أحنه مثل الطير هم كُلش نخاف
_________________________________
يوسف
دخلت بسرعه وشفت منضر رعبني كلشش افكاري تجيبني وتوديني اتقربت بطيء واني ارجف واتخيل سند يموت
..........................
لازم مسدس وخلا على راسه كدامهم وهوه يبچي بقهر كال

سند بحزن:هذا الجنت تريده مو بوييه

الكل جانو خايفين ويبجون وصرخون من عدا ابو سند مجان بوجهه خوف ولا حزن

ابو سند ببرود:ليش تحجي من يمك اني ماردت هيج

سند بغضب: لك اني ابنك لوو لا...ليش هيجج تكرهنيي هااا فهمني

ابو سند:ما اكرهك بالعكسس احبك انته ابنيي قطعه مني

سند بحزن:لعد ليش هيج تسوي ليش هيج تعاملني ليش هيج تضربني حتى واني عمري 22مووو طفل

ابو سند: عوف المسدس سند مراح تستفاد شي من تكتل نفسك عوفه

يوسف بحزن:سند شدتسوي خوويه اذا تموت منو يضل وياي منو يفزعلي منو يوكف وياي منو يواسيني بحزني خويه منو يضل النه فكر بـ والدتك فكر بـ الذنب الجاي تسوي يغضب رب العالمين

حچه هاي الجمله وهوه يتقرب من سند شوي شوي واما ام سند والنسوان الباقين فـ يبچن و يلطمن

سند بغضب : حاجي هذاا الضالم اليعذب بينه اني وامي ويضربنه بدون رحمه حاجي
ولا واحد من اعمامي انهزت مشاعره و حاجه ابويه ع الاقل انو مايضربنه

كمل كلامه بحزن وهوه يباوع الابو
سند بحزن : ماكدر ادعي عليك تموت بويه لان اضل احبك دائماً اتمناك تتغير بس تضل امنيه مراح تتحقق

اتذكر موقف قهره بالماضي زاد بقلبه الرغبه بالانتحار وهوه

عـوده الى الماضي
كاعد يلعب بالاتاري وامه بصفه تخيط ملابس دار وجهه الامه فجأ وهوه كلش فرحان بـسبب سر ضامه على امه ويريد يفاجئها بي ركض على جنطته االمرسوم عليها باتمان وطلع منها كارت ركض بي الامه وهوه فرحان ضحك بكل فرح وكلها

سند:مااااامااااا شوفي شوفي هاج

ام سند: ها ماما شنو هذا الكارت

سحبت الكارت من ايده وباوعت بي فرحت كلش وحضنته من الفرحه وهيه تبوس بي

ام سند:يعمري ابني الحلو الشاطررر فدوه كله عشرات ماخذ شطورر

سحب الكارت من ايد امه وهوه فرحان ركض بي الابو الجان يباوع تلفزيون كعد بصفه وخله الكارت كباله وهوه يضحك ويأشر على الكارت

سند:باااابااا شوف شوف شووف

ابو سند: شكو حيوان ولي من يمي

سحب منه كارت النتيجه بقوه وهوه متعصب شافه بنضره سريعه وغير نضره على ابنه الجان يباوع عليه منتضر كلمه حلوه رجع يباوع على الكارت وشكه بغضب وهوه يغلط

ابو سند: كلب حيوان ولي من يمي فاشل اليكول ماخذ شهادة الكليه دولي لاكسر راسك

انصدم سند من السوا ابو وكلامه عيونه دمعت وهوه يباوع على ابو بـ انكسار اقترب من كارته الصار نصين دموعه نزلت بحزن
شافت ام سند الصار وركضت على ابنها حضنته وهيه مقهوره على حاله
اتعصب ابو سند بسببهم ودفر ام سند بكل قوه لدرجة انشمرت بعيد
بدا يصيح عليهم

ابو سند: مزعجيين الواحد ميكدر يرتاح بسببج انتي وابنج

ام سند وهيه تحاول تهدأ:اسفه اسفه

اتعصب اكثر منها وبده يجر شعرها كدام ابنها المايعرف امه شنو سوت حتى تهيج هذا الوحش

عصبت منه وكالت

ام سند:عووووفني عوفني لك انته لو تشرب هم نرتاح شوي على الاقل تتعب وتنطمر مو كل شوي تهينه وتضربنه عوفنيي

سمع كلامها وعصب اكثر شمرها بقوه لدرجة حست شعرها انكطع بـ ايده لزمت راسها بألم وهيه تباوع الابنها الخايف حاولت تتقرب منه وتبتسمله حتى لا يخاف ويهدأ اتقرب منها ابو سند وبده يضربها على بطنها وراسها بقوه

خاف سند هواي.... انتبهله ابو راح عليه بده يضربه ويغلط عليه وهوه يكول

ابو سند:كل هذا بسببك حيوان فاشل

سند جان مجرد يبچي ركضت ام سند ونامت على ابنها وهيه تحاول تحمي من تهجم ابو الوحش عليه ابتعد عنهم وراح جاب واير وبده يضربهم بي ضلت ام سند تحاول تحمي طفلها من ابو جرها وشمرها بعيد عنهم رجعت عليه وهيه تبجي چلبت بـ رجله وهيه تتوسله انو يعوف سند اتعصب اكثر وبده يضربها بـ قوه ركض سند على اعمامه الجانو طالعين ومحد موجود ركض بـ اسرع ماعدنه بالشارع الجان حار بسبب الشمس ركض وهوه حافي ويبچي متجاهل رجله الحتركت بسبب الحراره وصل لمكتب عمه الجان يشتغل
ضل يضرب باب المحل قوي وهوه يتوسل العمه يطلع

طلع عمه وبده سند يحجيله الصار ركض ابو يوسف للبيت وضرب الباب قوي وهوه يصيح على اخو دخل وضرب اخو راشدي وستر ام سند وطلع اخو بره الغرفه

نرجع للحاضر
اتذكرر سند هاي الذكره الاثرت بنفسيته هواي وكسرته صاح وهوه منهار

سند: اكررهك اكرهكك كل هذا العذاب وماكدر ادعي عليك تموت اخاااف عليك احبكك بس انته دمرتني لك اتمنى لو جنتت تشرب على الاقل اكول جان يعذببنه بسبب الشرب اكو امل انو يتغيرر بس كل الجان يصير وانته صااحي

ضل يصيح بـ انهيار بقهر وحزن وهوه يباوع الابو المابي أي حنيه وخوف

حط اصبعه على الزناد وهوه مقرر ينتحر ويخلص راد يضغط على الزناد غمض عيونه واول شي خطر على باله وجه ملاك وهيه تباوعله فتح عيونه و صارت عيونه على ملاك التبچي بخوف زاد خوفها وبچيها من شافت اصبعه على الزناد وعيونه عليها

اقترب منه يوسف وهوه يبچي حاول يبعد المسدس منه وهوه يتوسله يعوف المسدس بس ماكدر صرخ عليه سند

سند: ابتعععد ماريد يصيرلك شي ماريد تتأذه بسببي

حجه وهوه عيونه تدمع على حال صديق عمره
وخوفه عليه

يوسف :شنووو فائدت حياتي بدونك هااا

سند: بيها فائده انه اخاف يصيرلك شي
بسببي يوسف

انتبهو الكل لـ ملاك صارت تتنفس بصعوبه رجعتلها حالت الربو من صعوبة التنفس وكعت على الارض

شافها سند بهاي الحاله شمر المسدس بالارض
وركض عليها بخوف صاح على ريتال الجانت مو مستوعبه الصدمات

سند بخوف:وين البخاخ مالـ ربوو بسرعه جيبي

ريتال بخوف:خلصصصن خلصن ماعدنه عود اليوم ردت اكول لعمو ناصر حتى يجيبلهااا

وسط صدماتهم الاولى بـ سند من خله المسدس على راسه والثانيه بـ اغماء ملاك بسبب الربو

صارت صدمه جديده وهيه بدون ماينتبه الكل اقتربت من المسدس شالته وخلته على راسها صرخت وهيه دموعها تنزل

وفاء: عوفهااا عوفها تموت

انتبه الكل الها وهمه مرعوبين

ابو يوسف:بنتييي شدتسوووين تخبلتي

وفاء: هاي اخذت سند مني خلي تموتتت

ابو يوسف: شبيج بنيتي اتعوذي من الشيطان

وفاء ببچي: اني احبك سنددد من الطفوله بس انته مو مهتم لوجودي حتى

سند بـ ستتغراب: تحبيني؟!

وفاء:اي احبك وهم عندي سبب دمرني ماعرف اكمل حياتي بسببه

الكل مفتهم شنو قصدها بس ضلو يصيحون عليها انو تعوف المسدس وهيه ترفض

سند اتجاهل الكل وشال ملاك حتى يوديها للمستشفى وكفه صوت وفاء

وفاء بغضب:عوفهااا تموت عوفهاااا

سند:شدتحجين انتي لازم اوديها

ريتال بغضب: عوفي المسدس انتي ماتحبي وفاء هاي مجرد مرحلت مراهقه هذا مو حب

وفاء بغضب: لا حب بس اختج اخذت سند منيي

يوسف بغضب: متوقعت منج هيج تنزلين كرامتج وتتصرفين بغباء عوفي المسدس احسلج هذا حب مراهقه مو حب

وفاء بحزن: انتووو مستحيل تفهموني مو هذا السببب الاساسييي اليخليني اريد اموت

كملت كلامها بغضب وكالت

وفاء: سند اختار لو اني اموت لو ملاك

اتفاجئ من كلامها وماعرف شيسوي يضحي بـ بنت عمه واخت اليعتبره اخو واعزز لو يضحي بـ بنت عمه الثانيه الحبها وعطف عليها

ضل مصدوم وميعرف شنو يسوي ملاك حالتها ساءت هواي بينها وبين الموت ثواني

ريتال بغضب:حرام عليج وفاء انتي و اختي ارواح بريئه لا تسوين هيجج علمود مجرد حب وملذات دنيا اذا اختي ماتت بسببج راح تتعاقبين عند الله سبحانه الدتسويي حرام

ملاك تسمع اصوتهم بس متكدر تحجي

سند
باوعت بـ عيون ملاك الحزينه جنت شايلها شوي شوي نزلتها على الارض و عفتها و ابتعدت عنها ورحت اتقربت من وفاء

ريتال بصراخ:لك ليش عفتهااا ليييش خذلتهااا اختييي راح تموت ملاككك

ركضت الاختها وهيه تحاول تشيلها بس وكعتها بالارض حاولت اكثر من مره وماكدرت
سند التفت الـ ريتال وملاك وضل يباوع على ملاك وهيه هم تباوعله بنضره حزينه وبيها عتب هواي

اتقرب سند الـ وفاء ولزم ايدها حاول ياخذ المسدس بس منعته وكالت

وفاء: مستحيل اعوف المسدس اله اتاكد منك تحبنييي

سند بحزن:احبج صدكيني احبج انتي
مستحيل احب ملاك وحتى اذا لاحضتي احبها فـ غلطانه جاي اضحك عليها واضيع وقت بس الاكيد احبج الج وفاء

ابو يوسف: لا حول ولا قوه الا بالله شنو هل تصرفات بنتيي تخبلتيي

ركض يوسف لـ ريتال ولزم ايدها وهوه يطمنها ابتعد عنها وبسرعه شال ملاك وركض بيها لسيارته صعدها وريتال صعدت وياهم

ريتال:ملاك اتحملي عمري انتي هسه نوصل للمستشفى يروحيي اتحملي

وصلو للمستشفى ونزلها الاقرب دكتور دخلوها حتى يفحصوها

لزم ايد ريتال وكال

يوسف: اسف على الصار واسف على تصرفات اختي

ريتال بحزن:لو ملاك ماتت بـ شنو راح يفيد اعتذارك

يوسف بحزن:مراح يفيد طبعا بس ماعرف شحجي والله

اتجاهلت كلامه وكالت

ريتال: طبيعي سند يختار وفاء لان احنه الخدامات مالكم

انصدم يوسف بكلامها

يوسف: ماعرف سند بـ شنو فكر من سوه هيج ومالومه لان جان اختيار صعب بالنهايه الاثنين ارواح برئيه وانتووو بنات عمنه مو خدامات

حجت وهيه تبچي بحسره

ريتال ببچي:تدري تدري داشوف تعاملكم وياي اني وريتال كأنو احنه الفقيرات اليتصدقون عليهن رغم رغم انو انتو اهلنه اعمامي وابناء اعمامي لك داشوف اني وملاك مجردد فقيرات يتيمات مخليهن ببيتكم تكسبون بيهن ثواب وتعطفون عليهم او مجرد خدامات تخدمكم انتو المستواكم عالي هذا كله لان يتيمات ماعدنه اب ولا ام ...عايشات عند الي المفروض اهلنه بس محد يشوفنه منكممم..

بچت اقوه ونزلت راسها
يوسف انته المحامي الحلو الي كل البنات تتمنه نضره منه واذا باوعت نضره وحده عليه اني ولو بالغلط يكولون هذا عايف البنات الحلوات كلهم ويباوع على هاي لو مسويتله سحر لو لعبت عليه وخلته يحبها

يوسف بحزن :بس انتي وملاك مو خدامات ولا نتصدق عليكم انتي وملاك حالكم حالنه بس ريتال اعمامنه متخلفين الطمع ميخليهم يشوفون احد غير الفلوس

خلت ايدها على وجها وبچت بـنهيار اتقرب منها يوسف وحضنها
ماهمه العالم نسه روحه بـ هذا الحضن
ابتعد عنها شوي و رفع راسها مسح دموعها وكال

يوسف: عـيونج حلوات من تبچين

ابتسمت لكلامه و غيرت نضرها

عند سند.

اقترب منها ببطىء وهوه يحجي وياها حتى يلهيها ويضحك عليها بالكلمات الحلوه لحد ما يكدر يسحب المسدس منها اقترب شوي شوي

ام يوسف:بنتي حبيبتي عوفي المسدس سند يحبججج عوفي المسدس

وفاء:لا ميحبني جاي يضحك عليهه

سند: ماضحك عليج احبج صدكيني بس نطيني المسدس

وفاء :احلف انو تحبنييي

سند :انطيني ايدج حبيبتي وعوفي المسدس حبابه لخاطري

دخل مصطفى للبيت وشاف الديصير حچه وهوه تعبان ونعسان

مصطفى: السلام وعليكم

شااف محد رد عليه وكلهم ملتهين بـ وفاء والمسدس الي على راسها فـ كال بتعب ونعاس

مصطفى: هاي شني خل اصعد انام وعود كعدوني من تصير الفاتحه

صيحت عليه ام يوسف بغضب

ام يوسف :اسم الله شدتحجي انتتته

حجه بملل: داشاقه خلي عدكم روح رياضيه

صاحت عليه ام يوسف بغضب

ام يوسف:وووقت شقه؟!!!

اتجاهل الكل وصعد ينام
_________________________

جان يفتر برا و دخل فجأ شاف وفاء رافعه المسدس على راسها وتحاول تنتحر اتقرب منها شوي شوي بهدوء بدون ماتدري بحركه سريعه لزم اصبعها وبعده عن الزناد وسحب المسدس بسرعه منها
اخذ المسدس وابتعد منهم

ركضت امها عليها وضربتها بقوه وعنف على السوته وهيه تغلط عليها بكلمات قويه

ابو يوسف بخوف: الحمدالله والشكر بنيتي بعد لا تسوين هيج ميصير

نزل مصطفى وهوه تعبان حتى يشرب ماي دخل للمطبخ شرب وطلع ييشوف شصار على وفاء

شاف المسدس من انسحب منها وكال

مصطفى :الحمدالله خلصت الدراما مالـ اسوي مسلسل بمصايب هاي العشيره كل شوي مصيبه جديده

حجه جملته ورجع صعد حتى ينام

ماريا:خل اروح انام احسن

رقيهه:يييع هاي كل عقلج وفاء تسوين هيج علمود ولدد

حچه سند وهوه فرحان

سند: شكرا شكرا مهند لان نقذتها ولو اكرهك اني بس شكرا من كل قلبي

مهند بعدم اهتمام:عفواً تدلل شوكت ميريد واحد ينتحر اتصلو عليه حتى انقذه

التفت الامه وكال

مهند: يمه جوعان سويلي اكل

انتبه الام يوسف وهيه تضرب وفاء فـ راح عليهم بهدوء سحب وفاء من ايد امها وكال

مهند ببرود:اليوم رادت تنتحر والله ستر لان اني البطل موجود فـ مو كل مره اني موجود يمكن تنتحر و تموت تعاملو وياها زين

ام يوسف: لازم اربيهاااا

كمل كلامه وكال

مهند: احتويها شوفي شنو الموصلها الهل درجه فهميها الصح والغلط

خلص كلامه وراح للمطبخ يدور اكل

راح ابو سند بـتجاه وفاء لمحته وبدت تصيح بـ انهيار وخوف ركضت عليها مرام وهيه تحاول تهدأئهاا انتبه ابو يوسف الاخو وكال

ابو يوسف: خويه ابو سند عوفها لا تضربها ممنوع اني وامها نربيها

راح سند لغرفته وفتح تلفونه واتصل على يوسف

المكالمه

يوسف:الو

سند: ماعرف شنو احجي بس اسف على الصار واتمنى السوته اختك متخرب صداقتنه واقسملك بالله بـحياتي كلها ماباوعت عليها بـنضره محرمه واعتبرها بس اخت الي اسف منك مره ثانيه

يوسف: لا حبيبي لا تعتذر اعرف الصار مو غلطك واعرفك كلش زين مستحيل تباوع بنضره غلط الوحده من بنات اعمامنه وحتى الغريبات لان اني متربي وياك وحافضك اكثر من اسمي ولا تفكر انو السوته اختي راح يأثر علينه لان انته اخويه مو مجرد ابن عم وبعدين اول وتالي اختي مراهقه

سند: احبك خويه والله وبعدين ملاك شلونها وانتو يا مستشفى خل اجي

يوسف: عمري اخويه ملاك بخير حالتها مستقره وميحتاج تجي لان راح نرجع بعد شوي

سند: تمام خويه ترجعون بالسلامه منتضرك

سد المكالمه وطلع يوكف بالباب حتى ينتضرهم طلع ايربود (سماعات بلوتوث)من جيبه وخلاها بـ اذانه شغل موسيقى هادئه وهوه يفكر بـ السوا اليوم وشلون انـهار وضعف كدام اهله

وصل يوسف بـسيارته نزل وراح يفتح الباب لريتال انتبهله سند واقترب منهم بهلفه وهوه منتضر ملاك تنزل. نزلت ملاك بتعب ركض سند الها بـلهفه وسألها عن حالها اتجاهلته وحـتى ماباوعت عليه صعدت ملاك وريتال لغرفتهم حتى ينامون من التعب

عند مصطفى
نايم بغرفته فجأ فز على اتصال يوسف

المكالمه
يوسف:الوو ها مصطفى انته وين

مصطفى بـ استغراب: غير بالبيت قابل وين انته الجنت ماكو

يوسف بحزن: ها بالبيت انته شوف خلينه اتصال احسن لان مابيه حيل اجي لغرفتك

مصطفى بضحك:حقك لازم تعبر انهار وبحار وجبال يلا توصلي

يوسف بـملل: ميضحك غير اليوم كله مصايب وقهر طبعا يصير مابيه حيل

مصطفى بـ استغراب: قصدك الصار الوفاء هوه السؤال الاهم منين جابت المسدس

اتغير صوت يوسف للحزن وكال

يوسف:من سند

مصطفى :يعني شنو مفهمت

يوسف: باجر عود اسولفلك هسه بس كلي شلون اخذتو المسدس من اختي

بده مصطفى يسولفله وسط صدمة يوسف

يوسف:مستحيل هذا المغرور نقذ اختيي

مصطفى بضحك:اي يمعود

يوسف:ماشاء الله المهم تعال خل نروح لغرفة سند شوي
مصطفى: ماشي يلا

سدو الاتصال
وطلع يوسف السند وطلع ورا بدقايق مصطفى
شاف مرام كدامه وكفها وكال

مصطفى:مرام اكدر احجي وياج

فرحت مرام كلش لان هيه تحبه فـ اتوقعت هوه هم يحبها جاوبته بكلمة اتفضل

مصطفى : اريدج تسولفيلي ليش سند عنده مسدس و وفاء شلون اخذته

اتغيرت ملامحها من فرحه الى فشله وحزن
بدت تحجيله كل الصار وسط صدمته وعدم فهمه
اتقرب منها فجأ وهيه قلبها رفرف من الفرحه

كال

مطصفى : ..........