خُبز الحَياة.
باسم الآب والابن والروح القدس الإله الواحد، آمين.
اللي كان عندي بالحساب سابقاً بيعرف أن كان عندي كتاب اسمه "فسحة أمل" يجيب على أهم الأسئلة بخصوص الديانة المسيحية.
تمت أرشفته بسبب وجود بعض (ويعني القليل) الاخطاء الصياغية والعقائدية فيه (كنت كتير صغيرة وقت كتبته يمكن ١٦ 🤣)
هلق بعد ما نضجت في الإيمان، حبيت استبدله بكتاب "خبز الحياة" اللي ح يكون نقاش للعقائد المسييحية واختلاف الطوائف وشرح للإيمان.
الكتاب للمسيحيين، بمعنى ممنوع ذكر أي دين آخر، والا حذف للتعليق وحظر لصاحبه.
لو انت مش مسيحي وحابب تقرا لتتعلم فاهلا وسهلا.
لو انت مسيحي بس ما بتعرف بالإيمان سوى ابانا الذي (بما معناه) فاهلا وسهلا.
لو انت مسيحي مؤمن ومتمسك بطائفة معينة، برضو اهلا وسهلا.
النقاش بالمقالات رح يكون كما آمنت به الكَنيسة الأولى.
للأسف بشكل ملاحظ جدا عنا المجتمع المسيحي لا يفقه عقائدياً شيء بنسبة كبيرة منه ، ومعتمد على اراؤه الشخصية وتفسيره الشخصي (والتنين بكونو غلط) ومكس بين الكاثوليكية والبروتستانتية والارثوذكسية غريب وعجيب.
ان شاء الله هالكتاب ولو يفيد شخص واحد بس انا رضيانة، لكن املي انو ما تنترك هي الافادة عندك انما تعلم عيلتك، اولتدك، طلابك بالتعليم الديني، تبعت عغروب الواتس اللي بتنزلو فيه ايات يومية، المهم ما تقرا وتضل عندك. مجاناً أخذتم مجّاناً أعطوا.
المواضيع رح تتعدد بين تعريف الكنيسة ، الثالوث، مشكلة الايقونات والقديسين، الانشقاق الكبير ، المطهر ، مريم العذراء ومكانتها، المناولة، تاريخ الكنيسة، وغيرها.
بالاضافة اني عم انشر في حسابي الكتاب المقدس كامل بامكانكم الاطلاع عليه لو حبيتو :) ♥️
ملاحظة: التحديث رح يكون بطيء :)
حتى البارت القادم،"وَسَلاَمُ اللهِ الَّذِي يَفُوقُ كُلَّ عَقْلٍ يَحْفَظُ قُلُوبَكُمْ وَأَفْكَارَكُمْ فِي الْمَسِيحِ يَسُوعَ." في٤: ٧.
Bạn đang đọc truyện trên: AzTruyen.Top