هلِي منكُم شفت الوُيل .
_____________________

امه سبحته و بدلتله طاير من الفرح اول مره راح يطلعون للالعاب ركض بـ كل مكان بالبيت من الفرحه والحماس

طلعو كلهم الاعمام وعائلتهم
الاطفال ركضو يلعبون سباق وكرة قدم وووو وصلو للمراجيح

قرب منها بفرح صعد على المرجوحه ويوسف هم

صحت مره مرتين على ابويه حتى يجي يدفعه صغيرون ماعرف ادفع نفسي

شفت ابويه اول ما صحته انتبه بس اتجاهلني
رجعت اصيحه جنت افكر انو ماسمعني صح شفته بس جنت اقنع نفسي انو انه غلطان هوه ماشافني صحته وانه مقهور بسبب كره ابوي الي راح ابو يوسف ليوسف ودفعه

انتبهت الـ فرحت يوسف بـ ابو
غصه صارت بقلبي عيوني بدت تدمع نزلت من المرجوحه بـحزن صاح عليه ابو يوسف حتى هوه يدفعني  رفضت اريد بس ابويه حتى احس بحنانه وحبه الي  وكفت كبال المرجوحه واني مكسور شافوني اعمامي لحو ويه ابويه حتى  يلعبني اجه ابويه وهوه ضايج ومعصب لزمني من تيشيرتي ودفعني قوي للمرجوحه حجه وياي بصوت بي حقد الانه اتمنى اعرف سببه

ابو سند: اصعد طايح الحض اصعد عار

باوعت بعيونه وانه مقهور من كلامه صعدت غصب بسبب خوفي

بده يدفعني قوي بدون اهتمام لصوت صياحي و خوفي حتى يوكفني

صار يدفع اقوى كأنو يتلذذ بخوفي دفع اقوه متجاهل خوفي وانه اكله
سند:مووو هيج بااباااا راح اوكع حباب بابا والله احبك اخاف نزلنييي

دفعني اقوه وكعني من المرجوحه ركضو الكل عليه وهمه خايفين ويحاولون يطمنون عليه

اقترب مني  لزمني قوي من تيشيرتي وكومني وهوه يصيح عليه بصوت عالي كل الموجودين سمعو

ابو سند: غبي فااشل حتى بـ لعبه متعرف تلعب عار تف عليك وعلى وجهك مابيك فايده

ضربني قوي على وجهي اتجاهلت ألـم الضربه لان

صوت ابويه ضالعالي جان انكساري االاقوه فشلت وخجلت وانه اباوع بوجوه الناس الموجوده خجلت كلش ركضت الامي وحضنتها قوي وانه ابچي وامي تواسيني

التفت ابو سند لـ مرته حجه بصوت عالي وعصبي

ابو سند: بنت الحيوان كلبه بنت الكلب كومي لعبي انتي ابتليت بيكم اني كح***سا***

بده يفشر بـ الفاض قويه
خجلت اكثر وضليت ابجي بحضن امي وامي تبجي وياي

الطلعه انكلبت علينه ضيم

ابو يوسف بغضب:لكككك شبيكك مخبل انتته خربت الطلعه علينه وعلى ابنك فشلتنه امشووو امشو نرجع للبيت سواها سم علينه مو طلعه

رجعنه للببيت واحنه كلنه ضايجين من ابوي

العوده الى الحاضر

ختم كلامه وهوه منزل راسه
سند: ولهسه اكره المراجيح وماحب اتقربلها

ابتسمت و لزمت ايده بحنيه سحبته يم المراجيح قرب منها وهوه يباوع بعيوني كعدت على المرجوحه. وكلت

ملاك:سوي الشي الجنت تتمنى ابوك يسوي

ضحك و صار يدفعني وهوه يحجي بصوت حنين

سند: لزمي المرجوحه زين حتى لا توكعين ماشي ملاكي؟!

ضحكت واني خجلانه

عند يوسف

كاعد كبال ريتال وهيه تتمرجح اقتربو منها شباب ثنين كمت وكفت يمها بس شافوني  ابتعدو

يوسف: ماتعبتي؟!

حجت وهيه تتمرجح
ريتال:لا ماتعب اني هههه

راد يخبث وياها باوع على حجلها

يوسف: روره الحجل ابو الجرس تدرين بـ شنو يذكرني؟

ريتال:بـ شنو؟!

يوسف:بالبقره لان هم يخلولها جرس ههه

ضاجت من كلامه باوعت عليه بنضره حزن جان ببالها يحجي كلام حلو بس صدمها كالت

ريتال:اوك شكرا

بس بنفس الوقت عبر من يمهم ولد اتجاهل وجود يوسف ضل يباوع لـ ريتال

الولد: بويااااا شني هاي الجمال والحجل  موضوع ثاني

ضحكت واني اباوع ليوسف بثقه وكلت

ريتال: يلا على الاقل عجب واحد خلخالي

روحه طفرت عيونه صارت حمررر نضراته صارت ترعب شرايين ايده برزت مانتبهتله بـلحضه جان لازم الولد ويضرب بي ضليت صافنه ماعرف شسوي سند و ملاك ومصطفى ومرام ملتهين واعمامي وعائلاتهم بعيدين عنه كلش
وكفت واني خايفه يصير شي لـ يوسف
ضرربه قوي كسر سنون الولد حرفياً اتشجعت وصحت واني ميته خوف وقهر

ريتال بخوف:سندددد مصطططفى ولكممم حلكوووو يممه

سمعو صوتي والتفتو

ماشوف اله ركضو بـ اتجاه يوسف سريع

مرام

مصطفى جان كاعد كبالي ويباوع بـ موبايله واني اتمرجح واسولف ويا ملاك

مرام: لج من جنه نجي جنت اتمنى اصعدها بس استحي لان مو طفله واكول عيب بس هسه وياجن اتشجعت

حجت بـ حزن خفيف
ملاك:احنه هم متعودين نجي هنا وبابا جان يدفعنه ويلعب ويانه و امي جانت تسويلنه اكل بس بعد راحو من ايدنه الله يرحمهم

سند كعد يم مصطفى واحنه دنحجي وملتهيات اتفاجئنه كلنه بصوت ريتال تصيح بخوف انتبهنه كلنه شفنه يوسف يتعارك اني وملاك نزلنه بسرعه والشباب طفرو ليوسف

بس اني لزمت ايد مصطفى وحجيت بـ توسل

مرام: لا تصير متهور مصطفى حباب

ابتسملي بـ حنيه ولزم ايدي وبعدها بهدوء وركض ليوسف

مصطفى لزم الولد بسرعه بعده من يوسف لان يوسف كسر سنونه

سند لزم يوسف قوي وحاول يهدء بي واخذه بعيد بس الولد جفصله جفصه

الولد: حيوان تتسبع براسي لك اله اربيك

مصطفى عصب وكال

مصطفى: صارلك ساعه تتكفخ شتربي متكلي

اما سند طفر على الولد وبده يضربه بوكسيات

سند:كلب حيوان تحجي على اخويه اني اعلمك اله اموتك اليوم

وهاي المره يوسف و مصطفى يبعدون سند عن الولد بس الولد ماناوي يسكت ناوي على موته اليوم

ابتعد شوي من سند ومن اندارو الشباب ركض ضرب سند قوي على ضهره سند اتألم هواي واما يوسف ركض ضرب الولد اقوى

البنات بدو يبچون وخايفات

ريتال
ياررربي هذا كله بسببي ياربي ماعرف شسوي حايره هففف

بسرعه رحت لـيوسف لزمت ايده قوي وضليت احجي ويا بتوسل

ريتال:يوسف عليك الله كافي الولد راح يموت كافي

نتر ايدي قوي وكمل ضرب لزمته مره ثانيه قوي الناس التمت وصارو يفاككون بينهم واني لزمت يوسف قوي وضليت احاول ابعده عن الولد بـس دفعني قوي بغضب وكعني بالكاع ركضو البنات عليه

يوسف

اني مو عصبي بس ماتحمل احد يوصل لـ اهلي وريتال من زحفلها الولد اني تخبلت وكلش احترك قلبي عقل مضل عندي غرت هواي طفرت على الولد وضربته قوي اتدخل مصطفى وسند وفاككونه بس الولد حيوان ماناوي يسكت كل شوي جافص جفصه تسحك ببطنه وانكتله حتى ايدي تعبت هلكد ماضربته بس من ضرب سند اهنا عقل مضل عندي احس نفسي حسيت بألم سند طفرت عليه ورجعت اكتله بوكسيات وضرب قوي بس حسيت بـ ايد ناعمه تجر بيه و التفت شفتها ريتال حجت وياي بـتوسل بعدت ايدها قوي وكملت بضربه هم رجعت لزمت ايدي وتجرني انقهرت كلش عليها على دموعها وخوفها ردت ابتعد بس اتذكرت من زحفلها فـ دفعتها قوي وهيه وكعت بالكاع وردت اكمل اضربه بس الناس فاككونه انتبهت لنفسي ورحت عليها بسرعه

يوسف: اسف ريتال مو قصدي

ريتال بـألم: عادي

كامت وعدلت نفسها وكفت يم ملاك ومرام

اقتربت منها حاولت احجي وياها باوعت عليه بحزن وغيرت نضرها عني اقتربت منها اكثر لزمت ايدها قوي و جريتها صحت على سند

يوسف:سند شوي ونجي مانتاخر

سند: خوش

حاولت تبعد ايدها عني بس اني قوي متكدر
حجت وهيه مقهوره

ريتال:عوفني وين ماخذني هاا

يوسف:شعليج؟!

حجت بغضب

ريتال:هوه شنو شعليه وين ماخذني غير افهم

حجه بنفاذ صبر وهوه يأفأف بضيق

يوسف: ماعرف شلون راح اصارحج بالموضوع بس راح اخذج حتى ابوسج للاسف

انصدمت من كلامه حاولت ابعد ايدي عنه ضربت ايده قوي واني ابعدها
ضحك عليه وكال

يوسف: هاي شبيج اشاقه عمي اشاقه

اخذني لـ مكان بي نافوره كعدني وراح جابلي شاميه وجبـس هذا اليطلع دخان
( ماعرف اسمه بس يبيعو بالزوراء بـ كثره يصير بارد كلش وبس تاكلو يطلع دخان من حلككم)

المهم ججابلي شاميه وهذاا االجـبس اليطلع دخان انطانياهن بيدي وكعد بصفي حجه وياي بحنيه

يوسف:ريتال ممنوع تتجاهليني بعد ماتحمل ترا

نزلت راسي وحجيت بـ حزن

ريتال: صدوك يككولون داسبب الكم مشاكل

ابتسم وقرب مني لزم وجهـي بـ لطف

يوسف:كلامهم خطأ بـ خطأ انتي غيرتي كلشي بيه ريتال انه انضلمت مره بسبب اهلي انكسرت مره بـس من شفتج ماعرف حبيتج او لا بس احساس حلو من تقربين مني ومن تلزمين ايدي من اشوف عيونج يرتاح قلبي ماعرف هذا حب او لا

ابتسمت ومعرفت شنو تحجي خجلت

كمل كلامه وكال

يوسف: هذا حب؟!بس شو سريع كلش من اول مشفتج حسيت بهذا الاحساس بس ماعتقد حب يمكن احس بالأمان يمج ماعرف

ريتال بحزن:يي هذا مو حب انته اصلا تحب طيبه مدري ليان فـ هذا مو حب اكيد

ضحك على كلامي رجع شخصيه و رزن حجه بـ غرور واضح

يوسف: طيبه هيه الساحله روحها عليه هيه الرخصت نفسها الي انه ماحبها ولا بـ حياتي حبيتها اما ليان هاي كسرتي هاي ضلم اهلي مراح تفهمين كلامي لان معايشه وياي

كمل كلامه بصوت حنين

يوسف:ريتال

ريتال: عيوني؟!

صفن بعيوني بنضرات حب

يوسف: عيـونج دنيـا حلوه عـيـونج تريـح قلبي

ابتسمتله بخجل وبديت اكل الجبس وكل شوي يطلع دخان من حلكي يوسف ضحك عليه

يوسف بضحك: نطيني شوي

ريتال : اخذ ملازمتك ترا؟

ضحك وكال
يوسف:لا اريد بـ طريقه ثانيه

استغربت من كلامه
ريتال: مفهمت؟!

ضحك اقوى وقرب مني حجه بهمس
صوت ناصي كلش
يوسف: اقتربي مني اقتربي وخليني اخلي شفتي على شفتج واتنفسي هذا الدخان خل اضوكه

انصدمت بعدت منه بسرعه حجيت بغضب

ريتال:يووووسف اسكتتتت

ضحك عليه وكام عدل ملابسه وكال
يوسف: هسه اجي

راح خمس دقايق ورجع لزم ايدي وكومني رحنه على شجره اني سندت نفسي على الشجره وباوعت عليه وكتله

ريتال: يوسف؟ ممنوع تلزم ايدي بعد ميصير انته مو زوجييي

ضحك على كلامي وطلع ايده الثانيه قربها مني جان بيها باقه بيها خمس ورود بيضه قربها مني وبـتسم

يوسف :ماعرف اذا احبج او لا بس الاعرفه وجودج غير كلشي صرتي طريقي الصحيح صرت احب اسوي كلشي حلال وامنع نفسي عن كلشي حرام انتي صرتي طريقي للحق

خجلت رغم انو مافهمت كلشي من كلامه بس مديت ايدي واخذت الورود
مجموعه شباب عبرو من يمنه وصارو يصفكون ويهلهلون عبالك مرتبطين احنه ههه

خجلت كلش ويوسف ضل يضحك و اويلي ضحكته تسحل قلبي سحل اني ثكيله والله بس ضحكته تخليني اموتتت

يوسف:يلا نرجع اتاخرنه

ريتال: الورود اذا شافوها اعمامنه بيدي يموتوني

ابتسم بقهر
ريتال:جيبها ونكول ملاك هيه الجابتها الج

رجعنه يم سند و ملاك ومرام ومصطفى

الشباب بضحك هااااا هاااا شني هاي هااا

ضحكت بخجل ويوسف ضل يضحك ويكول اسكتو يمعودين

المهم اتاخر الوققت رجعنه يم اعمامنه

حجت بحقد وهيه تأشر على الورود

ام يوسف:هاي منيلج هذني الورود

رديت عليها بسرعه

ريتال:اختي ملاك جابتليها

حجت وهيه مو مقتنعه بكـلامي

ام يوسف: واذا طلع ولد؟!جايبها الج

جاوبوها الشباب

لا ملاك جابتها كدامنه لريتال

سكتت وغيرو الموضوع

ابو يوسف: خلي نروح لمطعم و مناك للبيت بعد

رحنه لمطعم كعدنه بي انتضرنه الاكل جابو وبدينه ناكل يوسف هوه الدفع فلوس الاكل

اكلنه وكملنه كمت حتى اغسل كام وياي يوسف
غسلت اني ووهوه واكف وراي يمنع الشباب يقربون يمي ووراها هوه غسل ورجعنه بس لمحت جان اكو بالمطعم بـ بيانـو كبير حبيت اجربـه بس جنت خايفه ضليت اباوع على البيانو وحجه صوت جان واكف وراي

يوسف: الشي التحبي سوي حتى لو متعرفين و عزفج محلو حتى لو الناس يحجون لو يضحكون اذا تحبين تعزفين روحي واني وياج واشعجج

سمعت كلامه ابتسمت بثقه رحت كعدت كبال البيانو خليت ايدي عليه واني ارجفف بخوف وتوتر جنت متوتره يضحكون عليه وافشل عمامي وكف يوسف كبالي بـ ابتسامه دافيه ضليت ارجف خله ايده على ايدي وطمني

ام يوسف شافتنه وضاجت كلش حجت بعصبيه

ام يوسف: كوميي لج لا تفشلينه كومي غبيه راح تضحكين الناس علينه كومييي

اتجاهلت الكل وضليت اباوع بعيون يوسف بديت اعزف الحان بدايتها حزينه ونهايتها رومانسيه اعززف اتجاهلت الكل
يوسف جان يباوعلي بفرحه واضحه
خلصت عزفي كمت واني ميته خوف اول ماخلصت يوسف صفكلي قوي والناس الباقين هم صفكو قوي وضلو يصوفرون ويمدحون بعزفي كلش كلش فرحت وردت اركص من الفرح حرفيا عزفي صدمه للكل مجانو متوقعين هيج اعرف اعزف

ام يوسف واعمامي و عائلتهم كلهم صفنو مصدومين مني

سألتني مره غريبه

غريبه: وين تعلمتي هيج تعزفين حلو؟!

التفت الـ يوسف وصفنت بعيونه وحجيت بحنيه وثقه

ريتال: من عيون يوسف

انصدمو كلهم من كلامي وام يوسف عصبت كلش احسها راح تسحلني اليكول ماخذه زوج بنتها مو ابنها يييييع

يوسف انصدم وضحك على كلامي

ضحكت وحجت بعدم فهم
غريبه:يعني شنو مفهمت؟!

ريتال :بـعيون يوسف جان اكو أمل قوي بـيه وهوه الطمني وشجعني فـ لذالك عزفي جان حلو مع العلم اني ماعرف اعزف اصلا وهاي اول مره وجنت خايفه كلشش بس ثقة يوسف بيه شجعتني حسيته أمان ابويه وحبه

ابتسم يوسف الي و كال

يوسف:لا انتي الموهوبه

ريتال: ههه شكرا

ماشوف اله ملاك طفرت عليه وحضنتني قوي احس انفاسي انقطعت بسبب حضنتها

تسريع الاحداث
طلعنه من المطعم ورحنه للبيت كلها راحت تنام واني وملاك هم صعدنه ننام بس اني بنص اليل نزلت حتى اشرب ماي

فتحت الثلاجه وطلعت بطل ماي شربت منه ورجعته واني ميته نعاس مشيت بخطوات ثكيله اريد بس انام
صار كدامي صفنت بي شوي وقاطع صفنتي صوته الرجولي وعاكد حواجبه

يوسف:شعندج كاعده؟!

رديت واني ميته تعب وكوه فاتحه عيوني

اجيت اشرب ماي وارجع اصعد

ابتسملي وكال

يوسف: عزفج جان حلو انتي صدوك موهوبه لازم تطورين نفسج بالعزف

رروحي طالعه وميته نعاس وهوه يحجي براحه ونشاط اليكول نايم خمسين ساعه
هسه وكتككك وخررر خل انااااام اعصابي تعبت بس هدئت نفسي كوه وكتله

ريتال:انته الاحلا وبعدين من شفت عيونك ابدعت بالعزف مدري

ضحك على كلامي قرب مني هواي لزم ايدي لواها وره ضهري وقربني منه انسندت جسمي على جسمه همس بـ اذني

يوسف: تحبيني ؟!

انصدمت من كلامه دفعته قوي حاولة ابعده عني بس مكدرت جان لازم ايدي حجيت بهمس

ريتال: مو قصة حب بس انته الوحيد الشجعتني وشفت بيك حنان وحب الاب الانحرمت منه صح انته شاب بس نضراتك جانت دافيه وعميقه الدرجة مشفت احد بعيوني غيرك كلهم جانو غواش بس انته الواضح كلشي بيك تفاصيلك ملامحك كلشي بس هذا مو حب

ابتسملي بـقهر وعافني وصعد طبك باب غرفته قوي واني هم صعدت

بـ 10:00 الصبح
عفت ملاك نايمه كمت عدلت نفسي عطرت شوي ولبست ملابس مستوره رحت حتى اسوي ريوك الاعمامي نزلت شفت البيت هدوء كأنو مابي احد بس يمكن نايمين لان البارحه كلش تعبنه كلت ارجع انام احسن بـ ما انو زوجات اعمامي ماكو ويخبصني رحت حتى اصعد فجأ صار كدامي شاب طويل عنده شوراب كثيفه وشعره خفيف
شكله يخوف كلش رجعت خطوات لوره واني متوتره حجيت بـ كلمات متقاطعه بسبب الخوف

ءحم ااااء بس شوي اريد اصعد لغرفتي

ابتسم بـتسامه خفيفه

منو انتي؟!

حجيت واني مستغرب

هوه انته المنو؟!

بده يعرف على نفسه وهوه يباوعلي بنضرات غريبه وتخوف

💋💋💋انتهى الباااااااارت ❤️❤️