رواية (حلمت في يوم)
للكاتبه:نور أحمد

البارت20💕💕
متابعه ممتعه  (inlove)(inlove)

وجت العشيه وقروا الفاتحه
والراجل طلب يشوفها
وساره بلا تفكير وافقت ولفت وشاحها وطلعت بلا متشبح حتى للمرايا كانت جسد بلا روح كانها اله وين مايقوللها امشي تمشي بدون اي نقاش

خشت ساره وقمعزت بلا متشبحله اصلا

الشاب بعد فتره من الصمت:معقولة معندكش فضول اتشوفي راجلك

ساره اول ماسمعت الصوت قلبها بدا يدق بسرعه ورفعت راسها وهيا مش امصدقه من اللي قدامها: ح ح حسا سام

حسام:قلبه اعيونه روحه فوتيهم كلهم مرته

ساره مش عارفه تفرح تحزن شي ادير مش امصدقه حاسه انها في حلم بدو دموعها ينزلو زي المطر:حبيبي حسام انت  هنا ولا هدا حلم  حسام حسام

حسام جي لساره وتعنقها:اي اني ياعمري انتي شي كنتي امفكره اني حقا منسيبك مستحيل انسيبك انتي حياتي وعيوني وكل شي عندي اني بلاك مانسوى شي

ساره تتحسس في ظهره ومش هامها حلم حقا المهم انا هدي ريحته هدي تعنيقته وشفقته عليها هوا هدا حسام: حبيبي حبيبي حسااام اني انحببببك انحببببك والله انحبببك متسيبنيش نموووت لو مشيت  بالله عليك معاش  اتبعد معاش تسيبني

حسام زاد ضغط عليها: مستحيييل والله اني اللي قريب متت فتره اغيابك عليا والله كانت الدقيقه تمشي بطلعت الروح سامحيني ياعمري اني كنت. . .

ساره حطت ايدها ع فمه  :اااسسس  متحكيش ولا حاجه  المهم انت جنبي انت معايا واللي فات مات معاش نبي نذكر اي شي

حسام بعد وباس ع راسها:صدقيني ياعمري  مستحيييل يتكرر من اليوم انتي مرتي وحياتيوحنعوضك ع كل شي ياروحي 

وقعدو يهدرزو وبعد شوي طلع حسام وساره خشت  للحوش

اول ماخشت  الكل

وووووووه
لولولولولولولولولوييي

نور :اووووووهااااا ياماقعدو جنبي

الكل :اووووووهااااا

نور: وياما حرقو قلبي

الكل اووووووهاااا

نور:وقالو  ساره  مابتتزوووج

الكل اووووهااا

نور :  اتزوجت ونصرني ربي

الكل لولولولولولولولولولوليييييش

ساره كانت فرحانه بالطير  والكل  جو ايهنو فيها

لبنى:شي رايك في العريس

حنين :ههههه شي تسئلي فيها شوفي وجهها وتو تعرفي

ساره بدت تمسح في وجهها

الكل هههههه

ساره:خزي عليكم كلكم تعرفو وامسيبني  هكي

نور :هههه اكيد نعرفو يعني معقوله شاب ينقد بابا من الموت ومنعرفوش اسمه

ساره  مفهمتش:شي دخل حسام بي بابا

حنين :ياحنه حسام هوا البطل المغوار اللي تبرع لبابا وكلنا نعرفو هالشي  الا وحده كانت تبكي وترقد وميهمهاش اي شي ف معرفتش

ساره لوحت عليها المخده:يامجقربه  بس الحمد الله الحمد الله

الام  :سروره حبيبتي بوك  يبيك

ساره :كيف منشوفه والله متحشمه

نور :حشمه نزلت من السمي ماشاء الله

حنين :ياريتنا من زمان امزوجينها

الكل  هههههههه

ساره عصبت : ع فكره اني من يومي نتحشم
ومشت لبوها

ساره خشت وهيا منزله راسها ومتحشمه لين خلاص

بوها فتح ايديه ليها :تعالي يا اميرتي الصغيره

ساره طول مشت  تعنقاته

الاب:مبارك مبارك مبارك يا ابنيتي الحلوه ربي يكملك على خير 

ساره تبعدت  وبصوت يادوب طالع: الله يبارك فيك بابا

الاب: ماشاء الله  شي هالوجهه لمنور  بنتي السمحه راحت عروس يابنتي ياساره ربي يهنيك وعمرك ماتصدقي انا بوك  يرميك لاي حد او يغصبك ع حاجه انتي ماتبيشي  واني لو كنت عارف من الاول انا الولد شاريك هكي مكنتش رفضته من الاول بس الحمد الله الدنيا ورتني انا مافي احسن منا ليك

ساره رجعت تعنقت بوها:الله لايحرمني منك يا سندي وعزوتي في هالدنيا

نور وحنين واريج وجوري

وووووين هدا كله واحني وجن حتى هنا تعنقن بوهن

الاب :ااه بشوي بشوي

البنات طول تبعدن 
اريج :شي فيك بابا
جوري:وين الوجع
نور :تو انعدي انجيب المسكن

اريج وجوري :واحني تو انجيبو اميه وعصير

حنين :منتصل بالدكتوره نسئلها لو هالشي طبيعي ولا ضروري مستشفى

ساره :بابا انطرح انطرح وشداته من يده وواساته للسرير  تريح  اووو المخده يابسه اني مخدتي رطبه تو انجيبهلك

ومشن اللي هدا بتجيب حاجه

الام وعيونها يدمعو: ربي مايحرمنا منك ياغالي ولايحرمني من حنيتك ع البنات ياسندي

الاب وهوا فرحان:ولا يحرمني منك يالغاليه ومن بنات اللي زيك وزي دفاك وحنيتك
تعالي جنبي شوي

الام جت قمعزت ع السرير وحطت راسها  ع كتف راجلها :شوف الدنيا شي دارت فينا يا علي ياحبيبي  شوف وين كنا وكيف رحنا

الاب :  والله يالغاليه قاعد نذكر في يوم خشيت عليك اتقول امس

الام :اي والله

الاب: حطي راسك هنا واشر ع صدره

الام تحشمت وراحو اخدودها حمر

الاب:تعرفيني خدودك اللي يحمرو كل مانقول قديش انحبك من 32سنه لتوا ولا مره نقص حبك ديما في الزايد يالغاليه

الام :حقا عليوه

الاب :اكيييد اكيد فطومتي

البنات يروقبن من شق الباب
سكرن الباب وعدن وهنا يضحكو

قيس المغرب الباب يدق

نور :اريج نوضي افتحي

اريج :نوضي انتي اني نحدد لبابا

نور:افففف ديما اني ديما اني وناضت بتفتح الباب

منهو مسمعتش حد فتحت😳😳

ماهر  تلبك :ااااا اهلين  انسه نور قصدي قصدي ااا الحمد الله على سلامة الوالد

نور بصوت يادوب طالع : الله يسلمك

ماهر :اني الحق نبي نبي اني الحق منعرفش نحكي مع البنات ومن الاخر يابنت الناس اني رايدك بالحلال وكان وافقتي نبعت اهلي وكان متبيش  نسكر ع الموضوع وحتى بوسي متعرفش شي

نور معرفتش شي ادير  سكرت الباب واتكت عليه  وقعدت تتنفس بقوه   بعد اشوي رن الجرس مره اخرى اتفكرت انها سكرت في وجهه

نور فتحت  الباب : اسه... ااااااااااه مهاااااا وطول تعنقتها

مها :باهي باهي غير خليني  انخش قبل

نور بعدت وخلتها اتخش وتعنقتها مره اخرى

نور :تعاااالووو مها جت

وطبعا اول ماسمعو الاسم طول جو يجرو

وبدو يتعنقو فيها

مها :لكن والله حامقه يصير معاكم كل هدا ومتحكوليش

نور :توا انتي مسافره شهر عسل انكدو عليك ليش بابا والحمد الله بخير

هناء:اي عمي بخير ليش النكد ولا تحسابيها ديما المشيه لتركيا هيا

ساره بعد ماسكرت من حسام جت تجري لمها تعنقتها :اوووووو ليييك وحششششه ياقرده

مها:ههههههه ماشاء  الله ماشاء الله شي هالوجهه الناير هدا سيبتك شي ولقيتك شي

لبنى:ههههه ان شاء الله ماعرفتيش شي صايرلها انتي

مها باستغراب :شنو صاير

لبنى:مش بوك وافق على حبيب القلب واليوم قرو الفاتحه ودرولها مفاجاه

مها فرحت لاختها وولت تعنقتها :الف الف الف مبرووووووك  ياقلبي انتي  وخشو كسدو وبدو يهدرزو

ساره خدت مها ع جنب

ساره :شي جو وسام معاك

مها :والله احنين فيا لين خلاص

ساره :الله يعني انحل الموضوع 😉

مها :هوا انحل ومنحلش

ساره :كيف هدي هيا لغز ولا كيف

مها :يعني مزال اشوي

ساره:ووووه عليا مسكين كلا هوا تركيا شهر كامل بلا مقبلات ربي يعينه وخلاص

مها ضربتها ع كتفها:هههه ياقرده تحشمي ع وجهك

^^^^^^^^^^

عند وسام

النقيب احمد :اووووو نورت القسم ياعريس 

وسام :منور بوجودك يالغالي شي الجو كيف الحال

النقيب احمد :تمام بكل  شنجك انت شي جو العسل معاك

وسام :والله الا عسل جو العسل 😁

جي واحد من الشرطه وشوش لنقيب وطلع

وسام شبح لنقيب بمعنى شي في

النقيب احمد :والله شادين مجموعه مشروبات ممنوعه وحشيش  مع شباب والمشكله ولاد عائلات معروفه وصغار هكي بين 18او 17

وسام :لا حول ولا قوه الا بالله غيرامتى يفهمو هالشباب انهم ايضرو في ارواحهم ويركحو روحهم بس

النقيب احمد :والله بكل رايح كل من جاه هم يلجا للمشروب وانت عارف وقت يشربو ينسو كل شي ويقعدو يمشو بلا عقل  ويديرو في اللي في خاطرهم وهما عاجبهم ميعرفوش انا هالشي عاقبته كبيره

وسام خطرت ع باله فكره:ابو احميد الواحد كان شرب مره طول يدمن

النقيب :لا مش من الاول بس مرتين تلاته يتعود ليش تسئل   لتكون ناوي اتجرب

وسام :هههههه تي مالا  هبلت لا بس  سؤال خطرلي هي مال نستاذنك اني توا

النقيب :عريس عاد منقدرو انشدوك سلامات يالغالي

طلع وسام وفي خاطره واخيييرا لقت الحل

.. . . . . .يتبع