ناضو اليوم كلهم لبسو لي يورفات و داو معاهم غير سورفات و خرجو لقاو فلؤي و نجيب و منعم يستناو برا أرين كانت لابسة هكا

و رحمة هكا

و أميرة هكا

منعم

لؤي

نجيب

ركبت أرين مع رحمة و لؤي أرين دارتها بلعاني باش يكونو مع بعض

طونوبيل ارين

منعم

ارين=هيا نقعدو عام هنا

منعم=اصبري نستنا فوحد الشخص اا هاهي جات

شافو طفلة مالعيد تبان شابة بيضا عينيها زروقا و شعرها كحل فيه خصلات بالازرف جاو مع عينيها و لابسة هكا

جات سلمت على منعم

منعم=سيليا راكي تهبلي

سيليا=مارسي هيا نروحو

ركب معاه سيليا و اميرة و نجيب و راحو و منعم طونوبيلتو مفتوحة ارين تشوف قاع وش يديرو تقلقت اما لؤي لي متوحش رحمة بزاف بصح مقدرش يهدر معاها حتى فاقولها غير كي حبست

لؤي=علاه حبستي

ارين=انزل

لؤي=وشن

ارين=قتلك انزللل

نزل لؤي و هي نزلت

ارين هاك سوق راني عيانة

ركبت هي لور و بقات رحمة مع لؤي القدام اما ارين باش متقلقش راحت تجرب ترقد هكك متشوف والو و صح راحت فعالم الاحلام حتى منعم خزر لقا لؤي يسوق و هي متبانش قاع حتى عيط للؤي

منعم=وي خو

لؤي=وي حنوني

منعم=اسمع نحبسو نشرو كاش صوالح ناكلوهم اوك

لؤي =اوك

اما بين لؤي رحمة نظرات مايفهومها غير هوما كانو حابين يقولو بزاف صوالح بصح مقدروش حتى عماتهم شميسة فعينيهم قاسو يدهم بين زوج يجبدو نواظر و تلاقاو يديهم و هنا كانت رعشة فجسم رحمة لي حس بيها لؤي و تبسم على جنب تأكد انو مزال تحبو معد جبد يدو و بقا يتبسم مع انو الشمس تعمي فيه و يحاول يغلق عينيه رفدت هي نواظر دارتهملو

لؤي=صحا

رحمة=بلا مزية

كملو طريقهم حتى وصلو وين يبيعو ماكلة حبسو قاع

رحمة=روريي نوضي نهبطو ناكلو

ارين=امم روحو نتوما منجيش

رحمة=نوضي نوضيي

ارين=اوهه خلي جدي منجيش جيبيلي مام

رحمة=امم اوك

راحت رحمة عند جماعة هي و لؤي

نجيب=ارين وين راهي

رحمة=راقدة

اميرة=متجيش

رحمة=لالا تبان عيانة بزاف مشي عوايدها

اميرة=يكون ضربها ريح ولا الحمة مازالت فعوايجها خليها ترقد تريح

راحو كلاو و تعرفو بسيليا و ولاو لطونوبيلات حتى وين فطنت ارين

رحمة=صباح الخير

ارين =مازال موصناش

لؤي=عطلنا فالريستو على هاذي

ارين=و حقيي

رحمة=وش قتلك مجبنالكش لؤي قالي مكله

ارينن=اا كلاب متحشموش حابيني نوري وجهي دوزيام دوك

رحمة=لالالالالا ابقاي ارين متوليش السلطانة هاكي دتلها صوندويش

لؤي=هاني عاودت جعت اناا

ارين=ههه كول روحك

لؤي=مزية خممت فروحي جبت ليا و بقا يسيي يجبد كي مقدرش خاطر يسوق حتى شافتو رحمة علوناتو و بقات هي توكلو و كل ماتقرب منو يجو عينيهم فعينين بعض و بقاو هكك حتى وين وصلو نزلت ارين مالطونوبيل شافت بلاصة عجبتها بزافف

ارين=حمدالله وصلنا

اميرة=صافا

ارين=كي الاحوال

اميرة=علاه منزلتيش تاكلي

ارين=عييت شوية

اميرة=و دوك ريحتي

ارين=وي حمدالله و نتوما صافا نجيب منعم اا

سيلياا=سيليا انا

ارين خمست معاها=متشرفين هيااا وين لوتال نعست والله

منعم=جابلي ربي طريق كومبلي نتي راقدة جيتي باش نحوسو مشي نرقدو

ارين=تصحيح جبتوني مجيتش سما خلوني نريح السمانة الجاية عندي خدمة كبيرة

رحمة=متفكرينيش راحو قاع حطو ليفاليز و ريحو حتى وقت العشا هبطو قاع لريستو غير ارين لي كانت تخمم فمنعم

ارين=زعما صح نساني هذيك هي سيليا لي قالي عليها شابة بصح انا شابة عليها نوو منعم يحبني انا حتى سمعت الباب لقاتها رحمة

ارين =ادخلي ادخلي

رحمة=وشبيك مقلقة شوية و يخرج الدخان من وذنيك

ارين=شفتي ديك سيليا

رحمة=ايه هايلة الطفلة

ارين= و تقوليلي هايلة و قاع راهي حبيبة منعم

رحمة=ههه غرتي

ارين =نوو

رحمة=كيفاه نوو و هذا وش تسميه

ارين=بفف و بدات رحمة دغدغ فيها و يضحكو

ارين=اسمعي لؤي والله يحبك جربي فرصو وخدوخرا معاه

و فهاذ اللحظة لؤي كان عند باب باش يعيطلهم

رحمة=انا ثان نحبو بصح متأكدة بلي ميسمحليش علبالك وش درتلو قاع

ارين=و نتي تان بغلى قتلك كوني معايا و شدي السر مشي بعدي على المخلوق مريضة

رحمة=ايهه بصح مشي كيفكيف انا منقدرش نخبي عليه و هو كان فمنظمة يعني لوكان بقيت معاه والله يفيق

ارين=لالا هكا خير مدي فرصة لروحكم

رحمة=مستعدة نمدلو روحي بصح متأكدة ميسامحنيش

لؤي كي سمع هاذ الهدرة فرح و قرر يحارب على جالها مهما كان عندها الحق مصلحة المنظمة قاع فيديهم نزلو قاع ارين شافت فمنعم لقاتو يقصر مع سيليا قريب قتلتو بصح تمالكت روحها و قعدت كلاو نورمال حتى ناضت ارين هي اللولة

و راحت تجري صوطات على واحد و عنقاتو

ارين=اونورر جيت كنت متأكدة متخيبنيش

اونور=هه خسارة عليك و هنا منعم الغاز طلعلو لراس و بدا يتقلق

ارين=نعرفكم اونور مساعد تاعي و صديقي فنفس الوقت

لؤي=متشرفين خو

اونور=الشرف ليا

اونور=ايهه ارين هيا كيما تفاهمنا

ارين=هه اوك نبدل و نجي

اونور=اوك بب

هنا شوية وي نوض منعم يكسرلو سنانو

لؤي=وين بيها

اونور=للبحر و كانت موراه رحمة جاية خاطر كانت فالسانيتاغ

رحمة=فهاذ البرد

اونور=نتي تان راكي هنا و عنقها رحمة قربت لوذنو =باشش تغيروه ياك

اونور=لالا عيطتلي جيت

حتى شافو نور جات لابسة روب زرقا فضفاضة

منعم=و حنا مشي معروضين

ارين=حبيت تجري مرحبا

منعم=صحا ايا نروحو معاهم الظاهر بلي السي اونورر يعرف مليح بلاصة هنا

اونور=وي نعرفها مليح هذا لوتال كان تاع جدي و باعو كنت نجي عندو

راحو قاع و منعم يضل يعس فيها حتى فاقتلو سيليا

سيليا=جيت نتا تغيرها غيراتك هيا

منعم=شوفي زمر كيفاه لاسق فيها

سيليا =ههه اوك نورمال

راحو كلهم جيهة البحر

ارين=سامحوني دوك نجي

اونور=وين بيها

ارين =نقعد وحدي شوية مي مشي هنا

رحمة=اوك روحي بب

راحت ارين تتمشى حتى وصلت لوسط الغابة وين لقات وحد الواد صغير بصح الاندفاع تاعو قوي يبان يدي لشلال بقات تشوف حتى زلقت رجلها وقريب طيح فيها وين شافها منعم تخطف راح يجر حكمها من يدها و جبدها لعندو و عنقها خاف عليها بزاف حتى طلعت راسها و عينيها فعينيه