هلوووووووووووووووووووووووو قايز المهم علبالي مكنتش راح نكتب بصح وحدة مالمتابعين و فنفس الوقت صديقتي درنا تحدي و انا خسرت و هي طلبت مني نكتب جزء جديد او حلقة جديدة فهاد الكرونيك و انا راح نكتبها

_______________________________________________________________

منعم =واوو مشاء الله على الشاطرة تاعي

ارين=مارسي حبي

منعم =هيا نروحو لوتال

ارين=نووو بليزز

منعم=علاه

ارين=خلينا نبقاو وحدنا هنا

منعم=انا قلت نتي عييتي

ارين=ههه هذا والو

بقاو الابطال تاعنا يقسرو نساو روحهم حتى رقدو بلا ما يحسو ناضت ارين اللولة بقات تخزر فيه باستو و حكمت تلفونا

ارين=فاتح نظن لقيتو كلش

فاتح=طبعا

ارين=نسمع

فاتح=الطفلة اسمها إخلاص متبناة من ميتم منذ شهرين تقريبا و تم دفع مبلغ ضخم من المال باش يدوها هي

ارين=امم و فسبيطار

فاتح=كلشي بخير و راهي فصحة جيدة و الام ولا لي تبناتها مهيش من عائلة غنية و غير متزوجة

ارين=اوك راح تغلق القضية

فاتح=كيفاششش هبلتي

ارين=تغلقها من الدرجة الأولى فقط (الدرجة الاولى= يعني قاع يعرفو بيها و لوكان يسقسي اي واحد فالمنظمة يعرف كلشي .........الدرجة الثانية=يعني يعرف غير مجموعة لي خدامين مع المديرة او رئيسة .........الدرجة الثالثة=يعني تعرف غير الرئيسة بها و هي تغلقو بصح تهتم بيه وحدها --نشالله وضحتلكم)

----------عند يوسف -----------

راني مخدم معايا بهايم انا بهايم طفلة صغيرة مقدرتوش تقتلوها علبالكم شحال خسرت دراهم ولا لالا

***=سيدي هي مبعدتش على السلطانة مقدرناش و نتا وصيتنا منقتلوهاش

يوسف=تتمسخر بيا تتمسخر بيا شفت ليكاميرا 5 خطرات فكلهم شفتها بعيدة عليها كي كانت رايحة تجري عند يماها تتمسخر بيااااااا

***=اسفين سيدي

يوسف=اسفك وش يديرلي اهه وش يدير حابسين و لوكان تعرف قبل ما تموت امل

***=متخافش سيدي راهي فسبيطار نقتلوها قبل

يوسف=وقيل حسبالك راك تلعب غميضة مع خوك الصغير ايه اوو هذي السلطانة

***=لكن سيدي

يوسف=شوف نسحقك تعس كل المخابر و تمد رشوة لتزوير فحالة تم تقديم طلب و ثانية تقتل المراة لي شريتو عليها الطفلة

***=اوك سيدي و خرج يجري خاف على روحو دارو غلطة متتصلحش انو مقتلوش امل قدام عينين ارين

______عند منعم______

ناض صباح ملقاش ارين قدامو ناض يحوس عليها لقاها تهدر فتلفون راح عنقها م خصرها ارين كوبات

ارين=صباحوو

منعم=صباح الحب يا أحلى حب

ارين=امم زعما محبيتش قبلي

منعم=نخاف نحكيلك عليها كاش ما ديريلها

ارين=علاه غولة انا

منعم=امم اسمها منال كنت نحبها حتى ضربتها وحد مخلوقة

ارين=منعممم و راحت تجري موراه و يضحكو حت صابو جماعتهم يخزرو فيهم

لؤي=على حسب حساباتي المحسوبة راكو كبار لالا

ارين=اسكت نتا مزال متفاهمناش على البحر

لؤي=باردون برانساس

ارين=المهم الشابين نتوما كملو الفاكونص تاعكم انا

منعم=وينن

ارين=لازم نولي الخدمة راه بزاف منقدرش نبقا هنا

منعم=اوك راني جاي

ارين=وين

منعم=نعاون عينيا

ارين=تعاوني لالا ايه تعاوني

سيليا=انا نزيد نقعد هنا منعم عجبني الحال

ارين خزرت فيها تاع وشبيك والله سيريو وشبيك (الله غالب التفاهة حتى فالدراما)

سيليا=منعم ربي معاك اخي الكريم عندك وحدة مغيارة

منعم=ايهه ارين سيليا مخطوبة بلا غيرة اوك

ارين=امم اوك اوك عمو بطاطا

لؤي=بطاطا هههه واوو السي منعم بحد ذاتو ولا بطاطا ههه

منعم=مارسي حبي مارسي

ارين=بلا مزية العمر

منعم و ارين ولاو و ارين نغمست فخدمتها لدرجة كبيرة

ارين=فاتحححححححححححححححح

فاتح=بلعقل هاني جيت

ارين=فاتح نظن حوستو واش المميز فطفلة هذي عن غيرها و علاه يوسف حوس عليها هي بالذات

فاتح=طبعا حوسنا لكن المراة لي شادة الميتم ماتت ديك الليلة و سقسينا الخدامين قالو بلي ماتت فحريق

ارين=حريق فالميتم كلو

فاتح=لالا غير المكتب تاعها

ارين=امم امر مشتبه فيه و الملف تاع إخلاص

فاتح=مكاشو قلو تحرق معاها

ارين=امم اوك حكاية فيها لوش

فاتح=و هي وين نخلوها

ارين=غدوة جيبهالي للمركز

فاتح =اوك

حتى صونا تلفون ارين

ارين=وي حياتي

منعم=عشية ني جاي عندك

ارين=تبات

منعم=ويي

(اصبرو نفهمك وش كاين بون الحكاية بما فيها انو عائلة منعم رحلو لبلاصة اخرى بسبب لؤي لي راه فالجيش و يلي تقربو مالبعض ولاو خطرات يجو عندهم يباتو فالمناسبات يعني)

ارين=ما المناسبة

منعم=علاه محبيتيش نجي منجيش

ارين=اممم نن ارواح برك

منعم=ايا باي ني مشغول

ارين=اوك باي كلبي

منعم=اوك بقرتي

فات الوقت و ارين ولات للدار لقات عائلة منعم وصلو

ارين=طاطا فضيلة توحشتكككك

فضيلة=حتى انا بنتي وشبيك شينتي

ارين=الخدمة

رزان=اهلكي صحتك و قولي الخدمة

ارين=مبقاش قد ليفات

رزان=نشالله نشالله

راحو قاع تعشاو و ارين و منعم بينهم نظرات حب عميقةحتى بداو يلحقو ليميساج لارين و محبوش يحبسو حتى بدا يصوني تلفون و منعم قرا مكتوب حبي

ارين=سمحولي دوك نجي و ناضت هنا منعم تقلق

منعم=شبعت انا نروح نريح عييت

فضيلة=وي روح وليدي

راح منعم يحوس عليها لقاها تهدر فتلفون بصوت خافت كلي تسرق فحاجة قرب بلا حس

ارين=ههه اوك حياتي

=لالا يا خرا والله

=ههه باي عمري حتى انا نحبك و تضحك

هنا منعم بدا يتقلق بصح محبش يشك لباطل و بعد شوية بقا يخمم كيفاه يتاكد و ينحي الشك طلع لتيراس و بقا يخمم حتى شاف ساعة لقاها 1 تاع الصباح كان هابط سمع الحس فصالون لي طل على البحر

ارين=اااا خراااا لالا مشي هكك عمري بليزز اششت دوك يسمع المهبول تاع منعم تنوض القيامة على راسي ههه

ارين=ايه لؤي ايه ههه

هنا منعم ولا ميشوفش خلاص لؤي ارين كيفاه هكا راح نحالها تلفون و هي تخطفت

ارين=منعم وشبيك خلعتني

منعم=خلعتك ولا خسرتلك قسرتك

ارين=منعم حبي بليزز شوف نكوبي و اهدر وش تحب

منعم=زيدي قولي حبي زيدي وش تشوفي فيا هنا اه وششش و بقا يقلب فتلفون لقا لي ميساج و فوتو تاع ارين بشوغت و زين شابة خلاص هبل و مبعوتين لواحد مكتوب لؤي حبي

منعم=هذا واششششششششششش واشن اهدري نسمع فيك

ارين=منعم ريلاكس وشبيك خليني نهدر

منعم=لمن بعتي هذي شكون شافك هكا غيري شكوننننننننننن

ارين=منعم

منعم=ايهه نسيت انا و مشفتكش هكا

ارين(بالعياط)=منعممم

منعم=سمو السلطانة افهمي نتي تاعي وحدي و مكاش لي يديك مني لوكان يجو 10لوكان نعرف تكرهيني فالدم نخليك تحبيني و اخر مرة نقولك نتي تاعييي بصح لي ضرتني لؤي

ارين هنا فهمت كلش=ههههههههه اصبر ههه ايما كرشي

منعم=وش كاين وشش

ارين=اششت دوك ينوضو

منعم=خليهم ينوضو خليهم والله نتزوجك دوك قدامهم هنا دخل بابات ارين

عثمان=سمحولي ديرونجيتكم نواضري برك كملو جوغ مشفتونيش و منعم روح راهي ليك من دوك

ارين =او ماي سيدي ربي ما هذا

منعم=دوك فهميني علاه تضحكي

ارين=يا الشاطر حسبت هذا لؤي

منعم=هاو انا

ارين=ههه هاذي رحمة

منعم=رحمة و رحمة تسميها لؤي

ارين=ايه ههه حتى هيا فتلفونها مسميتني منعم برك حبي فتالي

منعم=وايت واايت فهميني بلعقل

ارين=اوهه كي حابس هي تحب لؤي و انا نضل نهبل فيها بيه سما نعيطلها لؤي و العكس صحيح

منعم=و علاه قلتي لوكان نسمع تنوض القيامة

ارين=ااا نو هذا سر

منعم هنا عنقها خاطر كان خايف يدوها منو

ارين=نحبك نعشق فيك

منعم=انا العشق و ميعبرش على شعوري ليك خاطرو اكبر منو(اللحظات المذكورة يعني الحادثة الاخيرة حقيقة )

ارين=و تقولي مغيارة واوو نسفقلك

منعم=اصبري ديجا مزال

رفد تلفونها عيط لرحمة

رحمة=وي منعم صافا

منعم=ههه عرفتيني ياه

رحمة=ياهه منعم صافا شوية

منعم=ههه صافا لؤي

رحمة=ااا بهلتني الكلبة هكا صار

ارين=اششت بيبي اششت تبهدلنا كيف كيف

رحمة=يا الرخيسة نحي اوت باغلوغ نسحقك

ارين =دقيقة

منعم =نوو تهدرو هكا ولا منتفاهموش

رحمة=انا نقولو سيبون

منعم=نسمع

ارين =بلاكي

منعم =اهدري رحمة ختي اهدري نحكيلك كلش على لؤي

رحمة=كي هكا اوك شوف

ارين=تفوو نكارة العشرة و بقات تدعي متقولوش هي خاطر خافت

رحمة=بون بسم الله اليوم كي كنت انا و الشابة تاعك فالخدمة جا وحد المخلوق و بقاو يقسرو كيف كيف و هو صح شباب مي محبتش تقولي شكون سقسيها نتا بليزز

هنا منعم خزر فارين بخزرة تخوف اما ارين كي سمعت صحبتها قلت هكاك رتاحت لي خبات عليه وش كاين

منعم=صحا صحا رحمة دوك نردلك الخبر

منعم=ايه نسمع فيك لالة ارين كاين توضيح

ارين=مكاش

منعم=والله شكون هذا

ارين=واحد وخلاص

منعم=اريننن

ارين=زهير

منعم=شكون زهير

ارين=خو منال

منعم=والله سيريو معليش نفهم وش كنتي ديري مع خو منال

ارين=اللولة انا وياه راح نعقدو شراكة كيف كيف

منعم=يا ربي صبرني

ارين=الثانية جا يعرضني لخطوبتو

منعم=ااا راح يخطب قولي هكا ماللول بصح الصحك و القسرة علاه

ارين=حبس كيما راك قاع قاع زهير لالا

منعم=وشنن علاه انشالله

ارين=حب طفولتي

منعم=كيفاه

ارين=يعني صديق طفولتي اخي الجميل الحلو

منعم=امم اوك

__________الغد مساءا__

بعد ما كمل ارين خدمتها شافت اخلاص جاتها مألوفة داتها معاها و راحت للدار

ارين=ماما اميرة ماني جبتلكم واحد جديد للعائلة

راحو قاع و هنا المفاجئة

فاطمة و رزان فنفس الوقت =إخلاصصص

..............................................................................................

زعما شكون إخلاص زعما ارين وش مخبية على منعم و الاكبر شكون هو البوس لي يحوس على ارين

بونن الشخص لي بسبتو كتبت هاد الكرونيك هي صديقة عزيزة ولدت منذ 3 ايام باركولها و ربي يرزقنا كلنا بالذرية الصالحة