الطبيب=مدام للاسف نظنو تقلق و اكتشفنا لي عندو شريان مسدود على مستوى القلب و هذا قادر يأدي بحياتو لازم عملية عاجلة بالموافقة تاعكم و تاع ولادو ايذا كانو فايتين السن القاوني طبعا

ارين=طبعا نديرو الواجب

راحو مع الطبيب سينياو وش يلزم  و قعدو يستناو حتى ارين شافت تلفونها يصوني 

ارين=الو شكون معايا

لؤي=انا لؤي نتي ارين ياك

ارين=وي غير الخير 

لؤي=سمعنا لومبيلونص وش كاين 

ارين=بابا تقلق و كي جينا لسبيطار قالك بسبة هاذ التقلاق فاقو بلي عندو مرض اخر و راح يدخل للعملية

لؤي=وشننن

ارين=وي كيما سمعت

لؤي =اوك اوك

منعم=وش كاين

لؤي= كنت نهدر مع ارين

صهيبة فضيلة =ارين!!!!

منعم=وي راهي حية متنخلعوش البارح بانت و هي دات التاج قالك حياتنا كانت فخطر 

ميليس=والله سيريو 

لميس =ياوو خلوني مسريو و مشي سيريو المهم راهي مليحة مرت خويا

منعم=شكون مرت خوك

لميس=ارين كيفاه شكون

منعم =و شكون خوك

لميس =نتا كيفاه شكون عندي 40 خويا 

منعم=ااا نحو هاذ الحكاية من بالكم انا وياها بعد الشي لي دارتو مستحيل 

ميليس=علاهه بصح تحبها و تحبك و نتا مزالك تحبها متكذبش علينا

منعم=منحبهاش حبسو الهدرة هنا لؤي وش كاين

لؤي=قالك باباها جراء صدمة عرفو انو عندو مرض ثاني خطير و راه داخل للعملية

صهيب=اياهه مسكين ايا نروحو عندهم البنات وحدهم

منعم=وحدهم هه معاهم السلطانة لي قاع يخافوها وحدهم

صهيب=ميهمنيش موقفك منها بصح تروحو معايا بين زوج  

لؤي=باينة حتى تهدر

فضيلة=اسيتناوني نلبس و نجي 

منعم=اقعدي نتي يما لاه

فضيلة=متهبلنيش و  رزان مسكينة شكون يوقف معاها نتا وقيل 

صهيب=عندك الحق ازربي هيا 

راحو كلهم لسبيطار  و خايفين منعم لمح مالبعيد ارين قاعدة و راسها على يديها و اميرة تبكي و معنقة يماها

لؤي=اميرة فهميني علاه تبكي راكي نائبة السلطانة 

اميرة=مراكش حاس بيا خاطر

ارين=عندو الحق ميليقش تبكي قدام الناس حبيتي تبكي كاين الصانيتار

اميرة اصلا كلش بسبتك و دوك زيدي اهدري بسبتك تعذبنا 3 سنين بسبتك 3 سنين و نتي فخيالنا و بعدها ولي و قولي ظروف و ولي السلطانة و مديلي اوامرك و ديريلنا قاع شوك و لي مريض مريض يموت 

ارين خزرت فيها باستهزاء و خرجت برا دور و تخمم فطريقها المظلامة لا كاين ضو فتالي ولا لالا لا طريقها المظلامة طريق وحدة تديها للنهاية ولا طرقان بزاف توه داخلهم و هي برا كانت جدتها تهدر 

فاطمة=اسمعوني مليح وش راح نقولكم ارين عرضت روحها للموت على جالكم ارين لعبتها ميتة و فبلاد غير بلادها و تتعب ليل و نهار باش تحميكم و تحمي بلادها و نتوما رخسوها لوكان تعرفو ظروفها متهدروش علبالك بلي كان كاين بومبا فالدار لوكان مشي هي تطرطق علبالكم بلي هي شربت دوا خطير باش غير يحبسلها قلبها مدة معينة و كان قاد يحبس للأبد باش غير يأمنو الجماعات لي كانو فسبيطار علبالكم بلي كان الخطر عليكم دايمن و نتوما مشي شايفينو و نتي اميرة علبالك بلي هي كانت تسيرلك كافة اعمالك فالشركة و المركز و نتي كنتي تخدمي 20%فقط من كلش على خاطر علابالها حلمك مشي هنا و الشريكات علبالها بلي نتي حابة بيطرية و هي تخلات على حلمها غير على جالكم يا خسارةةة فيكم

وقت سمعو قاع هاذ الهدرة فهمو التضحية تاع ارين لي دارتها فخاطرهم و خصوصا منعم لكن قرر يعذبها شوية قبل ما يسامحها خرج تبعها لقاها تهدر فتلفون 

ارين=اونور متقلقنيش شكون هذيك الطفلة 

اونور=غرتي اه غرتي ههه وش ديريلها تقتليها تضربيها 

ارين=اهدر لا نقتلك نتا وياها 

اونور=هههه هاذي وحد اللسقة كانت لاسقة فراجلك يعني راجلك المستقبلي برك

ارين=المفيد

اونور=اوو منعم ميعرفهاش اصلا البنات يضلو لاسقين فيه على جال دراهمو 

ارين=ايهه معليش 

اونور=مزال مسامحكش 

ارين=للأسف لالا ايا باي باي نوني

اونور=بايي سلطانة 

و كي دارت لقات منعم فوها عينيه باين عليهم تقلاق

منعم=والله فور حبي فور باباك يصارع الموت لداخل و نتي تمعشقي

ارين=وش تدير هنا 

منعم=انا الغالط قلت تكوني زعفانة نصبرك لقيتها تتمعشق

ارين=شكون قالك راني نتمعشق فهمني

منعم=شكون هذيك متهبلنيش خاطر نقتلك نتا وياها هاذي غيرة يا الشاطرة 

ارين=هههه نتا لي راك غاير مشي انا راني على الخدمة كنت نهدر مع الرئيس التنفيذي للمنظمة تاعنا نحوسو على  وحدة برك 

منعم=مليح 

ارين=وي اقعد لا حبيت 

منعم =هاني قعدت وش تحكي

ارين=والله الخدمة فوق راسي و غدوة اول اجتماع ليا وش حابني ندير 

منعم=ههه معليش انا راني هايل خدمة فالشباب قريب نفتح شركتي الخاصة راني نحب و نتحب 

ارين=ههه مع شكون

منعم=سيليا

ارين=شكون سيليا

منعم =صديقة عمل و حبيبتي فنفس الوقت

ارين(بكل برود عكس البركان لي راه داخلها )=ااا اوك ربي يخليكم لبعض

منعم(الظاهر صعيبة الحالة هاذ المرة )=وي و نتي مكي مع حتى واحد 

ارين=فرايك عندي الوقت باش نحب 

منعم=اممم منظنش 

ارين=ايا ندخلو

هكا شوية حتى خرج الطبيب

الطبيب=الحمدالله العملية فاتت سلامات و تجاوز مرحلة الخطر كي يفطن ننقلوها و تقدرو تشوفوه 

رزان =شكرا حمدالله يا ربي 

ارين=حمدالله انا لازم نروح كي يفطن قولولي 

فاطمة =روحي بنتي اونور يكون وصل 

ارين=بسلامة

رفدت ارين صاكها و خرجت بكل اتزان خلات قاع لي  فسبيطار عينيهم معاها بلا ما يفيقو راحت للمركز وين لقاتهم قاع واقفين بانتظارها دخلت مباشرة للبيرو تعها درس مجموعة من لي دوسيي حتى دخل اونور

ارين=معلموكش دق الباب قبل ما تدخل

اونور=سيي مي نتي حالة خاصة 

ارين=المفيد كاين جاسوس فالمنظمة نسحقكم تصيبوه

اونور =علاه 

ارين=حاطلي دوسيي غالط 

اونور=وين فقتي 

ارين=الصفقة كنت سمعت بيها مقبل زيادة على ذلك الاسلحة مستحيل يهربوها من جهة إيطاليا كاين اعضاء بالكو مناك يدوها كلي داو حبة شوينغوم 

اونورر=بااا لوكان نجيب عمري منفيقش قوليلي المهم تباني مقلقة

ارين=منيش مقلقة

اونور=بلا كذب

ارين= يحب وحدة اسمها سيليا

اونور=بلاك يغيرك برك

ارين =حوسلي على هاد الطفلة لا كاين منها ولا نو لا شافهم مع بعض مقبل ولا نو و متنساش الجاسوس من فضلك 

حتى صونا تلفون ارين يماها قاتلها تروح و هي راحت تجري فالباب ضربت فمنعم هو شادها ملخصرها و عينيهم فعينين بعض و كل واحد يقول كلايم بعينيه للثاني مفاقوش لروحهم حتى بعد مرور مدة من زمن و هما هكاك

ارين=اا اسمحلي مشفتكش 

منعم=معليش روحي عند باباك يحوس عليك

و خرج هو يسيي يسكت الزاوش لي يغني فقلبو و يقولو تحبها