منعم=منال!!!!!

منال=منعم عمري

منعم=وشبيك علاش تبكي 

منال= هاذ الرخيسة كسرتلي يدي

منعم= شكون هاذي 

منال=أرين

منعم= وشن أرين علاه؟؟؟

أرين=هكك نفحة و لوكان مترفدش الشابة تاعك منا و تروح نكمل عليها 

منعم=نتي سور أرين

أرين=نو روبو تاعها ايا متهبلنيش 

لؤي=وش راك دير منعم هبلت ؟؟؟؟

منعم= مهبلتش نتا لي هبلت تدور مع عباد كيما هاذي 

لؤي= مال هكا معليش ايا نروحو أرين 

أرين حست حاجة نغرزت فقلبها كي عرفت بلي منعم راه مع منال و رخسها على جالها 

أرين=لؤي عندي شغل اليوم مبعد نهدرو 

_____عند منعم_______

كي كنت دايمن نروح مع أرين لليسي بانت جونتي و خاطيها و قاع تعرفت على طفل اسمها منال عترفتلي بلي عجبتها عجبتني جرئتها و وليت معاها اليوم تفاهمنا نتلاقاو كي رحت لقيت فالارض شادة يدها و تبكي حتى قاتلي بلي أرين ضربتها مقدرتش نامن فالاول قلت تكذب حتى هدرت هي و تبان وخدوخرا معد رحت مع منال لسبيطار 

منال=هذيك كلبة هذيك

منعم=علاش ضرباتك

منال=خاطر عرفت بلي راني معاك و هي كل نهار مع واحد و تبع صحاب الدراهم نعرفها مليح قريت معاها مالبريمار و نتا عجبتها جات عندي 

هي فرحت كي قاتلي عجبتها بصح كي عرفت كيفاه دايرة اصلا اليوم فهمت لي عندها بزاف وجوه 

منعم=خلاص خليك منها ايا نشوفو يدك 

الطبيب= للأسف يدك تكسرت لازم بلاتر 2 سمانات 

منال= كلبة متسواش شو وش دارتلي 

منعم=خلاص منال هكا انا منزيدش ندور معاها

________عند أرين_______

تعرفو مزية صرا هكا خاطر بديت نحس روحي ننجذبلو و هو هكا عاملني معليش اليوم رحت للمركز دربت تدريب كحل حتى عييت رقدت غد منداك جمعة مقريناش و نضت بكري وجدت لروحي كشغل عقاب لنفسي اني حبيت نوقع فالحب تدربت تدربت حتى عيتت و جوزت الويكاند هكاك لاطاي تاعي تسقمت كثر فيومين برك خاطر مكنتش نريح و مكانتش معايا أميرة 

اليوم الاحد نضت بكري غسلت وجهي لبست هكا

و رحت نقرا قاع يخزرو فيا انا مقيمتهمش قاع نمشي و مطلعة راسي حتى شفت منال بالبلاتر شديت الضحكة بسيف هكا و يجي المراقب يا يما حوس على نهارو بيدو 

المراقب= أرين وليتي تقباحي امشي معايا امشي ادعي برك مشي كونساي 

ارين بصوت عالي=خايفة لا نتا تروح للكونساي بالمعاملة هذي

لؤي=ارين اسكتي متزيديش تكملي عليها 

ارين=هههه متخافش علبالي وش ندير 

رحت مع المراقب دخلني عند المدير و بدا يعيط

ارين=شوف نخسر عليك كلمة يا دوك تحبس التبهدايل هاذو يا يصرا لي ميعجبكش هاني قتلك

المدير= والله علاه وش تكون حضارتك

ارين =نتا بغيت 

المدير= وشن

انا رفدت تلفون عيطت لفاتح قتلو ارواح كيما توقعت

ميما 5 دقايق دخلو عليه رجال لابسين قاع الكحل و فوسطهم فاتح 

فاتح= سلام مسيو نعرفك على روحي و حطلو لاكارت فوق البيرو هو قراها ولا يرعش وحدو عرف بلي نهايتو قربت خصوصا ديك العلامة قاع برهبوها  AR  

المدير=مسيو يمحلنا مكناش عارفين 

فاتح =سماح مشي مني منها هي

المدير= سمحيلي بنتي مكنتش عارف بلي فاميلتك

ارين=ههههه مشي فاميلتي لوكان تقرا لاكارط مليح تفهم قراها لقا بلي هي المديرة ولا يرعش كثر متوقعش 

ارين=هدرت معاك ماللول ولا لالا

المدير = سمحيلي سمحيلي منزيدش نعاودها والله

ارين= اوك و اسمع مليح نتا على المراقب يصرالك تحويل للسيام و نتا احمد ربي بصح والله و قاع دوك رجالو رفدو كوابسهم قدامو 

والله و تغلط و نسمع الحكاية برا تشهدر على عمرك هاني هدرت

المراقب = منسمحلكش تهينينا هكا كاين لابوليس فالبلاد خليني نعيطلهم يجو يرفدوكم 

فاتح=بلع لابوليس تاعك حنا نحكمو فيهم و شد فمك خير ما تكمل خدمتك فالقبر مشي سيام

المدير=خلاص سمحولنا غلطة متتعاودش بنتي روحي لكلاصتك كلي ما ضرا والو 

ارين= ااا و تان الشخص لي جا شتكالك نسحق 

المدير= اوك اوك نبهدلها متخميش دوك نجي واحد مايزيد يدرونجيك 

ارين =ايا صحا فاتح تقدرو تروحو

راحت ارين لكلاصتها فرحانا بالنصر تاعها و اخيرا دخلت تضحك و تلعب بالمفاتح 

الاستاذة=وش مكفاكش مجلس تاديب حابة تعاودي ارين 

ارين= امم منعرف بلاك 

منال=ههه شفتو باش متبكيش قدامنا دير هكا فتلكم بابا بكلمة يطيرها مالليكول اصبري يفوت المجلس برك ههههه

لؤي=ارين وش قالولك ياك ميحاوزوكش

ارين= و شكون هذا لي يتجرأ يحاوز ارين 

لؤي= منعرف وش خربتي تما علابالك 

ارين =هههه جياحة تاع الصح

____عند المدير________

المدير= وشبيك هبلت كيفاه تهدر معاها هكا حاب تقتلنا

المراقب=علاه وش تكون

المدير رمالو لالكارت فوجهو 

المراقب=اهه المدير تاع AR

المدير=ايه امشي دوك قدامي لوكان ندير وش قالتلي علبالك منتعذبش طول حياتي امشي

____فكلاصة ارين____

البروف تشرح و ارين فعالم اخر تخمم فالشخص لي حي يقتلها شكون 

الاستاذة=ايي نتي ارين

ارين=انعم

الاستاذة =وش راكي تخمي ففارس احلامك لي دخلك المجلس 

ارين=ضحكتلها صحكة صفرة وي بلاك

الاستاذة =متحشميش نتي مكنتيش هكا

ارين=هيا خطينا مالهدرة زايدة 

الاستاذة= اطلعي حلي المعادلة 

ارين بطبيعة الحال تقرا فالمركز اصعب من هذا جوغ هذا يجيها كيما الحروف 

ارين=وين راهي المعادلة 

الاستاذة =دوك نكتبهالك

الاستاذة كملت كتبتها

ايا دوك وريلي شطارتك مصباح غايسة خلي حبيبك يفيدك ضوك

ارين= مالتالي بلا ما تعييني الناتح تاعها -48

الاستاذة =وشن كيفاه عرفتي

ارين=هههه خاطر ساهلة هاذي نمدها لختي لي تقرا فالسيام تحلها نورمال

الاستاذة = تتحدايني محسوب هاكب حلي هاذي تعتبر اصعب معادلة و تحليها بالرقم الواحد

ارين= اكتبي اوك

الاستاذة كتبتلها وحد المعادلة 

لؤي=نظن تسرعتي ارين شوفي كيفاه دايرة

ارين = الناتج تاعها 7.598

الاستاذة=كيفاه وشن كيفاه عرفتي اطلعي حليها بلاك نقلتي 

ارين=هههه اوك

طلعت كتبتلها المعادلة كي شغل حافضتها نورمال قاع نخلعو حتى دخل المدير

منال=هاي حات اللحظة الحاسمة ههه قتلك

لبنى=متشوقة نشوف الغرور تاعها قاه وش يديرلها ذوك

منال=وي هههه

المدير=.........

______

عييت الحلقة الجاية انشالله باي باي نحبكم قولولي رايكم بليزز