟!!!! انه فرحان لان زعجتج؟!!!!!

ابتسمت وكتله بعدم اهتمام

ريتال: المهم شنو ردت؟!!!

لزم موبايله وطلعه فتحه ويباوع بي وحجه

يوسف: اجيت اكلج انو معليج بـ كلام امي انتي وملاك تجون ويانه..لان اكيد مو مخابيل حتى نعوفكم بالببت وحدكم

استغربت منه وضجت كتله بصوت ضايج

ريتال: يي عمو سليم هم كال اخذكم ويانه

حجه وهوه يباوع بـ موبايله

يوسف:ماشي حضرو نفسكم بـ 3 حتى بـ 4نطلع نروح للزوراء وهسه نزلو اتريكو

ابتسمت اله وكلت

ريتال:تمام شكرا

تسريع الاحداث

رحت كعدت ملاك ونزلنه وسط حقد زوجات اعمامي من عدا مرت عمي سليم جانت حبابه كلش ويانه كعدتنه بصفها وانتضرنه الاكل الي لازم ام يوسف وام مرام يسوو

شافتنه كعدنه صاحت بصوت عالي وواضح الحقد بي

ام يوسف: حيواناتتتت كومن سون شنو نشتغل عدجن كومي لج ريتال انتي وملاك سون يلا

كمنه اني وملاك بحزن سوينه اكل وسط نضرات الشباب علينه ماكدرو يحجون
بوجود اعمامهم سوينه وكملنه مرام جانت بعدها نايمه و وفاء كاعده يمنه ويحجون بحقد علينه هيه وامها اتجاهلناهم وصبينه
خلينا يمهم وكعدنه حتى ناكل

ام يوسف بغضب: هيووو ويييين كومي ريتال اول غسلي المواعين بعدين اتسممي

ريتال :ماشي عمه بس اكل واكمل اغسلهن

ام يوسف:كوميي لج جوعيه مشايفه اكل

انصدمت من كلامها باوعت عليها بـ استغراب ممستوعبه الحقاره لهل درجه سمعت كلامها وكمت غسلت المواعين ورجعت حتى اكل بس وكفني صوتها

ام يوسف: كومييي لج ممنوع تتسممين ممخلفيج وناسيج فوكما وكلنه اختج ولي ولي كومي
انصدم الكل من كلامها بس محد حجه حتى يوسف
سمعت صوت حنين كال

سليم: كعدي بابه معليج

استغرب الكل من الحنيه الفجأه نزلت على عمي سليم

مرت سليم :كعدي ماماتي اني اسويلج اكل هسه

كامت حتى ترروح للمطبخ بس منعها صوت
رجولي ممزوج بـ غضب و نفاذ صبر

يوسف بغضب: عمه كعدي

باوعتله بـ استغراب ممفتهمه شبي وليش يمعنها
اما ريتال بعيونها الف سؤال شبي فجأ اختلف عليه ليش هيج منعها شكو

مرت سليم: يوسف؟! صرت مثلهم عود انته المحامي

رد وهوه جاي يكوم

يوسف:اني اسويلها اكل

انصدم الكل وضاجو كلش حجه عمه كاضم بغضب

ابو سند: لك يوسف شدتحجي انته زلمه شنو تسوي اكل لبنيه انته زلمه عيب مخبل انته فشلتنه

ابتسم يوسف وكال

يوسف: عمي يواش يواش اني كلت اسويلها اكل ماعتقد كفرت مابيها شي اذا الولد ساعد بشي بسيط مراح يقلل من قيمته

(يواش يواش يعني شوي شوي وهذا كلام اهل قبل )

رد سند على ابو

سند: واذا سوه ترا مابيها شي

استغرب الكل ومن ضمنهم ريتال

راح يوسف على المطبخ طلع بيضتين و طماطه خله الدهن على النار ثرم الطماطه على شكل مكعبات كبار كلش وخله البيض بالكاسه وملح شوي رش عليها صفن شوي على الاكل وهوه يفكر هسه لازم اخلي البيض بالدهن لو الطماطه زين اذا خليت البيض او الطماطه شنو اليختلف اول وتالي يصير بيض وطماطه*

الكل ممستوعبين الديصير معقوله هذا يوسف الي خيط ميشيل من الكاع يسوي اكل لبنيه؟!

ام يوسف بغضب:لججججج روحي ساعدييي يلا ريتال روحي

ريتال
رحت يمه واني مستغربه الديسوي واكف كبال الدهن ويسولف ويا

يوسف: شوف اذا خليت الطماطه وطفرت عليه وتفشلني كدام اهلي تصير مو زينه واندمك متفقين؟!

ضحكت لا ارادياً وهوه التفت عليه

ريتال: تحجي ويه دهن؟!

ابتسم الي وحجه بـ شر

يوسف:ها لازم متخافين تعاي بله جربي

اقتربت منه لزمت الطماطه وثرمتها عدل وراها قربت ايدي من الطاوه وخليت بيها الطماطه طفر على ايدي دهن صيحت بصوت ناصي بس يوسف سمعه لان قريب مني لزم مكان الحرق وضحك

يوسف: ههههه الف سلامات متشوفين شر

ابتسمتله واني ضايجه

ريتال: اممممم

عند ملاك

كاعده يمهم وكبالي الاكل واسمع كلام الحقد

ام يوسف: مسويتله سحوره شفتي شلون كام

ام مرام: يي والله لج هذا يوسف الجان ميشيل شي كام يسويلها اكل

ضجت من كلامهم كلش انقهرت كمت بدون ماحجي شي رحت حتى اصعد كام ورايه سند

ام سند: وين رايححححح؟!

سند: شبعت

ام سند بغضب: لا تكذب كمت وراها

حجه وهوه ضايج

سند: اي كمت وراها حتى ارجعها لان تعرفين زوجات عمامي ميكدرن يسكتون شوي

حجه ابو بعصبيه

ابو سند: اكعد واحترم نفسك

سند: ماكعد مو طفل حتى تحكمني

رجع عاد كلامه وهوه ضاغط على سنونه

ابو سند: اكعد كتلك عار خروف

كمل جملته وكام حتى يضربه رفع ايده على سند وهوه نار بعيونه حاول يضربه بس لزمه سليم

سليم: وليش خروف ليش متكول يخاف الله

ضرب ايد اخو سليم بقوه وكال بـ استهزاء

ابو سند:من شوكت صرت تعرف الله انته

سليم: من شفت هذني البريئات حنينات عليه

سكت ابو سند ورجع كعد بـ مكانه وراح سند

ملاك

جنت داصعد الدرج بس وكفني صوت سند

سند: وين رايحه؟!

ملاك: اصعد لغرفتي

سند :بس ما اكلتي شي

ملاك بقهر: بعد السوو بـ اختي تريدني ابقه اكل؟! وبعد هذا الكلام مال سحر ومدري شنو تريد ابقه؟

حجه هوه ضايج ويقترب منها شوي شوي

سند: همه نفسهم يعرفون مو سحر لان انتي وريتال اصلا مطالعات ف شلون تسون سحر
على العموم معليج بكلامهم تعاي اكلي واذا على اختج فـ هم راح تاكل لتنسين يوسف كام يسويلها

كمل كلامه ومد ايده الي

ضليت صافنه عليه وماعرف شسوي لزم ايدي وخلاها على ايده وبده ينزلني الدرج وصلنه لباب الصاله الهمه ياكلون بيها عاف ايدي

سليم: ملاك بابه كملي اكل

كعدت بهدوء طلعت بس صمونه وبديت اكل بيها.سند خله يمي الجبن والبيض و صبلي جاي والكل جانو مستغربين تصرفاته. اما مرت سليم
جانت ضايجه ومقهوره علينه بسبب تصرفاتهم
هيه هم قربت مني الخيار وانطتني خبز

كمل يوسف و ريتال الاكل
ريتال رادت تاكل بالمطبخ بس يوسف منعها

وجابو بالصاله خلو

ريتال
كعدت اني وهوه بصفي بدينه ناكل سوه والكل يباوعون علينه

مد يوسف ايده حتى ياخذ خبز ضرب سند ايده بخباثه
سند: هههه لا تاكل خاف تسمن

يوسف: لا لتخاف محافظ على لياقتي وجمالي ههه

دخلت مرام يمنه وهيه تمسح بوجهه

مرام:صباح الخير يحلوين

رد الكل عليه بصباح النور

بس اني ضحكت وأشرتلها على الساعه

ريتال: قصدج مساء الخير لان صارت بـ 12 الضهر حبيبتي

ضحكت مرام بس امها عصبت مني كلش

ام مرام:شعليج بيها انتي لو بس حسدد

مرام: تحسدني على شنو ترا هوه نوم. على العموم جوعانه

فزت امها كامت جابتلهاا االاكل وهيه تكول

ام مرام: ضميتلج بنيتي هذا هاج اكلي

ابتسمت مرام الامها وكالت -شكراً -
كعدت يمنه تاكل بهدوء

كمملنه اكل وكمنه اني وملاك نشيل المواعين وساعدتنه مرام وكم ماعون يوسف و سند جابو

بديت اغسلهم ومرام وملاك كاعدات يسولفن وياي وهم شوي يساعدني كملنه المواعين بـ 3 تقريبا ورحنه صعدنه لغرفتنه لان لازم نحضر اما مرام راحت لغرفتها

اجت مرت عمي سليم وهيه شايله علاليك هواي وكالت وهيه فرحانه

مرت سليم :تعالو خلي ارتبكم حتى نطلع اليوم يلا بنياتي

بدت تطلع وحده وحده وتكول هذا الملاك وهذا لريتال

ملابس ريتال وملاك

ريتال
ووياها سوار وخاتم وخلخال (حجل) بسيطات على شكل دمعه و بيهم مثل الجرس بس امشي يطلع صوت وخلتلي مكياج خفيف

ملاك
ويه ملابسي اسوار وخاتم وخلخال بسيطات على شكل فراشه. وخلتلي مكياج خفيف

وكفنه كبالها فرحت كلش ونزلت دموعها مسحتهم بحركه سريعه وكالت

مرت سليم:يعمري بنياتي شنو هل جمال
اللهم صلي على محمد وال محمد

فرحنه لكلامها ركضنه عليها وحضناها

عند مرام
كاعده بغرفتي اباوع على المرايه وافكر *هوه يحبني لو لا ؟! بس مستحيل يحبني يعتبرني اخته الصغيره وحتى ابد ممبينلي تعامله وياي كأنو اخته هفف انسي مرام...بس ليش مااعترفله اني...لا لا ييع شنو اعترفله المفروض هوه...بس اذا تندمت بعدين شلون؟! اذا جان يحبني بس عباله ماحبه فـ ميعترفلي؟! هفففف ياربيييي* صفنت شوي على المرايه واتخذت قراري

كاعد بغرفته فاتح الابتوب و يباوع على فلم the walking Dead او الموتى السائرون

اندكت الباب قوي سد الابتوب وكام بـ وهوه يأفأف فتح الباب وشاف كدامـه بنيه نازكه تباوعله بنضرات حب وحنيه باوعت بعيونه ونزلت راسها وهيه تلعب بـ اصابيعها بخجل

مرام بخجل: عندي موضوع مهم وياك

استغرب منها وفتحلها الباب بـ معنى تفضلي

دخلت لغرفته الجانت ضلمه لان جان مسوي اجواء للفلم الجان يباوعه

ضل يباوعلها وهوه مستغرب منها ومصدوم حجت وهيه منزله راسها بخجل

مرام بخجل: مصطفى اني احبك

انصدم من كلامها وجرائتها على الرغم من خجلها تغيرت ملامحه لغضب وكال

مصطفى: شدتحجين انتي والله بطرانه

باوعت بعيونه وهيه مصدومه كالت بحزن واضح عليها

مرام: انـي احبك مصطفى شنو بطرانه

لزم ايدها قوي وقرب منها اكثر حجه بغضب
وهوه يباوع بعيونها الواضح بيها الـحب

مصطفى: اطلعي من غرفتـي

حجت ودموعها تنزل

مرام: تمام بـس اول جاوبني على كلامي

حجه وهوه يستهزء بيها

مصطفى: مستحيل احبج اني فهمتي ماحب أي وحده من اهل ابويه انـه بس الغريبه توالمني

حجت ودموعها تنزل بـ كثره

مرام: بس اني اختلف عن الكل

رد بـ ستهزاء

مصطفى: هه اي انتي بنت الملك

لزم ايدها بقوه جانت نيته يطردها برا غرفته بس لمح عيونها وصفن بيها دقايق وانتبه لـنفسه لزمها اقوه ووصل بيها لباب غرفته فتح الباب وطردها بقوه برا غرفته رجع لغرفته وقفل الباب
كعد على الجربايه وهوه يرجع يذكر كلامها واول مفتح الباب وشافها

مرام

متوقعت رد فعله هيج بس قفل الباب دموعي نزلت اكثر ركضت لغرفتي وقفلت الباب كعدت على الجربايه وبديت ابجي واخلي ايدي على حلكي حتى محد يسمع بديت اضرب بنفسي بقهر *تساهلين انتي حماااره هسه زين من فشلج زين من استهزء بيج وطردج * بجيت هواي بس فجأ اندك باب غرفتي كمت حتى. افتح وشفت كدامي ............