بـ عيونه لمن باوعت حتى السلآم نسيته .
..........................................

ريتال: يوووسف يوسف يوسف عليك الله يوسف ولك يوسفففف يووسف

يوسف
خفت عليها لان هواي عادة بـ اسمي وتضرب بـ ايدي

يوسف: هااا روره شبيججج؟! شكو بيج شي؟

اشـرت بـ ايدها على عربانه صغيرونه بيها شعر بنات

ريتال بخجل:اريد من هاي حباب

ضحك عليه بصوت عالي واخذني حتى يشتريلي اخذت وحده وهوه فتح محفضته طلع منها الف وانطاه ورجع المحفضه بجيبه اخذت شعر بنات اكلت منه

كل شوي اقربه من وجهه

ريتال:تريد يوسف تريد عادي اذا تريد كول لا تستحي انطيك

ضحك بدون وعي بـصوته العالي

حجيت واني ميته خجل ومدنكه راسي حتى لا اشوف نضرات الناس النه

ريتال: يوسف فضحتنه

ابتسم وكال

يوسف:ماشي هسه وين نكعد

انتبهت لعربانه تبيع جباسه لزمت ايد يوسف قوي بدون ماحس انتبهت لنفسي بس رجعت ضربته خفيف على ايده

ريتال:يوسف يوسف اريد اريد اريد يوسف

ضحك وهوه يحجي

يوسف:هههههه بويه اليوم راح تفلسيني انتي

خجلت منه نزلت راسي وصرت العب بـ اصابعي

ريتال:ماريد لعد

يوسف بضحك:زين غير تخلصين شعر بنات وبعدين تاكلين جبس

حجيت واني ضايجه لان مشتهيه الجبس هواي

ريتال بحزن:اريد جبسس

ضحك ولزم ايدي حتى يشتريلي جبس اقترب انطه فلوس واخذ جبس ضل صاحب المحل يحجي ويه وياي

الولد: ههه شعجب تاكلين جبس

قبل ما ارد  رد يوسف بسرعه اول

يوسف: ليش الجباسه متنوكل؟!

خاف من يوسف

الولد: لا اقصد بس للاطفال قليل الكبار ياكلوها

يوسف:خوش يلا ولي لشغلك احسلك

لزم ايدي وسحبني قوي ابتعدنه وكعدنه بـ حديقه

ضحك وكال
يوسف:ههههه ماخذ طفله وياي مو بنيه عمرها17

بدون ماتهتم لكلامه شمرت شعر بنات بحضنه

ريتال: الزمه مو تذبه اريددده

يوسف بضحك: ماشي ماشي والله زمن يا يوسف بنيه تأمرك

فتحت الجبس وبديت اكل منه وانطي وحده لـيوسف

ريتال:هاك يوسف اكلها

يوسف: ههههه بس اني ماستطعم بـ جبسايه وحده

ريتال: ماعندي خلص

ضحك قوي وكال
يوسف:هههه تضحكين عليه هذا الجبس من فلوسي ومتنطيني

ريتاال:اشتري لنفسك ماعندي خلص جبسي

يوسف: هههه لا عندي حل كلش مفيد

ريتال:كول؟!

يوسف: باعي نطيني جباسيه بس اكلها من ايدج حتى استطعم خوش؟!

ريتال بخوف: واذا عضيت اصابعي؟!

رفع حاجب وباوعلي صفح

يوسف:شايفتني چلب؟! حتى اعض

ريتال: ها لا لا مو قصدي هاك هاك

اخذت جبسايه ورفعت ايدي لشفته حتى اوكله هوه هم اكلها وضحك

يوسف :اووووويلي هسه استطعمت من ايدج الحلوه

خجلت نزلت عيونها على الجبس وبدت تاكل بهدوء

عند سند وملاك

وصلنه ونزلنه من السياره طلع سند تلفونه واتصل على يوسف

سند: ها يوسف وين انتو

يوسف:كاعدين جوه بالزوراء بس اني وريتال

سند:ماشي راح نجي اني وملاك

مشينه شوي بس سند يمشي سريع خبلني عبالك يركض واني هم امشي بسرعه حتى الحكه
تعبت كلش وكفت لزمت ايده بقوه وسندت نفسي على ايده حتى اخذ نفس

ملاك:يمه يمه تعبتني امشي بطيء محد جاي يركض وراك

سند :ملاك ترا دامشي بطيييء

بديت اسوي شهيق وزفير لحد ما استراحيت شوي كملنه مشي وهم يمشي سريعع
تعبني كلش وكفت فجأ بدون ماكله
رجعتلي حالة الربو صرت اتنفس بطيء و اكح انتبهولي الناس اتجمعو يمي وسند هم التفتلي بخوف ركض عليه نزلو عمامي وزوجاتهم من السيارات وبس شافوني اني وسند ركضولنه
سألني بخوف وتوتر وقلق واضح

سند:ملاك جايبه البخاخخخ ها كولي وينه

حجيـت بتعب واني الفض اسم اختي كوه

ملاك:ريتال ريتال

افتهمني بسرعه فتح تلفونه واتصل على يوسف

سند: يوسف الو الو

يوسف:ها خويه وين وصلتو قريبين من يمي لو لا

سند:يوسف جيب ريتال وتعال للمكان الكصيتو منه كارت

يوسف:ليش شكو

سند:ملاك رجعتلها حالة الربو وانـه ماعرف شسوي

يوسف بخوف:مااشي جايين

بقيت عشر دقايق مخلي ملاك على ايدي وهيه تبچي بغصه و تتنفس بصعوبه

ملاك: خ.خربت ع.ع.عليكم ال.ال.الطلعه

رد وهوه مصدوم ومقهور من تفكيرها وبچيها

سند:لا ملاك اني السبب مشيت سريع ونسيت انتي مريضة ربو كلش اسف

وصلنه اني ويوسف ركضنه  الاختي طلعت البخاخ من جنطتي وخليت ملاك تتنفس بي

حجيت واني اعصابي تعبانه وارجف بخوف

ريتال:شلون تنسين بخاخج صدك تحجين ملاك لتخبليني الله ستر اني اضم يمي بخاخ الج جان صارلج شي

ملاك بتعب: اسفه نسيت

كام ولزم ملاك ويمشيها شوي شوي

ام سند: باع حتى ممخليته يتهنه بالطلعه

ام يوسف: اي والله باعي الثاني ابني لاطشلها وانوبه شايل شعر بنات مسويته خدامها

محمد ابو مرام:دقيقه لعد ويـن بنتي؟!

ردت ام مصطفى: وابنـي هم وين؟!!!!!!!!

عند مرام ومصطفى

رن تلفون مرام شالته وردت طلع ابن خالها

مرام:هااا حمودي

احمد:هلاو مروم شلونج وخاله شلونها

مرام:بخير حمد وانتو شلونك خالو مرته

احمد: والله الحمدالله يومين ونجي يمكم نشوف خالتي واشوفج لان مشتاقلج هههه

مرام:هههه هلا بيك والله اني هم مشتاقتلك

يسمع كلامي ومبين ضايج وروحه طالعه ماعرف هاي  غيره لو لا

سمعها تضحك ويا دمه فار و زاد الطين بله من كلتله اني هم مشتاقتلك عصب كلش وكف السياره فجأ سحب الموبايل منها وسد المكالمه

اتفاجئت من السوا وعصبت كلش

مرام بغضب: شبيكك تخبلتت شكو هيج تسوي منو سحملك

رد عليها بغضب ممزوج بغيره

مصطفى:انـي ابن عمج وكلشي اسوي بكيفي فهمتيي

مرام: واذا ابن عمي شتريد مني انته فهمني

رد عليها وهوه ضايج
مصطفى: اني نفسي ماعرف شريد

حست بـغيرته رادت تخلي يغار اكثر حجت ببرود

مرام: بعد ممنوع تدخل بيه لان اني راح ازوج وبس زوجي يدخل بيه فهمت؟

عيونه حمر عصب مني كلش حجه وهوه ضاغط على سنونه

مصطفى :منو تزوجين

مرام ببرود:ابن خالي

لزم ايدي قوي حسيت انكسرت حجه بصوت يخوف وهوه ضاغط على سنونه

مصطفى:تحلمين تزوجين غيري

بعدت ايده عني واني مصدومه من كلامه حجيت بعصبيه

مرام:ههه يي تضحك عليه مو بنفسك رفضتني من اعترفلتك لو جنت تريد مني اتوسلك

رد وهوه مقهور وضايج

مصطفى: لج احبجج والله من قبل جنت احبج من اول ماشفتج كبرتي كبالي جنت افكر بيج ليل ونهار بس مرام جنت انكر حبي الج لان اكره اهل ابويه كلهم اكره اعمامي من طمعهم واسلوبهم وتكبرهم وشربهم و سوالفهم المكسره واكره زوجاتهم من حقارتهم جنت دائما افكر ازوج غريبه بس حبي الج خرب كل تفكيري

عيونه خدرانه حجه بصوت حنين
مصطفى: ماريد اخسرج احبج وحق الله مرمرتي حالي بهذلتي احوالي احبج

صح كلش فرحت بكلامه بس عصبت كلش وكتله
مرام بغضب :انته رفضتنييي وهنتني شلون تريد ارجع احبك اكرهك فهمت اكرهك

حجه وهوه روحه طالعه واعصابه تعبانه من خوفه يخسرها

مصطفى: لججج جنت خايف عليج من طردتج من غرفتي گلبي يكلي امسح دموعها احتويها انته هم تحبها اما عقلي جان يكلي استغلها سوي وياها علاقه وعوف سوالف الحب فرصه واجتك بـ رجليها لهذا طردتج بسرعه خفت أسمع لـ عقلي وأذيـج

سكتت مجاوبته التفت للجامه اباوع

كملت كلامي ببرود وعدم اهتمام

مرام:اتاخرنه عليهم وديني يم اهلي بالزوراء

رجع يسوق بالسياره وهوه يباوعلي بالمرايه ومقهورر شغل اغنيه حزينه وبده يغني وياها
بصوته الرجولي الاخذ قلبي كل شوي يذب حسرات

هم مثلي بعدك تنسأل؟!
هم بعدك تهز ايدك!
راحو لغيرك يا قلب
خلي المحنه تفيدك
........
اني مرتاحه على حزنه مثل ما هاني هسه هوه تندم ويريدني
كملت الاغنيه واني اباوع بعيونه

كلوله خل ينسه المضضه واصلا بعد ينساني
كلوله عوضني الوكت شاغلني حبه الثاني
........

جانت المسافه يبنه وبين الزوراء عشر دقايق
يعني قريبين جنه..وصلنه للزوراء نزلنه ناخذ كارت شفنه اهلنه كلهم واكفين ركضت عليهم سالتهم شكو كالو على ملاك ربو ومدري شنو المهم رحنه اخذنه كارتات ودخلنه

يوسف وسند و مصطفى
ريتال وملاك و مرام
جنه سوه واعمامنه وزوجاتهم ومهند يمشون ورانه
ر

احو اعمامي وزوجاتهم فرشو بمكان واني والبنات والشباب رحنه للمراجيح

بس اني وملاك ومرام لزكنه اله نلععب بالمراجيح بالبدايه سند و يوسف مقبلو لان الشباب يباوعون بس بعد ما لحينه وتوسلنه قبلو طفرنه حتى نلعب

يوسف
رحت وياهم همه صعدو بالمراجيح واني كعدت كبالهم على كرسي ومصطفى اجه وراي دقايق والتفتت حتى احجي ويه سند دورت عليه.. شفته واكف بعيد عن المراجيح صافن صحت عليه مره مرتين ماكو رد

رحت وسحبته من ايده وهوه صافن مينطي رد فعل حجيت ويا بـقلق

يوسف: سند مانسيت المضه؟!

نزل راسه وهوه مقهور حجه بصوت بي غصه جبيره محد يحس بيها بس المضلوم بـ حياته

سند بحزن: صعبه ينسي ولهسه بي أثر

انتبهت لـ حزن سند نزلت من المرجوحه ورحت يمه حجيت بصوت حنين

ملاك:شبيك؟!

حجه بقهر

سند: ماكو شي

رفعت حاجبها وكالت

ملاك:احجي شبيك احجي لا تضم بقلبك

نزلت دموعه حجه بغصه كبيره

عوده الى الماضي

.........يتبع

انتهى الباااااااارت