جماعةةة وليت متنساوش تفوتيو و تقوليلي رأيكم الحقيقي بدون كذب باش نعرف نصحح اخطائي و نشكر بزاف سوسن لي نظمت مسابقة افضل كرونيك مع اني مربحتش لكن يشرفني  المشاركة فمسابقة كمسابقتك 

______________________________

أرين =تعرفوها ؟؟

رزان= اذا منخافش نكذب بنت عمك عمر 

فاطمة=فاتو سنين بصح وجها معقول 

أرين=مشي ماتت ؟؟؟

رزان=مفهمتش

أرين=امم فهمت علاه حوس عليها بالذات حاب تلعب السي يوسف بصح معامن  قربت ليها عنقتها و نحاتلها شعرة بلا ما تفيق 

أرين=حبيبتي تروحي مع طاطا لشمبرتك تولي تعيشي هنا 

إخلاص= و ماما 

رزان=اياي بنتي معد نهدرو

راحت ارين للمركز 

ارين=فاتح

فاتح=وي 

ارين=هاك هاذ الشعرة ديري DNA

فاتح=معامن 

ارين=معايا تقدر تكون بنت عمي

فاتح=وشنن بصح

ارين =دير وش قتلك و هنيني ايهه و تان بالاك تغلط تديها لمخبر خارجي تجيب المختبر عندي

فاتح=حاضر 

ارين بقات تخمم فحكاية كيفاه صرات كيفاه راهي حية و ماماتش خممت خممت لقات روحها فدوامة و دوامة كبيرة

اصبرو دوك نفهمكم قبل 6 سنين كان عند بنت عمها اسمها إخلاص يتيمة ماتت يماها نهار ولادتها و  باباها مالزعاف دار سكتة قلبية و مات و هي تربات معاهم خطرة كي كانت فليكول كانت وحدها فلمطعم تستنا اهلها يجو يدوها تحرق المطعم لي جاي داخل مؤسسة واحد مافاقلو لانو خدامين تاعو كانو برا و ظنوها قاع ماتت

أرين=راح ندمك يا السي يوسف ندمكككك

ناضت مبلاصتها لبست سروال فالنواغ مع تريكو بيض مكتوب بالنواغ و فاست كوير رمادية و باسكات نفس اللون و خرجت وجها مايبشرش بالخير وجهتها شركة زهير الشريك تاعها

ارين=سلام زوزو

زهير=اوو  و اخيرا شرفت سمو السلطانة عندنا

ارين=ههه صحا

زهير=ازرع ينبت متجيش بلا سبة

ارين=نتا الشريك المخفي تاعنا

زهير=ايه

ارين=و نتا المنظم تاع مسابقة افضل رجل اعمال

زهير=وي 

ارين=يوسف ليراز 

زهير =هو يدها باين

ارين=مراحش يديها

زهير=علاش؟؟؟؟

ارين مدتلو فلاش ديسك=هذا راح يشوفوه نهار يقولواسمو كفائز 

زهير=نقدر نشوفو

ارين=خليها مفاجئة

زهير=اوك نتلاقاو عشية فحفلة التكريم 

ارين =انشالله 

ولات ارين للمركز وجدت روحها خرجت بوبية لبست غوب باج طويلة مفتوحة من جيهة جنى لفحاذتي و شهرها ويفي مع طالو فالبيض و فاست تاع ريش ملفوق بالبيض و وجهتها حفلة مسابقة افضل رجل اعمال محترم للسنةو حتى منعم كان تما بصح ملازم حتى واحد يعرف بلي حبيبها يولو يهددوها بيهراحت و راسها مرفوع دارو قال ليها يخزرو فيها مدهوشين و منعم مقلق من نظرة الرجال ليها دخلت حكمت بلاصتها و محكات مع حتى واحد اما يوسف لمتأكذ من روحو يديها و هو كل همو يكون افضل من كل الناس كانو قاعدين قاع حتى بدا يهدر المقدم

المقدم=الأن سنعرف من هو افضل رجل او سيدة اعمال لهذه السنة و افضل رجل او سيدة اعمال لهذه السنة هو  يوسف ليراز  هنا يوسف فرح حتى شافو فيديو فشاشة العرض على اعمال الجرم تاعو و .. و ...

احد لجنة التحكيم=سي يوسف هل هذا يعتبر عملك نتا متستحقش الفوز بنصيب افضل رجل اعمال محترم و حتى قادر تعترض للسجن لمدة طويلة

يوسف=لحظة كاين خطأ متأكد كاين خطأ

لجنة الحكم=مكاش خطأ و كلو باين من هذا سيتم سحب الجائزة منك و راح تولي للسيد عثمان جيفان 

وييي صح كيما خممتو بابات ارين ولا رجل اعمال و استكلف بكل شركات يعني هو كان افضل رجل اعمال للسنة عثمان فرح و طلع للمنصة استلم جائزتو بكل فخر اما يوسف بقا غير يطلع و يهبط شكون حط داك الفيديو  

يوسف=طبعا شكون غيرها تعرفها مليححح بنت صاحب باباها منير  عثمان و منير كانو صحاب مالصغر لكن ارين باباها كان متوسط الدخل عادي اما رفيدة كانو اغنياء لدرجة كبيرة و تضل تزوخ على أرين  و فنفس الوقت صديقة يوسف المقربة

رفيدة=بالبراكة على باباك 

ارين=يسلمك 

رفيدة=سور تزوجتي و معرضتيناش 

ارين=راني نشوف روحي وحدي جابلي ربيي

رفيدة = مال تتمسخري بيا منين جاوكم قاع هاذ الدراهم

ارين=على حسب بعض توقعاتي و حساباتي المحسوبة جيدا مكان مداخلك 

رفيدة=هههه تضحكي ارين 

منعم=سلام ارين 

ارين=السلام  

رفيدة اذا منخافش نغلط منعم مصطفاوي 

منعم=واو راني مشهور مكانش علبالي 

ارين باللعقل =مشي نتا لي مشهور هي دايرة لاليست لي حبت تتزوجهم

منعم=وش قلتي

ارين=نعرفك رفيدة بنت صاحب بابا 

منعم=متشرفين 

رفيدة =الشرف ليا 

منعم =بالبراكة على باباك ارينو 

ارين=مارسي و بتسمتلو 

رفيدة راحت مقلقة و صح كانت داير ليست برجال الاعمال لي حبت تتزوجهم كان هو الاول على القائمة و حلفت تديه لأرين كيفاه دات الاهتمام  منها فالحفلة و دا باباها بلاصة صديقها المقرب 

رفيدة=راح ندمك راح ندمك اصبري عليا برك 

__تسريع فالاحداث___

ارين عرفت بلي اخلاص تكون صح بنت عمها المفقودة و يوسف مازاد دار حتى حاجة لارين لكن مزال كاين اللغز لارين تحوس عليه اخلاص كيفاه ماماتتش و علاه ماماتتش اليوم قررت تسأل عائلتها عن عمها و حكايتو 

ارين=ماني حبيبتي حبي عينيا

فاطمة=مالتالي وش خصك

ارين=علبالي متحبيش تحكي فهاذ السوجي بصح لازم نعرف وش كاين لاززم بليزز احكيلي

فاطمة=اوفف ارين شحال ملخطرة هدرنا فهاذ السوجي

ارين=ماني بزاف والله مراكيش تحكي مع حفيضتك مع السلطانة ععلبالك عنادك وين راح يدينا للهاوية دول هاذ 5 اشهر لي انا فيهم السلطانة كنت نحميكم بكل الطرق و نتي لازم تفهميني 

فاطمة=اوفف اوك اوك اقعدي شوفي دوك عمك تزوج قبل باباك ب 5 سنين و مرتو كانت اونسانت و فرحانة بوليدها لي جاي حتى ولا فعمر بيبي 7 اشهر خطرة خرجت تقضي و كلات برا جات للدار مدوخة و تقولنا عليا السطر فكرشي ديناها لطبيب قالنا لازم تحدث ولادة مبكرة و ولدت الطفلة لكن اقل من 3 ايام مات و بسبب واش صرا كان صعيب عليها ترجع ترفد و عمك كان يحبها مخلاهاش جوزو مراحل صعبة و حتى مور ما نزدتو ربي رزقهم بإخلاص لكن الطبيب حذرها تنزلو ولا قادر تموت لكن موافقتش  و اختارت الموت و بعدها عمك محملش دار سكتة قلبية و مات بقات اخلاص معانا لعامين و الباقي تعرفيه 

ارين=اوك مارسي ارين حست حاجة غريبة فالوضع ولات عند مانها

ارين=ماني ................................................

_______________________________________________

مبقاش و تخلاص الكرونيك يالله شجعوني مع العلم مازالو بزاف اسرار مابانوش زعما واش هوما زعما ارين تخرج منتصرة من عالم المافيا ولا جثة 

نستنا أرائكم  و نعاود الشكر لسوسن على الرأي تاعكم