البارتت 15
خايب لو يحبونك صدك چا دوروك .
________^_^_______
مصطفى: ماريا افتهمي كلامي
ماريا بخوف:خير مصطفى احجي؟!
مصطفى: اسف على هذا الكلام
ماريا بخوف:شكو احجي
نزل راسه وكمل كلامه
مصطفى: ماعرف شلون افتح الموضوع ماريا
يوسف بغضب: دحجي فضها يمعود
ماريا بخوف:شنو صاير شي؟!
البنات خافن كلش حجه مصطفى وهوه منزل راسه
مصطفى بضحك: الخميس الجاي الحنه مالتج والجمعه العرس ماشي خيتي هسه ابراهيم قرر ويه ابويه
ماريا بفرح: لعد ليششش خوفتنه
مصطفى: بس جنت اريد اسوي دراما ويوسف خربهاا
بدينه نهلهل ونغني ونصفك ههه حتى نسينه الشباب الواكفين
البنات: حـبها واخذهااا وماجذب طب مفتخررر بولايته كايدها بجفوفه الذهب رجااال كد احجايته
الشباب صارو يضكون
وطلعو
تسريع الاحداث
قبل يومين من العرس
كعدنه من النوم ومثل العاده نزلنه اشتغلنه بس اليوم ابد ماشفنه الشباب
كملنه شغل و ملاك راحت صعدت اما اني طلعت بالحديقه الجو صار كلش بارد لفيت ايدي الاثنين وكعدت اتأمل الجو واتمرجح بالمرجوحه بس لفت انتباهي صوت اعمامي جانو بالصاله قريبه من الحديقه كلش كمت وقربت من الباب حتى اسمع كلامهم
ابو يوسف: ها هيج صارت ماشي ابو سند نشوف
ابو سند: هذا الازم يصير ابو يوسف ميصير حرامممممممم
ابو يوسف بـ استهزاء:ها انته التحجي بالحرام خوش
حاولت افهم الموضوع شنو قربت اكثر حتى اسمع
ابو مرام: كلام ابو سند صح ميصير
ابو يوسف: هوه شنو الميصير ترا بنات اخونه شبيكم انتو اختلفتو عليهم بويه افهمووو هذني من نفس دمنه
ابو سند: نـدري ترا هوه احنه شحجينه دنكولك حرام يضلن وهنه بنات واحنه عدنه شباب حرام ميصير
ابو يوسف:لعد ومرام و بناتي الاثنين مو هم بنات ؟!
ابو سند: اي بنات بس نزوج ريتال اول ووراها اختها ووراهم بناتكم ماشي؟!!! ومرام وبناتك متربيات وياهم من الطفوله يعني اخوان همه فهمتتتتتت
ابو يوسف: لا حول ولا قوه الا بالله كومو كومو نطلع راح تجلطوني انتو
سمعت كلامهم عيوني حـمممر من القهر رجعت بسرعه كعدت على المرجوحه ونزلت راسي بقهر ماعرف شحجي شسوي المن اشتكي
وتشاءُ أنت من البشائر قطرةً
ويشاء ربُك أن يُغيثك بالمطر .
نزلت راسي واني مقهوره سمعت صوت الباب مال شارع انسدت يعني اعمامي طلعو وره ربع ساعه انفتحت الباب
ضليت منزله راسي مقهوره استغفرت ربي ودموعي تنزل ببطئ واني ارجف من البرد بس مالي نفس ادخل للبيت صار يخنكني كلشش
اقترب مني وكعد بصفي طلع علبة الجكاير سحب وحده وخلاها بين شفته طلع الجداحه و بده يشغل الجكاره جر نفس و حجه بصوت حزين
يوسف: ليش تبچين؟!
ريتال:مجاي ابچي
يوسف: رورو مو طفل كدامج احجي شبيج
من كال شبيج بچيت بقهر وانهيار كلمة شبيج
فتحت جرحي
حجيت واني دموعي تنزل واشهك
ريتال: يوسف يريدون يخلصون مني يريدون يزوجوني لك مـا…ما…ماعرف شسوي ارفض؟! اكيد يشكون بيه عندي شي اقبل؟!ماحبببه اكيد مراح اكدر اكمل حياتي ويه واحد ماعرفه ولا احبه شسوي كولي؟!اعرف مستحيل راح تحس بيه واكيد تضحك عليه لان ماريد ازوج بس يوسف ماريد هيج زواج ماريد هيج حياة خسرت دفو ابويه وحنان امي خسرت اخويه ماريد اخسر الباقي من حياتي بالزواج يوسف ماعرف ارفض لو اقبل
كملت كلامي وهوه ميحجي شي بس صافن بوجهي وعيونه حمر بده وجهه يصب عرك وهوه يمسحه بـ ايده رغم الجو بارد كام مني ونزع جاكيته غطاني سحب نفس قوي من الجكاره بدون حتى مايطلع الدخان كمت بسرعه خفت عليه يختنك باوع عليه نضره سريعه وراح بسرعه دخل جوه
انقهرت كلش منه صوجي اني الاشتكيله هفف
كمت بسرعه قبل مايشوفوني زوجات اعمامي ويموتوني هاي المره ركضت بسرعه لغرفتي واني بيدي جاكيت يوسف دخلت للغرفه وكعدت على السرير
ملاك: شبيج؟!
ريتال:مابيه شي حبي
ملاك: هذا مال منو ؟!
ريتال: هذا جاكيت يوسف
ملاك:شجابه يمج؟!
نزلت راسي بقهر وبديت اسولفلها كمزت من مكانها بسرعه وحجت بخوف
ملاك: شنوووو هوه بكيفهم؟!!!!! مايكدرون يغصبوووج مو بكيفهم
ريتال: ششش صوتج ملاك
ملاك بقهر: حسبي الله ونعم الوكيييل
كعدنه نسولف شوي عن ذكرياتنه قبل وابد مانزلنه وحتى اعمامي وزوجاتهم ماعرف شعجب ماصاحونه
اندك الباب كمت حتى افتحه طلعت كدامي مرام دخلت وكعدت على الجربايه تسولف ويانه عن المكياج وهل سوالف
عند يوسف
جنت افتر ويه سند ومصطفى وراها تعبت كلت شوي ارجع ارتاح عفتهم ورجعت للبيت دخلت وشفت نجمتيي الوحيده كاعده تتمرجح بس مبين جانت تبجي كعدت يمها وسالتها جاوبتني انو اعمامي يريدون يزوجوها انقهرت كلش ارفتعت حرارتي بسرعه صرت اصب عرك هيه تحجي وانه امسح بوجهي من القهر والتوتر كمت شفتها ترجف نزعت جاكيتي وغطيتها بي ورحت صعدت لغرفتي واني ميت قهر ماعرف شسوي احبها صح احبها بس مراح يقبلون ازوجها راح يدمروني ويدمروها ضليت كاعد افكر لحد مانمت من القهر
بـ 1:33باليل
الكل نام بس اني و البنات ماريا ورقيه و اختي قررنه نسهر ويه مرام بغرفتها لان هاي اخر مره نشوف ماريا الحمدالله جان عدنه حلويات وعصاير وجباسه كعدنه نسولف ونضحك
اندكت البـاب فجأ كامت مرام فتحته لكت يوسف و مصطفى و سند صاحتهم حتى يدخلون اني وملاك اتوترنه ردنه نكوم نروح بس ماريا ماقبلت قربت مني بهمس وكالت
ماريا: لا تخافين اعمامنه مراح يحجون لان احنه من زمان لهسه نتجمع هيج.
حجيت بخوف وتوتر: زين يعني صدك يقبلون خاف حرام
ماريا: يقبلون لا تخافيين يمعوده
كعدو الشباب بالكاع وسند صاح علينه
سند: نزلو خل نلعب الصراحه
اتجمعنه كلنه على شكل دائره وبدينه نلعب
سند: نبدا بـ مرام تسأل ريتال
مرام:سؤال الـ ريتال جاهزه؟!
ريتال :يي طبعا اسألييي
مرام: انطيني خمس اشياء تحبيها
رادت تحجي بس قاطعها سند وهوه يكول
سند بضحك:الاول يوسف والثاني يوسف والثالث يوسف والرابع يوسف والخامس هم يوسف هذا التحبهم ريتال
خجلت ريتال من كلامه ونزلت راسها
ضحك يوسف وكال
يوسف: بالعكس يمعود هيه تحب كلشي بالكون اله انه
دور سند يسأل يوسف
سند: يوسف ...حيوان ريتال المفضل
لونها المفضل
وتخاف من شنو
واذا فرحت شنو تسوي
حجت ريتال وهيه تضحك
ريتال:سنددد شلزكتتت اني شكوووو مستحيل يعرفهن شكو تسأله اسأله على طيبه هسه يعرف كلشي
حجه وهوه مبتسم باوع بعيونها بثقه وكال
يوسف: حيوانها المفضل سند لا لا اشاقه
اقصد تحب كل الحيوانات الطيفه
لونها المفضل الابيض
تخاف انو تفقد احد عزيز على قلبها
واذا فرحت تضل تجفص
استغربت منه ماعرفت منين عرف كل هذا رغم انو محد يعرف غير ملاك ومرام كل كلامه جان صح ابتسمتله بخجل وسكتت
صار دور سند يسأل ملاكك
باوع عليه وابتسم بحنيه نزل راسه و وحجه بثكل ممزوج بقهر
سند: شنو تكولين استاهل تعامل ابويه وعنفه الي؟!
انصدم الكل من سؤاله الغريب حجه يوسف بقهر
يوسف: سند شنو هل سؤال
سند: خويه يمكن انه استاهل اريد اعرف
ملاك: انته احسن وافضل انسان شفته بحياتي تعامل عمو السيئ الك ماتستاهله
تستاهل كل الخير والحب لان انته مميز
ابتسم لكلامها وغير الموضوع بسرعه
سند: يلا ماريا دورج
ماريا بخباثه: سؤال الاخويه مصطفى
مصطفى :يا ربي انته الساتررر
حجت وهيه تغمزله
ماريا :تحب وحده من بنات عمنه؟!
بده التوتر يبين عليه كام عدل كعدته صفن شوي
ماريا:هااااا جاوب
مصطفى: ايي اااقصد لا اااقصد اي اممم لا لا
ماريا: هوه شنو مصطفى استقر على جواب
مصطفى: لا ماحـب
ماريا: اووك
دور رقيه تسأل ماريا
رقيه: مااري شنو شعورج وبعد يومين او ثلاث وتزوجين؟!
ماريا: والله خوف على فرح على توتر على حزن هههه لان راح اشتاقلكم واشتاق للبيت وخايفه هم لان لازم اشيل مسؤوليه
دور ريتال تسأل يوسف
ريتال:لكيتتتت سؤال يلا يوسف تحب حبيبتك طيبه لو حبيبتك ليان؟!
انصدم الكل من كلامي واحد صار يصفن بوجه الثاني تغيرت نضراتهم لقلق ضاج يوسف بس جاوب جواب صدمني ومتوقعته
يوسف: ……………
_____………………………____
خلص البارتتتت
Bạn đang đọc truyện trên: AzTruyen.Top