|نرزعهم في السينما؟|
" الصبر مفتاح الفرج و الفوت سر الجمال" ______________________________________
زين،جيجي،تايلور،كيندال،كاميل،هاري،لوي،نايل و
ليام متجمعين في صاله جناح زين و جيجي في الفندق.
" احنا اتجمعنا هنا علشان الناس الي احنا حتي منعرفهاش هتبتدي تتوافد للفندق ده كمان ساعتين و لمده ثلاثه أيام حد عنده أي افكار ازاي نقضي علي الاقل اليوم الأول؟!" جيجي كانت اول واحده تتكلم و تقريبا كله متفق انه 'ياريتك ما نطقتي'
كله سكت لحوالي دقيقه مرت كإنها سبعين سنه.
" اول حاجه لازم نعرف المكان الي هنستضيف الناس فيه، قصدي اننا أخدنا ربع ساعه عشان نعرف توصل للجناح و منعرفش أي حاجه هنا لازم نعرف المكان الاول و بعدين نخطط" لوي اتكلم و لدهشه الجميع هو قال حاجه صح..صح اوي
" انا هروح اجيب خريطه الفندق استنوني هنا" زين عقب علي كلام لوي و راح يجيب الخريطه
" كنت عارفه انني لازم اخد لوي بدل هاري" كيندال همست لجيجي بس تايلور سمعت
" لمعلوماتك بس انا كنت حاطه عيني عليه قبلك بس الموديست هي الي ادتني هاري" تايلور ردت عليها بينما لوي بيحاول ياخد حته من ساندوتش نايل و مش داري بالي بيحصل.
" يعني اسيب هاري و اجري علي لوي؟" كاميل سألت بإهتمام
" لا!!" تايلور و كيندال صرخوا في نفس الوقت مما خلي البويز - كلهم - يبصوا عليهم
" ا ا ا..احنا كنا بنتناقش في فستان " كيندال فسرتلهم بسرعه
" هاري بسرعه قلهم يلبسوا فستان طويل هما هيسمعوا منك " لوي همس لهاري
" ليه! " هاري سأل
"عندي خطه جهنميه عشان ابوظ الفرح قولهم بس" لوي رد عليه
" انسي! انا هحاول ابعد عنهم بأي طريقه" هاري رد بسرعه و اتحرك عند ليام
" فاك يو" لوي همس
" امم تعرفوا اظن ان فستان طويل و منفوش شويه هيبقي حلو اوي عليكم انتوا التلاته" لوي كلم البنات بأكبر ابتسامه لطيفه قدر يرسمها علي وجهه
البنات بصوا للوي بطريقه غريبه جدا مما خلي لوي يفتكر انهم هيولعوا فيه كمان شويه بينما جيجي حست انه يتم تجاهلها بالكامل
" ها؟..اا-اكيد يا لوي هنلبسه" كاميل ردت عليه و
تايلور و كيندال وافقوها بهزه خفيفه من رؤوسهم.
"أي حاجه عشانك يا لوي" كيندال ردت عليه
" اكيد طبعا ليك يا لولو" تايلور ردت عليه و حاولت تبقي احلي من كيندال.
هاري اتفاجئ جدا و راح عند لوي وراه ليام و نايل الي كانوا فاتحين بوقهم و مش اقل من هاري تفاجئ.
" هو ايه حصل هناك أعترف" هاري سأل بسرعه
" مش عارف بس هما بجد" لوي سأله بتشوش
" آه بجد" هاري رد عليه و نايل بصله
" و انت ازاي متأكد؟" نايل سأل بتشوش اكبر
" استني انا هروح اتأكد" ليام رد و راح لمس كتف كيندال بطرف صباعه و جه عند البويز.
ليام بص لصباعه بإنبهار كبير و حطه قدام البويز الي بصوله بإنبهار اكبر كإنه الصوباع الي هيحل السلام العالمي و ينهي الجوع و يجيب ون دايركشن لمصر.
" دول طلعوا بجد!" ليام اتكلم بدهشه
"هما ازاي؟" نايل سأل و قبل ما اي حد يرد الباب اتفتح و دخل زين و معاه ورقه كبيره اوي
" يا عيال تعالوا انا جبت الخريطه".
كلهم متجمعين بشكل دايره حوالين ترابيزه كبيره في نص الصاله و ترتيبهم بالشكل ده:
جيجي في النص وجمبها من اليمين كيندال و بعدين
تايلور و كاميل و جمبهم لوي و بعدين نايل و ليام و
هاري و زين الي كان برضو في النص جمب جيجي
من الشمال.
" المكان ده طلع اكبر مما اتخيل" زين اتكلم وهو بيبص علي الخريطه الكبيره الي احتلت كل المساحه.
" وده حلو يعني نقدر نحط الضيوف في كل مكان شويه و مش هيحسوا بالزهق" تايلور عقبت علي كلام زين وهي بتتفحص الخريطه بشكل أدق
" طيب عشان منتوهش خلينا نخطط لأول يوم و بعدين نقدر نشوف باقي الايام" اتكلمت جيجي
" اوكاي احنا ممكن نبتدي اليوم بجوله مفتوحه في المكان تدوم نظراً إن المكان ده في مساحه قريه كبيره لخمس او اربع ساعات حلو؟" اتكلم ليام
" حلو اوي" كاميل ردت عليه و غمزتله و ليام خاف منها بينما هاري احس نوعا ما بالخيانه؟
" طيب الفطار الساعه عشره و هما ممكن يخلصوا علي الساعه حداشر و جوله مفتوحه للساعه تلاته او اربعه بعدين ايه؟" سألت كيندال
"وبعدين الغدا" جاوبتها تايلور
"طيب نفترض الغدا خلص الساعه خمسه هيروحوا فين بعدها عشان العشا الساعه حداشر" اتكلم لوي
وكاميل غمزتله مما خلي لوي يتكعبل ويوقع علي
وشه
" نرزعهم في السينما؟" زين اقترح
" العشا الساعه حداشر مستحيل نرزعهم اكتر من خمس ساعات في السينما" رد عليه ليام
" ممكن يرتاحوا للساعه سبعه مثلا بعد الغدا" لوي رد عليهم و كيندال بصتله بصه حب فلوي راح وقف ورا ليام آملا في الحمايه
" و بعد كده نرزعهم في السينما لوقت العشا؟" سأل زين
" لا!" كله رد علي زين
" نحطهم علي الشاطئ ساعتين و نرزعهم تلت ساعات في السينما طيب" اتكلم زين و كأنه هيموت و يحبسهم جوا السينما
" بس لازم تخلي بالك من اتنين مهمين جدا" تايلور اتكلمت في غموض
" قصدك ايه" سألتها جيجي و هي متأكدة ان مصيبه جايه
" نيكي و كاردي بي.. الاتنين دول لو كانت الدعوه وصلتلهم فهما اكيد هيحضروا و لو الاتنين حضروا لازم نبعدهم و السينما مكان مقفول فلازم ناخد احتياطتنا من دلوقتي كاردي بي و نيكي في نفس مساحه تلاتين متر لا!" تايلور وضحت
"انا كده قلقت اوي هعيط بقي هملوني في حالي فرحي الاول هيبوظ" زين اتكلم في انفعال كبير
"اهدي يا عم المهم نيكي و كاردي بي ما يشوفوش بعض في الحقيقه ياريت نطرد واحده فيهم لو الاتنين جم" رد عليه ليام
لوي بسرعه مسك دفتر و طلع صفحه مكتوب فيها
' الخطه العظيمه لتخريب الفرح الحقير'
و بعدين اتخطي شويه شخابيط لواحد ماسك راس العروسه بفخر و جسم العروسه بيطلع دم وكتب
• تأكيد حضور نيكي و كاردي بي في نفس الطاوله.
" لوي ممكن تسيب ده و تركز معايا هنا؟ " زين سأل لوي
" ما انت معاك عشرين واحد غيري مركزين بطل طمع بقي " لوي رد عليه
" بس انا عايزك انت " زين رد عليه بملامح حزينه
" طبعا عايزني وهو في حد مش عايزني المهم بقي هنحط كاردي بي و نيكي علي الترابيزه اليمين ولا الشمال؟ " لوي سأله و ليام وراه شتم لوي و هاري و نايل عيونهم وسعت بخوف
" انت بتقول ايه بس نيكي مين يعم" زين رد عليه
لوي لحق نفسه و قال " نيكي مين انت الي بتقول ايه بس؟"
" مش انت كنت بتتكلم عن نيكي؟" زين سأله بتشويش
" لا انا مجبتش سيرتها زين انت كويس؟" لوي مثل القلق
" ممكن من القلق اتشوشت متاخدش في بالك" زين رد عليه
" هاري روح جيب كوبايه ميه خليه يفوق شويه" لوي كمل تمثيل
"بص يا زين اعمل كل حاجه انت عايزها مع الضيوف بس سيب البوفيه في حاله واضح؟" نايل كلم زين بجديه
زين بص لنايل بشر و قال" اي حاجه انا عايزها؟"
" اي حاجه" نايل رد عليه
" هخليهم يكتبوا اسمك نيال " زين رد عليه و ابتسم ابتسامه شر ، نايل ملامح وجهه اتغيرت و لونه قلب للأحمر و ضغط جامد علي سنانه و قال" مـاشـ- لا،لا مش قادر اولع بجاز انا اسمي نايل و برضو هاكل البوفيه"
" تعرف عشان اولع بجاز دي انا هسيب البوفيه"زين رد وهو بيبص لنايل بإنبهار
"حبيبي يا زنزون!" نايل رد عليه بفرحه كبيره
"مين ده الي حبيبك يا عنيا!" صوت جيجي ظهر و كيندال و كاميل بصولها و عملوا قلوب في الهوا
" في ايه خضيتينا!؟" زين رد عليها
" انت اسكت خالص يا متحرش" جيجي ردت عليه بنبره صوت مرعبه
لوي مسك الدفتر بسرعه وكتب
• طلب مجموعه قرود من حوالي الخمسه إلي عشرون و تهريب جيجي لطائره متجهه ل(أفغانستان) وسط حزمه القرود ولن يتم التفرقه بشرط ان تتراوح اطوال القرود للمترين و الثلاثه أمتار
او وضع القرود تحت فستان العروسه و تحت فساتين الاشبينات لتخريب الفرح ونخلص من جيجي وبيلا وتايلور وكاميل ونطهر البشريه.
ملاحظه:- يجب التأكد من ان الاشابين ترتدي فساتين طويله.
ملاحظه تانيه:- تم تأكيد الملاحظه الاولي
" بس انا عمري ما لمست قطتك" زين دافع عن نفسه
" لا لمستها و انا متاكده يا متحرش يا مدمر حياه القطط" جيجي صرخت
زين قرب علي جيجي و همسلها " ما بلاش الشغل ده عشان مش عايز اجيب سيره فلافي حبيب قلبي الله يرحمه (جيجي قتلته)"
جيجي بصتله بخوف ممزوج بالغضب و سكتت.
" يا عيال اتلموا باقي ربع ساعه علي حضور الضيوف كلهم الفندق!" نايل صرخ
" انا مش مطمن" زين اتكلم في هدوء.
______________________________________
هايي
اولا كلكوا ميسد اوي و الستوري كمان ميسد!
انا عارفه انني قلت انني مش هكتب فيها لغايه ما السنه تخلص بس مقدرتش اقاوم التشاب صغير اينو عشان مكنش في وقت.
ومين عارف ممكن اعمل ابديت تاني..
اول ذا لاف❤
Bạn đang đọc truyện trên: AzTruyen.Top