بعد ما خلاص الفاكونص و كلهم فرحانين جاا الخبر الصاعقة لارين 

فاتح=ارين اخترقو النظام تاعنا و حذفو كلش 

ارين=وشن كيفاه صرا هكا عيط لقاع الاخصائيين يشوفوه يدبرو راسهم 

فاتح=اوك اوك ارواحي بصح اجري 

ارين خرجت لقات طونوبيل كيما تاعها تاع المركز ركبت معاه 

ارين=اديني للمركز اجري

الشوفور=مادام وين المركز 

ارين=تتمسخر بيا 

الشوفور =مادام انا اليوم جيت جديد لوخر مرض 

ارين=امم صحا هكك و جابلي ربي علبالك المركز وين خاطر كونوبيل متكونش فبلاصة غيرو 

الشوفور =ااا تما اوك 

و قلع حت شافت فيه يدير فحاجة كلي ريحة مي عقلتها بلي هذا منوم 

ارين=وش راك تدير هبلت الشوفور=مفهمتش كيفاه داروك نتي الرئيسة حابسة 

و هنا ارين تغاشات غمضت عينيها و هو رفد تلفون 

****=راهي تغاشات بصح محبتش تقولي المركز وين 

فيصل=يعني فاقتلك 

****=لالا برك قالت بلي الطونوبيل اصلا كي يمدوهالي جديد يمدوهالي فالمركز دوك نجيبهالك 

داها و راح للمركز المخفي تاع فيصل 

****=هاهي و تلفونها قستو فطريق باش مايتعقبوهش ايذا ملقاوهاش

فيصل=برافو نتا تستاهل تكون خدام عندي حكمها ربطها و بقا يخزر فيها معد ناض 

_____عند أميرة __________

اميرة=وي فاتح وين راهي ارين 

فاتح=مكاشها مجاتش ارواحي نتي فبلاصتها اجري محبوش يخدمو الاخصائيين 

أميرة =راني جاية حوسو على ختي 

منعم غدو يروح لروسيا و عرضوهم يتعشاو عندهم 

منعم=زعما علاه مجاتش لؤي عيط لرحمة سقسيها وقيل راحو عندها ماراهيش تريبوندي 

نجيب=مام أميرة ماهيش تريبوندي 

منعم=عيط عيط 

عيط لؤي لرحمة 

رحمة=وي لؤي 

لؤي=رحمة ارين مهيش تجاوب علاه خويا تقلق 

رحمة=يا ودي صرالهم بروبلام فالمركز تاعهم راهي قايمة القيامة سيي تكذب كاضش كذبة على منعم و نجيب 

منعم=وش قاتلك 

لؤي=قاتلك عيطتلك لقت تلفونك طافي راحو عند خالهم راه مريض بزافففف 

نجيب=يروحو بلا يماهم

لؤي=ايه راحو فبلاصتها هي مشغولة هنا بطاطا فاطمة 

منعم=و تلفونها علاه طافي 

لؤي=باين ديشارجالها و مكاش باش تشارجيه نسات الشارجور 

منعم=ايههه حقا معليش

____عند ارين_____

كانت قاعدة فاطنة فالكرسي تخزر فالحيط حتى دخل فيصل 

فيصل=كوكو لابرانساس 

ارين=بعدني فيصل وش مكفاتكش رصاصة تاع المرة لي فاتت 

فيصل=نو لازم نخلفها بدوبل بب

ارين=اممم انشالله مراكش خايف ندخلك للحبس و تموت تما ولا نختارق الأنظمة تاعك 

فيصل=بلاصتي واحد مايعرفها متسييش و متقدريش و هنا واحد مايلقاك 

ارين=ههههه منعرف 

فيصل=الضحك علاه نتي صح مهبولة 

ارين =امم منعرف منشفاش على روحي كنت فمصحة 

فيصل=هههههه بالاك نسيتي

ارين=تعرف تحسب 

فيصل = وشن 

ارين =احسب معايا 1.2.3 بوممم طرطقت الباب تاع المخزن لي كان فيه و حاصروه رجال 

ارين=ههه واحد ما يعرف بلاصتو متلعبش معايا 

فاتح=برافو ارين راهم يخدمو هنا على المعلومات لي داهم 

ارين=ايواه برافو و هذا ارفدوه عليا للحبس تاع المنظمة 

فاتح=اوك flash back 

ارين كي خرجت شافت طونوبيل كيما تاعها بصح لاحظت بلي السينياتوغ تاع المنظمة مبدلة شافت فاقت ايا تما عيطت لفاتح 

ارين=فاتح نظن عرفت شكون اخرتق انظمة المركز 

فاتح شكون 

ارين =شوف حا نبلاصي البلوتوث فوذني و نبقاو على تواصل و صيبو بلاصتي ملبيس تاعي 

فاتح=اوك 

ارين كي ركبت شافتو يسقسي فهمت وش حاب يدير استغبات روحها قاع وش تقدر بلا مايفيق هبطت تلفون وين مايقدرش يشوفو فالمرايا فتحاتو نحات البوس و دارتها دخل لابوش صغيرة لي تجي فسروالها و خلات تلفون فيدها حتى شافتو يدر فالبغودوي غمت روحها و لعبتها داخت و هي تعس فطريق كي خلاوها وحدها فالمركز حكات كلش لفاتح و هوما تاكدو بلابس تاعها 

end flash back 

فاتح=ميتخافش عليك شاطرة 

ارين =مارسي ااا منعم يكون زعف مني راحت للمركز و فرات كلش و خلاتهم يخدمو ابغي راحت مع ختها باش تشري تلفون جديد اميرة=و انا متشريليش كرهت من هاذا 

شراو بين زوج تلفونات و راحو للدار كي قريب العشا 

منعم=ايه حقا ماما البنات مايجوش 

فضيلة=مي مرت خوك تجي 

لؤي=اح اح اححح وشن 

فضيلة =حسبتوني بهلولة وقيل و ارين تجي و قول ماقلتش حتى صونات الباب 

لؤي=اصبرو نفتح تكون رحمة راح فتح لقا الثلاثي الخطير و ارين باين عليها العيا 

ارين=معليش ندخلو يعني 

منعم=مشي متجيش  كنتي عند خالك 

ارين= خالي ؟؟؟؟

رحمة=ايه خالك كان مريض 

ارين فهمت بلي كذبو على منعم و علبالها بلي اكره حاجة عندو الكذب 

ارين=منعم معليش نهدرو 

منعم= وي اياي لجنينة 

قعدو فجنينة 

ارين=شوف منحبش نكذب عليك كثر انا جدي............................................................................................................................................................................................................ ............................................................. ............................................ ............................................................. ............................................................................... . .......................... ..  ..  . . . . ..  . . .... .. .. .  و حكاتلو كلش 

منعم=وشنن هذا قاع

ارين=وي حياتي هكا 

منعم=بصح دونجي عليك 

ارين =18 سنة نفري كلش و محبيتش نخبي عليك و اليوم كان عندي بروبلام فالمركز 

منعم=مالقيت ما نقلك و عنقها خباها فصدرو حس بلي قادر تصرالها حاجة قادر تروح و تخليه و كل ما تجيه فكرة عيانة يزيد يزير عليها كثر حتى سمع لؤي يعيطلهم 

لؤي=اووو الرومانسية 

منعم=بلع نتا معد نتفاهم معاكم على الحكاية تاعك قالو خالها و منعرف وش تان لوكان نكذب عليك فخصوص رحمة يعجبك الحال لالا 

لؤي=اوههه هي قاتلي متقولش 

فضيلة=ايااا ارواحو تاكلي 

صهيب =شحال لابقين لبعضاكم تكبرو شوية نزوجكم قاع ولاو يكحو غير ارين تاكل باعصاب باردة 

صهيب=وشبيك لاعبينها مخلوعين ليكم ارين نورمال

ارين=علاه نكذبو علابالهم علابالهم مراحش يقتلونا 

فضيلة =عندها الحق بصح كولي علاه مصبح دديك المغرفة رايحة جاية مكليتي والو 

اميرة علابالها ختها تعبانة و مشي قادرة جات غير على جال منعم د

أميرة=طاطا هي ماكلتها هكا و تكون زعفانة على وحد بنادم راح منعم حكمها من يدها و جبدها لاتيراس 

منعم=من واش مقلقة حبي 

ارين=نتا راك رايح و تخليني هنا وحدي 

منعم=منخليكش راني معاك دايمن و نحبك يا عمري 

ارين=اوعدني متخدعنيش و متخلينيش و متشوفش فغيري و كاين غير انا فحياتك 

منعم=وعد و لوكان يجبولو قاع نسا العالم تقنعيني غير نتي و حكمها عنقها و باسها بوسة خفيفة قريبة لفمها