|كرومبو|
تفو عليا بفوت🌿______________________________________
هاري" ايوه مش عايزهم يتجوزوا ليه؟!"
لوي "ما هو علشان انا بعد الي حصل ده مطمنتش لجيجي "
هاري" ليه يعني مالها جيجي"
لوي "ما انت مكنتش هناك و مشوفتش البت لما
كانت بتتكلم عن الجواز وشها ضلم و مناخيرها كبرت و عينيها يلهوي علي عينيها تقولش في حد
حط فيهم كشافات البت بقت الجوكر في نفسها مكنش ناقص غير الميكاب البايظ وتبقي اخته التوأم! "
هاري" وبعدين يعني تلاقيها غيرانه عشان بنت خالتها اتخطبت وهي لا عادي يعني"
لوي "هو انا قلتلك انها جابت شوكلاته و قعدت علي الارض تاكلهم وتقول اه لو اتجوز سي زين؟ يابني البت اتحولت وبقت جوكر!"
هاري "عادي ياعم "
لوي "اقولك ايه يا عم اسكت انت اسكت خالص!، مسمعش صوتك"
ليام "المهم يعني عملت ايه بعد كده "
لوي "انا فرحان جدا انك سألت السؤال ده ، ابرا كاتابرا!"
ليام" ايه ياخويا"
فجأه الصاله الي كانوا قاعدين فيها ضلمت و شعاع
ضوء اتوجه لكرسي ظهر فجأة في نص الصاله
واحد لابس بدله متخططه بالون البني و الاسود و
عليها طاقيه مكتوب عليها
'المفتش كرومبو' باللون الاسود والخط العريض ، و ماسك في ايده بوصلة
ليام" انت مين وجيت هنا ازاي!؟"
الشخص" انا الي هيكشفلكم الحقيقه"
ليام" حقيقه ايه و زفت ايه انطق يولا انت مين! "
المفتش كرومبو " انا الي هيكشفلكم الحقيقه بلاش غباء"
هاري بصله من فوق لتحت وسأله " البوصلة دي لازمتها ايه؟"
المفتش كرومبو " سعيد جدا بسؤالك، البوصله دي مش بتشاور علي الشمال دي بتشاور علي اتجاه الحقيقه"
نايل" عشان كده مشاوره علي التلاجه يعني؟"
ليام " اسكت يا نايل الله لا يسيئك"
نايل بيهمس" ولا اهرهر"
هاري" ايه "
نايل" الصوت المسرسع ده مش غريب عليا"
هاري" لا غريب عليك اسكت بس اسكت انت دماغك في الاكل اصلا"
نايل" خلاص ماشي "
ليام" انا هتصل بالبوليس يجي ياخدك "
المفتش" ومين هيكشف الحقيقه كده"
ليام" امي هتكشفها النهارده بعد الغدا "
المفتش "هي هتيجي؟"
ليام" مش عارف بس احتمال كبير ..استني كده انت مال اهلك امي تيجي ولا متجيش! "
المفتش" خلاص بقي بهزر معاك"
ليام "انت مين انت عشان تهزر معايا"
المفتش" للمره الثالثه انا الي هيكشف ام الحقيقه بقي اسكت شويه"
ليام "انا مش عايزك تكشف حقيقه"
المفتش" امال عايز ايه"
ليام "عايزك تمشي"
المفتش "طيب يا سيدي شكرا، بس قبل ما امشي هوريك حاجه"
بيطلع صوره بير مع شريل
ليام" ايه ده انت جاي تتكلم عن شيريل؟ هي
بتخوني؟ والله كنت حاسس من ساعه ما بقت
تشوف الي اسمه مايكل فيه ايه مايكل احسن مني
ها فيه ايه عشان هو اكبر مني بسبعتاشر سنه يعني "
المفتش" ايه ماسوره الشيرل الي طلعت منك دي لا يا سيدي انا مش جاي اتكلم عن الست هانم "
ليام" امال جاي تتكلم عن مين "
الشخص "ركز كده انا جبت الصوره دي من فين"
ليام "الصور بتاعت بير كانت مع لوي يبقي انت جبتها من لوي و ايه ده هو لوي فين دلوقتي؟"
ليام بص حواليه و لوي مش موجود
ليام " ولاه انت وديت لوي فين ياض انطق و انت مين اصلا "
الشخص" يو كان كول مي كرومبو "
ليام "بس كرومبو طويل "
كرومبو "انت بتجرح مشاعري علي فكره"
ليام" سلامتك ياخويا المره الجايه هجرح وشك "
هاري واقف علي جنب هو و نايل بيتفرجوا
هاري" عنيف اوي ليام ده "
نايل "اضرب يا ليام متخافش انت وراك رجاله "
هاري "قصدك ستات بس بشنب؟ انا مش هضرب حد انا لسه حاطط مانكير و مش هبوظه "
نايل" تصدق بالله انا لسه مغير صبغه شعري و مش ناقص حد يبوظهالي وانا كمان مش هضرب "
هاري و نايل "ليام انت مش وراك حد"
ليام "عايز تكشف حقيقه ايه؟"
كرومبو "حقيقه بدايه الخلق، يعني هيكون حقيقه ايه حقيقه جيجي اسكت يا ليما غبائك هيطفح علينا يغرقنا كلنا "
ليام" انا يتقالي ليما؟ "
كرومبو" انت سبت كل حاجه و ركزت في ليما "
ليام" انا محدش يقول ليما"
كرومبو" اقولك يا ام سوسو؟ "
ليام "ايوه حلو ده "
كرومبو" يارب صبرني انت كمان هتنضم لجمعيه الستات الي رأسها هاري، بص يا سيدي لوي بعد ما طلع من الحفله-
ليام قاطعه " انت كنت مع لوي هناك!؟"
كرومبو " انت يا ابني غبي؟ ما انت كنت هناك برضو ومشوفتنيش يبقي كنت في الحفله ازاي، وبعدين لو كنت في الحفله كنت هاجي اقولك ليه ما انا المفروض صديق جيجي عشان في حفلتها"
ليام" ما انت الي شكلك مش مظبوط"
كرومبو" اكتر من دول؟ معتقدش "
بيشاور علي هاري الي بيوري نايل المانكير بتاعه و نايل الي ماسك شعره و بيلعب فيه
ليام" لا مسمحلكش دول حاله خاصه "
كرومبو "حاله مستعصيه يعني؟ "
ليام "مش كنت هتقول حاجه عن لوي؟"
كرومبو" ايوه صح بص هو بعد ما طلع من هناك كان بيشك في جيجي ومش عارف يعمل ايه بالضبط فجالي عشان يطلب المساعده و قالي علي كل الي حصل "
ليام" هو ملقاش غيرك انت"
كرومبو "لا بقي احترم نفسك انا اكبر محقق فيكي يا بلد "
ليام" بلد بهايم "
كرومبو" خلاص مش هقولك الخبر الكبير "
ليام" لا خلاص قول"
كرومبو "لا مش هقول انا زعلان "
ليام" ياتي حلوه ياتي قمر قول بقي"
كرومبو "انت شايف قدامك عيله عندها اربع سنين بقولك زعلان يا راجل"
ليام" ما انا بفرحك اهو "
كرومبو" عايز تفرحني؟"
ليام "انا عايزك تقولي"
كرومبو "هات عشرين جنيه "
ليام" ليه هما عشره جنيه"
كرومبو "لا عشرين "
ليام "انا مفلس "
كرومبو "ماليش فيه انا عايز فلوس"
ليام" طيب قول و هديك خمستاشر جنيه بعد القبض"
كرومبو " بروميس يا ام سوسو؟"
ليام "بروميس يا كرومبه"
كرومبو" لوي بعد الي حصل ده مطمنش لجيجي
فبعت حد موثوق يراقبها الي هو انا يعني علشان لو
حصل حاجه احقق وراها عشان انا كرومبو بقي وكده و في مره هي دخلت محل مجوهرات وهي متنكره واشترت خاتم الماس قيراط ونص انا مستغربتش اوي عشان دي جيجي حديد واكيد بتجيب حاجات زي كده بس الي دهشني نوعا ما انها جابته بإسم مزيف و كانت متنكره وجيجي لما تجيب حاجه زي كده بتحب تخلي كل الناس تعرف
عامه انا عديت الموضوع بس كان في فتره جيجي ويولندا كانوا بيجتمعوا كتير و لقطت من كلامهم حاجه عن حفله زين الجايه فاللاحتياط بعت واحد يحاول
يسمع كلامهم في الحفله ويراقب الي هيحصل و نقلنا كلام عجيب اوي و من الي انا ولوي عرفناه قررنا ان الجوازه دي لا يمكن تحصل لمصلحه الكل "
ليام "وانت عرفت ايه؟ "
كرومبو" الي حصل كان كده "
فلاش باك
المراقب" ايوه يا فندم انا شايفهم و دلوقتي زين راكع علي ركبته وانا وصلت جهاز تصنت عندهم و هتقدر تسمع كل حاجه "
لوي "طيب"
- زين راكع علي ركبته
جيجي "انا موافقه يا زين موافقه موافقهه هنتجوز اخيراا !"
زين" انتي بتقولي ايه انا بربط رباط الكوتشي يبنت الهبله هتفضحينا"
جيجي" بص يا ابن تريشا في فرده شرابك
اليمين هتلاقي الخاتم هتطلعه و تحطه في صباعي
دلوقتي لحسن اقسمبالله هفضحك انت و الباند
بتاعتك و افضح كل حاجه عملتوها من ورا الموديست "
زين " ايه"
جيجي " انجز يا زين انا سيديهاتك كلها معايا"
زين" سيديهات ايه وخاتم ايه"
جيجي " الخاتم خاتم خطوبتي يا زين والسيديهات دي فيها كل حاجه، من اكونت تويتر السري في 2012 لحد فضايح حفلتك الصغننه في الماليبو الي من قيمه اسبوع"
زين "يا جيجي متعمليش كده انا مش قد الخطوبه والله ما هينفع انا لسه صغير"
جيجي "خطوبه ايه يا عنيا ده جواز"
زين" لا انا مش هتجوز اعملي الي تعمليه"
جيجي " خلاص تحب اتصل بالصحافه الي مش هتخلي عليكم ولا بسايمون وتاني يوم نلاقي جثثكم؟"
زين" والله اطلقك"
جيجي"لما نتجوز يبقي طلقني"
زين " يعني خلاص انا هتجوز؟"
جيجي" اه وهنبقي اجمد كوبل، لبسني الخاتم يلا"
زين "اسكتي خالص انا بحاول اتقبل الموضوع"
جيجي "ما تنجز يلا والله افضحك دلوقتي "
زين"جيجي"
جيجي " ايه؟"
زين ابتسم بصعوبه " يا بت انتي مراتي" وطلع الخاتم من الكوتشي
جيجي مدت ايدها عشان يلبسها الخاتم" تيههيهي"
-
لوي ظهر فجأه
لوي:" وعشان كده مش هيتجوزوا غير علي جثتي او جثه ضوفر صباعي الصغير بلاش افوره"
ليام:"جيمس بوند عايش معانا "
لوي:" انا من هنا ورايح لوي الجاسوس العبقري بيه باشا يا كلب"
ليام:" ايه يا عم الجاسوس اهدي بس"
لوي "هديت اهو"
ليام:"طيب زين ليه مقالش اي حاجه عن ده كله لينا"
لوي:" مش مهم المهم اننا عرفنا ومش هنخليه الفرح يتم معايا يا شباب؟"
ليام" انا معاك"
لوي" نايل؟ هاري؟"
نايل وهاري في عالم آخر
هاري" بت انايل عجبك المانكير بتاعي"
نايل "ياختي قارفاني من الصبح المانكير المانكير ايوه حلو اسكتي بقي"
هاري "جرا ايه اييييححه ده انتي وريتيني صبغه شعرك شعرايه شعرايه و انا بقولك حلو حلو جميل و شعرك منكوش و معفن اصلا حرام فيه الفلوس"
نايل" لا لا انتي بتغلطي في مين انا ساكته علي لون المانكير الفوشيا من الصبح ، ده لون يرضي ربنا ده! انا عيني وجعتني "
هاري" بقي كده؟ "
نايل"بقي كده"
بيضربوا بعض
هاري شد شعر نايل
نايل" لا لا شعري لا اتلمي "
هاري "مش هسيبه يا نايل "
نايل "طيب ماشي "
نايل مسك ضوافر هاري و بياكل فيها
لوي "هو النهارده الجمعه ولا ايه؟ مش هما لسه عاميلن مسرحيه من قيمه كام يوم ؟"
ليام "مش قلتلك خلينا معاهم احسن ما يعملوا مسرحيه من غيرنا "
كرومبو" هما بيعملوا كده كتير؟"
لوي" ايوه اتفرج انت بس"
هاري" خلاص خلاص شعرك حلو انا اسفه"
نايل و انتي ضوافرك حلوه "
هاري "صحاب؟ "
نايل "صحاب "ياخده بالحضن
كرومبو بيصقف "برافو برافو"
لوي" رائع انا اتأثرت "
ليام" ويويويويويويويي اتصالحو لا ريلي انا مش هسيبكم في حالكم "
لوي "بت هاري و انتي يا نايل هتخربوا الفرح معانا؟"
هاري" معاك"
نايل" طيب ممكن لما نخرب الفرح وكده نسيب البوفيه؟"
كرومبو بيخلع الشبشب و يرميه علي وش نايل
_____________________________________
ازيكم؟
اينجوي يعيال💘
Bạn đang đọc truyện trên: AzTruyen.Top