اذا قَصدك تغثني الغَيمه ما تِنلاح
________________________________

انصدم الكل من كلامي واحد صار يصفن بوجه الثاني تغيرت نضراتهم لقلق يوسف ضاج كلش بس جاوب جواب صدمني ومتوقعته

يوسف: طبعا واكيد ليان

انصدمت وضجت هواي ماعرف ليش حسيت بغيره انقهرت كلش الحمدالله محد انتبه كلهم جانو صافنين ختمنه لعبتنه بهذا السؤال بس قاطعنه صوت الباب انفتح كلنه باوعنه طلع مهند كتف ايده واستند على الباب وكال

مهند: سؤال لـ ريتال تعرفين تركصين؟!

كلنه استغربنه من كلامه واني ضجت كلش بس اتفاجئنه بـ يوسف كام بعصبيه ولزمه من تيشيرته بحقد وهوه خازره بعيونه

يوسف:احترم نفسك واحجي عدل

كامت مرام بسرعه وبعدت بينهم

مرام: خويه تخبلتتتت؟

مهند بـ استفزاز: داشاقه شبيكم

ملاك بغضب: اشاقه بـ كلام لائق مو تجفيص فهمت

محد رد ولا حجو شي كل واحد راح ينام لان الوقت تأخر كلش

تسريع الاحداث
قبل يوم من حنة ماريا اخذوها اهلها حتى تختار البدله والقاعه والتحضيرات

بـيوم حنة ماريا البيت كله مخبوصين وهوسه كلها تنضف وترتب واني وملاك حايرات بضيم ماريا منتضريها تبدل حتى ياخذوها للصالون

ام ماريا: لجج ريتال ملاك تعالوو بسرعه

ريتال وملاك: هااا عمه

ام ماريا:امشوو صعدووو شوفو ماريا مخلصت خل نروح اتاخرنه ع الصالون

صعدنه لغرفتها شفناها تختار ملابس

ماريا: ولكم بنات راح اتخبل ماعرف شلبس هفف

ريتال: ماري فضيها اي شي لبسي حتى بالصالون تلبسين البدله

جان بيدها تيشيرت شمرته فجأه بالارض وصاحت بـخوووف

ماريا: ياااا شنو هل ثووول العدنه شكد اغبببياااء احنه

ريتال: شكو شكو ليش كل تحضيرات حنتج حاضره

ماريا: ريتال اسسفه والله التهيت بنفسي ونسيت اخلي اهلي يشترولج فستان لحنتي

ملاك: ياااا لج ريتال صح محد التهيتي بيه وبـ مرام ونسيتي نفسج

ريتال:عادي البس الفستان البسته بخطوبتج

ماريا: لا طبعا لا خرررب هسه شلون

اندك الباب دخل عماد ابو ماريا

ابو ماريا: السلام عليكم بناتي

البنات: وعليكم السلام

ابو ماريا:شلونها عروستنه الحلوه

ماريا: هلا باباتي بخير

ابو ماريا: وبنات اخويه الحلوات شلونهن

ملاك:هلا عمو حبيبي

ريتال:بخير عمو عمري

ابو ماريا: ملاك ريتال عوفو ماريا وحضرو انتو هم اليوم اريد اشوف اميراتي كلهن حلوات

ردت ارد قاطعتني ماريا بسرعه وكالت

ماريا: بابا من رحنه نختار الفساتين ريتال التهت بيه وبـ ملاك مجابت النفسهاااا هوه كل مره مرت عمو سليم تجيبلها بس هسه هيه ببيت اهلها مريضه وعمو سليم يمها

جاوبني وهوه ضايج ومستغرب
ابو ماريا :نسوان اعمامج كلهم اهنا مفكرت وحده تجيب فستان الـ ريتال وامج هم مفكرت تجيب استغفر الله ربي

ريتال :لا لا عمو مو خطيه جانن ملتهيات

ابو ماريا: ع كل حال بابه ريتال حضري نفسج اني اخذج هسه اشتريلج فستان

ريتال:لا عمو ميحتاج عندي واحد البسه

ماريا: ريتال لتلحين روحي ويا بابا والصمي

ريتال: تمام

رحت للغرفه بدلت وحضرت نفسي ونزلت انتضر عمي بالباب مالـ بيت واني انتضر اجه يوسف بتجاهي
وكف يتفحص وجهي عبالك مضيع بي شي

يوسف: ليش واكفه بالباب؟!

ريتال:مدتشوفني مبدله؟ يعني اكيد راح اطلع!

يوسف:ويامن تطلعين؟

ريتال:شعليك؟

يوسف: ها صارت شعليه؟

ريتال: يييييي

يوسف: تمام
واحنه دنحجي اجه عمو ابو ماريا يمنه

ابو ماريا: ها بنيتي جاهزه؟!

ريتال :يي عمو

ابو ماريا: هاا يوسف عمو اعتذر مشفتك

يوسف:هلا عمي لا ع شنو تعتذر عادي

ابو ماريا: فدوه لقلبك وليدي

يوسف: عمي وين رايحين؟!

ابو ماريا: رايح اشتري لريتال فساتين محد مشتريلها خطيه
حجه صوت من بعيد واضح الحقد البي

ام ماريا:وييين رايح وين شنو مخلفها وناسيها انته

سمع كلامها واتعصب كلش اتقرب بتجاها ولزم ايدها قوي

ابو ماريا:هاي بنت اخوي تعتبر بنتي فهمتي لو لا

ام ماريا بخوف:فهمت فهمت

يوسف :عمي اخذها اني وانته كمل تحضيرات الحنه مال ماريا

ابو ماريا: لا حبيبي اني اخذها انته خاف عندك شغل شي

يوسف:ماعندي شي خلي اني اخذها

ابو ماريا:ماشي حبيبي بس دير بالك عليها هاي امانه عندك

يوسف:تدلل عمي

واكفه وره يوسف وأشر بـ ايدي واهمس بصوت ناصي كلش

ريتال:لا عمو لاااااااااااا

ضحك عمي ابو ماريا وراح واندار عليه يوسف وهوه خازرني

يوسف: ترا صوتج عالي واني مو غبي ماحس بـ احد وراي امشي كدامي لتخليني اراويج نجوم الضهر

طلعت ويه يوسف واني ساكته والعب بـ اصابيعي بخوف

يوسف: هسه اني عليه مو شعليه صح

ريتال بخوف: ها باع جنت اشاقه وياك اصلا ردت اكولك وين نروح هه

يوسف بضحك:ههه خوش صدكتج والله ضحكتيني

فجأه انكلب عليه جني اقصد جاد وكال بنبره حاده

يوسف:امشي عدل وبلا ضحك وابقي بصفي لا تبتعدين عني فهمتي

ريتال:لحضه شنو منروح بسيارتك؟

يوسف
من كالت منروح بسيارتك صفنت بوجهه ابتسمت ابتسامه خفيفه ردت اكولها الجاي احس بي بس مكدرت ههه الله لو اكدر اكولها كل عقلج اصعدج بسياره غير بسرعه الوقت يخلص وماكدر اشبع منج خليني وياج مشي ع الاقل اضلين بصفي ويطول الوقت

ريتال:هاااا؟! يوسف وين صفنتتت؟

يوسف: ها لا سيارتي خربانه

ريتال: هفف يعني لازم نمشي طول الوقت؟!

يوسف: ليش تحسسيني المحلات بالصين ترا قريب كلش علينه فـ امشي بلا حجي زايد

ريتال:اوك

وصلنه لشارع قرب مني مد ايده عليه اشرلي بوجهه بمعنى الزميني

رفعت حاجبي ورفضت الزم ايده لزمته من بـلوزه وعبرنه

اجه بتجاهي ولد حتى يعبر لزمني يوسف وخلاني بالاتجاه الثاني وهوه خازر الولد وصار هذا الحال كلما يعبر من يمي ولد يوسف يخليني من الاتجاه الثاني

ريتال:شسمه يوسف

يوسف: خير؟!

ريتال:الله يخير وجهك

يوسف: هاي عود مدح ؟!

ريتاال:مااادري المهم باع ممكن تمشي بطيء لان مجاي نتسابق تعبتنيييي

يوسف: ترا دامشي بطيء

ريتال: اوكف خل اخذ نفسي يمه المهم يا بطيء غير دتركضني وراككككك انوبه تكولي امشي بصفي هوه غير اريد الحك اصير بصفكك

يوسف:ماشي راح امشي بطيء

ريتال:هااا وهم ممكن تمشي عدل مثل الناس الطبيعيه مو كل شوي تخليني بتجاه ترا والله دخت

يوسف:ريتال سدي حلكج وصلنه اصلا يلا دخلي لمحل يعجبج

ريتال
دخلت لمحل عجبني كعدت اكلب بالملابس ويوسف انتبهلي تعبانه كلش وكوه اتنفس

يوسف: انتي اختاري واني راح اجيبلج ماي واجي ماشي؟! واذا كلشي معجبج انتضريني بالمحل من اجي نطلع سوه

ريتال: اوك تمام

ريتال
كعدت اكلب بالملابس وجان يجي يمي عامل خبلني وين ماروح يجي وراي كلت عادي اكيد غير هذا شغله شو هذا كام يذبلي حجي خبلني

العامل: شوفي هذا يلوكلج حلو مثلج

ريتال:ها لا شكراً ماحب هيج

العامل:تمام اكو هذا يطلع تفاصيل جسمج كلها وواضح كلش حلوه من هسه

ريتال:ماريد اني اختار اذا ممكن

العامل: اعتذر بس بقه هذا شوفي شلونه عليج جربي وراويني حتى اكولج حلو او لا

ريتال بخوف:بس هذا كلش عيب ماحب هيج اصلا ماريد شكرا

ريتال
كلش خفت من عنده لزك هواي واني من جنت اطلع كله وين عائلتي وابويه فـ محد يتجرئ يحجي وياي بهل طريقه بس هذا اكيد مشاف يوسف وياي لان لو شايفه ميتجرئ هيج

ابتعدت عنه وضليت ادعي بقلبي يوسف يجي شو اتأخرررر هواي وكفت اباب المحل حتى انتضر يوسف وجان يجي العامل مره ثانيه والله لعب نفسي

العامل: صاحب المحل دزني يكول محتاجه شي؟!

ريتال: لا ممحتاجه شكرا تكدر تروح

اقترب مني وحجه بهمس وطلع ورقه صغيره من جيبه

العامل:شبي زعلان الحلو هاج رقمي خابريني باليل

ريتال
انصدمت كلش وخفت معقوله بهذا المحل محد انتبه وماكو كاميرات ياربي والله خايفه

انصدمنه بصوت يوسف كبالنه خله العامل يرجف

يوسف بغضب:لك حيووووان اليوم ادفنك هنا

العامل: اخوي صوتك ابوس ايدك يطردونييي والله اذا سمعوككك

يوسف: هسه خايف على شغلك كلب من زحفت مخفت اليوم لو اني لو انته

لزمه قوي من ياخته اتجمعو اهل المحل

صاحب المحل: خويه كول يا الله وفهمني شصار
يوسف: هذا الحيوان زحف وحاول ينطيها رقمه

صاحب المحل :ميكون خاطرك اله طيب والله اطرده هاي مو اول شكوه اعتذر منك اخي

يوسف بغضب : شوف زين اني جاي مره ثانيه علمود هذا الحيوان واذا شفته اهنا احركه هوه والمحل فهمت

صاحب المحل: ماشي خويه مايكون خاطرك اله طيب

اقتربت منه وحجيت بهمس

ريتال: يوسف كافي هسه عبالهم سوالي شي عيب

التفتلي بغضب وهوه خازرني لزم ايدي قوي وطلعنه وكف تكسي بسرعه وصعدني بدون ولا كلمه وهوه هم صعد وياي

ريتال: يوسف اذا هيج متتحمل وعصبي ليش مخليت عمو عماد هوه يجي وياي

يوسف: واصله حدها ريتال اسكتي احسلج

ريتال

وصلنه للبيت و دخلنه واحنه محد يحجي ولا كلمه البيت فااارغ طبعا غير ساعه بـ 3 الضهر اكيد هسه بالصالون لوو بالقاعه مال حنه هفف واني واكفه يمه اسمع موبايله يرن كل شوي

ريتال: رايحه لغرفتي باي

يوسف: ليش مراح تروحين للحنه

ريتال بـستهزاء: يي طبعا مو دتشوف فساتيني هواي هسه اختار واحد واولي والله يا الله

يوسف: تستهزئين ؟

ريتال: لان سؤالك يغث هوه بس فستان واحد عندي وملاك كلتلي راح تنطي لرقيه لان عجبها

يوسف: يعني ماعندج ولا فستان؟!

ريتال: ماعندي هوه منو بهذا البيت مهتم لـ احتياجاتنه اني وملاك محد بحالنه

يوسف: لا حول الله

ريتال
جنت كلش اتمنى اروح للحنه والبس فستان واطلع بي مثل الاميره بس يوسف خرب كلشي عليه كلش متت قهر وردت ابجي بس لزمت نفسي غصب

ريتال بحزن : راح اروح انام

كملت كلامي وعفته ورحت لغرفتي قفلت الباب واباوع ع نفسي بالمرايه

يلا اهم شي ملاك تونست عادي اني واذا مرحت خلي انام وارتاح احسن من تعب الحنه

عند يوسف

اعرف السويته خطأ لان ريتال مالها ذنب بالصار بس والله اني مسويت شي اصلا لخاطرها حتى مكتلته ولا عصبت هواي بس هيه من كالت اسكت هسه الناس عبالهم سوالي شي احترك قلبي كلش وروحي طلعت حسيت بغيره كلش قويه قلبي احترك من الغيره والغضب 

اجاني اتصال فتحت الموبايل وجاوبت

المكالمه

سند: ها يوسف وينكم عمي عماد خبصني عليك

يوسف:موجودين خويه شنو شكو

سند:اعمامي ومصطفى ومهند واني كاعدين بـ المطعم مال صديقنه تعال هناك

يوسف:خوش ديلا باي

سند:هااا وعمي عماد يكول ريتال وديتها يم ماريا مو

يوسف: خويه جاي واني افهمه

سند:خوش منتظريك

سديت الاتصال واذكرت ريتال تضل وحدها اذا اني طلعت كلش انقهرت عليها وعلى عيونها الجانت تباوعلي بعتب وحزن والله هاي اول مره بحياتي هيج اعصب ويحترك دمي صح هم عندي غيره على خواتي وبنات عمي بس مو مثل ريتال اتمنيت اكتل الولد وادفنه من القهر والغيره

عند ريتال

كاعده بغرفتي وصافنه ماعرف شسوي حتى اضيع الوقت وماضوج

اندكت الباب قوي خفت وركضت افتحها طلع يوسف كبالي لزمني قوي من ايدي وسحبني لغرفته واني ابعد ايده وخايفه

وكفني كبال خزانة ملابسه الصدمتني بترتيبها الملابس الرسميات وحد و الكاجول وحد وساعاته ومحابسه والسبح وحد

حجيت بهمس بس اني اسمعه

ريتال: هنيالها التزوجك هم جمال وهم ترتيب

اقترب من وحده من الخزانات جانت مقفوله فتحها بـ مفتاح جان بيها فساتين معلكه اخذ فستان وردي فاتح طويل وحذاء كعب نفس لون الفستان و ويا كلاده نازكه وحجل

يوسف:هاج لبسي هسه بسرعه يلا

ريتال:ليش؟!

يوسف بغضب : يلا لج بسرعه

ريتال:بس ؟!

يوسف بصراخ :يلا كتلج

اخذته منه و رحت بسرعه لبسته وخليت شعري مفتوح وطلعتله

ضل صافن ويدقق بكل تفاصيلي

يوسف
انطيتها الفستان و كتلها تجربه حتى اشوف نفس قياسها لو لا ههه ضليت ادعي نفس قياسها حتى تلبسه وتروح للحنه لان كلش انقهرت عليها. كتلها جربي وضلت صافنه و عود شلون اراويك غير عيب صيحت عليها حتى تروح تلبسه وره دقايق اجتني ويه كل خطوه تمشيها قلبي يحن عليها و ينبض بـ اسمها رجعت طفل من شفت عيونها صارت كبـالي مثل الامـيره او بالاحرى ملكة قلبي

ريتال:هاااا ؟! اروحححح ابدل

يوسف:الحمدالله نفس القياس ومثل متوقعت انـتـي احلا بـي منها

ريتال:هيه منو وهذني الفستاين والاكسسوارات مال منو؟!

يوسف: هذني سـري المدفون والمهم هذني كلهن صارو الـج وانتي بعد بكيفج تنطين لملاك او لا

ريتال بفرح:شكرا شكرا

يوسف: اقتربي مني

ريتاال:ها؟

يوسف:اقتربي فضيني ريتال

اقتربت منه لزم شعري وبعده طلع كلاده تجنن نازكه لبسنياها ويه كل لمسه من ايده احس شعور حلو يجيني وراها نزل بالكاع

يوسف:مدي رجلج

ريتال: ماااا

يوسف بغضب: فضينه ماعدنه وقت

مديت رجلي وجان يطلع حجل وحذاء لبسنياها وهوه رافع عيونه بـعيوني

وكف عدل ملاببسه
يوسف:هسه شعرج تعاي وراي بسرعه لغرفتج

رحت ويا لغرفتي واني مستغربه منه هذا شلون يعرف كلشي عن البناااات

ضل يدور بالغرفه عن شي يسد بي شعري واخر شي طلع قراصه صغيره لزم شعري وطلع منه كذله وهوه واكف كبالي  اخذ شوي من شعري ورجعه لوره وخله قراصه وهوه مقرب وجهه لوجهي الغرفه هدووء بس صوت نبضي و نبضه ونضراته الحنينه الي حسيت بمشاعر كلش قويه مادري ليش صرت اتنفس سريع من الخوف وهوه انتبهلي وبسرعه ابتعد مني

يوسف: ضل اخر شي وهوه المشكله الكبيره

ريتال: ساعه بـ الخمسه هاي هيه مالحك يوسف

راد يجاوبني وجان يجي اتصال من ماريا

المكالمه

ماريا:يوووسف ريتال وين صدك كذب وينها

يوسف:بالطريق جايين

ماريا: لا تتاخرون ترا علمود ريتال خليت الحنه بـ6 حباب يوسف بسرعه جيبها

يوسف:ماشي عروستنه تدللين

سد الاتصال واني واكفه يمه ضل يباوعلي ووجان يكول

يوسف:هسه شلون بقه الصعب

ريتال:شنو؟!

يوسف:المكياج شلون ماعرف اني

ريتال:ههه اني اعرف عادي

يوسف:ماشي بس ريتال ممنوع تخلين مكياج غامق ماريده يبين ماشي؟

ريتال:اوك

كعدت اخلي بسرعه شلون مجان لان اني هم ماحب الغامق خليت مكياج خفيف بس الحمره طوخ

طلعت اليوسف الجان كاعد بالصاله يكلب بالموبايل وكتله كملت

يوسف
كاعد بالصاله اكلب بالموبايل ومنتضرها تكمل مكياج واني ضال ابالي شلون اطلعها من البيت وهيه بشعرها ومكياجها وجان تجي اميرتي قاطعة صفنتي انتبهت الها شنو من جمال ربي خالقها بي ومبدع سبحانك ربي

بس انتبهت لشفايفها خاله حمره كلش حمره طوخ عصبت منها كلش هوه صح يجنن عليها بس غرت كلش

يوسف:شنو هل حمره امشي مسحيها بسرعه
وين اكو حمره حمره ويه فستان وردي

ريتال:بس عجبتنييي

يوسف:مسحيها احسلج بسرعه يلا وجيبي حمره ورديه وتعاي

راحت بسرعه مسحتها وجابت حمره ورديه رادت تخلي بس منعتها

يوسف: اني اخلي الج

اتقربت منها ولزمت الحمره (روج) وخليت بشفايفها التمنيت اكلها شنو هذني عسل مو شفايف ضليت شوي شوي اقترب منها وهيه خافت وابتعدت بسرعه

ريتال بتوتر:يلا خلي نروح

يوسف: ماشي هسه انتي ضلي بالبيت خلي اجيب سيارتي بالباب

ريتال بـ ستغراب: سيارتك مو خربانه؟!

انصدم وجان يحجي بتوتر وهوه يمسح بوجهه ويعدل بشواربه

يوسف :لا صلحوها صديقي وداها للمصلح المهم انتضري شوي

راح وعشر دقايق جان يجيب السياره باب البيت ردت اطلع جان يصيح عليه من بعيد

نزل من السياره ودخل للبيت جاب عبايه من عبايات امه واجاني

يوسف:لبسي هاي وامشي يلا

لبستها وصعدت ويا القاعه جانت قريبه يعني ربع ساعه وجان نوصل نزلت بباب القاعه وجان انزع العبايه ونطيتها اله

يوسف: انه الذايب بعيونچ

ريتال:ها؟!

يوسف :هيج داكولج من تطلعين انتضريني اني اخذج وياويلج تطلعين بفستانج وشعرج هذا

ريتال:اوك

دخلت للقاعه وشفت البنات من بعيد ركضت الهن وهنه فرحانات بدت الحنه وكله ركص اني ومرام وملاك وكل شوي نكوم ماريا تركص ويانه وهيه تستحي

مرام:ريتال هذا فستان من يوسف صح؟!

ريتال بتسغراب:يي صح شلون عرفتي

مرام: شايفته مره وحده وصدك شلون انطاجيا؟!

ريتال:مادري والله هوه اصلا شيسوي بفساتين بغرفته ؟!

مرام:بعدين احجيلج خل نركص هسه تعاي

كعدنه نركص ونسولف شوي
وجان تجي ام يوسف لزمتني من كتفي

ام يوسف بغضب: هذا الفستان منو انطاجيا

ريتال : يوسف

ام يوسف بغضب: مستحيل

ريتال:شنو المستحيل بالموضوع هوه فستان

ام يوسف: الصمي ولا تجاوبيني

حنو ماريا وخلصو واكلنه وخصلت الحفله كلها وكفنه بباب القاعه حتى نرجع وصل يوسف وسند نزل يوسف بتجاهي ونطاني العبايه وصعدت

م

لاك
نزل سند من السياره واجه بتجاهي

سند:تطلعين هيج؟!

ملاك: لا جايبه عبايه

فستان ملاك

سند:البسيها بسرعه حتى نرجع للبيت

لبستها وصعدت وياهم وصلو للبيت وكل واحد راح لغرفته

ريتال: ملاك تدرين شنو افكر؟!

ملاك:شتفكرين؟

ريتال:اريد ارجع للدراسه بس اعرف اعمامج مدري شبيهم ويانه واكيد مراح يقبلون

ملاك: والله اني عن نفسي حتى لو قبلو مادرس هاي السنه أجل لان مالي خلك

ريتال:احاجي يوسف برأيج؟!

ملاك:مادري جربي شو احسه حبابه مو مثلهم

ريتال: تمام

يوم الثاني
9:00الصبح
اليوم عرس ماريا

البيت هوسسسه ومكلوب كلب

كعدنه كلنه اكلنه بدون كلام واكيد الكعده ماتخلى من نضرات الحقد المهم كملنه اكل وجان تجي ماريا

ماريا:ريتال ملاك والبنات بسرعه حضرو فساتين مو تورطوني

ملاك: اني مشتريه مال حنه وعرس

مرام:واني هم

ريتال: اممم شسمه اني البس مال حنه نفسه مدام محد من اهل العريس اجو بالحنه ف مشافو

يوسف : فستان ريتال يمي

ام يوسف بغضب:شبيك يوسف هذني مالاتها

يوسف:كلت العندي اترخص منكم

كمت ركضت ورا كلهم انصدمو مني

ريتال:يوسف يوسف

يوسف:ها؟!

ريتال:شكرا تعبتك وياي هواي

يوسف: تعبج راحه هوه بس علمود عيونج اسوي كلشي وماتعب

ريتال: هه خجلتني بس اريد  او انسه

يوسف : كولي لا تخافين اطلبي التريدي

ريتال: باع اعرف مراح تقبل بس ممكن هذا الطلب………..

انتهى البااااارت ❤️‍🩹احبكمم