رواية(حلمت في يوم)
للكاتبه :نور أحمد
البارت 14
متابعه ممتعه حبايب قلبي
~~~~~~~~~~~~~~~~

دق الباب

حنين :ساره امشي افتحي اكيد يزيد

ساره :انتي افتحي انتي اقرب

حنين :اووووف واني ديما مزبكه ومشت بتفتح الباب وهيا تتقل على خواتها:هات الصابون ليا ساعه نراجي

:اما صابون هدا

حنين شبحت للي يحكي انصدمت

محمد يشبح فيها وميت من الضحك على منظرها

حنين في خاطرها وووووه شي جابا عدا تو واني بالمنظر السخيف هدا افففف :استاذ محمد  احم شي جابك قصدي من تبي

محمد وهوا شاد ضحكته :شن ياطالبه نسيتي انا اختي عندكم 

حنين :اااا اي

محمد قعد يتمعن فيها وهيا بتوته وشعرها شادته كعكه وفي منا نازل ع وجهها وعيونه راحو قلوب قلوب

حنين ارتبك واذكرت انها بلا حجاب توترت وسكرت الباب في وجهه

محمد : هههههه مجنونه رسمي هالبنت

حنين التفتت لقت بوسي وراها

بوسي :متفتحيش متفتحيش هدا محمد

حنين في خاطرها(تعالي بدري فتحت وسكر معاها)  :باهي اللي حكيتي قبل لنفتح

بوسي:هههه كنهدا شفتي استاذك شي فيها يلا سلام حبيبتي  وطلعت
لقت محمد ع الباب

حنين خشت  معصبه وفرحانه وكل الشعور ملخبط عندها  بس شعور حلو

~~~~~~~~
الام :خلاص يامها انتي عدي

الخاله مني :بس ياختي انت تقدري تخشيله

الام ودمعها ع خدها :هدي وصيته ااااااااه ااااه عدي يامها عدي

الخاله مني بدت تبكي  مع اختها وتفكر في بنتها كيف بتخش للحوش للي مفروض يكون حوشها

مها مشت للحوش وقفت قدام الباب وبدت تبكي مش قادره تفتحا تذكر

قبل 5 اسنين

طارق يواسي في الاتات 

مها :هات انعاونك ياخوي واعر عليك

طارق :لالا مش واعر غير كملي تنظيفك انتي

مها :الله حوشك يهبل

طارق:هدا حوشك انتي وخواتي تجنا امتى متبن

مها :زعمك كان متلزنا هناء

طارق كشر :هناء تحبكن اكتر مني وتاني شي حوشكن قبل ميكون حوشها

مها  :ربي مايحرمنا منك ياغالي  

طارق:ومايحرمني منكن ومن بوي وامي وزي مقتلك زفتك وزفت خواتك كلها تطلع من هنا واني اللي منوصلك لعرسانك بسيارتي

مها تحشمت :ان شاء الله

نرجعو للواقع
مها :ااااااااه ياوخييي مشيت ياغالي وسيبتني ااااااااه يااااااارب صبرني علي فراقه ياااااارب (cry)(cry)(cry)(cry)(cry)(cry)(cry)

اتصلت بوسام

وسام :هلا بالحب هلا بمرتي حبيبتي

مها وهي تبكي:اهلين حبيبي

وسام انخلع:خيرا صوتك هكي شي في شي صاير عمي صارله شي

مها : لا شي بس اني قاعده قدام حوش طارق
زي محكيتلك

وسام تنهد:لا حول ولا قوة الا بالله  هدي روحك ياعمري واذكري الغالي كيف كان ايدير لما يشوفك تبكي وقديش ماكان يحبك وقديش حيفرح عشان حتطلعي من حوشه طارق كان يموت فيك ويستنى في فرحك بالدقيقه واكيد توا هوا فرحان عشانك
مها تسمع وتبكي
خلاص حبيبتي  نوضي وتعودي من الشيطان واذكري ضحكت الغالي وانسي كل شي بس اذكري انا هوا تو فرحان  عشانك

مها اذكرت خوها كيف كان ديما يضحك وديما يحول في الحزن من عليهم ناضت وفتحت الباب وخشت 

وسام :اوووو هكي عرفتك وهكي طروقه يبيك مها مها اخته اللي يحبها ويبيها ديما قويه ومتغلبه ع حزنها

مها:انحبك وسام انحبك  وااااجد

وسام :يابعد قلبي حسا قلبي بيطلع من مكانه هي نجيك توا وخلاص

مها :ههههه

وسام :ولك تسلملي هالضحكه اللي ادوب القلب تدويب

مها :خلاص حبيبي اني منسكر منبدي حوستي

وسام :تمام ياروح قلب ♥  حبيبك

وبدت مها اضم
~~~~~~~~~~~~

في الليل وصلو عمامهم وخلاتهم من طرابلس

ريم خشت تجري اتعنق في حنين:استاحشتك  هلباااا هلبااااااااااااات

حنين فرحانه بطير لان ريم هيا اعز وحده ع قلبها ومكانتش تعرف انها بتجي :اااااااا ياقرده والله متوحشتك لييييين خلاااااص

خلي انعرفكم على عمامهم وخوالهم

اول شي عمهم سالم ومزته فتحيه  عندا تلات بنات ريم عمرها  17 تهبل طويله وبيضه وعيونها خرش  اجمل وحده في خواتها وتموت في أمير
وريهام  بنت حشوميه واحد عمرها 19 شكلها قنين وحشمتها زايدتها حلاوه و سجى 23  سنه عبقريه تقرا في الهندسه شكلها قنين

وعمهم محمد ومرته سهام عند ولد وبنتين  أحمد  عمره 26 يخدم في شركه سياحه و اسراء و رفلاء توم عمرهم 16  فوله وانقسمت نصين امهم ماتعرف اتفرق بينهم متعلقين ببعضهم واجد وجوهم هياجه وخلاص 24 ساعه مقالب

وعمتهم اسماء عندها تلات اولاد عبد السلام وعبد الرحمن   وعبد العزيز  التلاته توم
وجابتهم بعد فتره طويله من زواجها جوهم اطلع طول هياجه من الاخير  عمرهم 20

وعمتهم خديجه عندها ولد واحد  وهوا أمير ولد راقي لين خلاص ومتربي عالعز عمره 25 قنين لين خلاص عندا شركه

خوالهم
خالهم ابراهيم ومرته وداد عندهم بنت وولد اسيل و ايهم اسيل عمرها 5 وايهم 7

خالهم محمد ومرته ايمان عندا ولدين وبنت جواد و همام   جواد 8 سنين وهمام7
وبنتهم ارين 3 سنين

وخالتهم لطيفه عندها ولدين وتلات بنات حواء 9 سنين وندى 3 و راويه 6 شهور وعمر 7 وعيسى 5

وخالتهم نجلاء عندها 3 بنات وولدين مستشهدين في الحرب
سلمى 18 وسوسن 17 وسوزي 15

وخالتهم منى جو بناتها  هناء 25 ولبنى23 و رتاج 18وولدها زياد 22

المهم هدم كلهم هدوو عشان العرس ولانا ليهم من سنتين معاش جو لمصراته للعلم هما كانوو في طرابلس وجو مجموعه كبيره بسسب الامان  الناقص

وتوا نرجعو للعيله

خشو هلهم وبدو يرحبو ببعضهم

نور :هههههههه متغيرتيش بكل

سوسن :شي بغيرني لا ازوجت ولا نخطبت ولا حبيت ياحسره عليا ههههه

نور:والله جو عليك حسا فرحتي بيكم ماني عاطيتها لحد

سلمى نطت ع نور :اووووووو نووور

نور :كسرتلي عظااااامييي

سلمي :ههههههه تكبري وتنسيها ههههه وين عروستنا

نور :قاعده في حوش  طارق توتي فيه عشان  نباتو فيه

سوسن :من جدك نور

نور تنهدت :اي من جدي هيا صعبه علينا لانا من اما صار اللي صار مخشينالاش بس جي وقته

سوسن :وهناء  شن

نور :والله مش عارف بس ان شاء الله خير     
المهم هيا تعالو شفو الحوش غيرناه بعد اخر مره

~~~~~

هناء :الله حوشكم رايح يجنن

ساره :هدا ذوق بابا ياحنه

سجي :سلم عمي وذوقه اللي يقتل 

لبنى :حتى خالتي طالقه عليه ياحنه

هناء: غير راكم التعاركو  بس حقا سرو وين العروس مال

سار تلبكت ومعاش عرفت شي تقول :اااا في الحوش التاني اضم فيه لانا منستحقوه في العرس

هناء كانا موس انغرس في جرحها القديم ودمعتها طول نزلت :حححح حوش ططارق

لبني وسجى يشبحو لساره بصدمه

ساره حتى هيا دمعوها بدو زي المطر :اي حوش طارق حوش خويا ياهناء جرحنا زي ج ك كان مش  اكبر   و طارق جرحنا اللي عمرا مسكر بس جي الوقت اللي نحاولو نقتنعو انا خلاص راح ولازم تعرفي انا فتحنا حوشه لانا هوا كان ديما يقول لمها انا بيدير عرسها فيه لما كانت اتشطب فيه معاه لعرسكم

هناء انهدت بكي  وقمعزت ع الوطى

لبني:ساره خلاص معاش تكملي
سجي :الله غالب يا هنو ربي يصبرك وهدا وعده لاخته وانت عارفه طارق قديش يحب مها

هناء :عارفه والله عارفه بس مش قادره نذكر فيه وحتى اني قالي انا عرس مها بنديره في حوشنا بس بس بس اااا اااا اااا ااه

لبنى :معنتا من حقه عليك انك توفي بوعده مش تبكي لانا بنفدو طلبه

هناء مسحت دموعها وصبت :اااارفعوني للحوش نبي نشوفه

ساره :ماما مانعه حد يمشي غير مها لين يتم الضمان

لبنى :بس هن
قطعتها هناء :كلام خالتي يمشي

ومشت ورا الحوش

لبنى بتلحقها ساره شدتها

ساره :خليها اول مره تمشي لورا الحوش بلاه

هناء تبكي بشهقتها:ااااه وينك وينك توووووحشششتتتك توووووحشششتتتك نبييييييييييك  عرس مها جي وانت مش معايا ومعندناش صغار زي ماقتلي  اااااااخ ياروحي الحياه  بلا طعم ولاريحه بلاك ياعمري يا نبض قلبي يا طروقه توحشتك  تعال اني في مكانا بس انت مهناكش اني جيت لمكانا انت وينك  ديما تجي قبلي ليش ماجيييت ااااااااه ااااااااه

~~~~~~~~~~

جوري :والله جو من لخير

رفلاء واسراء :مش غيييير

اريج:معنتا اي شي اديروه نخافو منا احنى

سوزي :لا بالعكس انضمو قواتنا ونهيجوا مع بعض هههههههه

كلهم اتفقنا ههههههههه

~~~~~~~

حنين :تعالي احكلي  على امير نسمع في عمتي قالت جي

ريم :بالله  اسكتي ساكته امير قتلني قتل صوته سنفونيه كلامه ذرر حركاته جذابه اخ ياقلبي

حنين لا انتي مصفيه ع الاخر  ربي يعنكم عليها

ريهام :قولي ربي  يعينه عليها مسكين بتقتله لغيرتها  حتى كن الهوا تغار

ريم:والله هوا ينحب حتى من الهوا شي مندير 

حنين:ههههههه لا هدي خالصه ع الاخر

ريهام :هههههه بكل ربي يستر علينا من هالعرس

ريم :اي حقا وين منرقدوا واحني فيلق

حنين :في حوش طارق

ريم وريهام: شنووريم وريهام: شنووووو

حنين:زي مقتلكم هكي بابا وماما قالو لان الغالي موصيهم

ريم:بس هناء

ريهام:قولي امهم ومها ونور واريج وجوري وعمي

حنين: امي وبوي هما اللي قرروا ومها توا ماشيه توتي فيه

ريم :ربي يستر  بس كيف مها بروحها

حنين :هوا زمان هكي مقايل واصلا من يوم صار اللي صار وكل اسبوع اتجي خدامه تنظف وتسقي في الزرع

ريهام:ااااه وخلاص ربي يصبركم

~~~~~~

وكملو الليله تعشو وهدرزو ودارو المناديل وجي وقت النوم

كانو كلهم في الصاله الكبيره

الام نبي ندويلكم حاجه 
الكل يشبحو فيها

الام اني قبل خمس سنين فقدت كبدي وروحي  صحتي مع بعض فقدت اغلى شي على ولدي اللي كان مصدر فرحي  ولدي اللي عمرا ماكشر في وجهي اللي ديما قايمي فوق راسه قوم اااااه طارق الجرح اللي ينزف من خمس اسنين اللي مفروض كان عريس بس بدل خيمه العرس درتله خيمه عزاه

الكل بدو يبكو

ولدي قبل لنفقده كان ديما ايقولي يامي خواتي يزفن من حوشي وعرسهن في حوشي واني انوصلهن لعرسانهن كانن خواته عيونه اللي يشوف بيهن ولدي الغالي اليوم مهناكش بيش يرفعنهن بس حوشه قاعد ومعاش اللي يكسر وعد وهوا قاعد بيش يكسرا وا مهناش سامحمي ياهناء يابنتي سامحني منفتحلك جروحك بس صدقيني اني قلبي مش طايق قراري بس هدي رغبته هدا بيش توا كلنا منمشو لحوش طارق ومنديرو العرس غادي والحوسه بس هنا  هيا نوضو وساندوني راهو قلبي متفتفت عليه وغلي خشت حوشه وهوا مش فيه

ناضو وكلهم معا بعض وكلهم قلبهم بيطلع لانا طارق كان مسيب عند كل واحد فيهم موقف وفرحه زارعها في قلبه

خشو كلهم وهنا كانت المفاجأة ..........

....... يتبع