#belikememo #رتال 8
في شي مهم لوطه أنتمني تقرؤه

مسكت التيلفون نرن علي زين نبيه يجيب معاه حاجات للحوش و فكرت شويه في كل حاجه صارت توا

حياتنا ردت زي قبل و ممكن احسن شعري بدا يطول اكثر شحوب وجي خُف و الهالات بدن يحولن بديت نسمن من جديد و قعد التعب الوحيد هو نبضي الي ينبض بالقوه عشان تعبان و اوكي انا تعودت علي وجعه مستحيل يكون كيف وجع المرض الي حتي اسمه منبيش نقوله

ربي يشفي كل مريض بيه ليا ست شهور خاليه تماماً من المرض و انا فخوره بروحي اني حاربته فخوره ان اختياري كان صح يوم ما حبيت حد كيف زين و تزوجته و قررت انه يكون بات عيالي انا فخوره بعائلتي الصغيره الي كونتها مع حب حياتي و نتمني من ربي يدوم فرحتنا

الباب انفتح و انا رفعت عيوني مبتسمه

زين"السلام عليكم"صوته الحاد قال و انا صبيت من علي كرسي طاوله الاكل هو ابتسم في وجي قبل ما يمسك راسي و يبوس خدي زين فرك راسي و ابتسمت لين عيوني اختفن

رتال"و عليكم السام جاي بدري" سالته و هو تنهد و عدا شور الصالون يعزق في روحه عليه الساعه كانت ١١ و نص في الصبح و هذا فعلاً غريب

زين"صفو دكاتره و انا كنت واحد منهم"زين صوته كان بارد كان يقول الموضوع بالنسبهً له عادي و انه مش متأذي منه بس انا عارفه انه مضايق و زعلان

رتال "كيف حتدير؟ انا نقدر نشتغل مره اخره و-"
زين"شن قلت عليه انا موضوع الشغل الزف "زين هزب بصوت عالي و انا غمضت عيوني و انبه في روحي عشان منغلطش

زين"سكري ام الموضوع "قال بصوت واطي و انا عضيت فمي و خشيت للكوجينه من غسل مواعين الي تسيق لوطى هذا كله تحت شتايمي الي نقول فيهن عليه هنا كانن في سري بس يبردن في ناري اصلاً الليبين كلهم هك مفيهمش حد ينفع

زين "ماشي نجيب رتيل ومؤيد و حنتكي علي امي"هو مستنش ردي بس طلع و طبق الباب وراه قلبت عيوني و طلعت للصاله نظم لقيت أوراق و عرفت أنهن شور زين لما مسكتهن قريت و بالخط العريض-مديون المبلغ ٧الاف موعد الاسترداد بعد سبعه اشهر من تاريخ الاستلام تم التسديد علي دفعات مبلغ و قدره ٣الالف و نصف-

زين مديون يا ربي شن ندير خشيت للدار ندور في اي حاجه نقدر نساعده بيها لويت فمي لما اذكرت انه معنديش حتي ذهب ذهبي بعته لما التزينه من الحوش و وقتها كان ما فيش فلوس بيش نأجرو

فكرت في عرم حاجات بس كلهن انتهي بيا الحال اني نفكر في الشغل زين مش حيرضي اني نشتغل و انا عارفه هكِ هو حيسلف من حد و يحط دين فوق دينه يا ربي ليش يصيرله هذا كله بس عشان يعني زعل امه؟ ما هي الي واعره و زعمت كبد ولها يا رب فرجها علينا .
__________________

البارت قصير عشان ما فيش واجد و كيف محدثه اخر بارت.

تابعوني
و اطلعو علي روايه مثالي
و قولو رايكم