رواية (حلمت في يوم )
للكاتبه:نور أحمد

البارت 12(heart)(heart)(heart)

متابعه ممتعه(teary)(teary)
~~~~~~~~
وبدو  يدورو فيها وقعد نص ساعه من التدوير  والبنت اتقول فص ملح وداااب
الأم بدت ترعش وتبكي :البنت وين طارت وين مشت وهيا هكي ياااااربي

الخاله منى :لا حول ولاقوة إلا بالله هدي روحك ياوخيتي ماعندها وين تمشي 

ساره:وااااو بابا عنده عمليه توا ويزيد مهناكش في المربوعه

الخاله منى:اتصلى شوفيه يجي يدورها معانا

مها :اني اني تو نتصل 
يزيد :الو  السلام عليكم

مها:وعليكم السلام اني مها
يزيد تعال نبوك نور  معاش لقيناها

يزيد:هدي روحك شوي متاخفوش عليها نور معايا  لقيتها مضايقه قلتك نخليها تفردهد شوي

مها تنهدت براحه:اوووف  الحمد الله يارب ربي يبشرك بالخير

يزيد :هي سلامات توا شوي ونوصلو
وسكر
نور كانت راكبه من ورا ومتكيه رأسها ع الشباك :يزيد وين ماشين

يزيد :نعم نويره ا مروحين

نور :ارفعني المحل اللي جبتنا منا اني ومها  آخر مره

يزيد تردد وفكر شوي قال في خاطره (احسن حل للنسيان المواجهه):حاضر 

صلو للمحل نزلت  هيا ويزيد
يزيد :متاكده بتخشي

نور قلبها بيطلع منها:ايه ضروري  انشوفه نبي نعرف ليش دافع عليا

يزيد :بسم الله
وخشو سؤلو  عليه لقوه مهناكش وخبروهم انا هوا صاحب المحل واليوم هدكا كان داير جوله على محلاته وصار الموضوع صدفه

~~~~~

الأم :شي قالك

مها :نور معاه هوا مطلعها

الكل الحمد الله

الام:ياربي يردلي بنيتي ياربي تعبت واني نشوفها  بهالحاله هدي (sad)

بوسي :ولا يهمك صدقيني نور حتولى زي قبل  احسن(flirt)

الأم:يسمع منك ربي (sad)

نور خشت مضايقه ومشت  طول للدار لقت وحده متغيره ببطانيتها  :اريج نوضي مخاطريش نحكي
محد رد عليها
حولت البطاريه تفاجئة
بوسي نطت عليها :وووو توووووحشششتتتك يافرخه 
نور فرحت واجد وزادت تعنقتها:توحشتك يالقاطعه
وقمعزن وبدن يهدرزن ونور تغير  جوها

بوسي،، :ههههه والله لاهكي حسني لتوا مقهوره

نور :والله  جو عليك كلا انتي

بوسي:كان منعرفكش انقول  عليك بريئه ومادري في حاجه

وقعدن  يهدرزن ويذكرو  في طفولتهن وبدأ جو نور يتغير شوي

تسريع الاحداث  مر شهر وكان كالتالي
نور تحسنت واااجد  وتقريبا رجعت زي قبل وكل بفضل الله ثم بوسي اللي وقفت معاها وقفت اخت وساعدتها عشان ترجع زي قبل واحسن  وكانت نور ديما تمشي للمحل ع امل تشوف البطل لكن للأسف مقدرته تشوفه

حسام مزال  مروحش وساره تتصل بيه ميردش و
حنين ومحمد زي القطوس  والفار
مها ووسام عرسهم الأسبوع هدا
^^^^^^^
، الأم :حنين هيا نوضي ساد من النوم هيا، منحولو  الفرش الجديد ونجيبو لقديم  عشان مايفسدش
حنين :اه ياماما هدا وين رقدت اني خليه الفرش بكرا انحوله

الام:ياربي عيني ع البنت  البايره  كان عطيتها نشاط زي مخها ياربي

حنين:اففف  نضت  هيا تتريح  واني ظهري ينكسر صدق من قال العروس العريس والحوسه  المتعوس

الأم، :يلا نوضي وقت بلا دوه زايده ورنا حتى تسيق اللايده

نور:ماما منمشي  اني وبوسي للسوق منشري  عقاب النواقص  ونجو

الأم : باهي خلاص عدو بسرعه ومطولوش بيجو عمامك  وخوالك  في الليل

نور :حاضر  يانبع الحنان
نقال نور رن  هيا بوسي تتصل

فتحت لبوسي

بوسي هيا اطلعي السواقه برا

نور نزلت وركبت  في السياره وأول وارتفعت عيونها في اللي يسوق انصدمت (surprised)(surprised)

......... يتبع