‏سواد گلوبكم تيه بياض گلوبنهَ..
......................................................

شفنه ملاك باالارض واعتقد مغمى عليها ركض سند عليها وجان يشيلها ويصيح

سند:شبيهااا شصارلها جيبو سياره شي

ريتال: ملاااااك شبيها اختي شبيها شصار فهموني

ناصر:الغرفه حاره الشبابيك مقفوله بـقوى...مو طبيعي الديصير بس يمها مفتاح باب الغرفه ليش مفتحته وطلعت

يوسف: يمكن مختنكه وحاولت تفتح الشباك بس مكدرت واغمى عليها من انخفاض الحراره

سند وهوه شايلها بوضعية الطفل قربها من وجهه حاول يشتم هواها التتنفسه...انصدم ماكو مجاي تطلع نفس...ركض بيها لـ باب البيت متجاهل صراخ اعمامه انو لازم يلبسها عبايه ويغطي شعرها

انتبه عليها ...شعرها الطويل الاسود السرح نازل. لو حرارة جسمها... بقلبه صراع *راح اتخببل اغـار عليها ماريد احد يشوفها بس هسه هيه مابيها نفس لازم اركض بيها وما اصير اناني لازم افكر بحياتها* قطع تفكيره صوت ريتال وهيه تبجي وتصيح ع اختها

ريتال:ملاااااك ابوس ايدج لا تعوفيني وديها للمستشفى سند وديها راح تموت

التفت لـ ابن عمه يوسف الجان واكف مصدوم وكله

سند:الحكني وجيب وياك ريتال حتى تتطمن ع اختها

كمل جملته وركض للشارع
وهوه شايل ملاك اتجاهل اعمامه ونفسه وغيرته وركض اجه
مصطفى بـسيارته وصعد سند

وصلو للمستشفى

نزل مصطفى ركض دخل جاب مساعدين
الدكتور ورجع لـسند اخذو ملاك منه وهوه متخبل لان لازميها بس ميكدر يسوي شي علمود حياتها
دخلوها لغرفه وهوه كبالها واكف يباوعلها
عيونه تتفحص وجهه منتضر مجرد رمشة عينها حتى يصيرله أمل انو بعدها عايشه

سند: انه ليش هيج مهتملج هواي ناس بحياتي وصلو للموت بس مو هيج خفت عليهم ليش هيج قريبه من قلبي رغم انه ماحبج بس هواي افكر بيج ليش اريد اعرف ليش معقوله احبج؟!
هههه لا شنو بس انه بسرعه احب

مصطفى:سند امشي برا خل يعالجوها

سند بغضب: تمام
_________________________________
عند ريتال ويوسف

ريتال

من اخذوها للمستشفى اعمامي والكل راح لغرفته من عدا يوسف ضل واكف كبالي

واما اني ضليت خايفه على ملاك وابچي
باوعت لـ يوسف وكتله

ريتال:عليك الله اخذني للمستشفى حباب حتى لو ثانيه بس اطمن عليها ورجعني

يوسف: مابيه حيل

ريتال بـبچي: حباب يوسف حباب بس خل اشوفها عليك الله

يوسف بغضب: مابيه حيل كتلج عوفيني
وكافي بچي شلعتي قلبي

ريتال
ضوجني كلش وقهرني من يكول مابيه حيل يعني اتوسله وفوكاها اختي هاي وميوديني خبل هذا؟! اجتني الجراءه و

لزمت ايده جريته دخلته للغرفه وكتله

ريتال:اذا هسه متوديني راح اضل اهنا واقفل الباب لحد ماموت وانته تبتلي بيه

يوسف بضحك:هه نسيتي اني محامي اطلع نفسي بسهوله وانتي التموتين

ريتال بخوف:بس بس ليش متاخذني شسويتلك

اقترب مني لحد ماحسيت بـ انفاسه بوجهي. وكال

يوسف:نكدر نكول شلعتي قلبي

ريتال:ها؟!!!

يوسف بضحك:انسي مرح تفهمين

ريتال:تمام لا تاخذني راح اخابر مصطفى هوه يجي ياخذني ماريدك

يوسف: ها لا باعي شبيج جنت اشاقه وياج راح اخذج حضري نفسج واذا متريديني اني اريدج

ريتال
من الفرحه طفرت عليه وحضنته وهوه هم حضني وجان يبعدني بسرعه
انتبهت لتصرفي وكلشش خجلت *شكد صايره جريئه اني هفف*

يوسف
من كالت اخابر مصطفى كلش غرت فـ كتلها اخذج......احبها بس ماكدر اعترفلها اوقات مو مناسبه وهيه اكيد تكرهني بسبب اعمامي وامي. من طفرت وحضنتني كلش تعتب اني احس جسمي راح يوكع من التوتر والخجل
قطع تفكيري صوتها

ريتال:راح نتااااخر اطلععع براااا خل ابدل

يوسف: ها اختلف عليج وماخذج؟!لو تكولين حبيبي ممكن تطلع برا حتى ابدل

ريتال:هااا شنو حبيبي ييع ماكول حبيبي

يوسف :لا اشو عناد اله تكولين حبيبي يلا حتى اخذج

ريتال:حبيبي ممكن تطلع برا حتى ابدل

يوسف
اووووووويلي اخذت قلبي هل كلمه اريدها تعيدها بصوتها الناعم الاخذ قلبي خرب

يوسف:يعمري صار راح اطلع

ريتال بستغراب:يعمري؟!

يوسف:هاا اقصد ريتال صار راح اطلع

كمل جملته وطلع بسرعه

بدلت وكملت وفتحت الباب كلتله

ريتال:اني جاااهزه يلا نروح

يوسف:تمام بس عدلي حجابج شعرج طالع

ريتال:ترااااا شوي طالع شوووي شعرايه وحده

يوسف :سمعي كلام ترا ماخذج

ريتال بحزن:تمام

راح جاب سيارته وفتح الها باب السياره الي يمه بالصدر وكلها

يوسف: يلا صعدي

قبل ماتصعد صاحت عليهم ام يوسف

ام يوسف(مرت ناصر) :يمه وين ماخذها ورايح

يوسف: للمستشفى

ام يوسف:اوكف اخذ وياك طيبه بنت خالك وصلها لبيتها

يوسف: يمه وين الحك ع المستشفى اذا هيج

ام يوسف:عادي بقيها من ترجعون من المستشفى ويدها

يوسف بغضب: تمام

طيبه بنت خال يوسف عمرها 20 سنه

طيبه: احم انزلي من مكاني هذا مكاني

ريتال:بس تكدرين تصعدين وره؟!

طيبه: حبيبي يووووسف كولها تنزل هذا مكاني

ريتال بصدمه:حبيبج؟!

طيبه:اي حبيبي من الطفوله واحد يحب الثاني

ريتال
انصدمت معرفت شجاوبها شعور يقهر اجاني كأنو اريد ابجي باوعت عليه ودعيت يفشلها

يوسف :ريتال نزلي من مكانها

ريتال بصدمه:هاااااا تمام

نزلت واني كلي انكسار وحزن صعدت وره وهيه صعدت بصفه وكل شوي تخلي ايدها ع ايده صرت اباوع من الجامه واتخيل انو اختي ترجع زينه ونسافر اني وياها نعوف هل عشيره الكلها قهر وحزن غيرت نضري الـ يوسف وشفته يباوعلي من المرايه ضل هواي يباوعلي واني اباوع من الجام واشوي اباوعله

لحد موصلنه لبيت وجان بيت خال يوسف

يوسف:يلا طيبه نزلي

طيبه:هااا شو نزلتني اهنا لعد اريد اجي وياك شنو تاخذ هاي الجاهله وحدكم

يوسف بغضب: انزلي فضيها
نزلت وهيه ضايجه مني

ريتال: عود هاي عمرها 20سنه اكبر مني طلع عقلها صغير واني 17 سنه وافهم منها والله يا الله

يوسف: احم ترا هاي حبيبتي شكو تحجين عليها

ريتال بحزن : ممكن نروح اريد اشوف ملاك

يوسف: تمام بس تعاي كعدي يمي بالصدر

ريتال:ماريد هيج احسلي

يوسف :تعاي ترا ماروح

ريتال:ماااريد

يوسف: ترا ماروح

ريتال: هففف تمام بس مو تجيني وحده من بناتك وهم تكومني علمودها

يوسف بضحك:ههه لا ماكو بعد

خلصنه الطريق بس واحد يباوع للثاني
________________________________

نرجع لـسند و ملاك ومصطفى

طلعو ثنينهم. وسند كعد ع كرسي وخله ايده ع وجهه وهوه ضايج ومخنوك
اقترب منه مصطفى وحط ايده ع كتف سند وكله

مصطفى:تحبها؟!

سند بتوتر:لا طبعا

مصطفى:وليش لا طبعا شبيها مثلا

سند:مابيها شي بس ماحب اخذ من الكرايب وخصوصا بنات اعمامي

مصطفى: الصراحه هوه حقك بس تشوفها مثلهم؟! وبعدين مرام وماريا ورقيه زينات لتنسه لو تحب وحده منهم فـ متريد ملاك

سند:لا ملاك مو مثلهم وماحبهن هذني خواتي بس ملاك شعور غريب تجاها لا حب ولا هل حجي ماعرف شلون اوصفه

مصطفى:تمام بـ ما انو متحبها لعد اني راح اطلب الزواج منها

سمع هاي الجمله وتغيرت ملامحه الغضب صار واضح عليه شرايين وجهه برزت لزم ايد مصطفى قوي وكال

سند بتوتر:انته شدتحجي محد يزوجها فهمت لو لا

مصطفى: ليش انته مو متحبها

انتبه لنفسه وحاول يهدأ ببرود كاذب كال

سند:ها لا ماحبها بس اقصد مو وكت هل كلام

قاطع كلامهم صوت يوسف وهوه يصيح بـ اسمائهم

يوسف:مصطفى سندد هاا وين ملاك شلون صارت

سند بحزن:بعدها. محد طلع من الغرفه اعتقد ديسوولها عمليه

ريتال بـ بچي: لااا ياربي احفضها الي

سند: ليش اتاخرتو؟!

كال جملته وقبل مايكمل حتى ريتال جاوبته

ريتال:غير هذا يوسف بناته يريدنه

سند بضحك:يا بنات منهن هنه هواي

يوسف:انجب لا تكذب سند وبعدين هيه بس طيبه وصلناها ويانه بعد وين البنات ست ريتال

مصطفى بحزن:ممستغربين انو الغرفه مقفوله جانت والشبابيك كذالك والمكيف مطفي والمروحه متشتغل احس اكو شي بالموضوع؟!

ريتال بـبچي:والله مادري شديصير راح اتخبل ليش هيج صار بيها سوده عليه وانوبه اعمامي وزوجاتهم وتعاملهم ويانه ياا الله ساعدنه ولا تحرمني من اختي

صارت تبچي بنهيار اقترب منها يوسف وحضنها خلت راسها ع صدره وبچت وهوه حاضنها هيه نست قهرها وحزنها وهوه نسه العالم

قاطعهم صوت سند ومصطفى

سند بضحك: هييييي يمعودين فضحتونه

مصطفى بضحك: هاي شبيكم صدك عود خرب راح اموت ضحك ههههه

يوسف : شكووو

ريتال بخجل: شنو اليضحك اسكتووو

يوسف انتبه الايد سند المجروحه
يوسف:لك سندد ايدككك تعال خل يعالجوها يلا

سند: بعدين

قاطع كلامهم صوت الدكتور وهوه يطلع من الغرفه وكال

دكتور:.....................

خلص الباااارت لافيووو الكم 🥺❤️🌸احبكم بنااااتي