راويه (حلمت في يوم )
للكاتبه :نور أحمد

البارت18💕💕

متابعه ممتعه😍😍

^^^^^

زياد كان خاش بيشوف امه لقاها برا تنشر في عابيتها  قرب منها:حبيبتي
. . . .:قص لسانك انت من اصلا

زياد :اسف والله اسف

سجى وقلبها يدق بسرعه وتتصنع القوه :انت هي اول حاجه لا نعرفك ولا تعرفني واوعك مره تانيه تتجرأ وتحكي معايا

زياد :اسف سجو والله عارف روحي غالط وكلي غلط في غلط بس صدقيني انحبك والله انحبك ورايدك بالحلال

سجى وقلبها يوجع فيها بس متبيش تضعف:انت ياللي اشبح شي اسمك اني منعرفكش ونتمنى انك تنسى انك تعرفني وتبعد عن طريقي

وخشت تجري للحوش

زياد بوجع: اخخخ غير امتى بس تصدقيني وتسامحيني ياقلبي

^^^^^^^^
في العشيه اجمعو الاقارب والحبايب كلهم في حوش اهل العروس بيش يمشو مع بعضهم لاهل العريس
ركبو كلهم في السيارات ومشو  وقعدن
ريم وريهام وسجى وهناء  رتاج ونور وبوسي

هناء :هيا يا بنات اطلعو وقت راهو  السيارات  كلهم مشو

ريم :ومن قعدلنا احني

هناء :قعد يزيد  بيرفعنا

بوسي :اني محمد توا بيجيني

ريهام:ياحليلي سياره يزيد صغيره من بتسد

هناء نلصقو في بعضنا وخلاص

رن نقال بوسي
بوسي :ايوا ماهر  . .  . .اها ماشي هي طلعت. . . لالا نعرفو الطريق ولد خالتها تو يوريك. . . .تم هوا طالعه

نور اول ماسمعت اسمه قلبها بدا يرجف

بوسي : نووور وين رحتي هيا اطلعو حتى ماهر برا

نور فرحت لانها بتشوفه ومش فاهمه ليش قلبها يدق بسرعه وجسمها يقشعر  هكي

طلعو وركبت بوسي مع ماهر والبنات بيركن مع يزيد

نور بتركب لقت السياره مافيها وين تركب قعدت واقفه وقررت تخش ومتمشيش

بس بوسي طول فهمت ونزلتها :نوووور تعالي معانا حبيبتي بالله عليك الا تركبي

نور تحشمت اتقوللها لا بدات قدام ماهر
ركبت نور مع ماهر وهوا طول الطريق اعيونه فيها وهيا كل مابتشبحله تلقاه يشبحبها في المرايا تنزل اعيونها

^^^^^^^^^
عند محمد ووسام

وسام طلع واستقبله محمد

وسام :ياهلا بي بو حميد

محمد :100هلا بيك عريسنا

وسام:تي وين توقعتك اديرلي مقلب بس طلعت كفو يابوحميد

محمد :تي اي كفو تي كنت مدايرلك مقلب مستحيل تنساه حتى وانت في قبرك بس للاسف كلاه غيرك

وسام :واني انقوول منين الطيبه الزايده والاخلاق الحميده اتاريها مش منك هيا بس جد قول من كلها بدالي

محمد حكاله شي صار بالتفصيل

وسام :هههههههههههه والله الا هدا وين عرفت قديش ربي يحبني  ههههههههههه ااااخ ياقلبي والله تعرف لو جي عليا كنت قتلتك في وقتها

هههههههه بس مسكينه البنت تلقاه تدعي عليك من امس

محمد متعفلق:بالله عليك ماذكرني كل متذكر كيف صرخت لما صبيتا عليها انزيد انتاكد انها تدعي عليا كل شوي

وسام :ههههههههههه من حفر حفره لاخيه طاحت البنت فيها هههههههه

محمد :ههههههه  والله الا مسكينه كلا هيا شهر وان شاء الله تعدي ريحتها

^^^^^^^^^^

وصلو لحوش اهل العريس وشوي وجت مها
وكانت طالعه تجننن اكثر من يوم الزفه
والناس كلهم يحكو ع جمالها 
وطبعا وزعت افلوس ودربكولها
وحاولو الصغار يسرقو كندرتها بس هيا مخلتش حد الا اخته الصغيره لانها مواعدتها بيه

وبعدها   روحو اهل العروسه وروحت العروسه لحوشها

^^^^^^^^
في الحوش
كلهم يلمو في دبشهم بيرحو غدوا الصبح

نور:واااااو منتوحشوكم كلكم خليكم مزال اشويه

عمتهم خديجه :والله امير عند عمل كنهدا نقعد اني

وخالتهم نجلاء:اي يانويرتي والله كان بودنا نقعدو معاكم بس الصغار اقرايه

ريهام :اصلا احني منقعدو معاكم

نور:حقووو

ريهام :اي والله توا بابا قال بنقعدو هنا اني وخواتي بيش انضمو معاكم وهما بيروحو   عشان العمل وخوتي

نور تعنقت ريهام :الله حبي ربي مايحرمنا منكم

لبنى :واحنى ولا تعودتو علينا

نور تنعقنت لبنى :وووك عليا غير متزعليش انتي الكبيده

^^^^
ومرت الايام بعد ماتم العرس وروحو كلهم قعدو بس بنات العم  سالم وخالتهم منى وبناتها
وولدها الاتنين

اما مها كانت عايشه احلا ايام حياتها مع وسام ولو تبو تسألوا فنقلكم  مزال مصار بيناتهم شي ووسام يحاول ايحل العقده  بالشوي

ماهر كل يوم يزيد تفكيره بنور  وخاصه بعد ماسئل بوسي عليها وعرفها مش مخطوبه

محمد وحنين راحت علاقتهم هاديه  بس مره مره لا يخلو الامر من المشاكسه

ساره بعد روحو اقاربهم انهارت تماما وكانو الكل يعرف السبب الا بوها وقعدت لا تاكل لا تشرب وديما تبكي وتحاول توصل لحسام بس مقدرتش
والبنات حاولو يساعدوها بس للاسف محاولاتهم كلهن فشلن

الام مشغول بالها ع بناتها كلهن خايفه ع نور ترجعلها الحاله وخايفه ع مها متتأقلمش مع وسام وخايفه ع ساره يصيرلها شي

والخوف الاكبر على راجلها اللي لي فتره يتوجع ولما تساله يقول مغص او متاخديش في بالك
والفتره الاخيره راح يغيب واجد ع الحوش وميرقدش الليل من الوجع  بس كل محاولت الام تعرف يسكر ع الموضوع

^^^^^^^^

الظهر كانو كلهن مجمعين ع الغدي الا الاب اللي كاثر اغيابه ع الحوش

نور : ماما اعطيني كاشيك

الام :هاك حبيبتي

فجاه النقال رن

حنين :اني تو انرد
ناضت حنين وردت
الوو. . .... اي اني بنته ..... خيرا بابا شي فيه شي صاير.  ...... اهو توا جايين

الام منو ع النقال ياحنين

حنين :يامااااما هدوما المستشفى بابا  تعب ودخلوه للعمليات
(cry)(cry)(cry)(cry)(cry)(cry)(cry)(cry)

. . . . يتبع