اسفة على التأخير علبالي قلتلكم على 14 بصح راكو عارفين بلي النهار اللول فيه العيا و الخدمة هذا وين ريحت باش نكتبلكم الحكاية هذي

____________

سلام نعرفكم على روحي أرين جيفان عمري 35 سنة بغيت نحكيلكم حكايتي بون انا بدات حكايتي كي كان عمري 16 سنة كنت عايشة حياة عادية مع اهلي امي رزان و بابا عثمان و اختي أميرة فعمرها 14 انا كنت فليسي عادي و حياتي عادية نوصفلكم روحي انا جاية سمرا نوتيلا و عينيا زروقا بحر اختي اميرة متختلفش عليا برك هي بيضا لكن نتشابهو و جداتي فاطمة لي نحبوها بزاف و بابا هو الوحيد عندها المهم اليوم رحت مع ماني باش تقضي لاول محرم و رحت معاها انا و اميرة

ماني=البنات رانا كملنا القضيان عيطو لطاكسي نروحو

أميرة =مكله ماني دوك يفوت علينا بابا قالي غير تكملو عيطولي

فاطمة=لالا سحقيتكم فوحد الموضوع روحو حوسو على طاكسي

أرين = أميرة ابقاي مع ماني نروح نحوس على طاكسي و نجي

خرجت أرين تجري تحوس على طاكسي باش يولو لدار و هي خارجة تلاقات بواحد يبان فعمرو 19/20 سنة هكاك

الطفل=ختي معليش نسقسيك

أرين= وي تفضل

الطفل= معلبالكش وين نصيب عمر لي يبيع القش

أرين= ايه شوف روح ديراكت و دورة اللولة ادروات تصيب بلاكة تبعها

الطفل= داكوغ متشرفين انا منعم و نتي

أرين =الشرف ليا انا أرين سنة

منعم= اسم شباب بسلامة

أرين = بسلامة

ييي نسيت قاع ماني و أميرة اليوم ياكلوني رحت نجري طاكسي اللول لي صبتو حبستو هدرت معاه

أرين= سلام عمي

مول الطاكسي= انعم بنتي

أرين = عمي عندي ماني كبيرة تحوس على طاكسي معلباليش وين حبت تدينا

مول الطاكسي=ايه بنتي وريلي وين راهي متشقيش روحها تمشي

أرين = تفضل لسوبيرات

مهم رحت و ركبنا مع ماني فطاكسي اطاتلو لادراس و حنا بقينا ساكتين بسك علبانا ماناش رايحين للدار

_______عند منعم____

نعركم على روحي روحي انا منعم مصطوافي عمري 19 سنة من عائلة عادية متوسطة الدخل ليوم زدمت ف وحد الطفلة تبان بنت فاميلية و عندها لطاي وشابة قاتلي اسمها أرين سقسيتها على لي يبيع القش باسكو رحلنا جدد هنا و بابا قالي شوف منين نشريو وراتلي كثر خيرها و راحت تجري عند مول الطاكسي حتى شفتها مع وحدة كبير ة تبان جدتها و واحدة تبان ختها المهم محبيتش نقعد تم مع انو عجبتني بزاف انا كنت سنى اولى جامعي المهم رحت شفتو و هدرت مع مول القش او وليت للدار عايش مع بابا صهيب و يما فضيلة و 2 خواتاتي لميس و ميليس اوام عمرهم 10 سنين و خويا لؤي 16 سنة و وليد عمي نجيب عمرو 15 سنة يتيم كاتو اهلو كي كان صغير و ترببا معانا بلا ما نوصفلكم روحي تصيبو تصويرتي لتحت

منعم= يما بابا

فضيلة= انعم وش كاين لقيت

صهيب= وي وليدي

منعم= ايه راني صبت واحد غير هنا و هدرت معاها قالي الوقت لي حبيتو ارواحو تخيرو

صهيب =وليدي علبالك حبيت نهدر معاك و نفهمك علاه جينا لهنا

منعم= ايه بابا تفضل

صهيب= شوف وليدي علبالب بلي كي كنا نسكنو تما ليكول كان بعيد على خاوتك و نتا لازم تلحقهم و كنت حاب تكمل قرايتك فالخارج دوك بما انو ليكول غير لهنا تقدر تروح و راني فريتلك كلشب

منعم= والله فرحتني بابا مكنتش نستنا فيها منك ياعطيك الصحة

فضيلة = وش م الشكر راك وليدنا

المهم منعم فرح بزاف و خرج يستكشف البلاصة او يخير القش لشمبرتو باش كي يولي فليفاكونص يلقاها واجدة و على ستيل تاعو كي خرج راح لعند هذاك لي هدر معاه خير وش حب و هوما داوهالو للدار و هدر مع باباه فهم بلي غد منداك يروح لروسيا باش يكمل قرايتو فإدارة الأعمال خاطر حب يتكل على نفسو و يبني نفسو بنفسو

ميليس= خويا بسلامة متنساش تجيبيلي روبا و شيكولا و فرامج و شيبس و سراول و لي جيب ز تريكوات و لي شوميز و غوب صواغي باش نروح لعرس خالتي

منعم= او او او بلعقل روحي اكتبي لاليست و ولي

ميليس= ايه مشي بروللا نكتب علبالي نتا تنسا بلخف

لميس= اسكتي يا البهلولة الناس يدعيو لخوهم يوصل بخير و ينجح باش نروح عندو نعيش و نتي تهدري على الماكلة

منعم= لالا فرات ارواحي تسكني عندي

لميس و ميليس=طبعا علاش لالا

لؤي = و اخيراا راك رايح التهنية من جد جدك متزيدش تاكلي مكلتي و تدي البلاي تاعي

نجيب = وين وين اصبر نتا راك رايح رايح دبرلي كاش طفلة مناك

منعم= والله لا زين قاع تاع مصلحة هاني رايح

صهيب= يا ولادي متكثروش على خوكم راو رايح ادعولو و برك وليدي منعم متنساش تجيبلي معاك توندوز شابة

منعم = انا غير يما لي تبغيني

فضيلة = ااا وليد باش مننساش اني وجدتلك المعارك و المحاجب و البغرير و الفطير و خبز مطلوع علبالي توحشهم ثما

منعم = ها يما لي تبغيني

فضيلة = و جيبلي قدرة شابة تاعي قريب تتكسرلها يدها و ايذا كاش محتاجيت بعثلي فالفايبر

منعم= روحيي نتي ثان و انا كنت نهدر عليك فالخير اني رايح نريح غدوة نوض بكري

نجيب=اي متنساش دبر لروحك كاش زلة

و هنا منعم تفكر الطفلة لي زدم فيها تمنى لوكان غير يزيد يتلاقاها

.....عند أرين....

رحت مع ماني انا و أميرة لوحد البلاصة بزافف شابة و تبان ستيل تاع الخارج تبان شركة كبيرة دخلتنا و تبعناها حتى لوحد البرو

أميرة= وش جينا نديرو هنا

فاطمة= ولادي نتوما برك لي عندي حبيت نصارحكم

أرين

منعم

أميرة

--------------------------------------------------------------------------------

عجبتكم الحلقة الأولى نكمل ولا لالا و راني درت 800 كلمة بناء على طلب افضل متابعة عندي

نتمنى تمدولي رايكم فالحكاية و صحا رمضانكم تصومو بالصحا و الهنا انشاء الله