يچنك ذنبي بس لروحي گمــت احچيك.
أعرفنك غلط بس مستعز بيك .
~~~~~~~~~~~~~~~~~~~~~~~~~~~~

كاضم:ماسويت الها شي ربيتها

ضربت ايدي بالحايط قوي وطلعت منه ماعرف وين اولي وماعرف شسوي عرفت بنفسي هاي هيه راحت من ايدي ملاك مستحيل تحبني

يوسف
ماعرف شسوي رحت اشوف ريتال وملاك شلون صارو دكيت الباب فتحته ريتال مقهوره ودموعها بعينها..نزلت راسي گلبي يحركني من اشوف دموعها

ابتسمت بقهر وكلت

يوسف:شلون صارت؟

اشرتلي عليها نايمه ودموعها بعيونها نزلت راسي وكتلها انتي شلونج

حجت بستهزاء
ريتال: كلش زينه صح يوميه مشاكل ويوميه ماذينه بس زينين استغفر الله هسه انته مقتنع بسؤالك هذ؟

يوسف: وحق الخلقج اعرف واتمنى اكدر اسوي شي وحتى اذا دافعلتكم يزيد حقدهم اكثر

ابتسمت وكالت

ريتال: مستحيل نبقه بهـذا البيت باجر اخذ ملاك واطلع

اتفاجئت من كلامها خفت تعوفني صدك عصبت وخزرتها

يوسف: اكسر رجلج ورجل اليطلع وراج  اذا طلعتي من هذا البيت لا تستحونين شني كدامج انه؟

انقهرت كلش من كلامه دموعي خانتني ونزلت عصبت عليه وكلت

ريتال:انته شبيك انته ليش متحس انته ليش ماعندك حنيه مدشووف تعاملهممم مينكسر خاطرك علينه

ابتسم وكال

يوسف: مابقه بگلبي حنين روحي ذبلت من زمان فهمتي

ريتال: لك انته متشوووف تعاملهم مشوف المشاكل

حجه ببرود

يوسف: داشوف مو اعمى... ريتال من زمان هيج مشاكلهم تعبت انه تعبت حيل ماعرف شلون احميج انتي وملاك منهم حتى من اطلع اخاف يأذوكم وانه مو يمكم

حجه هيج وعافني وراح
--
سند
طلعت كلت افتر بسيارتي شوي لحكني مهند صعد وياي

سند:شكو؟! جاي رروحي طالعه

طلع جكاره ورثها سحب نفس  وكال
مهند : اني حامل لا تعوفني

ضحكت رغم حالتي النفسيه زفت ههه ضربته ب ايده قوي ردت اشغل

وجان تنفتح باب السياره من وره صعد يوسف

يوسف:اخذوني وياكم

سند:انتو شجابككككم اريد اكعد وحدييي

يوسف: انجب خويه كلنه ضايجين لا تستحون

حركت السياره ويوسف ومهند بس يتضاربون

يوسف:سند كله خل يكعد وره شني هاي اني ووره مخليني

مهند:چا هذا مكانك بس الزلمم يكعدون كدام

ضربه على شعره خفيف وكال

يوسف:چا انته شعندك كدام مو تكول بس الزلم؟

سند: واصله عندي للانتحار اسكتوووو

يوسف
من شفنه سند صدوك مقهوره ومخنوك خفنه عليه كلش حاولنه نضحكه هواي بس مجان اكو فايده

مهند:خايب يوسف هذا يريد ينتحر انزززل انزل راح يكتلنه ويااا

ابتسم وكال
سند: اكتل روحي وما اكتلكم اموت اذا صارلكم شي انتو اخوتي

يوسف :بعد روحي اخوي اموت علمودكم وربي

مهند اخذه الواهس وكام يخربط وهوه فرحان

مهند:چا اذا انه متت شسون؟!

ضحك وكال
يوسف :اتفل على كبرك يوميه هههه

سند: اركص واهلهل

ضحك مهند وانه كلش انقهرت كلت

يوسف: لا خيي عوف طاري الموت من اروح فدوه لعيونكم

افترينه بالسياره وره ساعتين رجعنه
مهند طلع للشغل وانه وسند رجعنه بـ بـاب البيت واكفين ونسولف مالنه واهس ندخل ابد كله مشاكل تلعب روحنه

ريـتـال
حلفـت اصير الاخـت المـسؤوله وادير بـالي على مـلاك واحـميها من هـذوله المخابيـل شفتها كاعده بالغرفه متحجي حاولـت احجي وياها ماكو فايـده عـفتها ونزلت جـوه شفتهم جاي يـاكلون بـسكت وچاي صـاحني عمي ناصر حتى اكعد وياهم مقبلت لان نفستي كلش تعبانه وبس اريد ابچي سـالني على ملاك كـتله فوك صاح عليها نزلت خطيه مالها خلك بس علموده صاحت عليه ام يوسف وكلتلي اسوي اكل للشباب دخلت للمطبخ …………

ملاك
مقهوره كلش وخلصتها بچي من صاحني عمي نزلت علموده لان عمي حباب و مـاريد اكسر كلمته كعدت يمه اشـر المرته حتـى تصبلي چاي

ام يوسف: چا شني ماعدها ايـد

خزرها ورجع اشـرلها تصب صبت وهيه تباوعلي وخازرتنيي ابد مووو وكتها ابد مالي خلك

اشر لـمرت عمي محمد ام ماريا حتى تنطييني البسكت من يمها خزرتني وكالت

ام ماريا :چا ابو يوسف شني مو خدامين؟ احنه هم على كيفك!

حجه وهوه يباوع على الچاي

ابو يوسف: طلع لسانج من زوجج عماد ابو ماريا سافر وثاني مره تحجين وياي عدل خوش الكلام الكلكم

ابتسمت بخوف ونزلت راسها حجت مرام حتى تلطف الجو

مرام: هه ولج ملاككك اني مايدافعلي هيج بختت ههه

ضحكت وجاوبتها

ملاك:طبعاااا غير يحبنيييي

ضحك عمي وخله ايده على راسي بحنيه

مرت دقايق وجان نسمع صوت صراخ كلش قوي ومرعب

انرعبنه كلنه الخوف يدك بقلوبنه صار الصوت يعلى اكثر واكثر

ملاك
هذا الصوت ؟! لحضه هذا الصوت؟!اعرفه اعرفه لا لا لا يالله لاااا هذا صوتها صوتها شديصير كااافي

يوسف

كاعدين بالباب وجاي نسولف انه وسند مرت دقايق وجان نسمع صوت صراخ مرعب ضلينه صافنين عرفنه الصوت من البيت بس صوت منو مجاي نستوعب من قوة الصراخ ركضنه للبيت
وشفت اعمامي و البنات والنسوان يركضون ع مصدر الصوت الجان جاي من المطبخ

ركضنه كلنه دخلنه وشفنه الصدمه والمنضر المرعب القهرني وخوفني كلش

جانـت ريتال اي هاي ريتال ملابسها كلهااا ناااار والطباخ چان مشتغل ركض سند طفه الطباخ الجان كاب و احنه ركضنه  عليها وصرنه منعرف شنسوي من الصدمه اشوفهم كلهم خايفين.وملاك تبچي وتروح وتجي متعرف شنو لازم تسوي لحد ما صيحت عليهم وكتلهم

يوسف بغضب :جيبوو شيي نطفيها شبيكم صافنين راح احرك البيت عليكمممم

حچه ابويه ناصر وكال

ناصر:لا تشمرون عليها مااااي جيبو بطانيه لو شي

صرت اباوع ع وجهه خايف ع حبيبتي وعمري وكل حياتي وطريق الحق الراح يوديني للطريق المستقيم تبچي وتصرخ وتروح منا وتجي منا

خفت عليها كلش احس روحي جاي تتعذب مو هيه صيحت بصوت عالي

يوسف : جاي تتأذه جاي تتأذه ولكم جاي تتتأذه

باوعت عليهم لهسه حايرين شيسوون قسم يريد يشمر عليها ماي وابويه يصرخ عليهم ميقبل وقسم يدور ع بطانيه لو شي حتى نطفيها بي

ابويه صاح  بـصوت يرجف وهوه يكول

ناصر:ولكم البنيه راح تموت استعجلووووو قبل ما النار تلزم وجهه لو شعرها

سمعت هل جمله و جان اتخيل انو تموت مكدرت استوعب هل كلمه اتخبلت واني اشوف بنت قلبي تبجي وتصرخ كدامي تتاذه روحي اكثر منها بلحضه ركضت عليها
--
مرام
اول مره احس نفسي عاجزه هيج
انصدمت واكفه بـ مكاني ماعرف شسوي بچيت حيل لطمت على وجهيي وملاك انهارت كدامي ركضت عليها  وعمي ناصر واكف ميعرف وين يروح على ملاك الانهارت و رجعتلها حالة الربو لو على ريتال الجاي تحترك وتصيح كدامنه
اتفاجئت بيوسف بوسط احتراقها والنار المشتعله بملابسها ركض عليها حـضـنها وهيه تحاول تبعده تضربه على صدره حتى لا يحترك وياها لا توصـله النار منها..

حضنها قوي همس بـاذانها وهوه هم يتوجع من الحراره االصارت بجسمه

-اذا مكتوبلج تموتين اموت وياج

حضنها حضن ثبتلها حبـه الها جان صادق حضنها بقووه ونسه الكون وألم لنار..بحضنها حس بحنان الام حضنها واتجاهل النار واتجاهل اهله اليصيحون عليه ويحذرو لان يأذي روحه ويحترك

عمي ناصر انهار كلش وكعع من شافهم هيج وام يوسف تلطم وتبجي على ابنها و تحجي حجي يحرك الدم تسب وتفشر على ريتال

ام يوسف:كله من وره هاي الكلبه بنت الكلب المخبله تنتحر وابني يوكع بيها ولك يممممه

هذا كله جان بدقايق مجرد دقايق  بس بعوني ساعات من القهر

رقيه
من سمعنه صوت ريتال كلنه اتخبلنه البيت صار هوسه صراخ وبچي و لطم ركضت اني على ابويه شفته مابي شي مجرد هبطه ركضت على ملاك حجت كلمه بتعب وكوه نطقتها
_ا.اختي
طمنتها انو حتكون بخير رجعت اسألها عن البخاخ وين حجت وههيه ترجف وكوه تحجي
_بالغرفه
ركضت لغرفتها يمكن من الخوف سويتها خطوتين دورت بـ اغراضها لكيته ركضت بسرعه نطيتها صارت زينه رجعت بسرعه ادور تلفوني جان عندي رقم مهند و مصطفى اتصلت على مهند اول حجيتله تخبل صاح بصوت زرف اذاني اجيتتت سد التلفون بوجهي وانوبه اتصلت على مصطفى هم حجيتله بسرعه سألني على مرام كتله مابيها شي وراها سأل على ريتال وملاك ويوسف  كلتله وجان يسد الاتصال
نزلت واني ابچي وخايفه عليهم كلهم

سند
ركضت مثل المخبل ادور شي ننقذ بي ريتال يمكن من القهر والصدمه ماشفت الفراشات والبطانيات الكدامي ضليت مثل المخبل اشيل واكسر ماعرف شنو لازم اجيت صياح رقيه ومرام على ملاك وحالتها خبلني اكثر صار كدامي بطانيه ستوعبت اخذتها بسرعه ركضت يمهم شفت يوسف حاضن ريتال وهوه قميصه هم محترك وهيه تبچي وتصيح ركضت دفعته بسرعه ولفلفت ريتال بالبطانيه شفت يوسف النار كابه بقميصه بس مجرد نزع القميص  وشمره بالكاع امه تبجي وتلطم ركضتله حضنته ابتعد عنها رقيه جابتله تيشيرت بسرعه لبسه
حضن ريتال وشالها وركض للشارع
صارت سيارت مهند كباله نزل منها مصطفى وركضله
يسف صاح بصوت مخنوك وهوه يلهث بالكوه يجر النفس و يرجف

يوسف:روح الابويه بسرعه 

مصطفى وانه بقينه بالبيت مصطفى ركض العمي ابو يوسف وانه الـ ملاك التضرب على وجها وشككت دشداشتها من يم الصدر ركضت عليها بسرعه حضنتها وشلتها وهيه تدفع بيه ومتخبله تصيح عوفني اروح الريتال عوفني تجر شعرها وتصيح صعدتها لغرفتها طلعلتها دشداشه ثانيه صيحت بوجها بصوت عالي واني خازرها

سند:لبسي لججج لبسي هاي يلا

طلعت وهيه لابسه الدشداشه وفوكاها شال وبشت اسود تبجي وتشهك مثل الطفل قهرتني

حجت بتعب
ملاك:اخذني الها

هزيت راسي اي نزلت وهيه تمشي بصفي وتبچي ركضت عليها ام يوسف تريد تضربها صارت وراي ولزمتني من تيشيرتي قوي

ام يوسف: بناتتتت الكلب اخذتووو ابني مني مصار يهتم النفسه والحرك الاحتركه علمود اختج ال*** حيوانات س***

صرخت بوجهه بصوت عالي وخزرتها

سند: اسكتي  وبعد ممنوع تمدين ايدج فهمتي لتخليني انسه انتي مرت عمي

ملاك
سحبني من ايدي واني ابچي طلعنه من البيت صعدني بسيارته ضليت ادعي ريتال تكون بخير طردت فكرت هيه انتحرت لان اعرفها مستحيل تكون هيج ضعيفه ريتال قويه مستحيل تنتحر وتعوفني بـ هل ضيم وحدي

وكف السياره ونزل جاب ماي

ابتسم وكال

سند: اغسلي وجهج وكافي تبچين لا تفاولين عليها ريتال قويه مايصيرلها شي ان شاء الله

دموعي تنزل ماكدر اسيطر عليها

سند: وعـلي شلعـتي گليبي كافي مسحي دموعج فدوه اصيرلج كافي

درت وجهي اباوع للجامه ودموعي تنزل وسند بس يتحسر ويدخن ويستغفر

وصلنه للمستشفى احس رجلي متشيلني مشيت بخطوات متثاقله ودموعي متوكف سند بصفي يمشي
شفنه يوسف من بعيد حالته تعبانه كاعد ومخلي وجهه بين ايديه ايده بيها حروق هواي وشوي من ركبته
شعره مكفش نازل لحد حواجبه ومهند كاعد يمه يصبر بي بسرعه رحنه يمه حجيت اني بخوف

ملاك:وين ريتال شلونها احجي

رفع راسه باوع عليه عيونه مورمات وحمر وجهه مكلوب اسمر طوخخخ من الحر اعتقد

بـلع ريك وكال
يوسف: مادري اخذوها مني ولهسه ماكو محد طلع
زفر بصوت مخنوك ونزل راسه مقهور انتضرنه دقايق وجـان يطلع الدكتور

نزل راسه وحـجه وهوه واضح عليه القهر

الدكتور:.........

يـتـبع

حسابي الانستا o.za.h