نا:حي عليا كنه ويديها ترتعد وخشت ع لمنزل المنشور خااص
*سرو*
نا:كنه حسين
مفتاح صاحبه:بسم الله ممن نتي
نا:نا صديقته وين حسين وكيف حاله توا
مفتاح:اها انضرب اليوم الصبح بموس وتوا تمام طلع من عمليه لاكن كليه متضرره
نا نبكي ودموعي ملن شاشه:من اللي ضربه
مفتاح:واحد *%&*%-
نا طلعت من فيس بكل وقمعزت نبكي بعدها كلمت لما وحتي هي شافتته وقعدت تهدي في ومش فاهمه عليـــــش نبكي
-----------------------------------------
العبد:باه قولي نحبك مره وحده وع سريع
ايه:انلا
العبد:وحقربي تقوليها ف عشيه امـــي عندكم
ايه:ههههههه تحسابني ميته ع انه امك تجينا
العبد:وووه ع تصكير راس نحسبش ف حد يغلبني ف موضوع هضا
ايه:لا نا صقعع
العبد:ناعلي منــك ي ايتي❤
ايه تضحك:باه شن درت اليووم
العبد:بعت سيارتي وشريت سياره اخــره وكملت اوراقي بيش نباشر عنندكم وتوا قاعد ف حوش
ايه:اها باهي تمام تعشيت
العبد:لالا نوضي سوييلي مكرونه
ايه:ههههه واللهي نعرفش نا راه
العبد:يعويني بيك
-------------------------------------
اوفي راقد ع كرسي الي جنبي ونا مازالت متخدره
ف الصبـــــــاح الباااكر✿
نا وعيت وتغبيش قدامي نبي نكر يدي لقيت اوفي ماسكها وهو راقد
نا :اوفتي❤
اوفي وعا ونزل ع ركبه

اوفي:اه ي روحي شن تحســي
نا بصوت مبحوح:تمام منحسش ب اطرافي
اوفي:لا ساهل مفعول بنج
نا ومخنوقه:قصدك بريت نا
اوفي بفرحه:بريتي ي روحي بريتي ويبوس ف يدي
نا نشكر ونحمد ف ربي
خش دكتور وفحصني بكامل
د: كل شيء سيكون علي م يرام ولكن ضروره من جلسه او جلستين شعاع لكي نضمن اختفاء الورم
اوفي:حسنــا متي
د:بعد 3او4 ايام لتستعيد نشاطها
اوفي:حسنا
طلع دكتور
اوفي:كنك عابسه
نا:لا غر نحسبا خلاص☹
اوفي:اها خلاص غر جلسه وحده بس
نا:نشاء الله خير اوفتي وجك اصفر عدي للفندق ارقد نا تمام
اوفي هز راسه:لا هك تمام
نا :ربي يدومك لــي
-----------------------------------
سرو وعت ولبســـت فونها رن بحتت لقاته حسين ردت طوول
حسين صوته دوب طالع:ايواءه
سرو بخوف:الو حسين شن صاير فيك شغلتني
حسين:تمام نا كويس م في شيء نتي شخبارك
سرو تبكي:اكيد كويس
حسين:توا عليش لبكاء واللهي كويس
سرو:صاحبك. قال الكليه متضرره
حسين:فكيتها بكل ويضحك
سرو:اهي مش من جدك نشاء الله قاعد بلا كليه
حسين:ههههه تي نبصر عليك نا تمام وكويس بكككل نتي ف جامعه
سرو:خمد الله ع سلامتك نبي نطلع توا
حسين:تمام رد بالك من روحك توا نكلمك بعدين
سرو:تمام وحتي نته
حسين :حتي نا شنو
سرو:هههه رد بالك من روحك
حسين:ف عيني روحي
سرو:هههههه ف وضعك هضا وتنكت
حسين:اها فش مشكله مقابل ضحكه سمحه هث
سرو نحرجت:هي اوكــي
حسين :اوكــي(لــــو تعلم ماذا يفعل حديثك بملامح وجههي لا م تمنيت سكــوت يومــــــا♡)
-----------------------------------------------------------------------------------------
ويه:ايواء
العبد:اهمممم
ويه:تي نووض وقت مش بتبداء شغل اليوم
العبد:واللهي ساهـر امس منبيش نمشي توا نجي بكـرا
ويه تنرفزت:ع كيفك وراه طالعه ع كرعيا
العبد:تمام اسحي سيارات ونتي تقصي ف طريق
ويه:مبــردكك
بخت برفانها وطلعت
تمشي وتهزب: نا لحماره واعيهه من فجور ربي نانق وقاليـ مش جاي تف ع فصيختك باهي
العبد من يالاها:تؤ تؤ تؤ صبح را ع تفالات
ويه نفجعت:حي ع امك شن ديير هنا
العبد:امشيـ بس
ويه تمشي ومنحرجه لان سمعها
العبد:صار تف ع فصيختي
ويه:مشـ قصدي هك
العبد:اها
ويه:زعلت
العبد:نقعد مهزب كان ما زعلت الصراحه
ويه برمتلا:واللهي اسفه مشـ بقصدي
العبد حطـ ديه ف جيوبه ويبحت فووق
ويه :منتصر
العبد :نسمع فيك
ويه :اليوم يبو يجونا عرب ف عشيهه
العبد وم يبحتش فيه :وباهـي
ويه:يطلبو في
العبد:باه
ويه :العيت &*&
العبد بحت فيها اسم هله
ويه:نحبـــك❤
العبد يضحك ويحك ف شعره من لورا: نمشي نجيبها توا ونجيك ومشا
ايه تضحك ومسكاتا مع يده
العبد وقف وقلبه دف دف دب
ايه:والله م قصدي عشان من بدري اصلا كنت نتلبس ونجدا ف اختي تعطيني لابسه ومتحمسا عشان نشتغلو مع بعضنا وعشان نشوفك وكلمتك لقيتك راقد
العبد:خلاص فوتي امه الموضوع هضا حتي تفله مسحتها وجو تمام
ويه تضحك بصوت عالي
العبد:اششش خلاص صوتك شارع را
ويه حاطه يدها ع فمها:باه خلاص
العبد:هي امشي
ايه تمشي وفرحانه
العبد وراها
العبد:اول اوليد شن نسموه
ايه ردت تضحك اخره
وكمــلت المشيهه هك هو يحكي و ويه تضحك بعدها يقوللها اس تسكت وترد تضحك اخره وركب معاها ف حافله وسيارته مسيبها ف شارعهم
----------------------------------------------------
اوفي:ههههه شن رايك
نا:سمحه ههههه
اوفـي يحول ف شعري من ع وجهي:سماحتي نااا
نا: روحي
اوفي: امتا تجيني بنوته كيفك بس
نا:نشاء الله ي رب قصدك تبيها بنت
اوفي:هوه عادي اوليد لكن بنت احسـن
نا:نشاء الله ي ربي كن غر نطلع من مستشفي مليـــت بكل
اوفي يبوس ف يددي:خلاص ي قلبي هانت اسبوع بـس
نا:عارف خاطري نعرف شن دايره ف حياتي بش ربي رزقني بيــك♡
اوفي يضحك:مشعارف وله
نا:غر خفف ثقه
اوفي يضحك
نا:راسي يووجع فــي نادي ممرضه تجيبلي مسكن
اوفي توا نعطيك ارتاحي ومعاش تحكي طالعه من عمليه راكي
نا :باه خذيت دواي وغفيت
بعـــــد اسبـــــوع<3
سرو مقعمزه ف محاضراتها وباب شبه محلول تباوعها حسين وهز حواجبه سرو كانت مرايفه عليه نقزت وشيرتلا بحت فيها دكتور
سرو:معليش دكتور بنطلع
د:اطلعي
حسين جايب معه العكازه هذي ومصبي قدام محاضره سرو
سرو طلعت اول ماشافاته عيونها دمعو :شخبارك
حسين:تو عليش لدموع اهو كيف شمبانزي
سرو تمسح ف عيونها:اها واضح
حسين:رايفت ع شوفتك
سرو:حتي نا
حسين:حتي نتي رايفتلي
سرو هزت راسها
حسين:ي ريتني مضروب من زمـــــان
سرو تضحك:خلاص عدي قمعز مش كويس تصباي
حسين:وحقربي م نحس ف شيء
خطم العيل اللي ضربه بالموس وجه كان مكردم بحت ف حسين طول نزل عيونه وعدا
سرو:هضا كنه را يقعد هو اللي ضضربك
حسين:لا لا مش هو
خلينا نشوفو كنه
2يوم من ضربت حسين
حسين:الو ي نصي. م تشوف باس قتلك نبيك ف خدمه دورلي ع واحد *&اسمه معاذ **وجيبا لي ف مستودع متعاكـ لا تضربا لا شيء. خلاص تم ي ولدنا نعني م نفقدك
طلع حسين غصب ع د قاله متطلعش وخذاه مفتاح شور مستودع
خش حسين
حسين:منور ي اجويده
جواد:ولو ي برو كنه *&*
حسين :لا موضوع هك نبي نصفيه معاه خش عليه
معاذ:عليش جو عويل كنت ترن علي نجيك
حسين حط يده ع مكان جرح وقمعز ع كرسي:ماه نا نحب الاكشن وجو متاع مستودعات
معاذ:لخص شن تبي
حسين صبا وضربه ع بطنه برجله
حسين ماسكه مع لحيته:صار نا عيل
مفتاح:حول ي حسين خليه شوري نته مازالت مزيض
حسين:لا جو تمام
معاذ:تي بلا مرجله زايده فك حبل وتوا نوريك
حسين:ههههههه ونبي فتوحه فك الكلب ترا نشوفوه يومتها نته و**صاحبك بركت عليكم صاح ولاه
مفتاح فكه
صبا معاذ وضرب حسين ع وسطا حسين ضربه ع راسه ومسح كبده فيييههه وضربه م تقول داير عمليه وج معاذ دم كله
حسين رفعه وهو داهش:اه ي ولد*&شن رايك توا
معاذ مش قادر يحكي
عزقه حسين ع كرسي وقمعز يتنفس بعدها صبا ماسكه مع شعره من لورا
حسين:نا اول م تحقني تنزل عيونك لوطا فاهم
معاذ بصعوبه:ن***
حسين بحت ف مفتاح:تي هضا م يبيش يتربا وضربه ع خشمه براسهه
نا اول ما نخطم نته طبس راسك سمعتني
معاذ ساكت
حسين :تنزل عيونك اول نخطم ترا وريني كيف
معاذ م بش
حسين ضربه:وريني
معاذ نزل عيونه
حسين :فتوحا حقيتا ولا
مغتاح باستعباط:لا والله ي حسونه
حسين ضاغط ع رقبه معاذ:نا اول م نخطم شندير
معاذ نزل عيونه
مع خشت جواد
حسين:تي ريت حظك الزفت جويده م حقهاش عاود
معاذ نزل عيونه
جواد:هههه اصلي ي حسونه
حسين يخبط ع وج معاذ بشوش:ايواءه هك عيل شاطر نلقاك مبحت فيها بس نقعرك عارفني ع من نحكي
حسين طلع :جويده اعزقه قدام حوشه الفاسد هضا
نردو للحاضر♦♦♦
حسين:فطرتي
سرو:انلا
حسين:تعالي افطري معاي بلكي شهيتي تنفتح لي كم يوم م ناكلش
سرو:تشغل بصراحه
حسسين يضحك.
مشو وقعدو يفطرو
-------------------------------------------
طبعا ف الاسبوع هذا تمو خطوبه ايـــهه والعبــد❤
العبد:صباحك قشطه ي قشطتي
ويه:صباحك فل

العبد:شن جووك
ويه:تمام بعد شوفتك
العبد:ناعلي تعالي ف حجره
ويه:ههههه وحياتك م ني جايه ساد امس
العبد:ههههه تي غر هيا كنك م فيكش جو
ويه: جو ف حوشنا اول م تكون راجــــــلي
العبد:غر امته الساعه الهنيه هذيك
ويه:ع جيت دندون نطلعو فرحنا
العبد:اهه من فرحنا اللي شيبني
ويه تضحك:ف شوراخ نمبر ون انته
العبد:ههههه حتي نا حسيت نمشي نشوف مريضه عويناتها زرق توا نجيك
ويه :وحقربي نوريك هي
--------------------------------------------------
اوفــي:صباحو
نا قمعزت:صباح خير
اوفي قمعز:شخبارنا
نا:تمام نشاء الله يوم بنطلع
اوفي:نشاء الله شوي ويجي دكتور نشوفو نتايج تحليــل
نا:نشاء الله خير كلا نا هلكت عمليه وجلستين اشعاعي
اوفي:كل حاجه باجرها ي غلاي
خشـ دكتور نا قلبي يدلف
د:قد خرجت نتائج تحليل تهانيا لقد اختفي الورم بشكل كامل
نا قعدت متنحه
اوفي حكا مع دكتور وطلع
اوفي قمعز:سمعتي ي روحي بريتي بريتي يدنيتي وضمنـــي
نا ضامه اوفي ونبكي اوفي ضامني بلحيل ونحس ف صدره يعلا وينزل ويخبط في من قدام نا وخرت
لقيت اوفي بدموعه يغطي ف وجهه ميبنيش نحقه حطيت يدي ع لحيته
نا:تبكي ي اوفتي
اوفي يحكي وميبيش نبره رجوله تخذله وتريح منه :اها نبكي. نبكي لاني كنت خايف نخسرك. نبكي لاني اسبوعين ونا سااااكت ونضحك نبكي لما نحس انه البنت الي نحبها هتسيبني مجربتيش شعور اللي حسيته وطبس راسه ف فندق كل شويه نوعا نشوف نبضك نحط يدي قدام فمك نشوفك تنفسي ولا لا نقعد هنا ف ريسيبشن نسمع صوت جهاز نجيك نجري نتخيلك سيبتيني نضحك ونجامل لكن وربي خفت عليك ف عمليه معرفت ندير شيء نسيت السنين الي قريتهن كلهن كنت خايف عليك ي امي وباتي واختي وبنتي ومراتي وحبيبتي نتي دنيتي
نا نبكي وبقوه لانه كلام من قلبه اوفي الضحوك الي عمري م ريتا منهر هك وعرفت كميه حبهه لــي بجد
نا ضميته وبقوووووه ونبكي

وحتي هو لكن ع صامت قعدنا قريب ربع ساعه هك
اوفي وخرني وباس راسي:خلاص ي قلبي معش بنشوف دمعه منك
نا نمسح ف عيوني الي وجعني من لبكاء :حاضر بنخش حمام شويه
خشيت
اوفي تنهيده بقوه:الحمد اللــــــه ي ربي
طلع كلم العبد وفرح بككل
بعد مـــــــرور 4سنــــوات
ويه راقده ف سريرها
مع جيت العبد قعد يدغدغ ف كرعيها
ويه:اوووف. ي بيبي حوول
العبد:ي بيب بيبك نوضي واللهي م وضع هضا نبي غداء
ويه:واللهي م نقدر تحق في كيف قاعده جيب ديلفراي
العبد:بطريقتي نا شخبار عويلي
ويه:مرقدين واللي ف بطني مرقدين
العبد:نمشي نشوفهم ارقدي نتي وباسها ويه ردت رقدت
العبد خش ع دار اولاده
لقاهم راقدين محمد ومهند توام باسهم وطلع رقد جنب ويه وويه حامل بتوام اخره اولاد
----------------------------------------------------
نا نقطع ف الخيار:سوما بطلي سيبي المفرش
جاء اوفي:مرحب
نا:ي هلا
حطـ شكاير ع طاوله وطبس ع سوما
اوفي:حبيبت بوها ويبوس فيها مع فمها
نا بحتت فيه وغرت اها غرت من بنتي
جيت رفعتها:اوفي بلا قرف
اوفي:شن فيها من قرف وينابش فيها بحواجبه
نا:لا عفن معش تحبها ع فمها
اوفي:بنه غيـــره
نا:اها م تبوسش حد الا نا
اوفي:ناعلي ناا
نا نضحك قربت نبي نبوسه
اوفي:لا لا قرف نا معفن
نا كريته مع ماليته :لا لا مش قرف وبستاه
اوفي يضحك :شخبار وليدي وحط يده ع بطني
نا:كويــس ونقول فيها لك را نبي نبوسه ع فمه اه
اوفي:نعزقه من بلكوني
نا:الله يسامحك سوما مازالت صغيره قبل م نبيش توا
اوفي:ونا شندخلني
نا نضحك:كيف حملت انابيب
اوفي:هههههههههه نتي شوفي جوك خوذي مانع ولا ديري شي بصيره
نا:صار مني نا
اوفي:اي نعــم وجعان بككل قريب نفوز خذا مني سوما
نا:خمس دقايق هكك
اوفي :تمام
قمعز ويلعب مع سوما (سالمه ع ام اوفـــــي)
نا قمعزت بصفره
اوفي :بحتي ف شدير
كانت مقعمزه ف كتره وتحاول تزر ع تفاحته
نا دفيت يدها:ششه ريحي روحك
اوفي:تي كنك مع بنت خليها
هي تبي ترد تزرها نا:لالا تفاحتي ناااا ششه ي فرخه
اوفي :الصبر ي ربي نعاني ف بنتين
-------------------------------------------------------
سرو هي وحسين ف سوق تخرجت طول تزوجو وحملت بعد فرحهم ع طول وهي توا ف سادس

وطالعه تجيب ف دبش البيبي
سرو تمشي وحسين جنبها رفعت عيونها فيه لقته يبحت ف بنت ع طريق لاخره
ردت ركبت ف سياره ومخنوقه حسين لحقها
حسين:كنك
سرو:تكمل تبحيت في صبايا كيف يمشن تعالي احكي معاي
حسين:تي شن فيها نبحت عادي
سرو تبكي ملبسها خمار:نا لابسه خمار ونته تبحت ف صبايا مش اول مره ي حسين
حسين :خلاص اس واللهي ماعاد تبكي
سرو ترشف ف خشمها :شوفلي راي ف موضوع هضا ولا حوش هلي
حسين:شن هلك والله نحبك نتي غر هذي غريزه حيوانيه بنت كلبيه فيا مبتش تحول نبحت هك لكن واللهي نحبك ونموت فيك وماليا عينــي
سرو ضحكت لكن م بتش توري :باهي حولها لقطه هذي تجرح في راك
حسين:وحقربي انحولها اهم حاجه عوينتك م تنزلش منهن دمعه نتي عارفه نقطه ضعفي هن
سرو:باهي خلاص انزل جيبلي كمثري
حسين:نعلي نا نجيبلك فواكه كلهن
ونزل.......
ف عشيهه اوفي والعبد ف قهـــوه
العبد:انته عندك بنت
اوفي مستغرب:ع اساس اول مره تعرف كنكك
العبد:لا بس حبيت نفشك نا عندي توم وجايين توام نقااني راجــل
اوفي:امشي ي فاسد شن تحق في علي العريبي
العبد:ههههه اعصابك ي برو
اوفي:حتي نا اوليدي ف طريق
العبد:تبارك الرحمــــن
اوفي:اها كنك م جبت معاك محمد ومهند
العبد:نخلي فيهم يحرسو امهم
اوفي يضحك من جده نين شرق: كح كح ههههههه كلاب هما
العبد:اخز عليك ي *&*&
اوفي:هههههههههه يحرسو قالك عمرهم سنتين ونص را
العبد:باه خلاص صكفمك.
اوفي يقعد شوي ويرد يضحك
---------------------------
نحكي مع سرو فون
نا:شن شريتي
سرو :كمثري وجيت
نا:ههههههه باه صحه
سرو:شخبار اشرف وسوما
نا:كويسين اوفي طلع وسوما راقده علي
سرو:نجيها لي حبيبه خويله دندون تبي شيء
نا:سلامتك نبي نحكي مع بنات ع نت
سرو:باهي تمام بلكي توا نفتح حتي نا
نا:تمام تشااو
سرو :تشاااو
-----------------------
ف قروب فيه ايه وفاء وندي و نور وسرو
نا:شخباااركن ي عيت حنه
ندي:ي هلا تمام نتي شن جوك
نا:تمام مكسده وين نور
ندي:نور ماشيه سوق تجيب ف قلايل لبنتها
نا:صاح. نجيها لي رموسي
ندي :اها اربعشرين ساعه تشريلها
نا:هههههه جيتها ع شوووق
ندي :اها
وفاء:بنااات☹
نا وندي:هااا
وفاء :طلعت حااامل
نا:الف مبرررررروك
ندي:ليش زعلانه
وفاء:تعبت وربي 4 اولا 2بنات وتوا اخره واجد راه وع رووس بعضهم
نا:تو تلقيهم ف كبرتك قولي حمدالله
وفاء:الحمدالله وين ايه
نا:هههههه اكييد راقده
وفاء:جيتا ع نوم ف شهر كم هي
نا :نفسي ف سابع
وفاء:نشاء اللله بسلامتكن
نا :سلمك سلمك
---------------------------------------------
ويه راقده ف حضن العبد وعويلها يالاها وشقه مقلوبه ووضع فنتاستك

ويه تكر فيه مع لحيته:نححلبك
العبد:تي باهي لحيتي نبيها
ويه زادت:انحبــــك
العبد باس يدها:ونا نحبك كان م خذيتك مشعارف شن صار فــي
ويه:ههههههه راك متت
العبد:ناعلي نا كله شوفيلنا صرفه لهذوم
ويه:هههههه معنديش نياط
العبد يضحك:حني شخبارك
ويه :هههههه محمـــــد ومهنــــد داركم
صبو كشاطرين ومشو
العبد:ي واعر انته وينخص ف جنبها
ويه:بطللل ههههه ب بطططل
العبد وقف وحط راسه ع كتفها وكان ع تفزيون سبونج بوب
ويه:بيبي
العبد:هممم
ويه:نبي الهامبرجر اللي يدير فيه سبونج بوب
العبد:م تبيش سبونج بوب بروحه تغسلي بيه المواعين
ويه تضحك
العبد قمعز معش فوها
ويه:والله م عندي نيه
العبد: نحبك
ايه:نا نحبك عررم واجد بككل
-----------------------------------------------------------
حسين كان ينابش ف سرو وهي متكيه
حسين:كساد وربي
سرو:شنديرلك
حسين :نتي وحركاتك عاد
سرو:عدي جيبلي جولاطي قاعد ف فريز
حسين :امري للله
سرو تاكل
حسين :عطيني كشيك
سرو:لالا ي روحي نبيه
حسين:وحده بس را
سرو:بلا قرف وهاك
حسين:هههه قرف قالك
سرو:هههه نحبك
حسين :نا نعشقكك ي غمازتي السمحه

--------------------------------------------
نا :اوفتي ولع ع غساله
اوفي:عقاب عمري نولع ع غساله الله الله ي دنيا
نا: هههههه بلا شورخ زر بطمه بس
ولعها وجا رقد ع كرعيا
نا نخربش ف شعره ف لحضه هث اي حاجه نقوولها له يقولي باهي درت تسجيل
نا:اوفتي
هو مغمض عيونه:هممم
نا:نبي نمشي لماما بكرا
اوفي :باهي
نا:نبي نبات كم يوم
اوفي ساكت نا :باهي
اوفي:باهي
نا نضحك:بوسني نا بس ع فمـي
اوفي:باهي
نا:اممم نبي ندخن
اوفي:باهي
نا ضحكت بصوت عالي اوفي قمعز ولعت تسجيل اسمعه
اوفي:تلمسيني نتخدر نا تخربشي ع لحيتي ع شعري تقول سكير راه
نا:ههههه فيها جو لكــن
اوفي :جو كل فيك.
قاعد يبوس في بدت سوما تبكــي
نا :خلاص حول نشوف بنت
خذيتها وقعدت نرضع فيها برضاعه
اوفي:نحبك
نا:نموت فيك
اوفــي :دنيتي

(هضا اشــــــرف)
------------------------------------------------
نور &عصام رزقهم ربي بنوته اسمها ريماس عمرها سنتين
ندي &عبدالله بعد ليلي ولما. جاهم ولد سموه قيس
وفاء &ميدا ارين وسند علي ونرجس ومنذر وعمر وبيبي ف طريــق
سرو&حسين حبهم مازال ف بدايه مشواره وسرو حامل ب ولد بيسموه رائف
ايه&العبد عصافير الكناري عيشين حياتهم بسعاده وبصياعه هههه عندهم محمد ومهند وف طريق 2توم
احم احم اما نا قصدي دنيا
دنيا&اشرف كل يوم حبهم يكبر وكل يوم يزيدو يتعلقو ببعض مع بنتهم سوما ولدهم ف طريق بيسموه ع بو دنيا سالم
---------------------------------------------------------------------
تن ترارارا تن تن نهايه رواياتي نتمني تكون عجبتكم ومشكورات ع التصويت وكومنتات واسفه لو قصرت معاكن وكل وحده تختار العبد او اشرف او حسين م تنسانش نحبكم واجد عرمات مع تحياتي
♥رورو لدرسي♥