تسريع الاحداث 

عند أرين -------------------

بقينا 15 جوغ تما مشي تدريب يعتبر عذاب تعذبنا انا و أميرة بصح تبدلنا ولينا مشي حنا من الضعيفة لي تخاف و يقولولها كلمة تبكي لوحدة بخزرة منها ترهبها غدوة نولو لقرايا أميرة عندها بيام و انا 2 ثانوي 

اليوم نضت بكري لبست هكا

و أميرة هكا

خرجت انا وياها وصلتها ليكول و كملت لليسي دخلت و تلاقيت بصحابات الطحبات رحنا نمشو و نتبهلو دخلنا لاكلاص روتار كي العادة مزيا البروف كانت تقسر مع حب قلبها دخلت لقيت البنات قاع يهدرو باين واحد جا جديد المهم 2 صحباتي قعدو كيف كيف و انا نستنا صحبتي الطحبة 3 ستنيت ستنيت مجاتش حتى دخل واحد زين شباب يهبل و حوس على بلاصة ملقاش قتلو 

أرين = تقدر تقعد هنا 

////=اذا ماراكي تستناي فحتى واحد

أرين= نو اقعد لوكان عينها جي راهي جات ملي

////= اوك انا لؤي 

أرين= متشرفين انا أرين

لؤي= منقراوش دوكا

أرين= نتا جديد ياك

لؤي = وي رحلنا غير كيما

أرين = ااا داكوغ كي تسوني نديك نوريلك ليكول ايذا حبيت و على القراية سمانة اللولة جوغ منقراوش غير قسرة 

لؤي= وي معليش مدابيا 

تبسمتلو يبان جونتي انشالله برك مشي حلاب كي الباقي

____عند لؤي______

اليوم نضت بكري رحت ليكول كلشي جديد عليا ورالي المراقب كلاستي لقيتهم مقلبين الدنيا و البروف تقسر مع واحد عند الباب مهتميتش دخلت شافوني قاع دارو يشوف فيا و يهدر فوذنين بعض انا توسوست من روحي معد صبت واحدة قاعدة وحدها تلعب بتيليفون كي شافتني مصبتش وين نقعد هدرت معايا المهم حكاتلكم لفوق قعدت معاها هي صح شابة و بانتلي جونتي معد لهات فتلفون حتى دخلت البروف مي مسكتوش و حتى البروف فتلفون معلبالهاش قاع بجدهم حتى هدرت أرين و هي تخزر فتلفون

أرين= ميخلعوكش دايرين هكا و اعرف شكون داسر خاطر قاع راهم يهدرو عليك 

لؤي = علاش يهدرو عليا يعرفوني

أرين و عينيها مزالو فتلفون= نو ميعرفوكش مي كي جيت جديد دوك عندك ما تسمع مي مديرش عليهم و اذا كاش ما سحقيت راني هنا 

لؤي =اوك مارسي 

مهم فاتت لاجوغني سامطة خاطر كلش مبدل و العباد لب تم يعيو القلب تحسهم عايشين فكهف جامي شافو بنادم كي خرجنا كنت رايح للدار تلاقيت بأرين من نفس طريق كملنا كيف كيف مي هي قاع متهدرش تضل ساكتة حتى وصلت لدارهم 

أرين= باي انا هاي درانا

لؤي = ااا مال جوارين انا هنا 

و اخيرا ضحكت 

أرين= ااا اوك مال مليحة

_______عند أرين____

كي كلمنا قرايا رحت طريق كومبلي مع هذاك لؤي و اكتاشفت بلي جارنا جديد المهم كي وصلت للدار مالقيت حتى واحد غير أميرة و ماني كنت عيانة قراف مالتدريب ايا رحت نعوم فلابيسين نحي العيا ابغي طلعت لادوش حتى عيطتلي ماني و قاتلي بلي لازم نروحو للتدريب كيما 15 جوغ  دايمن كي نخرجو مليكول بحكم بابا كيحكملش الخدمة حتى 19 و ماما كيف كيف و حنى نخرجو دايمن 16.30 

_____عند منعم______

و اخيرا خليتيني نهدر مالصباح تهدرو مافدتونا فوالو (ايا اسكت خير ملي نبطل متهدرش قاع )

معليش معليش المهم كيما قتلكم رحت لروسيا نقرا كي وصلت لقيت كلش واجد فالإقامة الجامعية عيطتلهم سقسيت عليهم و رحت نريح نرقد شوية بصح جات فبالي أرين محبتش تتنحا من بالي منعرف علاه واقيل هذا هو الحب من اول نظرة احي وش راني نخلط المهم فاتو يمات بدينا نقراو عيطت نسقسي على خاوتي كيفاه جوزو نهاراتهم فليكول جديد فرحوني كي قالو صافا و انا بديت نفورصي روحي فالقرايا و فنفس الوقت نخدم فالشركة تاع بابات صحبي عجبني الحال كنت الاز و بديت نوجد فدراهم باش نبدا بمشروع صغير تاعي و نبدا نكبر فيه بلعقل 

_________عند أميرة_________

بون ماني عياتنا هاذ 15 جوغ متنا و حيينا و بعدها ولينا نقراو جا معانا واحد جديد اسمو نجيب شباب بزاف مي انا منحلبش ولينا دايمن نتدربو كي نخرجو مليكول و أرين تبدلت بزاف ملي عرفنا الحكاية متضحكش قاع و تضل سيريو غير مع صحاباتها او واحد البنادم جارنا جا جديد معلباليش وش يكون لهاذاك نجيب محوستش نفهم كنت نحب واحد اسمو ياسين بصح منحبش الكوبل و قاع 

____عند منعم _____ 

فاتو 3 اشهر و دوكا راني نوجد باش نولي لبلادي توحشتهم بزاف المهم وجدت وصلني صاحبي نزيم للمطار و مقتلهمش بلي راني مولي خاطر حبيت نديرها سوغبغيز 

_____عند أرين _____

فاتو 3 اشهر علاقتي مع لؤي ولات مليحة و ولينا باست فراند و هو يحب صحبتي رحمة يضل يهبلني عليها و صحبتي دنيا بدلت لاكلاص سما انا وليت نقعد مع لؤي و نروحو كيف كيف و نولو كيف للدار و خطرات فليبروجي نروح عندو و يجي عندي المهم اليوم الجمعة نضت على 9 دوشت و خليتلي شعري هكاك اصلن هو ليس و كنت رايحة نتدرب حتى قالتلنا ماني بلي مكاش تدريب اليوم راحة فرحت عاودت طلعت لشمبرتي حتى عيطلي لؤي

لؤي =الوو صافا

أرين= وي بيا و نتا 

لؤي = حمدالله ايدا عندك وقت فراغ حبيت نقولك ارواحي اليوم تفطري عندنا ماما عرضاتك او فنفس الوقت نلعبو مع ليزامي 

أرين= فهمت حبيت تقول جيبي رحمة و رواحي نديرو قعدة

لؤي = وي هكاك و يجي عادل صاحبي بلاك تديري لافار

أرين= ههههه اوك تعرفني خاطيني الحب و شغلات هادو 

لؤي= اوك 

لؤي

_______________________________________________________________

قولولي لا عجبتكم ولا لالا

نكمل ولا لالا