اعملوا فوت للتشابتر 🌿

- عند البويز

نايل"مش عايز الواد يفرح ليه"

لوي "كده"

هاري"هيحصل حاجه لو الواد فرح و اتجوز"

ليام"والله ما هيحصل حاجه"

لوي " لا مش هيتجوز"

نايل"ما تخليه يتجوز عشان ناكل في البوفيه"

لوي"كلامك مغري يا نايل بس لا زين مش هيتجوز"

ليام"طيب فهمنا مش عايز زين يتجوز ليه"

لوي"الموضوع طويل و معقد و ملئ بالاحداث
العجيبه الغير منطقيه المتسلسله بطريقه دراميه"

هاري"مالك يا ابني قلبت علي ناشونال جيوغرافيك مره واحده كده ليه ما تخلص ياض"

لوي"خلاص يبقي انتوا مش فاضيين ليا"

هاري"حد فيكم يا ولاد الكلب عنده حاجه"

ليام و نايل"لا"

لوي" فاكرين لما كنا في حفله عيد ميلاد صاحب زين
في ميامي و جيجي و صحابها كانوا هناك؟"

هاري"ننسي ازاي دي كانت حفله نار"

نايل"والبوفيه كان مليان"

لوي: خلصتي كلام يا بت يا فخريه و انتي يا
شلبيه؟"

هاري"خلصنا ياخويا"

ليام" المهم ان البنات كانوا مزز"

لوي" قلبي! انت يا ليام يابو الدباديب بتقول كده !
ده انت كنت بتديني علي قفايا لما ابص علي جزمه
بنت"

ليام" ما خلاص بقي دي كانت مره واحده و مش
  انت مش كنت هتقول حاجه عن زين وجيجي؟"

لوي" ايوه صح...لما كنا بنرقص وسط المزز الواد
المعفن الي ما يتسمي هاري وقع علي التيشرت
عصير فروحت الحمام عشان اغسل التيشرت
وبالغلط دخلت حمام البنات"

هاري"يا ابن المحظوظه"

لوي"اتنيل ياعم ياريتني ما دخلت "

نايل"ليه لقيت ايه هناك"

ليام"اوعي تكون لقيت الي بفكر فيه"

هاري" متخافش يا لوي كل مشكله ليها علاج واكيد
هتقدر تخلف تاني ادعي ربنا بس"

ليام"يدعي ربنا؟ احنا بنتشعلق في رضا ربنا "

نايل"الواد ضاع خلاص ده ولا حتي اتنين بيتزا سبايسي هتعدله "

لوي"كل كلب فيكم يتنيل يخرس دلوقتي وحالا
محصلش الي في دماغكم ياولاد الكلب ما انتوا لو
كنتوا اتربيتوا مكنتوش هتعملوا كده منها لله السيما
خربت دماغ الي خلفتكم"

هاري بيتجاهل لوي ويبص لنايل" ايوه يعني نجيب
بيتزا ولا لا "

نايل" مش عارف بس هو شكله ضاع من ايدينا
خلاص و حالته صعبه"

هاري"يبقي ندعيله ده الي في ايدينا "

ليام بيشاور علي لوي"انا بقول ندعي علي نفسنا بالرحمه الاول"

لوي شايل مطوه في ايد و في التانيه مضرب جولف نايل

هاري " يا لوي انت واحد عاقل ومش هتعمل
كده اهدي بس "

لوي بيمشي عليهم ببطئ  
"انا مش قلت كلب فيكم يخرس؟"

نايل رد عليه "المضرب يا لوي وحيات عيالك يا لوي ده غالي
فشخ و بطل جولف المعادي موقع عليه"

لوي لسه بيمشي عليهم" عشان خاطرك هكسره علي دماغك"

ما خلاص بقي يا لوي متطلعش عقدك علينا "

ليام"بوووممم "

هاري"قصف جبهه عاش يا نايل"

نايل" حبيبقلبي احب اشكر امي و ابويا معرفش ليه
الصراحه بس هشكرهم وخلاص وطبعا ابن عمي ثيو
الي علمني كل الحاجات دي او اتعلم عليا مش مهم
اخويا الكبير عشان خلف ثيو الي اتعلم ازاي يقصف
عليا و يضيع كرامتي عشان انا اتعلم ازاي اق..."

صوت حاجه بتتكسر

نايل بيلاقي لوي كسر مضربه

نايل وقع علي ركبته من الصدمه" لااااااءء لاااااء
المضربب لااء انت لا يمكن تكون انسان انت حيوان
حيوااان " -بصوت ريهام سعيد-

لوي في ايده علبه فيها لبان بالنعناع و في ايده
التانيه صور لبير

" اي كلمه تانيه و حيات خالي الي مات محروق هرمي اللبان و هحرق الصور و هتسمعوا الي حصل في الحمام بالعافيه"

ليام" صور بير لا البت شيريل هتموتني اتفضل احكي واي كلب يتكلم و اولهم انا هولع فيه"

لوي"الي حصل يا محترمين انني لما اكتشفت ان ده
حمام البنات كان الوقت اتأخر عشان اعمل اي حاجه
عشان جيجي و كيندال وتايلور كانوا داخلين الحمام
فروحت استخبيت بسرعه جوه حمام و فضلت
ساكت وقتها جيجي وكيندال وتايلور كانو فاكرين ان مفيش حد فأتكلموا براحتهم و يارتيهم ما نطقوا
بحرف"

هاري" قالوا ايه؟"

لوي بصله بصه مش مرعبه من زاويه عينيه

هاري"انا هتخرس حاضر اتفضل كمل كلامك انا اسف"

لوي" الي حصل كان كده"

-فلاش باك

- في حمام الحفله

كيندال"قولي يا بت يا جيجي انتي لسه مع زين؟"

جيجي"ايوه ياختي لسه معاه ومتهنيه بيه"

تايلور"مش انتوا كنتوا موقعين عقد سنه ونص الي خلاه يكمل انتوا...انتوا بتحبوا بعض؟!"

جيجي"حب! انا شيشي بنت يوليندا معادن احب علي اخر الزمن "

تايلور" لما انتي مش بتحبيه هو بيحبك؟"

جيجي" ولا بيطيق يبص في وشي"

تايلور "امال مرزوعين مع بعض ليه ده الواد هاري
اول ما خلص الشهر بتاعنا ما صدق يسيبني وراح
وعمري ما شوفته والله I knew he was trouble "

كيندال" تروبل تروبلل ترووبوووللل "

تايلور" دي اغنيتي انا انتي بتغني ليه"

كيندال" عشان نفس الاحساس يا اختشي وبعدين هاري كان تروبل ازاي وانتوا كان اخركوا تروحوا
الحديقه العامه "

تايلور" وانتي الي فهمه وبعدين حتي لو كنت حامل في ابنه اتس نون اوف يور بيزنيس."   *كيوي*
-

نايل" استني بس هو وقتها هاري كان نزل الالبوم؟ هو كان كتب فيه كلمه اصلا!؟"

لوي"بعيدا عن انك فصلتني بس سؤال ذكي وانت
واحد غبي فهجاوبك بدل ما اكسر الجايزه بتاعت
الجولف بتاعتك بص يبني انا لما كنت محشور في الحمام لزقت الجمله دي فدماغي ولما هاري
كتب كيوي وسمعناها انا وليام وانت كنت بتصيع في دبي و جولف دبي انا اقترحت عليه الجمله وشكرا وعفوا "
( I'm having your baby, it's none of your business)
-
كيندال"مش مهم انا كنت معاه في اليخت هه"

تايلور" تحبي اسمعك باقي الاغاني الي كتبتها عنه"

كيندال" لا ياختي متشكرين"

جيجي" ما خلاص يا وليه منك ليها "

لوي"بقي انت يا هاري تعمل كل ده ومتقولناش"

-

هاري'' كدب! والله كدب و افتري انا معملتش حاجه كبيره ده اخري امسك ايديهم "

لوي " طبعا اوماال"

هاري" ممكن اكون مسكت حاجات تانيه يعني في مره كيندال خلتني امسك شنطتها"

ليام" بص يا هاري انا لما مسكت شعر شيريل عشان
اقولها ان في صرصار كبير في شعرها لقيتها نزلتها ستوري واتس وكتبت جوزي قره عيني فهما البنات بيافورا فعلا "

نايل"انا بمسك البيتزا من كل حته ومبتتكلمش عادي"

ليام" احم لوي ممكن تكمل لو سمحت وياريت
محدش يقطع كلام لوي عشان شيريل متنتفش
شعر راسي شعرايه شعرايه لما تلاقي صور ابنها محروقه"

لوي"خلاص هكمل يا ابو الدباديب"
-
جيجي" يا بنات انا بفكر في اعمل حاجه مهمه حاجه لو حصلت هتبقي الاولي من نوعها"

كيندال"اشجينا ابهرينا بتفكري في ايه"

جيجي" مش جه الوقت عشان اتجوز ولا ايه"

كيندال"انا و الحمد لله بحب الولاد بس شوفي تايلور يمكن عايزه تعمل البوم عن البنات ولا حاجه"

تايلور" ايه ايه مين دي ياروح امك"!

جيجي" مش وقت خناقات دلوقتي! متخيلين العنوان 'فرح جيجي حديد من زين مالك' الفكره كلها مبهره!"

لوي" انتي مريضه عليا الطلاق انتي مريضه"

تايلور" ودي تعمليها ازاي يبنت يوليندا "

جيجي" هتصرف"

كيندال " كفايه انكوا لسه مع بعض فكره الجواز هتخليه يجري ومش هتعرفي تجبيه تاني"

جيجي " الايام جايه ونشوف."
-
هاري" خلصت؟"

لوي" تقريبا "

هاري" ممكن اسأل سؤال؟"

لوي"اسأل"

هاري" برضو مش عايز زين يتجوز الست كخه جيجي ليه"

لوي" علشان....

•••

في نفس التوقيت بإحدي اماكن نيويورك

جيجي" ههيهيهيي الواد راح لامه اروح ماتصل علي
البت تايلور هي وكيندال نعمل شوبينج للفرح فرحي
انا ايوه فرحي انا قادره و عملتها و هتجوز و اورث
ابن تريشا ايوه انا جيجي ههيييي ،انا هتجوز
ايوه هتجوز هتجوز ياما هتجوز يا بابا هتجوز يا بيلا
هتجوز يا انور هيهيهي، هتصل علي تايلور بقي"

خادمه 1" جيجي هانم بتكلم نفسها تاني اتصل بالدكتور ؟"

خادمه 2 "سيبيها في حالها الله ياخدها احنا مش ناقصين "

- المول التجاري

جيجي بتتكلم علي التلفون

جيجي" اه انا وصلت ... طيب فينكوا؟ .. انتوا
شايفين قفايا!؟ طيب شكله حلو؟ هيكون مين يعني
قصدي علي قفايا.. ونبي انتي الي قمر وسكر"

تايلور "احنا جينا!"

جيجي" خضتيني! "

تايلور "ما خلاص بقي انتي بتتخضي من كل حاجه"

كيندال "هنروح فين بقي يلا عشان انتوا لما بترغوا مع بعض مش  بتخلصوا"

جيجي "براحه علي نفسك يست كيندال احنا رايحين نجيب فستان فرحي ايوه فرحي انا فرحي فرحي فرحي"

كيندال" بس خلاص فهمنا انه فرحك يلا بينا عشان نخلص "

بيدخلوا محل للفساتين

جيجي" انا هدخل القسم الي في اليمين و انتي و تايلور ادخلوا القسم الي في الشمال و هنتجمع هنا "

تايلور" بس ده محل فساتين افراح احنا هندور علي فستان ليه"

جيجي" ليا انا "

تايلور "و انا مالي بيكي انا مالي بقي انا مش هتجوز
انا حتي معنديش حبيب انا مالي انا مالي"

بتاخد ركن و تعيط

جيجي "بتكلم كيندال يبقي خديها لما تخلص و
روحوا تمام؟"

كيندال "تمام يا فندم"

بعد ثلاث ساعات من للعذاب النفسي لتايلور و المتعه لجيجي

جيجي" انا هقيس ماشي؟ "

تايلور "اخلصي بقي ابوس ايديكي انا لو فضلت هنا كتير هتعالج نفسيا"

اول فستان

جيجي "حلو؟"

كيندال"لا مخليكي تخينه"

تاني فستان

جيجي" حلو ؟ "

كيندال "لا مخليكي رفيعه اوي"

تالت فستان

جيجي" حلو ؟ "

كيندال" لا مش مظبوط"

بعد سبعه و اربعين فستان

جيجي" حلو؟"

كيندال" لا- " 
تايلور بتقرص كيندال
" ايوه حلو طالعه زي القمر"

جيجي "يعني خلاص اجيبه؟ "

كيندال" بلاش عش-" 
تايلور داست علي رجل كيندال  "ايوه ده احلي واحد
فيهم قمر منور يا ناس "

جيجي" خلاص هجيبه"

تايلور بتسجد علي الارض "الله اكبر"

كيندال" محمد صلاح واكل دماغها اوي"

هايي🌿

ايه اكتر جزء عجبكم؟ 

لاففيوو💙