هلوووووو سمحولي طولت عليكم مي الله غالب والله الخدمة مع الزمن لي رانا فيه بصح نفرحكم عندي عطلة 5 ايام نكتبلكم قد ما نقدر 

______________________________________________________________________________

منعم رجع لروسيا و ارين كل نهار تخمم فيه و تهدر معاه صح توحشاتو مي الاحداث متحبسش هنا توجور كاين نهار مشؤوم  ناضت ارين بكري لبست وجدت روحها رايحة للمركز  حتى صونا تلفونها تفكرت بلي عيد ميلاد منعم اليوم  عيطتلو لقات تلفون طافي

ارين=هذا علاه مطفي تلفونو مشي من عوايدو راحت للمركز مقلقة حتى دخل عندها فاتح

فاتح=ارين صرات حاجة اوغجو 

ارين=وي نسمع فيك

_____________

عند منعم

اليوم نضت بكري تفكرت بلي اليوم نولي لبلادي حبيت نديرها مفاجئة لارين قاع علابلهم من غيرها غلقت تلفون و توجهت للمطار ركبت نتفكر فأرين نعرف منلقاش كيما هي ضحكتها غرورها مشيتها بصح حسيت قلبي مقبوض فتحت تلفوني قعدت نشوف تصويرتها حتى رقدت مفطنتش حتى قريب توصل الطيارة 

______________

ارين

اليوم رحت للمركز هدرت مع فاتح و نخمم فالهم لي طاح على راسي رحت حكمت أمير ة

ارين=ميرورا شوفي ختي ايذا كاش ما صرالي المركز و كلش فأمانتك بلاكي تخذليني و تخذلي جدو

أميرة=وش تخلطي

أرين=المهم احساس و هاكي المفتاح تاع المركز 

أميرة=والله مهبولة هذا تاعك نتي مشي انا

أرين=قتلك شدي 

أميرة=بفف اوك مي لوكان 2 سمانات مايصرالك والو نرجعهولك 

أرين=اوك (مع انو حا يصرا في قلبها)

_____

عند منعم

وصلت لقيت بابا يستنا فيا رحنا وصلنا دخلت لشمبرتي و كنت رايح عندها نفاجئها حتى لقيتها تكتب فواحد الرسائل 

منعم=كوكو

ارين=منعم؟؟

منعم=نو خيالو 

هنا ارين ناضت تجري عنقاتو و تبكي تبكي 

منعم=اشششت علاه تبكي ارين وش كاين

ارين=والو تووحشتك برك سيتوبلي ابقا هكا 

منعم=ههه خلاص اشششت متبكيش ياك راني هنا

ارين=جوايو انيفارسار 

منعم=كل عام و نتي معايا 

ارين هنا قوات فالبكية و تشبتت فيه كثر 

ارين=ارواح داتو قعدو فالجعلولة لي فجنينة 

ارين=راح نهدر بصح اوعدني متتقلقش مني

منعم=وش كاين خوفتيني 

ارين=اذا مت ولا كاش ما صرالي ماتنسانيش و متروحش لقبري تفكري مالبعيد

منعم=وش هاذ الهدرة 

ارين=منيش نتمسخر

منعم=حتى انا منيش نتمسخر بلعي عليا 

ارين عنقاتو و رقدت فحضنو معلبالهاش ايذا هذي اخر مرة ولا لالا

منعم=بقا يخمم فهدرتها و تخيل حياتو بلا بيها تخيل بلي مكاش لي يعيطلو فليل ينوضو و هو راقد تخيل بلي مكاش لي يهبلو و يقولو شكون هذيك و معامن هدرت و بلاك تخزر فغيري مبعد نحا قاع التوسويس من راسو و عنقها و بقاو هكاك حتى جا لؤي 

لؤي=احم احم

منعم=اممم

لؤي=هيا عصافير الحب نوضو 

ارين=لؤي اسكت 

لؤي=ياهه عمو عثمان

هنا صوتاو يجرو

لؤي=هههههههههههههههههه هكا تخافو لوكان جا فبلاصتي

منعم=كلب نتا و ناض يجري موراه و ارين تفكرت كلش اري تفكرت الخطة تاعها 

ارين=هيا نروحو ماماك تكون تقلقت 

راحو قاع قعدو قطابلة خاطر عيد ميلاد منعم عرضوهم 

ارين=منعم=معليش دقيقة 

منعم=وي عمري

ارين=هاك هاذ لابوات كادو تاعك و هاد برية اقراها بصح كي انا نكون بعيدةة فهمت

منعم=مزلتي تخلطي مرسي على الكادو علاه تشقي روحك

ارين=بلاك تنحيها 

هنا ارين ولات لبلاصتها و منعم فتح لابوات لقا براسلي فضة و فيها خرزة صغيرة مكتوب فيها A&M

je t'aime

جارها و قعد فطابلة حتى صونا تلفون ارين

ارين=ويي

فاتح=هيا اجري

ارين=وشنننن هاني جاية 

منعم=وش كاين 

ارين هنا خرجت تجري بلا ما تقولهم والو و هي خرجت ضربتها طونوبيل قاع سمعو الحس 

منعم=وش هذا

فضيلة=اكسيدو بلاك 

لؤي=و حنا وش دخلنا خلوني ناكل

صهيب=تاكل الرهج بلاك يسحقو مساعدة كي خرجو مشافو والو زادو للخرجة تاع برا لقاو ارين مرمية فالارض و دمومها فكل بلاص

منعم=ا ا اريننننن

أميرة =ختي راحو عندها يجرو صهيب عيط لاومبيلونص طولو شوية 

منعم=وش هذا وين راهم خلوني نديها راهي تموت 

صهيب=يا وليدي راهي دونجي قادر فوجاست تروح حتى جات لومبيلونص داروها ركب معاها منعم 

و هي لا حياة لمن تنادي توشا قلبها لقاهحبس

منعم=قلبها حابس ياوو شوفوها وش بيها 

هداك لي تما حكمها من يدها لقاها ماتت

منعم=وشبيها فهموني وشبيهااا

***=عظم الله اجركم 

منعم=وشننن

هنا ليبومبيي داروها فكيس كحل و منعم محملش تغاشا 

______عند أميرة

ختي كانت بيزاغ اليوم فقتلها كلي تودع فينا بصح مهتميتش مضاري يصرالها هكا و مكان ولاو حتى صرا لي صرا 

صهيب=بنتي اياي معايا نقولو لاهلك 

أميرة=اه اه وش نقولوهم راحت أميرة لدارهم تبكي و تشهق

رزان=اميرة وشبيك بنتي 

عثمان=علاه تبكي هكا

صهيب=خويا عثمان والله ماعارف كيفاه نقولهالك 

عثمان=خوفتوني وش كاين 

صهيب=أرين ضربتها طونوبيل عند الباب و داوها لومبيلونص 

عثمان=وشنننن

رزان=كيفاه بنتي وشبيها

عثمان=ايا نروحو لسبيطار 

راحو  قاع لسبيطار وين كان لؤي مع رحمة لي دارت حالة بالبكا و منعم لي كان بسيغوم

عثمان=وش كاين وليدي لؤي وين راهي ارين منعم مراهش معاكم يعني معاها راهي مليحة

هنا لؤي حكم عينيه لي ولاو حمورة ثفلة كي ختو و عزيزة عليهم قاع 

حتى سمعو منعم يعيط

منعم=وينها ويينننن

رزان=اهدروووو 

رحمة=ارين ماتت اه اه 

هنا قاع محملوش و رزان تغاشات اما أميرة لي تفكرت ختها 

_____________فدار ارين_______

فاطمة=الو فاتح ماتت

فاتح =وي مدام ماتت 

فاطمة =ايا صحا بسلامة 

_____________في السبيطار--------------

دارو اجراءات الدفن و يسناو يمدوهالهم  حتى ضافو دخان و خارج ملامورق 

رزان=ارين ارين لالا وش صرا 

و ليبومبيي يخرجو فالناس حتى تكالمات الحالة خرج المدير تاع السبيطار

***=وينو بابات طفلة ارين 

عثمان=ني هنا

*****=سمحولنا للأسف الجثة تاع بنتك كي كانو يجهزو فيها شعل الحريق و تحرقت 

رزان=اهه يا بنتي اهه وش صرالك حاجة نشوفها حابة نشم ريحتها اخر مرة و منعم يتفكر فهدرتها التالية زير على يدو و خبطها فالزجاج الطونوبيل جات قاع بالدم

لؤي=منعم هبلت زعما هي تفرح هكا 

منعم=راحت راحت و خلاتني راحت 

فات هذاك النهار دارو جنازة لبنتهم و منعم غلق على روحو لا ماكلة لا شراب حس روحو مخنوق حس روحو حاي يتبعها حتى تفكر البرية راح فتحها يقرا و يبكي 

الرسالة=..............................................................................................................................................................................................

_____________________________________________________________________________

 حتى الحلقة الجاية انشاء الله و تقراو الرسالة 

مدولي رايكم فاحكاية نستناكم