خايب لو يحبونك صدك چا دوروك .
..............................

هزيت راسي بمعنى اي دارجع للغرفه وجان اسمع صوت خوفني التفت وشفته واكف كبال يوسف نضراته غريبه لا كره ولا حب حجه وهوه مبتسم

مهند: ادعولي وياكم

ابتسم يوسف باوع بوجهه بحنيه وكال

يوسف:شي اكيد

ابتسم وراح لغرفته يوسف ضل واكف التفتلي
خزرته وكلت واني خايفه

ريتال:هاي شبيك نسيته شلون حقير

ابتسم ونزل راسه وكال

يوسف: لا ريتال مهند مو هيج هذا مجرد ممتعود عليكم هوه كلش حباب اذا سألتيني منو اخاف عليه اكثر شي اكلج مهند وسند ومصطفى

رفع عيونه عليه ابتسم وكال بصوت يهمس

وانتي

خزرته اقتربت منه وكلت

ريتال:ترا مانسيت الراشدي من ضربتني اخذه منك اضعاف انتبه مني احسلك

ابتسم هز راسه بمعنى اي وراح
رجعت للغرفه تمددت على الجربايه واني افكر ليش يحبه؟! وهوه مبين مكروه وهواي موقف يعصب بيهم سند ويوسف واصلا حتى مايضل بالبيت بس ويه اصدقائه غفيت بدون ماحس على نفسي

وره ساعات

لمسات ايد تتحسس جسمي حاولت افتح عيوني مكدرت ايد ضاغطه على عيوني والايد الثانيه ترفع تيشيرتي طلع بطني حسيت بـ لمسات شوي شوي تصعد على صدري
عقلي يكلي اصرخيي قااومي حاولت اصرخ مكدرت احس من الصدمه وكف عقلي دموعي الحاره تنزل على وجهي حاولت اقاوم رفعت ايدي وحاولت قاومت ضليت ادعي يكون حلم واخيرا طلعت الصرخه مني حسيتها شكت صدري..ابتعد مني باوعت بعيونه واني ارجف ابتسم ابتسامته الحقيره رفعلي اصبعه على حلكه بمعنى اسكتي نسيت كلشي وتفلت عليه مسح وجهه وحجه بستهزاء

كاضم:نسيتي اني عمج احترمي ؟!

كمت عليه حتى اضربه دفعني حيل حجه وهوه يعض على شفته بقرف ويمسح لسانه بكل شفته

كاضم: بس تحجين تلكيني مغتصب اختج فهمتي؟

رجعت تفلت عليه وحجيت واني ضاغطه على سنوني

ريتال: بس توصل الها تلكاني ذابحتك لا تحاول تهددني متخوفني ولا تتقربلي يا وصخ تروح فدوه لنعال ابنك سند الماعرف شلون صار ابنك هوه ملاك وانته شيطان يا كلب ماعرف شلون مبقيك هنا ومطارديك بالنعال

ماعرف شلون صرت قويه هيج وكمت احجي بدون خوف ولو اكذب اذا اكول بدون خوف لان جنت ارجف واحاول مابين

ضحك وطلع من الغرفه مارفله جفن ولا خاف مني ماهتم لكلامي

كعدت بالزاويه ابجي واضرب على وجهي قربت نفسي للكنتور طلعت شال خليته على راسي رحت للشباك الي بالغرفه فتحته وكفت كباله واني استنشق هوا النقي حسيت الهوه الي بغرفتي صار فاسد
وكفت اتنفس واني ابجي وارجف رفعت ايدي وكلت

حـسـبي الله ونـعم الـوكيل فـي كل شخص ضلمني اللهم لا حول ولا قوه الا بك
التجـأت بك وفوضت امري اليك خذ حقي منهم في الدنـيا والاخره حسـبي الله ونعم الوكيل على كل من ضلمني وكسر قلبي وزاد همي حـسـبي الله و نعم المولى ونعم النصير اللهم اجبرني جبراً يليق بعضمتك جبراً يليق برحمتك جبـراً يتعجـب له اهل المساء والارض
وانصرني على من ضلمني وأرنـي به عجائب قدرتك يارب العالمين

ذبيت حسره ودموعي تنزل سمعت صوت ملاك ومرام صعدو مسحت دموعي وكعدت على طرف الجربايه

ملاك
فتحت الباب وشفت ريتال كاعده اتفاجئت عيونها حمر ومنفوخات ورموشها واضح مبللات اقتربت منها بخوف سألتها شبيج ابتسمت وهزت راسها مابيه شي اقتربت مرام منها الحالتها تغيرت من تضحك الى ترجف مدت ايدها الترجف لريتال وكومتها صارت كبالها وسألتها بخوف

مرام:صاير شي؟!

ابتسمت ريتال لمرام وهزت راسها لا

مـرام
شفت حالتها صرت ارجف رجعت مواقف هواي بعيوني جاوبت بخوف واني انطق الكلمه بهمس ومتقطعه

ص ا ر الان ت ق ام براسج؟....

باوعو بوجهي بستغراب مفتهمو كلامي اتقربت حضنتها قوي واني دموعي تنزل

عقلي يكول احجي بس يرجع يتغير ويكول لا يصير دم

ابتعدت عني وكالت بصوت خايف

ريتال: شبيج؟

ضحكت حتى اطمنها وكلت

مرام:هههه ماكو شي بس منقصه حنان

كعدنه نسولف ونضحك وره شوي كتلهم انزل اشوف اذا اكو مواعين وصخه اغسلها اول شي منعوني بس من لحيت وافقو

نزلت للمطبخ شفت ماشاء الله جبل مواعين ههه رفعت ردن تيشيرتي وبديت اغسل بيهم وارجهم لمكانهم. حسيت بشخص وراي التفتت بخوف جان مهند مستند على الباب ورافع حاجبه حجه وهوه يأشر على الثلاجه ومبتسم

مهند:عليج الله جوعان

عدلت ملابسي وحجيت واني واني خازرته

ريتال: خير شتريد تاكل؟

ضحك وكال

مهند:انتي شتعرفين من عدا البيض والاندومي

ريتال: تريد طماطه تكلى وبتيته ؟!

مهند:خوش بس مو تحركيها

اباوع عليه صفح واني معاجبني كتله

ريتال:لا اعرف هسه اسويلك

ضحك وكال

مهند:بس مو تخليلي سم بدون مادري ترا مبين عليج وربي قبل ماكل اكتب وصيه ريتال خلتلي سم حتى مايضيع دمي

ابتسمت وكلت

ريتال: لا ما اخليلك بس انته لا تصير حقير وياي

ضحك اقترب وجر كرسي كعد عليه وكال

مهند: انه مو حقير بس مجنت متعود عليج و ع ملاك وهم ضايج ومختنك من كل هذا البيت بسبب مشاكلهم ريتال انه عزيز روح سند ويوسف صح مرات نتعارك بس يحبوني واحبهم انه صديقهم من الطفوله واخوهم اليحبو

ابتسمت وبديت اسويله الاكل طلعت البتيته والطماطه غسلتوهم كعدت اقطعهم خليت الملح ومادري شلون اخذني الواهس وخليت بهارات بكيفي خليت الطاوه وخليت الطماطه استوت طلعتها وبديت اقلي التيته هم صارت طلعتهم حميت الجاي وخليته كدامه ابتسم وطلع صمون فجأ سمعنه صوت ورانه

يوسف:لك حيوان چا تتزقنب بدوني

ضحك وهز راسه اي
اقترب يوسف الطالع ببجامه رصاصيه و تيشيرت اسود وشعره مبلل حاط عليه خاولي وينشف جر كرسي وكعد يمه طلع صمونه وراد يمد ايده مهند ضربه على ايده ضحك وكال

مهند: لااا يمعود هيه سوته الي بي سم ميصير انته تتسمم وياي ؟!

يوسف ضحك وكـال

يوسف:لا خويه وخر نموت سوه غير انته عزيز روحي

ضحك وكال

مهند: انجب معليك انه اريد اصير شهيد انته شكو حاط روحك

يوسف:زمال مو صوجك انجب لا تذكر الموت خل ناكل
رفع عيونه عليه صفن شوي وكال وهوه ضايج
يوسف: شو ماكو احد وينهم ؟

ابتسمت وكلت

ريتال: الشباب واعمامنه برا و عمو ناصر وعائلته راحو لبيت خالتهم وامك و الباقين بغرفهم

يوسف:ماشي

رجع صفن بوجهي واني ماعرف وين اودي عيوني خجلانه منهم ومهند يباوع عليه وراها على يوسف
ضحك وكال
مهند: عوفو سوالف الادبسززيه اخلاق سزز ممتربين خل ناكل عاد

انتبه يوسف لنفسه نزل راسه على الاكل وبده ياكل فجأ كام يكح ومهند بعده مماكل انتبه اله كام بسرعه يضرب على ضهره ويصيح عليه

مهند:جيبي ماي جيبي ماي

ركضت طلعت الماي انطيته ليوسف شرب وفجأ بده يضحك

يوسف:هاي شني طلعت صدوك حاطه سم

مهـند
احس قلبي وكف من شفته يختنك انقهرت كلش فجأ كام يضحك ضربته على ايده خفيف وكلت

مهند: ترا صدك خوفتنه شكد حيوان

ضحك وكال
يوسف: يمعود مادري شحاطه لا تاكله لاتموت انته نازك من بيض تموت

ضحك وبده ياكل لعبت نفسه كام بسرعه للسنك غسل وجهه ورجع كال

مهند:هاي شني حشه نعمة الله شعبت عمي شبعت ماريد

ريتال
اباوع عليهم واضحك عرفت بـ أكلي مو طيب لان الطماطه ترستها بهارات وملح والبتيته هواي ترستها ملح اعتذرتله وضحكت

كام مهند اترخص من عدنه وراح بقه يوسف صب لنفسه جاي وكعد يشرب ويكلب بالتلفون
اني وكفت اغسل مواعين

حسيت بـ نفس حار وراي التفتت بسرعه بخوف صار كدامي يوسف قريب كلش مني ايدي جان بيها ماي دفعته حيل من صدره ابتسم وكال

يوسف: اساعدج؟!

دفعته حيل وهزيت راسي لا

ضحك وكال

يوسف: جاي تمسحين بتيشيرتي؟! ترا بللتييني

اقترب مني لزم ايدي حيل سحبني للكرسي كعدت واني مصدومه وكف هوه كبال السنك وبده يغسل الموعين واني صافنه ع وجهه وشكله وشعره الكفشه والخاولي الي على ركبته

سمعت صوت ام مرام وهيه تحجي بالتلفون ويه اختها كمت بسرعه دفعت يوسف حيل وبديت اغسلهم اني التفتت اليوسف ورفعت ايدي بوجهه واني خازرته واهدده

ريتال : ابتعد عني احسلك ماريد لا مساعدتك ولا شي لا تطلع كدامي احسلك

ضحك رفع حاجبه وكال

يوسف :استقري نقطه

فتحت عيوني وكتله
ريتال:شنو قصدك؟

يوسف:ههه عود تخوفيني هوه انتي نقطه متنشافين قزووومه

خززرته ورجعت اغسل مواعين وكع مني ماعون انسكر نزلت عيني على الماعون ورفعتها على يوسف التقربلي بخوف

يوسف:صااارلج شي؟

هزيت راسي لا

لزم ايدي سحبني حيل بعيد رجع هوه يلم بالكزاز دخلت ام مرام

ام مرام: هاي ليش كسررررتي حيوانه غبيه
مامنججج فايده حماره امشي لمي بنت الكلبه هوه كله بسبب امج المعرفت تربيج جاي تنتقمين منه

من غلطت عليه كلش انقهرت بس من جابت طاري امي الله يرحمها عصبت كلش حجيت واني ميته عصبيه منها وشوي والزمها اكسر راسها

ريتال: احترمي نفسج لاهينج محترمتج علمود مرام وعمي محمد لتخليني اسحلج فهمتي لو لا

يوسف
من كسرت الماعون خفت عليها كلش وخرتها بسرعهه حتى لا تنجرح اني كعدت الم الكزاز اجت مرت عمي محمد ضلت تصيح وريتال ساكته واني كوه لازم اعصابي انصدمت بريتال من ردت ابتسمت لان ريحة اعصابي

بس مرت عمي ضلت تحجي

ام مرام:لجججج بنت ال*** ممتربيه تحجين عليه هوه انتي كلج خلك يتيمه احنه ملفيج لتخليني اطردج من البيت. ادبسزز ****

دمي يفور عصبت كلش
يوسف : كااافي اني وكعته مو هيه كاافي اطلعي من المطبخ يلا طلعععي

ريتال
اتفاجئت بيوسف من صيح و طردها وهيه طلعت بدون صوت رحت يم يوسف لميت ويا لزمت الكزار بين ايدي قوي واني مقهوره وكوه حابسه دموعي طلع من ايدي دم انتبه يوسف الي بسرعه اقتربلي لزم ايدي ركض جاب مطهر جروح وشاس كعد يداويها ولفاها بالشاش اجت مرام وملاك على صوتنه ركضو من شافو ايدي ملفوفه

مرام :شكوو؟ هاي شبيها امي تصيح؟

نزلت راسي واني اباوع على ايدي التوجعني حييل نزلت دموعي همست بصوت ناصي

{ربي اني مسني الضر وانت ارحم الراحيم}
اللهم ان زاد تعبي فـ خففه عني اللهم لقد ضعفت ولا غيرك يقويني

كمت بهدوء رحت صعدت للغرفه تمددت على الجربايه واني فاتحه عيوني صعدت يمي مرام وملاك سألوني ع الصار حجيتلهم مرام كلش انقهرت من امها وضلت ساكته متعرف شتحجي

اندك باب الغرفه كامت ملاك فتحتها طلع يوسف كال بصوت مخنوك وهوه بيده جكاره

يوسف: عادي ادخل؟

ملاك:اتفضل

دخل ووكف كبال الباب حجه بصوت مخنوك

يوسف: حضرو نفسكم اليوم نروح للنجف

حجت بستغراب

مرام:تضمون عليه؟!

ابتسم وكال

يوسف :لا المفروض يومين ونروح بس اختنكت من هذا البيت ف اليوم نروح احسن مشتاق للأمام علي عليه السلام

ملاك :بس انته تودينه !
ابتسم وكال
يوسف:لا تخافين اني وسند ويمكن مهند هم ومصطفى

يحجي وهوه يباوع بعيوني

ابتسمت وكتلهه
ريتال: اني وملاك ومرام هم نجي و هم خواتك يجن

يوسف :رقيه ماتجي بس وفاء اتحضرو يلا

حجه وطلع

كعدنه نحضر
سبحت ورحت للكنتور طلعت قميص طويل وفك الركبه ويه بنطرون اسود وشال ابيض وفوكاها العبايه و ملاك نفسي ومرام هم نفسنه ههه طلعنه طقم كامل

جاي نطلع ووجان تطفى الكهرباء الغرفه صارت سوده

الشبباب هم كملو اجو للغرفه دكو الباب وفتحو الغرفه كلها ضلمه

يوسف : شو ماكو احد

سند: هاي وينهم

مهند: هاي شني اختفن

مصطفى:خاف بغرفة مرام

اني والبنات صرنه وراهم ونباوع عليهم مستغربات معقوله صدوك منبين لزمت كتف يوسف التفت وجان يفز وانوبه شباب هم فزو

ريتال:اسم الله شبيكم

البنات ضحكو والشباب مصدومين

سند: هاي شني جن متبينون

ضحكنه وطلعنه منتضرين وفاء تجي وراها بدقايق اجت متباوع بوجهي لا اني ولا ملاك وبس خازرتنه

طبعا اكيد كل الي بالبيت نايمين واعمامي طالعين

رحت اني وملاك وفاء بسيارت يوسف وبصفه مهند لان ماعنده سياره

و مرام بسيارت سند كاعد بصفه مصطفى لان ماله خلك يسوق

قبل مايتحركك يوسف صحت اوكف وكف انصدم وباوعلي بخوف بيج شي؟ فتحت الباب ونزلت ركض رحت للغرفه طلعت دشداشه سوده مال امي و سبحه ابويه حتى ازورها صعدت وتحركنه للنجف طول الطريق واني بس نايمه

وصلنه للأمام علي عليه السلام نزلنه
الشباب يمشون كدامنه واحنه وره وفاء محجت شي ولا ضوجتنه

مهند: بنات نتغده اول لو نزور؟!

يوسف: انه جوعان خل ناكل اول

ضحك وكال
مهند:انته نجب معليك

يوسف:چا انه راح ادفع فلوس الاكل

مهند: لا تچذب كلما نجي زياره سند يدفع انته ضام فلوسك بخيل ماتنطي

يوسف:حيوان احلف مو انه ادفع؟

مهند: انجب ماحلف وغصب ما عليك تدفع

التفت النه وكال

مهند:تاكلن لو نزور؟

ريتال: خل نزور مشتاقه للأمام كلش

هز راسه اي
دخلنه راحو من جهة الرجال واحنه النسوان

دخلت للأمام دموعي نزلت احساس كلش حلو دخل قلبي نسيت كلشي نسيت دمي المحترك و القهر والحقد على الضالميني احس قلبي برد
شفت الضريح من بعيد دموعي نزلت بارده على خدي بجيت من الاشتياق والأمان الاحس بي يم الأمام علي عليه السلام بست ضريحه كعدت يمه ابچي واشكيله الديصير بيه

ضاكت يا علي وماضل عندي حيل اني اليتيمه اجيتك اليوم اشكيلك اخذو مني برائتي ودمروني حيل ماعندي واحد يحميني

بجيت بقهر انتبهت لوفاء هم لازم الضريح وتبجي بحركة انقهرت كلش خلصنه صلينه وطلعنه انتضرنه الشباب طلعو همه هم
شافني يوسف اجاني ابتسم حجه بصوت تعبان

يوسف:نسيتي السبحه والدشداشه بس زورتهم الج

ابتسمت ووشكرته

رحنه لمطعم وطلبنه ثنين بيترا وكرسبي وفنكر و صاج

وصل الطلب ضحك يوسف وكال
يوسف: اكل مهند بفلوسي
مهند:انجب خويه انته منو جابك ويانه اصلا

سند: مدو ايدكم لا تستحن

بدينه ناكل انتبه للبيتزا ضحك وكال

مهند: هاي تنوكل بصمون لو شني؟!

كمل كلامه وهوه يضحك
مهند: اذا مو تشريب وبصل مانشبع

ضحك وكال
سند: حقك فكر ماشايف

كملنه الاكل كامت وفاء حتى تغسل راح وراها مهند غسلو ورجعو وراها اني كمت كام يوسف بسرعه غسلنه بدون حجي ورجعنه

رحنه للمقابر كعدت اني يم كبر امي وابوي يوسف دلانه عليه لان اني مخلوني اروح وياها بالدفنه

كعدت يم بين كبرها وكبر ابوي ابچي والطم على وجهي نهاريت كلش

*ها ماما اجيتج اتكليني يتيمه ومحد رحم بحالي كلها تأذيني ماما حبيبتي ماودعتج رحتي بدون ماتاخذيني عفتيني بهل دنيا وكلها تأذيني يمه حبيبتي جاي ادير بالي على ملاك مثل موصيتيني ضحيت بكلشي حتى احميها بس خايفه ينهد حيلي يمه النفس صار يخنكني ابوس ايدج اخذيني

ابجي وملاك هم تبجي وياي ويوسف واكف يمي لزم ايدي و كومني وراح يم ملاك هم كومها كعدت بسرعه ابجي وابوس بكبرها وكبر ابوي

*بابا حبيبي ليش هيج عفتني حركت قلبي ليش ماخذتني اجيت اعاتبك بنص وحوش عفتني كسرت ضهري بابا*

لزمني من ايدي وكومني مهند انطا مي غسل وجهي وهوه يحجي بقهر

يوسف: الله يرحمهم

سحبني للسياره وملاك هم جابها صعدنه ورجعنه طول الطريق يوسف كل شوي ينطيني ماي لو حلويات وصلنه للبيت دخلنه وشفنه عمي كاضم ومحمد وزوجات اعمامي كاعدين علپ القنفات بس شاافونه دخلنه كامو لحقد بعيونهم كلهم ضايجين ومتعصبين يوسف قلبه وكف عباله صاير شي
اجه عمي محمد عليه وعلى ملاك

سحبنه حيل ودفعنه بالكاع واحنه مفاهمين شي