راحت أريت تجري دخلت على باباها 

ارين=بابا راك مليح

عثمان=اخرجو قاع

رزان=هيا اخرجو البنات

عثمان=غير نتي ارين 

ارين= اوك 

خرجو قاع خلاو غير ارين مع باباها

عثمان=شوفي بنتي معلباليش وين كنتي او واش كنتي تديري و كيفاه جيتي بصح علبالي بلي عندك شرح مفصل لكلش نسحق كلش بالتفصيل

ارين=داكوغ شوف بابا هذاك النهار نضت بكري رحت للمركز علبالي اميرة حكاتلكم كلش كي رحت قالولي بلي هددوهم اني نبعد على مكاني ولا يفجرو قنبلة فالدار  و ايذا هكك يقتلو حتى اميرة و انا معاها و انا كنت صغيرة مكنتش مدربة مليح يعني يقدرو يقتلوني بجاست صغير ايا كنت مجبورة نلعب اللعبة بلي عندي مهمة متفجرات و هناك كنت فدار عمو صهيب و كي خرجت جات طونوبيل تجري و لعبت كلي زدمت فيها قبل ما يخرجو قاع يشوفو وش كاين كان كاين الطاقم تاعنا كاين اماكن جرحوني صح فيهم و اماكن هوما رسموهم باش نبان مجروحة و شربت دوا خلا قلبي يضعف لمدة بسيطة كلي يمشي بالة متحسلوش غير بيها و هنا نحينا قاع الشك تاع الجواسيس لي كانو فسيارة الإسعاف نهار صرا الحريق فالمشفى هربت و رحت بهيليكوبتر لكاندا مخليت حتى دليل ورايا بدلت اسمي و دربت بزاف حتى نهار تتويج لي بنت فيها بقوة اكبر باش نحطم هاذ العصابات 

عثمان=يعني خاطرتي برحك باش تسلكينا و تسلكي الموند

أرين=نعم 

عثمان=راكي مسامحة دنيا و اخرة بصح بعد اليوم منحبكم تخبو عليا والو

أرين=اوك حضرة الإمبراطور

عثمان=بلخف وليت إمبراطور

أرين =و بابات السلطانة شكون

عثمان=ههه 

بقاو يقسرو محسوش للوقت حتى رقد عثمان و هي خرجت لقات يماها برا

أرين=ماما ريحي شوية متقوليليش مصباح هنا

رزان=وش من راحة و باباك فهاذ الحالة وش قالك

أرين=بين أب و بنتو 

رزان=يعني تصالحتو

أرين=طبعا راه راقد انا تان عييت نروح للدار غدوة اول اجتماع ليا 

رزان=اوك بنتي بالتوفيق 

راحت أرين للدار لقات مانها و اميرة قاعدين فصالو يقصرو

أرين=السلام و عليكم 

فاطمة =وعليكم السلام بنتي

اميرة=السلام 

أرين=أميرة تبعيني نسحقك فسوجي 

اميرة =اوك

تبعت اميرة ختها و خايفة تجبدلها على الصباح علبالها بلي المفترض متعيطش عليها و من حقها تزقي عليها بخصوص القوانين راهي السلطانة كيفاه ختها تبكي 

أميرة=وي

أرين=علبالي بلي جوزتي الباك و جبتيه كنتي رايحة تقراي إدارة اعمال

أميرة=وي 

أرين=علبالي حلكم اخر راني سجلتك افلجامعة هاكي لاكاغت و اي حاجة احتاجيتي قوليلي 

أميرة=منيتك يعني مشي مجبورة نقرا إدارة اعمال

أرين=نو مشي مجبورة لأنو بعد عام راح نحطمو المافيا و تبقا غير شركات ساهلين

أميرة=شكرا بزاف والله ماننساهلك

أرين =بلا مزية و دارت خارجة مالبيروها 

أميرة=سمحيلي على صباح كانت أعصابي تالفة 

أرين تبسمت =don't take care 

(لا تهتمي) و خرجت راحت لشمبرتهادوشت بدلت و رقدت عيات بزاف و علبالها أعمالها متخلاصش 

'''صباح جديد''''

ناضت أرين بكل نشاط علبالها الاجتماع راح يحاولو يحطموها بأي طريقة ناصت دارت دوك سقمت مكياجها و شعرها و لبست هكا

و خرجت للصال ا مونجي فطرت 

أرين=أميرةايا معايا نديك للسبيطار ماما تكون عيات 

أميرة=اوك نجيب صاكي و نجي

أرين=ازربي شوية 

أميرة جات تجري راحت للسبيطار و أرين راحت للمنظمة العليا تاع المافيا العالمية الاجتماع كان على 9 و هي راهي 8:58 مازال مكاش

رضوان(رئيس مافيا النمر المنتشرة فارجاء هولندا) =وش هذا قريب 9 مازال مابنتش حابة تحكمنا 

يوسف(رئيس مافيا اللغز المنتشرة فارجاء بريطانيا)=والله صح عندك الحق راهي 8:59 

كلهم يشوفو فالساعة لي تمشي بالثانية حتى شافو بلي مزال 30 ثانية على بداية الاجتماع سمعو الطالو تاعها لي يتسمع من أميال و ريحتها لي سابقتها دخلت بكل هيبة مسيطرة على الأرجاء و قعدت على الكرسي 9 تماما كي صونات بلي بداية اجتماع

أرين=مرحبا بيكم نظن مكله التعارف كلكم تعرفوني و نعرفكم اليوم اول اجتماع ليا و وال اجتماع لي تقعد فيه مرأة على هاذ الكرسي اليوم معندنا حتى حاجة نتناقشو عليه غير لي عندو اسئلة 

يوسف=سيدتي 

أرين=تفضل

يوسف=وش الحاجة لي خلاتك تكوني نتي السلطانة مشي شخصص غيرك 

أرين=سؤال سخيف بصح نجاوب نظن علبالك بلي هذ المكانة موروثة عن أجيال غير اذا حبينا نمدوها لغيرنا و للاسف مكانش رجال فعائلتنا بنات برك لهاذ الشي مكاش غيري عزيزي

رضوان=واش الحاجة لي تبنلنا بلي تستاهلي هاذ المكانة 

أرين=اولا تطلب الإذن قبل ما تسقسي ثانيا هذي حاجة متخصكش لانو مطلبناش رايك  و رفدت روحها و خرجت لأنو عندها اسبوع راحة جاي فالقانون بعد التتويج 

_____عند منعم____

طبعا مستحيل يسمح فحبو بعد مالقاها بصح حب يعذبها علبالو بلي هي السلطانة الأمر اصعب باضعاف مهيش فتاة عادية اذن قرر يستعين ب سيليا صديقتو المقربة 

منعم=الو سيليا صافا

سيليا=وي منعم حمدالله و نتا 

منعم=بيا و فيصل (خطيبها)

سيليا=بيان حمدالله 

منعم=ايا حمدالله شوفي سيليا الصراحة احتاجيتك فموضوع اذا تقدري تعاونيني

سيليا =تفضل

منعم=تتفكري ارين حكيتلك عليها

سيليا=ويي قالي صفيان بلي ماماتتش رجعت بانت

منعم=وي حكاية طويلة المهم شوفي دوك لازم ندمها و نعذبها علبالي تحبني 

سيليا =و تغيرها بيا انا

منعم=وي 

سيليا=انا مشي مشكل مي او فيصل

منعم=ساهل دوك نعيطلو 

سيليا=اوك باي 

منعم=وي فيصل خويا 

فيصل= وي صاحبي كيفاه راك و ارين

منعم=والله حمدالله بصح لوخرا حتاجيتك فسوجي 

فيصل=ايه اهدر

منعم=دوك شوف ...........................................................................................................................................................................................................................................................................................................................................................................

فيصل=علبالك لوكان مجيتش صاحبي و خويا و عزيز عليا نقولك لالا بصح متتجاوزش الحدود

منعم=علبالي كيما مضاري معاها

فيصل =ندير فيك ثقة ايا بسلامة خو

هنا قرر منعم يروحو بيكنيك للغابة و تروح معاهم و يغيرها بسيليا ايا قال للؤي و اميرة بلي يروحو بيكنيك و يسيو قاع يقنعوها حتى وافقت و اليوم قررو يروحو بصح دات معاها رحمةيعني تخيلو وش المفاجئات العصيبة لي راح تصرا فهاذ الرحلة مع السداسي الخطير تاعنا

________________________________________

جماعة متتشوقوش دوك نكمل نكتب اليوم ندير حلقة 18 مزالو المغامرات فالحكاية