___بعد 3 سنوات ____

منعم خارج مالشركة و قاع عينيهم عليه البنات كلهم يتمناو نظرة صغيرة منو و رجال قاع يخافو منو اليوم فاتو 3 سنين على موت ارين

نحكيلكم وش صرا ف3 سنين لي فاتو

منعم ولا فعمرو 23 سنة تخرج مالجامعة و دار شراكة مع صاحبو صفيان في روسيا عنهم نص عام كيف كيف ولا شخصية صارمة جدا نسا معنى كلمة فرح ولا ضحك و الرحمة يرحم غير مع لي صح يستاهل اما البنات مشي قاع عاطيلهم وجه

أميرة ولا فعمرها 17 سنة مازاللها شهررين يولي فعمرها 18 سنة و راهي خايفة كي تحط يدها على طاولة المافيا عارفة روحها ماهيش شجاعة مازالها مع لؤي علاقتهم متأثرتش ابدا مع مرور الايام و مازالو اصدقاء و هو حلمو صولي ضابط مخابرات و راه يجتهد باش يحققو و الشخص لي راح يعاونها باش تجتاز المحنة تاعها و تكشف عملية المافيا

رحمة اكثر شخص تاثر بموت ارين لدرجة متصورتهاش كانت ختها و السند تاعها و كلشي فحياتها بعد ماماتت ولات شخص ثاني شخص بدون رحمة مدارتش صداقة جدية حتى لؤي و بعدت عليه تأدات صح بصح بالنسبة ليها هذاك هو القرار الصحيح

عائلة ارين و منعم بين زوج تأثرو بموتها كانت هي البهجة تاع دارهم فاتو السنين و يماها مازلت تتخيل فيها معاها و تطيب معاها و تتفرج تيفي متحبش تقرا اما عائلة منعم فكانت عزيزة عليهم عرفوها فعام بصح داروها كي بنتهم و خصوصا علاقتها مع لؤي و منعم كلهم تبدلت حياتهم من نهار 14/09/2010

ارين راحت و دات معاها قلوب بزافف ناس

_عودة للحاضر ____

خرج منعم مالشركة عينيهم قاع عليه دار نواضرو و خرج ركب فطونوبيلتو قلع لدارو كان عيان بزافف راح رقد مباشرة و بدا الكوشمار تاع حياتو اكسيدون تاع ارين حتى يفطن و العرق يسيل منو راح غسل وجهو و مالتقلاق كسر المراية تاع الصالدوبا

منعم=علااااااااااااااهههه علاه علاه قوليليل علاه لوكان دوكا راكي معايا راكي فرحانة بنجاحي لوكان راكي رايحة معايا لحفلة شوفي فات عام مالشراكة تاعنا و بلاك قريب نفتح شركتي الخاصة حتى قبرك حرمتيني نزورو فهميني علاهه متحبينيش ياك متحبينيش علبالك وش درتي ملي رحتي ولا لالا حتى سمع لاصونات راح يفتح بيدو لي قاع دم

صفيان=وش بي جدك يا صاحبي مصباح نصوني

منعم=متهبلينيش وش خصك

صفيان=يدك وش بيها

منعم=والو اهدر وش خصك و قيل ***

صفيان =بعد بعد سور الكوشمار تاع مضاري

منعم=ايه

قعد صفيان دارلو دوا ضمدلو جرحو

صفيان=صاحبي فاتو 3 سنين على الحكاية و سمعت البسيكو قالك لازم تتغلب على حالتك هذي انو دير شخص اخر فبلاصة ارين

منعم=بلع مكاش فبلاصتها

صفيان (بالعياط)=هاووو وش حاب تبقا هاكا وحدك طول حياتك هكا تبقا متزوج مدير ولاد ايذا متخممش فروحك خمم فيماك راك تموت ليل و نهار كش تشوفك هكا و زعما ارين فرحانة باينة لالا شكون تفرح كي تشوف حبيبها زعفان و هكا يدير زعما تسامحك ياك قاتلك راني معاك فكل ثانية سقسيها سقسيها و هي تردلك الجواب خمم فباباك فخوك فخواتاتك و يماك اكثر وحدة ملاحظتش عينيها المحوقين بسبة تصرفاتك

منعم=خلاصصص بلع بلع اخرج عليا اخرججج

خرج صفيان ملدار منعم و هو تكا على الحيط و بقا يتفكر فيها فبسمتها صح عندو الحق صاحبو تكون زعفانة منو متحبوش كي يزعف هنا قرر يروح للجزائر بعد الحفلة السنوية للشركة و يهدر مع يماك ناض لبس سورفات و راح يجري فالغابة اكثر مكان يحبو

______عند اميرة ________

اميرة=لؤي والله راني خايفة علبالك وش معنتها مافيا انا مازلت صغيرة

لؤي=ميرا متنسايش وش درتي قع اتفكري ختك قبل كل واحد فهمتي خليها تكو فرحانة من انجازاتك

اميرة=صح عندك الحق بصح خايفة على شهرين نكون رئيسة مافيا عاليمية زيادة على ذلك راني فمنظمتنا لي هي تفكيك المافيا لوكان يفيقولي

لؤي=و كي يفيقولك وش يديرو يقتلوك لالا علبالهم القانون ممنوع قتل الرئيس حتى لو قام بخيانة الجماعة

اميرة=اففف يا ربي فوتها على خير

_____عند فاطمة_____

فاطمة=وش فاتح كيفاه الخبار

فاتح=صافا اميرة تستعد دخول عالم المافيا

فاطمة=ههه خليها تستعد مليح

فاتح =ههه طبعا

فاطمة=اهه يا احمد باسيتني يا راجلي وعلاه هطا وعلاههه

رزان=يماا اياي تفطري

فاطمة =هاني جيت

رزان =قريب العيد انشالله

فاطمة=ايه بإذن الله شريتو العيادو ياك

رزان=والله معلبالي كي يجي عثمان نسقسيه

فاطمة=انشالله

رفيدة(الخدامة)=مادام رزان لقيت هادي فالقبو

رزان =وش هادي وريلي كي شافتها لقاتها تصويرة ارين فوق العود و تضحك عنقاتها و بقات تبكي

فاطمة=وش كاين

رزان=فاتو 3 سنين هذا العيد 3 بلا بيها مازال ماوالفتش ماقدرتش نصبر على فراقها علبالي ندير بوسيبل على جال أميرة جامي ننسا نهار اللول لي رفدتها فيدي كانت صغيرةة و فمها حمر فرازة اهه يا بنتي ماشبعتش منك ماشفت ولادك و رحتي داتك الموت عليا لوكان داتني انا ولا نتي

فاطمة=رزان عسى ان تكرهو شيئا هو خير لكم خلاص اصبري كيما فاتو العياد لي قبلو نفوتو هذا اوك

رزان=اوك اوك انشالله

فاطمة=راه جاا عثمان

عثمان=سلام يما راكي مليحة

فاطمة =والله بخير يا وليدي

عثمان=حمدالله

فاطمة=وليدي قرب العيد شريت العيادة ياك

عثمان=وي شريت انشالله نجوزوه بالصحة و الهنا

__عند منعم______

منعم=صفيان

صفيان =سلام السي منعم

منعم=اوفف جيت نقولك خممت فهدرتك و لقيت عندك الحق مور الحفلة راني نروح عند يما نفرحها معايا

صفيان=ايا مليح كي هكا عجبتني كي خممت بعقلك و تهدنت

منعم=داكوغ قولي رحت لشركة التنظيم ولا مازال

صفيان =عندي رونديفو عشية مي منقدرش تقدر تروح فبلاصتي

منعم=رايح عند كاتيا باين

صفيان=هه اك تفهم المهم روح و قولهم بلي الحفلة ملغد فليل

منعم=علاه تشوف فيا بيبي

صفيان=ايا صحا رفج فيستاتو و خرج متوجه ليها

_______________________________

نتوقف هناااا

ما رأيكم ؟؟؟

نكمل ولا نو ؟؟؟

هل الحفلة تمر بخير ولا تصرا حاجة عيانة ؟؟؟؟