رواية (حلمت في يوم )
للكاتبه:نور أحمد

البارت 13(heart)(heart)(heart)

متابعه ممتعه(teary)(teary)
~~~~~~~~~~~

بوسي هيا اطلعي السواقه برا

نور نزلت وركبت  في السياره وأول وارتفعت عيونها في اللي يسوق انصدمت (surprised)
هدا هوا اي هوا

بوسي :اسفه بس مقدرتش اقولك انا السواقه اعتذرت قبل شوي ولخويا هوا بيرفعنا  لاني كنت عارفه  انك حترفضي😬😬

نور قلبها بيطلع منها (هدا هوا والله هوا الحمد الله يارب اني شفته بيش نشكره)

بوسي باستغراب:هيييي نور وين رحتي😯😯

نور قاعده تبرق في المرايا اللي باين فيها وجهه(اكيد هوا اني منتخيلش اكيد)

بوسي :يناري  ماهر اشبح خيرها البنت

ماهر التفت لبوسي وحتى هوا قعد يشبح  لنور وخلاص 

بوسي مصدومه منهم :وتشبح  فيهم كيف يشبحو  لبعضهم

ماهر ونور حسو ببعضهم وغيروا  مجال نظرهم بسرعه

شوي وجت مطبه  قدام السياره وماهر منتبهلهاش

بوسي خبطت في سقف

بوسي :يا حليلي  انتبه بتقتلنا راك

ماهر مردش برقت  في نور لقتها  في عالم تاني 

بوسي :اي لا اكيد في شي 😑😵

^^^^^^^^^^^

محمد :حسا راسي بينفجر

وسام، :ههههههه قتلك انت مش قدها

محمد: آمالا لوزه هيا اتقول مرتكه
=طبعا اللوزه هيا انا الواحد يشبك ايديه ببعضهم ويضرب رأس صاحبه أو خوه ويشوف من يتحمل اكتر)
وسام:هههههههه تذكر زمان لما كنت أدير فيها لهاله وتمشي تشكي فيك

محمد، :ههههه والابله توقفنا اني وياك ع الحيط هههه

وسام :ايام والله

محمد :وتوا رحنا عرسان ومنجوزو اللي نبوها ودرنا قصه ولا قيس وليلى

وسام: هههههههه  بالله معاد تشبهني بيهم من لما شبحت  صورهم كرهتهم

محمد :والله انها صدمه قويه 😵

وسام :اي وتعال هنا ع سيره قيس وليلى
امتى بنفرحو بيك

محمد :عام يجزو البقر ويطلع للقرد قرون

وسام:هههههههه يانعشكلك بكل للقرد اقرون  صار ههههه

محمد :هههههه هيا كمل بيش نمشو نكملو مشاويرنا قبل الظهر

وسام خدي مفاتيحه  ونقاله :هي نوض هي
وطلع

محمد شرب باقي العصير وحط لحساب  :هي لاحقك

*****
ماهر في السياره يراجي في نور وساره ويفكر:اي والله هدى هيا واخيرا شفتها مره تانيه كنت متأكد انا القدر بيجمعنا  الحمد الله
احسن شي توا نحكيلها ونحاول اني نتقرب منها  لالا شي تو تحسابني  نجمل عليه اووووف خلاص مش حنحكي شي

نور وبوسي ركبن في السياره:قلبها بيطلع منها

بوسي:نور نور😡

نور :ااا نعم

بوسي :ليا ساعه نحكي معاك وانتي فاتني

نور بربكه:اسفه حبيبتي والله مكان قصدي

ماهر يسمع في صوتها ومنسجم ع الاخر

بوسي :ماهر ماهر

ماهر :هاشنو

بوسي بنرفزه :  اي لا عاد انتم مش طبعيين

ماهر :شي  كنت بتقولي

بوسي:ارفعنا لمحلاتك

ماهر:حاضر

وقعدو يسوقو وماهر محولش عينه من على نور وكانا حتى هوا ماصدق لقاها ونور تحاول تشبحلا  بس كل متشيع عينها تتلاقا مع عيونه
وبوسي تشبح فيهم وراسها كلا علامات استفهام

^^^^^^^^^^

ساره راقده وتفكر :اووووف والله  توحشتك
💔 معقوله الفتره هدي كلها قادر ع بعدي وانت اللي كترقد بلا متشبحني زعما شي فيك ياقلبي اااااااخ لو كنت نقدر نوصلك يارب تكون بخير يااااارب

حنين جتها:مصح الله في وجهك قاعده متمدده ومسيبتيني نكرد في الفرش بروحي

ساره مسحت الدمعه اللي في عينها:اووووه باهي وانت هادا عليا اول مره تغسلي الفرش واتقول محد يغسل غيرك

حنين:ايييي نوضي نوضي متقدرش بروحي
ومها متقدرش ادير شي لانها مدايره قناع لبشرتها

ساره في خاطرها العقبه ليا اندير اقنعه:هي امشي  لاحقتك هي

^^^^^^^^^^^

الام :مش عارفه خير ه الراجل الايام هدينا مهموم ومضايق(sad)

الخاله منى:خيرا باسم الله شي قالك

الام :ياريته يقول والله حسا قلبي يتقطع عليه وهوا مداير روحه اموره تمام بس اني نحس بيه والله ليه قريب شهر  مضاق طعم النوم ومره مره يتوجع  وكل منساله ينكر ويقولي تتخايلي

الخاله منى:وبلكي حقا زي ماقالك ياوخيتي غير انتي يتهايالك

الام:اني متاكده هدا راجلي ونعرفه زين وعمري ما حسيت شي وطلع غلط معاه

الخاله منى:ان شاء الله خير ياربي ياسيدي انتي متشغليش بالك توا خلي العرس ايتم ع خير وبعدها لكل حادث حديث

الام :رايك وهدايه الله ياختي

نور وبوسي وصلو 
نور خشت

ماهر :شنو بتروحي توا

بوسي :لا منقعد شوي منفرش الحوش معاهم

ماهر :خلاص معناها تو نشوف محمد يروح بيك

بوسي:تم

خشت وطول شدت نور

بوسي:تعالي جاي فسريلي اللي شفته بسرعه واضح انك انت وماهر تعرفو بعض منين تعرفيه وليش مقلتليش بسرعه خبريني  قبل لننجن

نور :ههه والله قلت اول ماننزلو اكيد بديرلي تحقيق بس والله الكلام رايح مني بس حاجه وحده انقولهلك خوك بطل بمعنى الكلمه

بوسي:اووف نور احكيلي شنو ليش خويا بطل وكيف عرفتيه

نور:لا مش توا مزال

بوسي
  اووووف ميبس راسك البلي

نور :هههه يابس يابس المهم مش حنحكي

وخشو بدو يضمو في الحوش ويفضو فيه عشان العرس وجي  وحنين قاعده حاصله في الفرش

حنين:اووووف وين الصابون

ساره :من شباك الصاله :يزيد ماشي بيجيب تو يجي

دق الباب

حنين :ساره امشي افتحي اكيد يزيد

ساره :انتي افتحي انتي اقرب

حنين :اووووف واني ديما مزبكه ومشت بتفتح الباب وهيا تتقل على خواتها:هات الصابون ليا ساعه نراجي

:اما صابون هدا

حنين شبحت للي يحكي انصدمت

........ يتبع